არქივი
კურსი
კონვერტორი
USD
1 USD
2.4402
EUR
1 EUR
3.0017
RUB
100 RUB
3.9729
22-04-2018
დავით ზალკალიანი ისევ საგარეო საქმეთა მინისტრის პირველი მოადგილის თანამდებობას დაიკავებს
18:13 07-01-2016
დავით ზალკალიანი ისევ საგარეო საქმეთა მინისტრის პირველი მოადგილის თანამდებობას დაიკავებს "თავისუფალი დემოკრატების" ყოფილი წევრი დავით ზალკალიანი საგარეო უწყებაში ისევ მინისტრის პირველი მოადგილის თანამდებობას დაიკავებს.
აღნიშნული "ინტერპრესნიუსს" თავად ზალკალიანმა დაუდასტურა და საგარეო საქმეთა სამინისტროში დაბრუნების მიზეზები განმარტა.
"მინდა ძალიან ნათლად და მკაფიოდ განვაცხადო, რომ თუკი გადაწყდება ჩემი დიპლომატიურ სამსახურში დაბრუნება, რა თქმა უნდა, ეს იქნება ჩემი არჩევანი და არა რომელიმე პოლიტიკური პარტიის, ან ჯგუფის გადაწყვეტილება", - განაცხადა ზალკალიანმა.
მისივე განმარტებით, ის 2015 წლის თებერვლიდან აღარაა პოლიტიკური აქტიურობით დაკავებული და არის პოლიტიკურად მიუკერძოებელი არასამთავრობო ორგანიზაციის "ლევან მიქელაძის სახელობის ფონდის" დირექტორი.
"ნებისმიერი პოლიტიკური ვალდებულებისგან თავისუფალი ვარ. ვფიქრობ, რომ გარკვეული ინსინუაციები, რამაც ამ საკითხთან დაკავშირებით გაიჟღერა, არ არის მართებული. მინდა განვაცხადო, რომ ჩემი გადაწყვეტილება 2015 წლის თებერვალში შექმნილი სიტუაციის ძალიან სერიოზულ ფიქრსა და ანალიზზე იყო დაფუძნებული", - განმარტა მან.
ზალკალიანის თქმით, საგარეო საქმეთა სამინისტროში დაბრუნება ბოლო პერიოდის ცვლილებებმა და თვისობრივად ახალმა გარემოებამ განაპირობა.
"რაც მთავარია რატომ მივიღე ეს შემოთავაზება - ვფიქრობ, რომ ეს დიდწლიდან განსაზღვრა ბოლო პერიოდის ცვლილებებმა და თვისობრივად ახალმა გარემოებამ, რომელიც ჩვენი ქვეყნის დემოკრატიული განვითარებისთვის შეიქმნა. მხედველობაში მაქვს ძალიან სერიოზული განცხადებები, რომელიც ქვეყნის ახალმა პრემიერ-მინისტრმა და საგარეო საქმეთა მინისტრმა გააკეთეს და ის ნაბიჯები, რაც ბოლო პერიოდში გადაიდგა. კერძოდ, ის, რომ საქართველომ ძალიან წარმატებით გაართვა თავი ასოციარების ხელშეკრულების დღის წესრიგის იმპლემენტაციას, ასევე ვიზალიბერალიზაციის გადაწყვეტილება არ იყო მხოლოდ და მხოლოდ ტექნიკური გადაწყვეტილება და ეს იყო ევროკავშირის მხრიდან სერიოზული პოლიტიკური გზავნილი, ასევე საქართველოს მხრიდან შემხვედრი ნაბიჯი, რომ ქვეყანა შეუქცევადად ადგას ევროკავშირთან ინტეგრაციის კურსს. გარდა ამისა, ნატო-სთან მიმართებაში უელსის სამიტის გადაწყვეტილებები. ის, რომ საქართველო პირნათლად ასრულებს არსებით პაკეტს, ის, რომ საქარათველოში გაიხსნა ნატო-ს საწვრთნელი ცენტრი, ასევე რაც არანაკლებ მნიშვნელოვანია, მე ეს საქმიანობა, რომელშიც 1992 წლიდან ვარ ჩართული, გულწფელად ძალიან მიყვარს და ამის გარდა მე ცხოვრებაში არაფერი მიკეთებია. 23 წელი კარიერულ დიპლომატიაში ვარ. ვფიქრობ, რომ ამ ყველაფერმა ერთად, რაც ჩამოვთვალე, გადაწონა და მე გადავწყვიტე, რომ დიპლომატიურ სამსახურს დავუბრუნდე. ეს არის ის, რამაც ჩემი არჩევანი განაპირობა", - განაცხადა ზალკალიანმა.
კითხვაზე, როდის მოხდება მისი წარდგენა, ზალკალიანის თქმით, ეს უკვე საგარეო საქმეთა სამინისტროს გადასაწყვეტია.
"არ ვიცი პროცედურულად როგორ და რანაირად მოხდება. ეს უკვე საგარეო საქმეთა სამინისტროს უნდა ჰკითხოთ. ჩემგან თანხმობა მიღებულია", - განაცხადა ზალკალიანმა.



მასალის გამოყენების პირობები
სხვა სიახლეები
მამუკა ბახტაძე ევროპისა და ცენტრალური აზიის რეგიონში მსოფლიო ბანკის ვიცე-პრეზიდენტს, სირილ მიულერს შეხვდა
ამერიკის შეერთებულ შტატებში გამართული ვიზიტის ფარგლებში, ფინანსთა მინისტრი მამუკა ბახტაძე ევროპისა და ცენტრალური აზიის რეგიონში
მარია ზახაროვა - რუსეთსა და საქართველოს შორის ურთიერთობები თანდათანობით უმჯობესდება
რუსეთსა და საქართველოს შორის ურთიერთობები თანდათანობით უმჯობესდება, - ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა
მამუკა ბახტაძე – ევროპის საინვესტიციო ბანკი და სხვა საერთაშორისო საფინანსო ინსტიტუტები მხარს უჭერენ სასტარტო კაპიტალით უზრუნველყოფის რეფორმას
ევროპის საინვესტიციო ბანკი და სხვა საერთაშორისო საფინანსო ინსტიტუტები მხარს უჭერენ სასტარტო კაპიტალით უზრუნველყოფის რეფორმას, - ამის შესახებ
კახეთში დასუფთავებისა და გამწვანების აქცია გაიმართა
კახეთის სახელმწიფო რწმუნებულის-გუბერნატორის ადმინისტრაციის ინიციატივით, დედამიწის დღესთან დაკავშირებით, კახეთის რეგიონში
მამუკა ბახტაძე - საერთაშორისო სავალუტო ფონდი, ისევე როგორც მსოფლიო ბანკი, სრულად უჭერს მხარს ჩვენს რეფორმებს, რომელმაც უნდა უზრუნველყოს ინკლუზიური ეკონომიკური ზრდა
საერთაშორისო სავალუტო ფონდსა და მსოფლიო ბანკში გამართულმა საგაზაფხულო შეხვედრებმა, დაადასტურა, რომ სსფ-ის „გაფართოებული
ეკა ბესელია სლოვენიას ვიზიტით ეწვევა
ეკა ბესელია, საქართველოს დელეგაციის წევრებთან ერთად, 23-25 აპრილს, სასამართლო რეფორმის სტრატეგიისა და სამოქმედო გეგმის აღსრულების პროცესში გამოცდილების გაზიარების მიზნით, სლოვენიას ვიზიტით ეწვევა.

როგორც „ინტერპრესნიუსს“ საქართველოს პარლამენტიდან აცნობეს, დელეგაციაში შედიან ასევე პარლამენტის ევროპასთან ინტეგრაციის კომიტეტის თავმჯდომარე თამარ ხულორდავა, უზენაესი სასამართლოს თავმჯდომარე ნინო გვენეტაძე, იუსტიციის მინისტრის მოადგილე მიხეილ სარჯველაძე და იუსტიციის უმაღლესი საბჭოს წევრები. ვიზიტი ევროკავშირ-საქართველოს პროგრამის (EU4Justice) სასამართლოს მხარდაჭერის პროექტის მხარდაჭერით ხორციელდება და სასამართლო რეფორმის საკითხებს შეეხება.

შეხვედრები გაიმართება სლოვენიის პარლამენტის მართლმსაჯულების კომიტეტის პრეზიდენტთან, მართლმსაჯულების საბჭოს პრეზიდენტთან
საქართველო ნატო-ს საპარლამენტო ასამბლეის როუზ-როსის სემინარს უმასპინძლებს
საქართველო ნატო-ს საპარლამენტო ასამბლეის როუზ-როსის 97-ე სემინარს უმასპინძლებს. როგორც „ინტერპრესნიუსს“ საქართველოს
საგარეო საქმეთა მინისტრის მოადგილემ ნიცაში მცხოვრებ ქართულ დიასპორასთან შეხვედრა გამართა
სამხრეთ საფრანგეთში სამუშაო ვიზიტის ფარგლებში, საქართველოს საგარეო საქმეთა მინისტრის მოადგილემ ზვიად გონაძემ ნიცაში მცხოვრებ ქართველებთან შეხვედრა გამართა.
მიხეილ ჯანელიძე ბათუმში შეხვედრას გამართავს
საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე ბათუმს ეწვევა და ადგილობრივი თვითმმართველობის ორგანოებთან,
ირაკლი კობახიძე - მდგომარეობა მუდმივად უმჯობესდება, თუმცა ჩვენი მთავარი ამოცანა საქართველოში სიღარიბის სრულად აღმოფხვრაა
მდგომარეობა მუდმივად უმჯობესდება, თუმცა ჩვენი მთავარი ამოცანა საქართველოში სიღარიბის სრულად აღმოფხვრაა, - ამის შესახებ