არქივი
კურსი
კონვერტორი
USD
1 USD
2.4578
EUR
1 EUR
2.8597
RUB
100 RUB
3.8955
25-06-2018
ევროსაბჭოს მონიტორინგის კომიტეტი საქართველოს შესახებ მომზადებულ ანგარიშს განიხილავს
09:43 28-01-2016
ევროსაბჭოს მონიტორინგის კომიტეტი საქართველოს შესახებ მომზადებულ ანგარიშს განიხილავს ევროსაბჭოს მონიტორინგის კომიტეტში დღეს საქართველოს შესახებ მომზადებულ ანგარიშს განიხილავენ. როგორც მომხსენებელმა, კორსტინ ლუნდგრენმა განაცხადა, ანგარიშის მომზადებისას შეხვედრები გაიმართა საქართველოს ხელისუფლების, ოპოზიციის და საკონსტიტუციო სასამართლოს წარმომადგენლებთან.

"სანამ ანგარიშს კომიტეტს არ გადავუგზავნი, ამის შესახებ კომენტარს არ გავაკეთებ. ჩვენ უკვე გვქონდა დისკუსიები, შევხვდით ოპოზიიის წარმომადგენლებს. მათ ისაუბრეს მოახლოებულ არჩევნებსა და არსებულ სიტუაციაზე. რა თქმა უნდა, გვაინტერესებს განსხვავებული აზრი და ამიტომ შევხვდით მთავრობისა და საკონსტიტუციო სასამართლოს წარმომადგენლებსაც. მედიაპლურალიზმი და სარედაქციო პოლიტიკის დამოუკიდებლობა არის ძალიან მნიშვნელოვანი და ჩვენ ამას მუდმივად თვალყურს ვადევნებთ როგორც ჩვენი ვიზიტის დროს საქართველოში, ისე დანარჩენ პერიოდში", - განაცხადა ლუნდგრებმა.

საპარლამენტო უმრავლესობის წევრის, მანანა კობახიძის თქმით კი, იმ თემებთან დაკავშირებით, რომლებზეც გარკვეული წუხილები არსებობდა, ვითარება შეცვლილია.

"საკითხები, რომლებზეც ჰქონდათ გარკვეული კითხვები მომხსენებლებს, მთელ რიგ შემთხვევებში არის პოზიტიური მიმართულებით შეცვლილი, რაზეც ჩვენ მათი ინფორმირება უკვე მოვახდინეთ. იქნება განხილვა და დამატებით მივაწვდით ინფორმაციას. ეს ეხება "რუსთავი 2-ის" საქმეს თუ პარლამენტთან დაკავებული ახალგაზრდა აქტივისტების საქმეს, რომლებიც უკვე გათავისუფლებულები არიან გირაოთი. ეს იყო გარკვეული წუხილის თემა, თუმცა შეცვლილია ვითარება", - განაცხადა კობახიძემ.

რაც შეეხება საპარლამენტო უმცირესობის წევრ ჩიორა თაქთაქიშვილს, მისი თქმით, ანგარიშში მოხვდება მედიაზე ზეწოლა და პოლიტიკური ნიშნით დაკავებები.

"მონიტორინგის კომიტეტის მომხსენებლები საქართველოში იყვნენ სწორედ იმ დროს, როდესაც ხდებოდა "რუსთავი 2-თან" დაკავშირებული მოვლენები, როდესაც დააკავეს და წინასწარი პატიმრობა შეუფარდეს "ნაციონალური მოძრაობის" აქტივისტებს. მათი შეხვედრების ერთ-ერთი მთავარი საკითხი საქართველოში წინასწარი პატიმრობის უკანონო და საერთაშორისო სტანდარტებთან შეუსაბამოდ გამოყენება იყო. ასევე ანგარიშის ნაწილი იქნება მედიაზე ზეწოლა, პოლიტიკური ნიშნით დაკავებები და უმცირესობების მიმართულებით გაუარესებული მდგომარეობა", - აღნიშნა თაქთაქიშვილმა.



მასალის გამოყენების პირობები
სხვა სიახლეები
პარლამენტის საგამოძიებო კომისია დღეს შსს-ს წარმომადგენელს და ხორავას ქუჩის საქმის პროკურორს გამოკითხავს
ხორავას ქუჩის საქმესთან დაკავშირებით შექმნილი პარლამენტის საგამოძოებო კომისიის სხდომა დღეს განახლდება, სადაც შინაგან საქმეთა სამინისტროს წარმომადგენელს
ბრიუსელში ევრონესტის საპარლამენტო ასამბლეის პლენარული სხდომა იმართება
25-27 ივნისს ბრიუსელში, ევროპარლამენტში, აღმოსავლეთ პარტნიორობის (ევრონესტის) საპარლამენტო ასამბლეის მეშვიდე პლენარული სხდომა გაიმართება.
არჩილ თალაკვაძე - ჩვენ გვჭირდება მცირე, ძალიან ოპერატიული მთავრობა, რომელიც სწრაფ გადაწყვეტილებებს იღებს
რაზეც ყველანი ვთანხმდებით არის ის, რომ ჩვენ გვჭირდება მცირე, ძალიან ოპერატიული მთავრობა, - ამის შესახებ საპარლამენტო უმრავლესობის ლიდერმა
ირაკლი კობახიძე - ახალ სახეებზე გუნდში მსჯელობა გრძელდება
ახალ სახეებზე გუნდში გრძელდება მსჯელობა, - ამის შესახებ პარლამენტის თავმჯდომარემ ირაკლი კობახიძემ მინისტრთა კაბინეტის ფორმირებასა და სამთავრობო გუნდში
ალექსანდრე ბარამიძემ იუსტიციის მინისტრის პირველი მოადგილის თანამდებობა დატოვა
ალექსანდრე ბარამიძე, რომელიც იუსტიციის მინისტრის პირველი მოადგილის თანამდებობას იკავებდა, სამინისტროდან წავიდა. მინისტრთა კაბინეტის დამტკიცების შემდეგ,