არქივი
კურსი
კონვერტორი
USD
1 USD
2.4488
EUR
1 EUR
2.9944
RUB
100 RUB
3.9406
24-04-2018
თამაზ მეჭიაური - რუსეთისგან ტრანზიტული გაზის 10%-ის ფინანსური ანაზღაურებით შეცვლა საქართველოსთვის ზიანის მომტანია
15:59 13-01-2016
თამაზ მეჭიაური - რუსეთისგან ტრანზიტული გაზის 10%-ის ფინანსური ანაზღაურებით შეცვლა საქართველოსთვის ზიანის მომტანია რუსეთის მიერ სომხეთისთვის მიწოდებული ტრანზიტული გაზის 10%-ის ფინანსური ანაზღაურებით შეცვლა საქართველოსთვის ზიანის მომტანია, - ამის შესახებ "ინტერპრესნიუსს" პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაურმა განუცხადა, რომელიც გუშინ, ენერგეტიკის სამინისტროში გამართულ სამუშაო შეხვედრაში მონაწილეობდა.

მეჭიაურის შეფასებით, შეხვედრის მონაწილეებმა ყველა თემაზე ამომწურავი პასუხი მიიღეს. მისივე თქმით, მოლაპარაკებები ემსახურება იმას, რომ საქართველოს გაზმომარაგებაში რაიმე პრობლემა არ შეიქმნას.

"ყოველწლიურად ხდება იმ ხელშეკრულების განახლება, რომელიც "გაზპრომთან" ჯერ კიდევ წინა ხელისუფლების დროს დაიდო. ხელშეკრულების ყოველწლიურად განახლება იქიდან გამომდინარე ხდება, რომ ჩვენი ტერიტორიის გავლით სომხეთისთვის მიწოდებული გაზი ერთი მხრივ იცვლება რაოდენობრივად, მეორეს მხრივ, ხდება ფასის ცვლილება და ასე შემდეგ. ხდება ისიც, რომ რამდენადაც ჩვენთვის ცნობილი გახდა, რუსეთმა მოითხოვა, ტრანპორტირების საფასურს გადახდა ფულად გამოსახულებაში და არა ნატურით, რაც ჩვენთვის ზიანის მომტანია. რამდენადაც ვიცი, ეს პირობა უკრაინასაც შეუცვალეს, მაგრამ უკრაინის ტერიტორია დიდია, ტრანპორტირების სიდიდეც მეტია და ამაში მეტს აიღებენ. საქართველოს ტერიტორიის იმ მანძილით კი, სადაც სომხეთისთვის გაზის გატარება ხდება, თუ საერთოშორისო ფასს ავიღებთ, აღმოჩნდება, რომ გაცილებით ნაკლებს მივიღებთ ფინანსური სახით, ვიდრე ვიღებთ ახლა, როცა ხდება ტრანსპორტირებული გაზის 10%-ით ანაზღაურება", - განუცხადა "ინტერპრესნიუსს" თამაზ მეჭიაურმა.

დეპუტატი იმასაც ამბობს, რომ ბუნებრივი აირის იმ დეფიციტის შევსება, რომელიც საქართველოს ზამთრის პერიოდში წარმოეშვება, აზერბაიჯანიდან ვერ ხერხდება და "ფაქტობრივად წინსწრებით გვაქვს წამოღებული რუსეთიდან ჩვენს ტერიტორიაზე გადაადგილებული გაზის საფასური".
"დეფიციტის დაფარვა, რომელიც საქართველოს ზამთრის სეზონში წარმოეშვება, აზერბაიჯანიდან ზამთარში ვერ ხერხდებოდა, ხოლო ზაფხულში გაზის გაზრდილი რაოდენობის მოწოდება ამის კომპენსაციას ვერ გააკეთებს. ამასთან, ჩვენ ჯერ არ გვაქვს გაზის საცავი, რომლის აშენებესაც საქართველო აპირებს, რათა ასეთი სიტუაციები თავიდან ავიცილოთ. ფაქტობრივად, ჩვენ წინსწრებით გვაქვს წამოღებული რუსეთიდან ჩვენს ტერიტორიაზე გადაადგილებული გაზის საფასური", - აცხადებს თამაზ მეჭიაური.
მასალის გამოყენების პირობები
სხვა სიახლეები
დავით ჭიჭინაძე - შევხვდი არჩილ თალაკვაძეს - დავილაპაკეთ და შევთანხმდით, რომ კომენტარს არ ვაკეთებთ
შევხვდი უმრავლესობის ლიდერს არჩილ თალაკვაძეს - დავილაპაკეთ და შევთანხმდით, რომ კომენტარს არ ვაკეთებთ, - ამის შესახებ “ინტერპრესნიუსს“
ირაკლი სესიაშვილი - ნატოს სემინარზე გამოითქვა მოსაზრებები, რომ ოკუპირებულ ტერიტორიებზე საქართველოს პოლიტიკის მსგავსი მიდგომები გამოყენებული იყოს სხვა ქვეყნებშიც
ბათუმში ნატოს საპარლამენტო ასამბლეის სემინარი დასრულდა. საქართველოსა და ალიანისის დიპლომატიური კორპუსის წარმომადგენლებმა შავი ზღვის
ირაკლი კობახიძე - ჩვენი უმთავრესი პრიორიტეტი და მიზანია, გავხდეთ ევროპული და ევროატლანტიკური ოჯახის წევრი
საქართველოსთვის ნატო და ევროკავშირი არ არის მხოლოდ უკეთესი ეკონომიკა, უკეთესი უსაფრთხოება. პირველ რიგში, ეს არის ღირებულებები, რომლებსაც
გიორგი მარგველაშვილი - მსხვერპლი მიდის პოლიციის განყოფილებაში და ამბობს, რომ მოკლავენ, მიდის ეს ადამიანი სახლში და მას კლავენ - ამაში დამნაშავე არის პრეზიდენტი?
ჩვენ ვნახეთ პროპაგანდისტული ომი შპარგალკებით და იეჟოვის ტერმინოლოგიით, - ამის შესახებ საქართველოს პრეზიდენტმა, გიორგი მარგველაშვილმა განაცხადა.
გიორგი მარგველაშვილი - რამდენიმე საკითხია, სადაც ძალიან გული მწყდება, რომ მე და “ქართულმა ოცნებამ“ ვერ მოვახერხეთ კოორდინირებული მოქმედება
რამდენიმე საკითხია, სადაც ძალიან გული მწყდება, რომ მე და “ქართულმა ოცნებამ“ ვერ მოვახერხეთ კოორდინირებული მოქმედება, - ამის შესახებ
გიორგი მარგველაშვილი - დეპუტატების მხრიდან გარკვეული მწვავე თემების აგრესიით გადაფარვის მცდელობა ჩემთვის ახალი არ არის
დეპუტატების მხრიდან გარკვეული მწვავე თემების აგრესიით გადაფარვის მცდელობა ჩემთვის ახალი არ არის, - ამის შესახებ პრეზიდენტმა გიორგი მარგველაშვილმა