არქივი
კურსი
კონვერტორი
USD
1 USD
2.4767
EUR
1 EUR
3.0558
RUB
100 RUB
4.3679
21-02-2018
Hurriyetdailynews - სტამბოლში ნაპოვნი ვან დეიკის ნახატი ორიგინალია
10:54 09-01-2016
Hurriyetdailynews - სტამბოლში ნაპოვნი ვან დეიკის ნახატი ორიგინალია თურქეთის ქალაქ სტამბოლში ნაპოვნი ჰოლანდიელი მხატვრის ვან დეიკის ნამუშევარი ორიგინალია, - ამის შესახებ Hurriyetdailynews-ი ექსპერტების კომენტარზე დაყრდნობით წერს. გავრცელებული ცნობით, ენტონი ვან დეიკის ნახატს პირველადი ექსპერტიზა უკვე ჩაუტარდა. საბოლოო დასკვნას კი თურქეთის ხელოვნების უნივერსიტეტის ექსპერტები გააკეთებენ.

დაკარგული ვან დეიკის ნახატი სტამბოლში მაშინ აღმოაჩინეს, როდესაც მის გაყიდვას ორი ბიზნესმენი ცდილობდა. როგორც თურქეთის სამართალდამცავ უწყებაში აცხადებენ, ჰოლანდიელი მხატვრის ნამუშევარი ევროპის ერთ-ერთ ქვეყანაში მოიპარეს და რუსეთისა და საქართველოს გავლით სტამბოლში ჩაიტანეს.

თურქეთის პოლიციამ სპეცოპერაციის შედეგად ნახატი იპოვა. კერძოდ, სამართლდამცველები ბიზნესმენებს მყიდველების სახელით დაუკავშირდნენ და მისი ყიდვა შესთავაზეს.

გავრცელებული ცნობით, ბიზნესმენებმა, რომელთა ვინაობაც არ სახელდება, ნახატში 14 მილიონი თურქული ლირა მოითხოვეს. დაკავება სტამბოლის ერთ-ერთი სასტუმროს ნომერში მოხდა. დაკავებულებმა განაცხადეს, რომ ნახატი მათ საქართველოში მძარცველთა ჯგუფისგან 200 000 დოლარად შეიძინეს.

ვან დეიკი ცნობილი ჰოლანდიელი მხატვარია, რომელიც ბიბლიურ და მითოლოგიურ პერსონაჟებს ხატავდა.

იხილეთ ვიდეო: როგორ გააქვთ ბიზნესმენებს 14-მილიონიანი ნახატი - სათვალთვალო კამერის კადრები

PLAYER_GET_VIDEOFLASH
მასალის გამოყენების პირობები