არქივი
კურსი
კონვერტორი
USD
1 USD
2.5429
EUR
1 EUR
3.1082
RUB
100 RUB
4.4825
21-01-2018
მიხეილ ჯანელიძე - ევროკავშირში ინტეგრაცია არა მხოლოდ საგარეო პოლიტიკის მთავრი პრიორიტეტია, არამედ - ეროვნული იდენტობის ნაწილიც
17:55 15-01-2016
მიხეილ ჯანელიძე - ევროკავშირში ინტეგრაცია არა მხოლოდ საგარეო პოლიტიკის მთავრი პრიორიტეტია, არამედ - ეროვნული იდენტობის ნაწილიც საგარეო საქმეთა მინისტრმა მიხეილ ჯანელიძემ საქართველოში აკრედიტებული დიპლომატიური კორპუსის წარმომადგენლები მიიღო.
საგარეო საქმეთა სამინისტროს პრესსამსახურის ინფორმაციით, შეხვედრას საგარეო საქმეთა მინისტრის მოადგილეები და სამინისტროს სხვადასხვა დეპარტამენტის ხელმძღვანელები ესწრებოდნენ.

მინისტრმა დიპლომატებს საგარეო უწყების მიზნები და საგარეო პოლიტიკის პრიორიტეტები გააცნო. მან ვრცლად ისაუბრა ევროკავშირში საქართველოს ინტეგრაციის მნიშვნელობაზე, "რომელიც არა მხოლოდ საგარეო პოლიტიკის მთავრი პრიორიტეტია, არამედ ეროვნული იდენტობის ნაწილიც, გამომდინარე იქიდან, რომ ქართველები სრულად იზიარებენ ევროპული ღირებულებების სისტემას და სწამთ, რომ ქვეყნის უსაფრთხო, სტაბილური და დემოკრატიული განვითარება მხოლოდ ევროპულ და ტრანსატლანტიკურ სივრცეშია შესაძლებელი".

შეხვედრაზე განსაკუთრებული ყურადღება დაეთმო საქართველოს ტერიტორიული მთლიანობის აღდგენას, როგორც მთავრობის წინაშე მდგარ მთავარ გამოწვევას, და ამ კონტექსტში, ჟენევის საერთაშორისო მოლაპარაკებებში საქართველოს კონსტრუქციული მონაწილეობის მნიშვნელობას. საგარეო საქმეთა მინისტრმა შერიგების პროცესში ნდობის აღდგენისა და საერთაშორისო საზოგადოების ჩართულობაზეც ისაუბრა.

საქართველოში აკრედიტებული მისიების ხელმძღვანელების წინაშე გამოსვლისას, მიხეილ ჯანელიძემ გასული წლის მოვლენებიც შეაჯამა, კერძოდ, მან 2015 წელს მიღწეულ წარმატებებზე ისაუბრა, მათ შორისაა ევროკავშირთან ხელმოწერილი ასოცირების შესახებ შეთანხმება, ღრმა და ყოვლისმომცველი თავისუფალი სავაჭრო სივრცის კომპონენტის ჩათვლით, ევროკომისიის დადებითი დასკვნა საქართველოს მიერ სავიზო რეჟიმის ლიბერალიზაციის სამოქმედო გეგმის შესრულებასთან დაკავშირებით, ნატო-საქართველოს ერთობლივი წვრთნისა და შეფასების ცენტრის გახსნა, რაც ნატოში ინტეგრაციის მიმართულებით გადადგმული კიდევ ერთი ნაბიჯია.

მინისტრმა საქმიანობის ერთ-ერთ პრიორიტეტულ მიმართულებად ეკონომიკური დიპლომატია დაასახელა. მან ხაზი გაუსვა საქართველოს, როგორც ევროპისა და აღმოსავლეთ აზიის დამაკავშირებელი ჰაბის მნიშვნელობას და საერთაშორისო ასპარეზზე ამ შესაძლებლობის მაქსიმალურად გამოყენებას. ამ კონტექსტში მინისტრმა ისტორიული აბრეშუმის გზის აღდგენის მნიშვნელობაზეც ისაუბრა. მისი თქმით, სწორედ ამ მიზანს ემსახურებოდა, თბილისში აბრეშუმის გზის ფორუმის ჩატარება, რომელიც ხელს შეუწყობს თანამშრომლობის განვითარებას ტრანსპორტის, ვაჭრობის, ინფრასტრუქტურის, ენერგეტიკისა და მრეწველობის სფეროებში.

გამოსვლის დასასრულს, მიხეილ ჯანელიძემ დიპლომატიურ კორპუსს მადლობა გადაუხადა საქართველოში გაწეული საქმიანობისთვის და აღნიშნა, რომ დიპლომატები მნიშვნელოვან როლს ასრულებენ საქართველოს დღის წესრიგის პრიორიტეტული მიზნების შესრულების, კერძოდ, დემოკრატიული რეფორმებისა და ევროპული და ევროატლანტიკური ინტეგრაციის ხელშეწყობის კუთხით. მიხეილ ჯანელიძემ შეხვედრის მონაწილეებს ახალი წლის დღესასწაული მიულოცა და სპეციალურ მიღებაზე უმასპინძლა.

მასალის გამოყენების პირობები
სხვა სიახლეები
უკრაინის პრეზიდენტმა საქართველოს შესთავაზა, რუსეთის წინააღმდეგ სანქციების მექანიზმში ჩაერთოს
უკრაინის პრეზიდენტმა პეტრო პოროშენკომ საქართველოს შესთავაზა, რუსეთის წინააღმდეგ სანქციების მექანიზმში ჩაერთოს, - ამის შესახებ ნათქვამია
ზურაბ ბატიაშვილი - აფრინის სამხედრო ოპერაცია კიდევ უფრო დაძაბავს აშშ-ისა და თურქეთის ურთიერთობას, რაც შესაძლოა საქართველოს უსაფრთხოებაზეც ნეგატიურად აისახოს
აფრინის სამხედრო ოპერაცია კიდევ უფრო დაძაბავს აშშ-ისა და თურქეთის ურთიერთობას, რაც შესაძლოა ნეგატიურად აისახოს საქართველოს
ზაზა ხუციშვილი - მეორე ტურებში მმართველი ძალის გამარჯვება პროგნოზირებადი იყო
ის პოზიცია, რომ არავინ არ მინდა და არჩევნებზე სახლში ვრჩები, არ არის სახელმწიფოებრივი აზროვნება, - ამის შესახებ ვაკის ოლქში "ქართული ოცნების" გამარჯვებულმა
„საერთაშორისო გამჭვირვალობა“ არჩევნებთან დაკავშირებით რამდენიმე რეკომენდაციას აქვეყნებს
„საერთაშორისო გამჭვირვალობა - საქართველო“ არჩევნებთან დაკავშირებით რამდენიმე რეკომენდაციას აქვეყნებს.
„სამართლიანი არჩევნები“ ხმების პარალელური დათვლის შედეგებს აქვეყნებს
„სამართლიანი არჩევნებისა და დემოკრატიის საერთაშორისო საზოგადოება“ ხმების პარალელური დათვლის (PVT) შედეგებს აქვეყნებს.
უჩა ნანუაშვილი - არჩევნებმა მშვიდ გარემოში ჩაიარა, თუმცა იყო გარკვეული ხარვეზები
არჩევნებმა მშვიდ გარემოში ჩაიარა, თუმცა იყო გარკვეული ხარვეზები, - ამის შესახებ „ინტერპრესნიუსს“ სახალხო დამცველმა უჩა ნანუაშვილმა
თამარ ჟვანია - მარნეულის ერთ-ერთ საარჩევნო უბანზე ბიულეტენების ჩაყრის ფაქტი ჯერჯერობით არ დასტურდება
მარნეულის ერთ-ერთ საარჩევნო უბანზე ბიულეტენების ჩაყრის ფაქტი ჯერჯერობით არ დასტურდება. „ჩვენ ამაზე მოვისმინეთ ზეპირი განცხადება და ამ განცხადების უარყოფა.
თამარ ჟვანია - გუშინ არც ერთი ისეთი სერიოზული ფაქტი არ დაფიქსირებულა, რომელსაც არჩევნების შედეგებზე გავლენის მოხდენა შეუძლია
გუშინ მთელი დღის განმავლობაში არც ერთი ისეთი სერიოზული ფაქტი არ დაფიქსირებულა, რომელსაც არჩევნების შედეგებზე გავლენის მოხდენა შეუძლია,
“ქართულმა ოცნებამ“ აჭარის უმაღლეს საბჭოშიც უმრავლესობა მოიპოვა
აჭარის უმაღლეს საბჭოში „ქართულმა ოცნებამ“ უმრავლესობა მოიპოვა. უსკო-ს მონაცემებით, აჭარის ექვსივე მაჟორიტარულ ოლქში „ქართული ოცნების“ კანდიდატებმა გაიმარჯვეს.
თამარ ჟვანია - ცალკეული შემთხვევების მიუხედავად, ამომრჩევლებმა თავისუფალ გარემოში, შეფერხების გარეშე შეძლეს კენჭისყრაში მონაწილეობა
არჩევნებმა მშვიდ გარემოში ჩაიარა და ამომრჩევლებს მიეცათ საშუალება გამოეხატათ საკუთარი ნება, - ამის შესახებ ცენტრალური საარჩევნო კომისიის თავმჯდომარე