არქივი
კურსი
კონვერტორი
USD
1 USD
2.4579
EUR
1 EUR
2.8357
RUB
100 RUB
3.8519
22-06-2018
თამაზ მეჭიაური - ლოგიკას მოკლებული სცენარი არ არის ეროვნული ბანკის ახალი პრეზიდენტის არჩევა წლის ბოლომდე გადავადდეს
12:17 06-01-2016
თამაზ მეჭიაური - ლოგიკას მოკლებული სცენარი არ არის ეროვნული ბანკის ახალი პრეზიდენტის არჩევა წლის ბოლომდე გადავადდეს პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური არ გამორიცხავს, რომ ეროვნული ბანკის პრეზიდენტის პოსტისთვის ძირითადი ბრძოლა წლის ბოლოსთვის გაიმართოს.
როგორც მეჭიაურმა "ინტერპრესნიუსს" განუცხადა, "ლოგიკას მოკლებული სცენარი არ არის", ეროვნული ბანკის ახალი პრეზიდენტის არჩევა წლის ბოლომდე გადავადდეს, როდესაც ეროვნული ბანკის საბჭოს შემადგენლობა განახლდება.
"კანონმდებლობის შესაბამისად, ეროვნული ბანკის პრეზიდენტს თავისი რიგებიდან ირჩევს ეროვნული ბანკის საბჭო და პრეზიდენტს დასამტკიცებლად წარუდგენს. აქ პარლამენტი უკვე არანაირი ფორმით არ მონაწილეობს, ფაქტობრივად, ბურთი ქვეყნის პრეზიდენტის მინდორზეა და უმეტესწილად ის განსაზღვრავს, ვინ იქნება ეროვნული ბანკის მომავალი პრეზიდენტი. მოგეხსენებათ, ძნელი სათქმელია ვის შეარჩევს საბჭოს 7 წევრი, საიდანაც უკვე სამი იქნება ისეთი, რომელსაც წლის ბოლომდე გასდის ვადა და ორი - პრეზიდენტის მიერ წარდგენილი და პარლამენტის მიერ დამტკიცებული, დანარჩენი ორი - უფრო მეტი ვადით არჩეული. არ არის გამორიცხული, გარდამავალ ეტაპზე შეირჩიეს ვინმე, ვისაც უფლებამოსილების ვადა წლის ბოლომდე გასდის და ის იყოს თავისი უფლებამოსილების ვადით ეროვნული ბანკის პრეზიდენტის მოვალეობის შემსრულებელი ან პრეზიდენტი და შემდეგ ეს ყველაფერი - ძირითადი ბრძოლა პრეზიდენტის პოსტისთვის - გადაიტანოს შემოდგომის შემდეგ, როცა უკვე სრულად დაკომპლექტდება ახალი საბჭო", - განაცხადა მეჭიაურმა.
ამასთან, დეპუტატი ხაზს უსვამს, რომ პარლამენტს არანაირი ზეგავლენის მოხდება არ შეუძლია იმ გადაწყვეტილებაზე, თუ ვის წარადგენენ ეროვნული ბანკის პრეზიდენტად.
რაც შეეხება იმას, აქვს თუ არა პარლამენტს მზადყოფნა, დაამტკიცოს ეროვნული ბანკის საბჭოს წევრის ვაკანტურ თანამდებობაზე პრეზიდენტის მიერ წარდგენილი კანდიდატურა, მეჭიაურის აზრით, "თუ კარგი კანდიდატურა იქნება წარმოდგენილი, რაიმე მოტივი, რომ პარლამენტმა ჯიბრზე არ დაამტკიცოს იგი, არ არსებობს".
როგორც ცნობილია, ეროვნული ბანკის თავმჯდომარესა და შესაბამისად, ეროვნული ბანკის საბჭოს წევრ გიორგი ქადაგიძეს მიმდინარე წლის თებერვალში უფლებამოსილების ვადა ეწურება. "საქართველოს ეროვნული ბანკის შესახებ" ორგანული კანონის მიხედვით კი, ეროვნული ბანკის საბჭოს წევრების შერჩევის კომპეტენცია საქართველოს პრეზიდენტს აქვს და მათ პარლამენტი სწორედ ქვეყნის პირველი პირის წარდგინებით, სიითი შემადგენლობის უმრავლესობით და 7-წლიანი ვადით ირჩევს. საქართველოს პრეზიდენტი ნიშნავს და ათავისუფლებს უშუალოდ ეროვნული ბანკის პრეზიდენტსაც, თუმცა, კანონმდებლობის მიხედვით, ეს ხდება ეროვნული ბანკის საბჭოს წარდგინებით უშუალოდ საბჭოს შემადგენლობიდან.
ეროვნული ბანკის საბჭოს მოქმედ წევრებს უფლებამოსილების 7 წლიანი ვადა სხვადასხვა დროს ეწურებათ, შესაბამისად გიორგი ქადაგიძის წასვლის შემდეგ საბჭოში მხოლოდ ერთი ვაკანტური ადგილი გაჩნდება და საბჭო დანარჩენი - 6 კაციანი შემადგენლობით კვლავ უფლებამოსილი იქნება მუშაობა გააგრძელოს. წლის ბოლოს ეწურება უფლებამოსილების ვადა საბჭოს კიდევ სამ წევრს: არჩილ მესტვირიშვილს, ოთარ ნადარაიასა და ლაშა ჯუღელს.
შეგახსენებთ იმასაც, რომ პრეზიდენტის ადმინისტრაცია გიორგი ქადაგიძის შემცვლელის შერჩევას კონსულტაციების გზით აპირებს. როგორც პრეზიდენტის ყოფილმა ეკონომიკურმა მრჩეველმა, ადმინისტრაციის უფროსმა გიორგი აბაშიშვილმა ჯერ კიდევ ზაფხულში განაცხადა, კონსულტაციები საერთაშორისო საფინანსო ინსტიტუტებთან, არასამთავრობო ორგანიზაციებთან, დარგის ექსპერტებთან, ბიზნესასოციაციებთან, საბანკო სექტორთან, ეკონომიკური პროფილის სამინისტროებსა და თავად საქართველოს ეროვნულ ბანკთან გაიმართება. კონსულტაციების ფარგლებში აბაშიშვილმა რამდენიმე შეხვედრა უკვე გამართა.


მასალის გამოყენების პირობები
სხვა სიახლეები
გია ვოლსკი - სამინისტროების ოპტიმიზაცია არ იქნება დაკავშირებული საკადრო შემცირებებთან
სამინისტროების ოპტიმიზაცია არ იქნება დაკავშირებული საკადრო შემცირებებთან, რაც ალბათ უნდა გაითვალისწინოს იმ ხალხმა, რომელიც დღეს მუშაობს და ისევ
გია ვოლსკი - არასამთავრობო ორგანიზაციებისთვის საპროკურორო საბჭოს მართვის გადაცემა სახელმწიფო მართვის არასწორ გაგებას ნიშნავს
არასამთავრობო ორგანიზაციებისთვის საპროკურორო საბჭოს მართვის გადაცემა სახელმწიფო მართვის არასწორ გაგებას ნიშნავს, - ამის შესახებ საპარლამენტო
აკაკი ზოიძე - ბიუროს წევრებისა და პრემიერის შეხვედრაზე მინისტრობის კანდიდატებზე საუბარი არ ყოფილა
პარლამენტის ბიუროს უმრავლესობის წევრების და პრემიერის დღევანდელ შეხვედრაზე საუბარი არ ყოფილა, თუ რომელ სამინისტროს რომელი პირი
ეკა ბესელია - საპრეზიდენტო არჩევნების დასრულების შემდეგ პროკურატურა იქნება აღმასრულებელი ხელისუფლებისგან დამოუკიდებელი
ოქტომბერში, საპრეზიდენტო არჩევნების დასრულების შემდეგ პროკურატურა იქნება აღმასრულებელი ხელისუფლებისგან დამოუკიდებელი - ამ ვადამდე
ეკა ბესელია - „ქართული ოცნების" გუნდში კონცეპტუალურ საკითხებზე არის პოზიციების თანხვედრა, თუმცა კონსულტაციები ხვალაც გაგრძელდება
„ქართული ოცნების" გუნდში კონცეპტუალურ საკითხებზე არის ძალიან კარგი პოზიცია და თანხვედრა, თუმცა კონსულტაციები ხვალაც გაგრძელდება, - ამის შესახებ
თამარ ჩუგოშვილი - დღეს ვსაუბრობთ იმაზე, რა ფორმას მიიღებს მთავრობა და არა სახელებსა და გვარებზე
დისკუსიის დასრულების შემდეგ გაკეთდება განცხადება, ზუსტად რომელი სამინისტროების გაერთიანებაზეა საუბარი,- ამის შესახებ საქართველოს პარლამენტის
ყაზახეთის რესპუბლიკის ახლად დანიშნულმა ელჩმა დავით ზალკალიანს რწმუნებათა სიგელების ასლი გადასცა
საქართველოში ყაზახეთის რესპუბლიკის ახლად დანიშნულმა ელჩმა, ბაურჟან მუხამედჯანოვმა საქართველოს საგარეო საქმეთა მინისტრს დავით ზალკალიანს
ქეთევან ციხელაშვილი - არარსებული საზღვრის ე.წ. დემარკაციაზე საოკუპაციო რეჟიმის განცხადებას არანაირი სამართლებრივი და ლოგიკური საფუძველი არ გააჩნია
არარსებული საზღვრის ე.წ. დემარკაციაზე საოკუპაციო რეჟიმის განცხადებას არანაირი სამართლებრივი და ლოგიკური საფუძველი არ გააჩნია,
გიორგი მარგველაშვილი - საქართველო აფასებს ესტონეთის მტკიცე მხარდაჭერას ევროატლანტიკური ინტეგრაციის პროცესში
ესტონეთში, საქართველოს პრეზიდენტის სამუშაო ვიზიტის ფარგლებში, გიორგი მარგველაშვილი ესტონელ კოლეგას კადრიორგის სასახლეში შეხვდა.
გიორგი მარგველაშვილი ესტონეთის პრემიერ-მინისტრს შეხვდა
საქართველოს პრეზიდენტი გიორგი მარგველაშვილი და ქართული დელეგაციის წევრები ესტონეთის პრემიერ - მინისტრ იური რატასს შეხვდნენ.