არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
23-10-2017
თინა ხიდაშელი - პირველადი მონაცემებით, ცენტრალურ აფრიკაში ქართველი სამხედროების მხრიდან ჩადენილი არავითარი ძალადობა არ იკვეთება
17:13 29-01-2016
თინა ხიდაშელი - პირველადი მონაცემებით, ცენტრალურ აფრიკაში ქართველი სამხედროების მხრიდან ჩადენილი არავითარი ძალადობა არ იკვეთება პირველადი მონაცემებით, არავითარი ძალადობა, არაფერი სისხლის სამართლის დანაშაულთან ახლოს მყოფიც კი არ ჩანს, - ამის შესახებ ჟურნალისტებს თავდაცვის მინისტრმა თინა ხიდაშელმა ცენტრალურ აფრიკაში ქართველ სამხედროებთან დაკავშირებით გაერო-ს ადამიანის უფლებათა უმაღლესი კომისრის მიერ გავრცელებული ინფორმაციის კომენტირებისას განუცხადა.

"ძალიან ადრეა იმაზე საუბარი, რაიმე დადასტურდა თუ არა. ეს ინფორმაცია პირველად გასულ კვირას მივიღეთ. მანამდე მსგავსი არასოდეს, არც ერთ დოკუმენტში არ ყოფილა. ყველას გვაქვს ნანახი უამრავი სამადლობელი წერილი, შეფასების ანგარიშები, რომლებიც ქართული კონტინგენტის ცენტრალურ აფრიკაში საქმიანობას შეეხებოდა. გაეროდან ინფორმაცია გასულ კვირაში მივიღე და იმ დღესვე მივეცი ბრძანება სამხედრო პოლიციას გამოძიების დაწყებაზე. მაშინვე მივიღეთ გადაწყვეტილება, რომ პირები, რომლებიც 2014 წელს ამ თემებს კურირებდნენ, მათ შორის, გენერალური შტაბის უფროსის მოადგილე, დროებით ჩამოვაშოროთ თანამდებობიდან", - განაცხადა თინა ხიდაშელმა.

მისივე თქმით, თანამდებობიდან ჩამოცილებულია 6 პირი, რათა მათ გამოძიებაზე რაიმე მიზეზით გავლენა ვერ მოეხდინათ. "პირველადი მონაცემებით მე შემიძლია გითხრათ, რომ არავითარი ძალადობა, არაფერი სისხლის სამართლის დანაშაულთან ახლოს მყოფიც კი არ ჩანს, თუმცა არც ერთი მტკიცებულება, ჩვენება ან კონკრეტული დოკუმენტი გაეროს მხრიდან არ მიგვიღია. ჩვენთვის ცნობილია მხოლოდ ის პრესრელიზი, რომელიც გაერომ გამოაქვენა", - აღნიშნა თავდაცვის მინისტრმა.

თინა ხიდაშელის თქმით, მისი უპირველესი ამოცანაა, რომ მსგავსი შემთხვევებით და განცხადებებით საქართველოს შეიარაღებულ ძალებს ჩრდილი არ მიადგეს.

"ერთადერთი და ყველაზე მნიშვნელოვანი არის ის, რომ ის სახელი და პრესტიჟი, რომელიც ამდენი წლის განმავლობაში აშენა ქართულმა ჯარმა და რომლითაც ჩვენ ყველანი ძალიან ვამაყობთ, იყოს შენარჩუნებული. თუკი დადასტურდა, რომ ვინმემ ჩაიდინა რაიმე იმასთან მიახლოებული დანაშაულიც კი, რაზეც საუბარია პრესრელიზში, კანონის უმკაცრესი ზომებით დაისჯება სწორედ იმისთვის, რომ ერთი ადამიანის მსგავსი ქმედებით დანარჩენ შეიარაღებულ ძალებს ჩრდილი არ მიადგეს. ის 160 ადამიანი, ვინც იმ კონტინგენტში იყო, ერთგვარად კითხვის ნიშნის ქვეშ არის. მათ მეგობრები, ოჯახები ჰყავთ და არ მინდა იმის დაშვება, რომ ვინმე ოდესმე გაბედავს, რომ ამ ადამიანებს რაიმეში კოლექტიურად დასდონ ბრალი. ამიტომ ჩემი ამოცანაა, რაც შეიძლება მოკლე ვადებში გაირკვეს სიმართლე", - განმარტა თავდაცვის მინისტრმა.

გაეროს ადამიანის უფლებათა უმაღლესი კომისრის, ზეიდ რაად ალ ჰუსეინის ინფორმაციით, ცენტრალური აფრიკის რესპუბლიკაში ქართველმა სამხედროებმა მცირეწლოვანი გოგონების წინააღმდეგ სექსუალური ძალადობა განახორციელეს.

მასალის გამოყენების პირობები
სხვა სიახლეები
ირაკლი კობახიძე ოფიციალური ვიზიტით ისრაელს ეწვევა
საქართველოს პარლამენტის თავმჯდომარე ირაკლი კობახიძე, საპარლამენტო დელეგაციასთან ერთად, 24-26 ოქტომბერს ოფიციალური ვიზიტით
„ადამიანის უფლებათა ცენტრი“ ადვოკატ მდინარაძის ცემის საქმეზე გამოტანილ განაჩენთან დაკავშირებით განცხადებას ავრცელებს
„ადამიანის უფლებათა ცენტრი“ ადვოკატ გიორგი მდინარაძის ცემის საქმეზე გამოტანილ განაჩენთან დაკავშირებით განცხადებას ავრცელებს.
ნინო ბურჯანაძე - კასპში ნულის ნაცვლად 42 ხმა მას შემდეგ დაგვიწერეს, რაც ჩვენმა მაჟორიტარმა იკითხა, სად იყო თუნდაც მის მიერ მიცემული ერთი ხმა
„დემოკრატიული მოძრაობის“ ლიდერის ინფორმაციით, კასპის ერთ-ერთ უბანზე პარტიას ნულის ნაცვლად 42 ხმა მას შემდეგ დაუწერეს,
გიორგი კვირიკაშვილი უმსხვილესი იაპონური ფონდის NIPPON-ის თავმჯდომარეს შეხვდა
საქართველოს პრემიერ-მინისტრი გიორგი კვირიკაშვილი უმსხვილესი იაპონური ფონდის, NIPPON-ის თავმჯდომარეს, იოჰეი სასაკავას შეხვდა,
ნინო ბურჯანაძე - მადლობა მინდა გადავუხადო საერთაშორისო თანამეგობრობის წარმომადგენლებს, რომლებმაც პრაქტიკულად ის პრეტენზიები გაახმოვანეს, რაც ჩვენ გვქონდა
მადლობა მინდა გადავუხადო საერთაშორისო თანამეგობრობის წარმომადგენლებს, რომლებმაც პრაქტიკულად ყველა ის პრეტენზია აღნიშნეს, რაც ჩვენ გვქონდა,
”ევროპული საქართველო” - როგორც ჩანს, ”ევროპულ საქართველოზე” თავდასხმა ბურჯანაძის მიერ ივანიშვილისთვის ფულის თხოვნის ახალი გზაა
„ევროპული საქართველო“ ”დემოკრატიული მოძრაობის” ლიდერს ნინო ბურჯანაძეს პასუხობს. როგორც პარტიის წევრმა ირაკლი კიკნაველიძემ
ირაკლი კობახიძე - ჩვენ არ გვქონდა ამბიცია, რომ ყველგან მაინცდამაინც პირველ ტურში მოგვეგო არჩევნები
ჩვენ არ გვქონდა ამბიცია, რომ ყველგან მაინცდამაინც პირველ ტურში მოგვეგო არჩევნები, - ამის შესახებ ჟურნალისტებს პარლამენტის თავმჯდომარე
ნინო ბურჯანაძე - საკმაოდ ბევრი დოკუმენტია, სადაც ჩანს, როგორ ყალბდება არჩევნები
„დემოკრატიული მოძრაობის“ ლიდერის, ნინო ბურჯანაძის განცხადებით, ოქმებში მანიპულაციების დამადასტურებელ დოკუმენტაციას დამკვირვებლებს გადასცემს.
ირაკლი კობახიძე - ყველას ვურჩევ, თუ არსებობს ეჭვი თიანეთში ხარვეზებთან დაკავშირებით, მიმართონ საარჩევნო ადმინისტრაციას ან სასამართლოს
ყველას ვურჩევ, თუ არსებობს გარკვეული ეჭვი ხარვეზებთან დაკავშირებით, მიმართონ საარჩევნო ადმინისტრაციას ან სასამართლოს,
ირაკლი კობახიძე - რუსული, ფრანგული თუ იტალიური, შავი ფული ნამდვილად ტრიალებდა
რუსული, ფრანგული თუ იტალიური, შავი ფული ნამდვილად ტრიალებდა, - ასე გამოეხმაურა პარლამენტის თავმჯდომარე ირაკლი კობახიძე მოსაზრებებს