არქივი
კურსი
კონვერტორი
USD
1 USD
2.4640
EUR
1 EUR
3.0007
RUB
100 RUB
3.9209
27-04-2018
მამუკა ჟღენტი – დავით ზალკალიანის შემატება წაადგება საგარეო უწყებას იმ პირობებში, როცა მინისტრად დიპლომატიაში გამოუცდელი ადამიანი დანიშნეს
10:46 08-01-2016
მამუკა ჟღენტი – დავით ზალკალიანის შემატება წაადგება საგარეო უწყებას იმ პირობებში, როცა მინისტრად დიპლომატიაში გამოუცდელი ადამიანი დანიშნეს ევროპის საბჭოში საქართველოს ყოფილი ელჩის, მამუკა ჟღენტის შეფასებით, დავით ზალკალიანის დაბრუნება საგარეო საქმეთა სამინისტროსთვის ცალსახად დადებითი მომენტია.
როგორც ჟღენტმა "ინტერპრესნიუსს" განუცხადა, საგარეო საქმეთა მინისტრის დღევანდელ მოადგილეებს პიროვნულად და პროფესიონალურად ვერაფერს დაუწუნებ და ზალკალიანის შემატებაც წაადგება სამინისტროს იმ პირობებში, როდესაც მინისტრად საკმაოდ ახალგაზრდა და დიპლომატიაში გამოუცდელი კადრი დანიშნეს.
"დათო ზალკალიანი ჩემთვის არის პატრიოტი, ერთ-ერთი სერიოზული პროფესიონალი და წესიერი ადამიანი. წლების განმავლობაში წარმატებით ეწეოდა დიპლომატიურ საქმიანობას სხვადასხვა მნიშვნელოვან თანამდებობზე, როგორც ცენტრალურ აპარატში, ასევე საქართველოს დიპლომატიურ მისიებში. ჩემთვის ყოველთვის სასიამოვნო და საინტერესო იყო მასთან ურთიერთობა. მისი, როგორც მენეჯერის, ობიექტურად შეფასება გამიჭირდება, რადგან მენეჯერის ფუნქციებს (დე იურედ მაინც) ის იმ პერიოდში ასრულებდა, როდესაც სამინისტროს დემორალიზაცია და დეგრადირება მოხდა. ვიცი, რომ მისი რეალური როლი ამ ყველაფერში თითქმის არარსებულია, თუმცა, სამწუხაროდ, გარკვეული პასუხისმგებლობა იმაზე რაც მოხდა, მასაც ეკისრება, როგორც სამინისტროს ერთ-ერთ ხელმძღვანელს. რაც შეეხება ასეთი ემოციური გადადგომის შემდეგ მის დაბრუნებას უწყებაში, სამინისტროსთვის ეს ცალსახად დადებითი მომენტია, რადგან ნებისმიერი სტრუქტურა საჭიროებს პროფესიონალებს და საქმეზე შეყვარებულ ადამიანებს. ობიექტურად თუ შევაფასებთ, საგარეო საქმეთა მინისტრის დღევანდელ მოადგილეებს პიროვნულად და პროფესიონალურად ვერაფერს დავუწუნებ. ასეთი შემატებაც წაადგება სამინისტროს იმ პირობებში, როდესაც მინისტრად დანიშნეს საკმაოდ ახალგაზრდა და დიპლომატიაში გამოუცდელი ადამიანი. რეგენტობა უარყოფითი ფუნქცია არ არის და ალბათ, დღეს საგარეო საქმეთა სამინისტროს, რაღაც პერიოდით მაინც, რეგენტი ან რეგენტები ესაჭიროება", - განაცხადა ჟღენტმა.
რაც შეეხება საგარეო საქმეთა მინისტრის პირველი მოადგილის პოსტზე დავით ზალკალიანის დაბრუნების პოლიტიკურ კონტექსტს, მამუკა ჟღენტის აზრით, ხელისუფლების მხრიდან, ერთი მხრივ, პრაგმატული ნაბიჯი და მეორე მხრივ, სარისკო ნაბიჯი გადაიდგა. ამასთან, ჟღენტი "თავისუფალი დემოკრატების" ორმაგ სტანდარტებზე საუბრობს.
"პრაგმატული იმდენად, რამდენადაც პროფესიონალის დასაქმება ასეთ თანამდებობაზე მხოლოდ დადებითად უნდა აისახოს ეფექტიანობაზე და ასევე ხელისუფლების არცთუ ისე წარმატებულ იმიჯზე საქართველოშიც და მის ფარგლებს გარეთ განსაკუთრებით. სარისკო იმდენად, რამდენადაც პოლიტიკური თანამდებობის პირის (და მინისტრის მოადგილის თანამდებობა, განსხვავებით თუნდაც ელჩის თაბამდებობისგან, სწორედ რომ პოლიტიკურია) განცხადებებსა და საქმიანობაზე პასუხისმგებლობას ხელისუფლება იზიარებს. მინისტრის მოადგილეს მოუწევს ისეთ კითხვებზე პასუხის გაცემა, რომელიც უნდა ასახავდეს ხელისუფლების პოზიციას. რამდენად შეძლებს ბატონი დავითი პოზიციის ხელისუფლებისთვის მისაღებ ფორმაში დაფიქსირებას, დრო გვიჩვენებს. მაგალითისთვის შეიძლება მოვიყვანოთ კითხვა, რომლითაც დაინტერესებულია ჩვენი ყველა საერთაშორისო პარტნიორი და ეხება იმას, თუ რეალურად ვინ მართავს საქართველოს ხელისუფლებას – პრემიერ-მინისტრი თუ ერთ-ერთი ყოფილი პრემიერ-მინისტრი. მიუხედავად იმისა, რომ ამ კითხვაზე პასუხი ისედაც ყველასთვის ნათელია, საკმაოდ რთული წარმოსადგენია, რომ ხელისუფლების ერთ-ერთმა პოლიტიკურმა სახემ, აღნიშნული რეალობა ღიად აღიაროს. პარტია, რომელთანაც ბატონი დავითი აფილირდება, სწორედ ამ პოზიციას აფიქსირებდა მოყოლებული იმ დღიდან, რაც აღნიშნულ პარტიას მთავრობაში აღარ დარჩა მინისტრები. უფრო მეტიც ეს გახლდათ ერთ-ერთი გაცხადებული მიზეზი მთავრობის შემადგენლობიდან "თავისუფალი დემოკრატების" წარმომადგენლების გამოყვანა/გამოსვლისა. არის კიდევ ერთი ნიუანსი - "თავისუფალი დემოკრატები" სოციალურ ქსელში მაინც საკმაოდ კრიტიკულ პოზიციას გამოხატავდნენ მთავრობის ერთ-ერთ ოდიოზურ-კომიკურ წევრთან მიმართებაში, რომელიც მათი პარტიის წევრი იყო. აღნიშნული კრიტიკაც, სწორედ იმით არის ძირითადათ განპირობებული, რომ აღნიშნულმა პიროვნებამ არჩია შეენარჩუნებინა პოზიცია მთავრობაში და არ გაჰყვა ოპოზიციაში იმ პარტიას, რომელთანაც ის ოფიციალურად მაინც აფილირდებოდა. იგივე კონტექსტში, ოღონდ საპირისპირო მხრიდან შეიძლება განვიხილოთ აღნიშნულ პარტიასთან აფილირებული ერთ-ერთი ყოფილი და საკმაოდ წარმატებული ელჩის გადადგომაც, რომელიც მხოლოდ და მხოლოდ იმ მიზეზით გადადგა, რომ იზიარებდა "თავისუფალი დემოკრატების" პოზიციებს, მიუხედავად მისი უპარტიობისა ელჩობის პერიოდში. ლოგიკურად გამოდის, რომ პარტიაში ორმაგი სტანდარტებია? სულ სხვა იქნებოდა, თუ პირდაპირ იქნებოდა განცხადებული, რომ ბატონი დავითი აღარ არის "თავისუფალი დემოკრატების" წევრი და იზიარებს მმართველი ძალის და არა ოპოზიციური პარტიის პოზიციებს. აღნიშნული დღეს რომ მოხდეს კიდეც, ვერ იქნება დამაჯერებელი მას მერე, რაც "თავისუფალი დემოკრატების" ოპოზიციური პარტიის ლიდერმა არათუ მიულოცა დანიშვნა, რასაც მეც სიამოვნებით ვუერთდები, არამედ ღიად განაცხადა, რომ ის რჩება მისი გუნდის წევრად და რომ სულ მალე, არჩევნების შემდეგ, მას მთავრობაში შეურთდებიან "თავისუფალი დემოკრატების" სხვა წევრებიც. აღნიშული უფრო ნახევრად ორსულობას წააგავს და ამას მე ნამდვილად ვერ შევაფასებ დადებითად პოლიტიკური პარტიისთვის", - განაცხადა მამუკა ჟღენტმა.
შეგახსენებთ, რომ დავით ზალკალიანი საგარეო საქმეთა მინისტრის პირველი მოადგილის პოსტს ხელმეორედ ჩაიბარებს.
მასალის გამოყენების პირობები
სხვა სიახლეები
ასოცირების კომიტეტი საქართველოს ახალ სამშვიდობო ინიციატივას “ნაბიჯი უკეთესი მომავლისკენ” დადებითად აფასებს
ასოცირების საპარლამენტო კომიტეტმა თანათავმჯდომარეების: ევროპასთან ინტეგრაციის კომიტეტის თავმჯდომარის თამარ ხულორდავასა
ლადო პაპავა - ვფიქრობ, საქართველო დემოკრატიული განვითარების იმდენად სწორ გზაზე დგას, რომ ჩვენ საბჭოური გადახვევის საფრთხე ნამდვილად არ გვექნება
ვფიქრობ, საქართველო დემოკრატიული განვითარების იმდენად სწორ გზაზე დგას, რომ ჩვენ საბჭოური გადახვევის საფრთხე ნამდვილად არ გვექნება.
თამაზ მეჭიაური - მივესალმებოდი, რომ ივანიშვილი ყოფილიყო მმართველი პარტიის საპრეზიდენტო კანდიდატი და პრეზიდენტის უფლება ყოფილიყო უფრო წონადი
მივესალმებოდი, რომ ივანიშვილი ყოფილიყო მმართველი პარტიის საპრეზიდენტო კანდიდატი და პრეზიდენტის უფლება ყოფილიყო უფრო
ლინკოლნ მიტჩელი - პოლიტიკაში ივანიშვილის დაბრუნებას არ ვუყურებ, როგორც “ქართულ ოცნებაში” კრიზისის ნიშანს
ბიძინა ივანიშვილის პარტიულ პოლიტიკაში დაბრუნება სიმბოლური თვალსაზრისით გაცილებით მნიშვნელოვანია, ვიდრე რამე სხვა, - ამის შესახებ
თამაზ მეჭიაური - ვფიქრობ, „ქართული ოცნების“ ზედა ეშელონებში გადახალისება უნდა მოხდეს
„ქართულ ოცნებაში“ საკმაოდ სერიოზული პრობლმებია, ვფიქრობ, ზედა ეშელონებში გადახალისება უნდა მოხდეს, - ამის შესახებ „ინტერპრესნიუსს“
დიმიტრი ხუნდაძე - როგორც ჩანს ბიძინა ივანიშვილმა გუნდში ღირებულებათა სხვადასხვაობა დაინახა და გუნდის პოლიტიკურ ხელმძღვანელად დაბრუნდა
საპარლამენტო უმრავლესობის წევრი დიმიტრი ხუნდაძე საქართველოს ყოფილი პრემიერის ბიძინა ივანიშვილის პოლიტიკაში დაბრუნებას
სოფო კილაძე - ეს ქვეყანა ყველამ ერთად უნდა ავაშენოთ
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, ნაძალადევის მაჟორიტარი დეპუტატი სოფო კილაძე გურამ თავართქილაძის
ევროსაბჭოში „პანელური დისკუსია გენდერული თანასწორობის შესახებ“ გაიმართა
ევროსაბჭოში დღეს „პანელური დისკუსია გენდერული თანასწორობის შესახებ“ გაიმართა. როგორც „ინტერპრესნიუსს“ საქართველოს
პრემიერ-მინისტრი პოლონეთის უნივერსიტეტების აკადემიური წრეების წარმომადგენლებს შეხვდა
სამეცნიერო-საგანმანათლებლო სფეროში ორ ქვეყანას შორის სამომავლო თანამშრომლობის პერსპექტივები იყო საქართველოს პრემიერ-მინისტრ
ირაკლი კოვზანაძე - ბიძინა ივანიშვილის დაბრუნებაზე საუბარი საკმაოდ დიდი ხანია მიდის
პარლამენტის საფინანსო-საბიუჯეტო კომიტეტის თავმჯდომარის, ირაკლი კოვზანაძის თქმით, პოლიტიკაში ბიძინა ივანიშვილის დაბრუნებაზე საუბარი