არქივი
კურსი
კონვერტორი
USD
1 USD
2.4488
EUR
1 EUR
2.9944
RUB
100 RUB
3.9406
24-04-2018
კახა კალაძე – არ ვაპირებ რუსეთთან არსებული იმ ურთიერთობის დანგრევას, რომელსაც ჩემი წინამორბედები წლების განმავლობაში აშენებდნენ
00:46 20-01-2016
კახა კალაძე – არ ვაპირებ რუსეთთან არსებული იმ ურთიერთობის დანგრევას, რომელსაც ჩემი წინამორბედები წლების განმავლობაში აშენებდნენ ვფიქრობ, რუსეთს საქართველოზე ზეწოლის მოსახდენად სხვა ინსტრუმენტები გააჩნია, ვიდრე "გაზპრომი" და ბუნებრივი აირია , - ამის შესახებ ენერგეტიკის მინისტრმა კახა კალაძემ გადაცემა "არჩევანში" აღნიშნულ კომპანიასთან მიმდინარე მოლაპარაკებების პოლიტიკურ ჭრილსა და მოსალოდნელ საფრთხეებზე საუბრისას განაცხადა. კალაძე არ ეთანხმება მოსაზრებას, რომ საქართველოზე ზეწოლა მოსკოვს მხოლოდ "გაზპრომით" შეუძლია.
"ვერ დაგეთანხმებით, რომ მხოლოდ და მხოლოდ "გაზპრომით" და ბუნებრივი აირით არის შესაძლებელი საქართველოზე ზეწოლა განახორციელო. ჩვენდა სამწუხაროდ, ენერგეტიკული თვალსაზრისით, გარკვეულწილად, დამოკიდებული ვართ რუსეთზე - წლების განმავლობაში ელექტროენერგია შემოგვაქვს რუსეთიდან, რადგან რეგიონის სხვა ქვეყნებთან შედარებით, ის საუკეთესო ფასად გვაწვდის. ეს ჩემი დაწყებული ურთიერთობები არ არის, ეს არის ჩემი წინამორბედი მინისტრების მიერ აშენებული ურთიერთობები და მინდა გითხრათ, რომ ენერგეტიკის სექტორში მართლაც კარგი, გამართული ურთიერთობებია. მე არ ვაპირებ იმ ურთიერთობების დანგრევას, რომელსაც ჩემი წინამორბედები წლების განმავლობაში აშენებდნენ. მე გამოვდივარ სწორედ ქვეყნის ინტერესებიდან", - განაცხადა კალაძემ.
რაც შეეხება შეკითხვას, რამდენადაა შესაძლებელი "გაზპრომთან" მოლაპარაკებებმა აზერბაიჯანსა და დასავლეთთან ურთიერთობაზე უარყოფითი გავლენა იქონიოს, ენერგეტიკის მინისტრი აღნიშნულის საშიშროებას ვერ ხედავს. "რა თქმა უნდა, ჩვენ გარკვეულ ანალიზს ვაკეთებთ, თუ რამდენად იქნება რისკის შემცველი ასეთი მოლაპარაკებები, თუმცა იმდენად მცირეა "გაზპრომის" გაზზე დამოკიდებულება, რომ არანაირი პრობლემა არ არსებობს ამ მიმართულებით", - აღნიშნა საქართველოს ენერგეტიკის მინისტრმა.
მასალის გამოყენების პირობები
სხვა სიახლეები
გიორგი მარგველაშვილი - მსხვერპლი მიდის პოლიციის განყოფილებაში და ამბობს, რომ მოკლავენ, მიდის ეს ადამიანი სახლში და მას კლავენ - ამაში დამნაშავე არის პრეზიდენტი?
ჩვენ ვნახეთ პროპაგანდისტული ომი შპარგალკებით და იეჟოვის ტერმინოლოგიით, - ამის შესახებ საქართველოს პრეზიდენტმა, გიორგი მარგველაშვილმა განაცხადა.
გიორგი მარგველაშვილი - რამდენიმე საკითხია, სადაც ძალიან გული მწყდება, რომ მე და “ქართულმა ოცნებამ“ ვერ მოვახერხეთ კოორდინირებული მოქმედება
რამდენიმე საკითხია, სადაც ძალიან გული მწყდება, რომ მე და “ქართულმა ოცნებამ“ ვერ მოვახერხეთ კოორდინირებული მოქმედება, - ამის შესახებ
გიორგი მარგველაშვილი - დეპუტატების მხრიდან გარკვეული მწვავე თემების აგრესიით გადაფარვის მცდელობა ჩემთვის ახალი არ არის
დეპუტატების მხრიდან გარკვეული მწვავე თემების აგრესიით გადაფარვის მცდელობა ჩემთვის ახალი არ არის, - ამის შესახებ პრეზიდენტმა გიორგი მარგველაშვილმა