არქივი
კურსი
კონვერტორი
USD
1 USD
2.4738
EUR
1 EUR
2.9661
RUB
100 RUB
4.2619
20-09-2017
აშშ-ის სენატმა კანონპროექტი მიიღო, რომლითაც ევროპაში, მათ შორის, საქართველოში რუსეთის ქმედებებს გმობს
17:06 19-06-2017
აშშ-ის სენატმა კანონპროექტი მიიღო, რომლითაც ევროპაში, მათ შორის, საქართველოში რუსეთის ქმედებებს გმობს აშშ-ის სენატმა მიიღო კანონპროექტი, რომლითაც გმობს რუსეთის ფედერაციის მიერ ევროპაში, მათ შორის, საქართველოში განხორციელებულ და მიმდინარე ქმედებებს და ასახავს მათ აღსაკვეთად აშშ-ის ხელისუფლების მიერ განსახორციელებელ კონტრზომებს. ამის შესახებ ინფორმაციას აშშ-ს კონგრესის საიტი ავრცელებს.

ოფიციალური ინფორმაციით, აშშ-ის საკანონმდებლო ორგანოს მიერ გრძელდება საქართველოს ტერიტორიული მთლიანობის მტკიცე მხარდაჭერა. კერძოდ, 2017 წლის 15 ივნისს, აშშ-ის სენატმა ხმათა აბსოლუტური უმრავლესობით (97 მომხრე, 2-ის წინააღმდეგ) მიიღო კანონპროექტი რუსეთის მიმართ ახალი სანქციების შემოღების თაობაზე, რომელიც წარმოადგენს ირანთან მიმართებაში დაწესებული ყოვლისმომცველი სანქციების ნაწილს და ასახავს რუსეთის აგრესიული ქმედებების აღსაკვეთად, აშშ-ის ხელისუფლების მიერ განსახორციელებელ კონტრზომებს.

კანონპროექტი მიზნად ისახავს: რუსეთის მიმართ არსებული სანქციების რეჟიმის ბაზის განვრცობას; რუსეთის მიმართ დამატებითი სანქციების დაწესების ხელშეწყობას; ზრდის აშშ-ის ხაზინის დეპარტამენტის შესაძლებლობებს, აქტიური მონიტორინგი გაუწიოს კანონით აკრძალულ ფინანსურ მიმოქცევას, მათ შორის, რუსეთთან დაკავშირებულ მსგავს (ფინანსურ) აქტივობებს.

კანონპროექტი გმობს რუსეთის ფედერაციის მიერ ევროპისა და ევრაზიის ქვეყნებში, მათ შორის, საქართველოსა და უკრაინაში განხორციელებულ და მიმდინარე აგრესიულ ქმედებებს, საერთაშორისო სამართლისა და ნაკისრი ვალდებულებების უგულებელყოფას, საქართველოს რეგიონების უკანონო ოკუპაციას, 2008 წელს ნაკისრი ვალდებულებების შეუსრულებლობას და მოუწოდებს აგრესიის დაუყოვნებლივი შეწყვეტისა და ნაკისრი ვალდებულებების შესრულებისაკენ.

კანონპროექტი ითვალისწინებს აშშ-ის მიერ 2018-2019 ფისკალური წლებისთვის 250 მილიონი აშშ დოლარის გამოყოფას, რომელიც მოხმარდება, ნატოსა და ევროკავშირის წევრი ქვეყნების, ასევე, მათ შორის, საქართველოსა და უკრაინაში განხორციელებული და მიმდინარე რუსეთის ზემოქმედების აღსაკვეთად გამიზნულ ქმედებებს.

ცნობისათვის, დღემდე, აშშ-ს დაწესებული ჰქონდა სანქციები რუსეთზე მის მიერ ყირიმის ანექსიასთან და უკრაინაში განხორციელებულ აგრესიულ ქმედებებთან დაკავშირებით. კანონპროექტი კანონის ძალით ამყარებს რუსეთის წინააღმდეგ უკვე დაწესებულ, არსებულ სანქციებს და გულისხმობს ახალი სანქციების შემოღებას რუსული ბიზნესისა და რუსი მაღალჩინოსნების, ასევე, იმ იურიდიული, თუ ფიზიკური პირების მიმართ, რომლებიც აშშ-ის წინააღმდეგ ახორციელებენ დესტრუქციულ კიბერ-აქტოვობებს. კანონპროექტი ასევე აწესებს სანქციებს მათ წინააღმდეგ, ვინც ახორციელებს ადამიანის უფლებათა სერიოზულ დარღვევებს. სანქციები აგრეთვე შეეხება იმ პირებს, რომლებიც ჩართულნი არიან სახელმწიფო საკუთრების კორუმპირებული გზით პრივატიზებაში, ამასთან, ვრცელდება იმ პირებზე, რომლებიც განაგრძობენ სირიის პრეზიდენტის ბაშარ ალ-ასადის მთავრობისთვის შეიარაღების მიწოდებას, ან აწარმოებენ ბიზნეს საქმიანობას რუსეთის სადაზვერვო და თავდაცვის სექტორებთან თანამშრომლობით. კანონპროექტი აწესებს ახალ სანქციებს რუსეთის ეკონომიკის ძირითად დარგებზე, მათ შორის, სამთო-მომპოვებელი მრეწველობის, ენერგეტიკის, მეტალურგიულ, საზღვაო და სარკინიგზო გადაზიდვის სექტორებზე. კანონპროექტი გამოხატავს მნიშვნელოვან მხარდაჭერას ცენტრალური და აღმოსავლეთ ევროპის ქვეყნებში დემოკრატიული ინსტიტუტების გაძლიერებისა და დეზინფორმაციის აღკვეთის მიმართულებით - იქ, სადაც მაღალია რუსეთის აგრესიისა და ჩარევისადმი მოწყვლადობის დონე.

ახალ სანქციებს მიენიჭება სავალდებულო კანონის ძალა წარმომადგენელთა პალატის მიერ მისი დამტკიცებისა და პრეზიდენტის მხრიდან ხელმოწერის შემდეგ. თუკი დღემდე არსებული სანქციების შემოღება ხდებოდა აღმასრულებელი ბრძანებით, აღნიშნული კანონის შემოღების შემთხვევაში მისი გაუქმება უკვე აშშ-ის კონგრესის უშუალო თანხმობას მოითხოვს.
მასალის გამოყენების პირობები
სხვა სიახლეები
დონალდ ტრამპი - ღმერთმა დალოცოს მექსიკელი ხალხი, ჩვენ თქვენთან ვართ და თქვენთან ვიქნებით
აშშ-ის პრეზიდენტმა დონალდ ტრამპმა მექსიკის მხარდამჭერი განცხადება გააკეთა, სადაც დღეს ძლიერი მიწისძვრა დაფიქსირდა.
მექსიკაში მიწისძვრის შედეგად 45 ადამიანი დაიღუპა და ათეულობით დაშავდა
მექსიკის ქალაქ პუებლა-დე-სარაგოსასთან დღეს საღამოს ძლიერი მიწისძვრა მოხდა, რომლის სიმძლავრემ 7,1 მაგნიტუდა შეადგინა.
 კიევის დნეპროვის რაიონულმა სასამართლომ არსენი ავაკოვის სარჩელის განხილვა დაიწყო
კიევის დნეპროვის რაიონულმა სასამართლომ უკრაინის შს მინისტრის არსენი ავაკოვის სარჩელის განხილვა დაიწყო. მინისტრის სარჩელი ოდესის
 დონალდ ტრამპი - აშშ მზადაა მთლიანად გაანადგუროს ჩრდილოეთ კორეა
აშშ მზადაა მთლიანად გაანადგუროს ჩრდილოეთ კორეა, თუმცა, იმედოვნებს, რომ ჩრდილოეთ კორეის წინააღმდეგ ძალისმიერი მეთოდების
 დონალდ ტრამპი - აშშ დაამარცხებს ისლამურ ექსტრემიზმს
აშშ-ის პრეზიდნტის დონალდ ტრამპის განცხადებით, შეერთებული შტატები შეაჩერებს ისლამურ ექსტრემიზმს და არ მისცემს მას შესაძლებლობას,
 უკრაინიდან ე.წ. კრიმინალური ავტორიტეტი „თენგო გალსკი“ გააძევეს
უკრაინელმა სამართალდამცველებმა ქართველი კრიმინალური ავტორიტეტი „თენგო გალსკი“ ქვეყნიდან გააძევეს. ipress.ua-ს ინფორმაციით, მას
 დონალდ ტრამპი - აშშ არა ტერიტორიული ექსპანსიისკენ, არამედ ”ჰარმონიისა და მეგობრობისკენ” ისწრაფვის
აშშ არა ტერიტორიული ექსპანსიისკენ, არამედ ”ჰარმონიისა და მეგობრობისკენ” ისწრაფვის. ამის შესახებ გაერო-ს გენერალურ ასამბლეაზე ზოგადი
 ანტონიო გუტიერეში მსოფლიო ლიდერებს აფრთხილებს, რომ ბირთვული თავდასხმის საფრთხე, „ცივი ომის“ შემდეგ, ყველაზე მაღალ დონეზეა
გაეროს გენერალური მდივანი ანტონიო გუტიერეში მსოფლიო ლიდერებს აფრთხილებს, რომ ბირთვული თავდასხმის საფრთხე, ამ დროისთვის, „ცივი ომის“
პარიზში, ორი წლის წინ მომხდარი ტერაქტების საქმეზე ერთადერთ დაკავებულს პატიმრობის პირობები შეუმსუბუქეს
პარიზში, 2015 წლის 13 ნოემბერს მომხდარი ტერაქტების მომზადებასა და განხორციელების საქმეში ერთადერთ დაკავებულს, სალაჰ აბდესლამს
ბაქოში კოსმეტიკის მწარმოებელი ქარხანა Gazelli იწვის
აზერბაიჯანის დედაქალაქ ბაქოში კოსმეტიკის მწარმოებელი ქარხანა Gazelli იწვის. ადგილობრივი მედიის ინფორმაციით, ხანძარი ქარხნის საწყობში განჩდა.