არქივი
კურსი
კონვერტორი
USD
1 USD
2.5429
EUR
1 EUR
3.1082
RUB
100 RUB
4.4825
21-01-2018
ლევან ვასაძე - აფხაზეთი და სამაჩაბლო ოკუპირებულია კრემლის მიერ, დანარჩენი საქართველო კი ვაშინგტონის, სტრასბურგის და ბრიუსელის მიერ
21:13 13-02-2016
ლევან ვასაძე - აფხაზეთი და სამაჩაბლო ოკუპირებულია კრემლის მიერ, დანარჩენი საქართველო კი ვაშინგტონის, სტრასბურგის და ბრიუსელის მიერ აფხაზეთი და სამაჩაბლო ოკუპირებულია კრემლის მიერ, დანარჩენი საქართველო კი ოკუპირებულია ვაშინგტონის, სტრასბურგისა და ბრიუსელის მიერ, - ამის შესახებ ბიზნესმენმა ლევან ვასაძემ ტელეკომპანია "იმედის" ეთერში განაცხადა.

როგორც ლევან ვასაძემ აღნიშნა, სკოლებში ახალი საგნების - "მე და საზოგადოება" და "ჩემი საქართველოა" სახელმძღვანელოები მიუღებელია, რადგან მან დამკვეთების ვინაობა იცის.

"მე ვიცი ამ პროგრამის რაობა. შესწავლილი მაქვს ეს საერთაშორისო დონეზე. როცა თამუნას (სანიკიძე) შევხვდი, მივედი ამ პირველი ვერსიით, ამიტომ ვამბობ, რომ ტყუის, რადგან იქ ვიჯექი და ამ ყველაფერს ვუკითხავადი, ჩემი პირველი შეკითხვა იყო, ვინ შეგიკვეთათ ეს ყველაფერი-მეთქი. იქაც მომატყუეს და მითხრეს, რომ არაო, სამინისტროს ფარგლებში დაიბადა ეს იდეაო. როცა ამოვუღე და დავუდე საერთაშორისო მაგალითები ამის იდენტური, მერე ნიღაბი მოიხსნეს. თამუნას რას ვერჩი. თქვენ მართლა გგონიათ, რომ თამუნა სანიკიძე მართავს განათლებისა და მეცნიერების სამინისტროს? ერთი ძალიან კარგი გოგოა. მე ადამიანურად ძალიან მიყვარს და ამ სიტუაციაში მეცოდება", - განაცხადა ვასაძემ.

როგორც ვასაძემ აღნიშნა, თამარ სანიკიძე იძულებულია მის მოადგილეებს დაუჯეროს.

"თამუნა იძულებულია დაუჯეროს თავის მოადგილეებს - ქალბატონ გიგაურს და სხვებს, რომლებიც რასაც ეტყვიან, ის უნდა გააკეთოს. ისინი კი თავის მხრივ, უჯერებენ თავის ევროხელმძღვანელობას. ჩვენ ხომ არ გვაქვს დამოუკიდებელი სახელმწიფო. თქვენ გგონიათ, რომ თავისუფლებისკენ მიისწრაფით და ტოლერანტობა გინდათ. აფხაზეთი და სამაჩაბლო ოკირებულია კრემლის მიერ, დანარჩენი საქართველო არის ოკუპირებული ვაშინგტონის, სტრასბურგისა და ბრიუსელის მიერ, რასაც უბრძანებენ, ის უნდა გააკეთონ. მე მყავდა აქ ჩემოყვანილი უცხოელი ექსპერტები, მაისში კიდევ ჩამოვიყვანთ", - განაცხადა ვასაძემ.

როგორც ვასაძემ აღნიშნა, სახელმწიფოს საქმე ბავშვების აღზრდა არ არის, ბავშვების აღზრდა ოჯახისა და ტრადიციული რელიგიების მორალის საქმეა.

"ჩემი აზრით, ამის ამოწმენდა მოხდა სამინისტროს თანამშრომლების მიერ. მაგათ ფული აქვთ აღებული, გრანტი აქვთ შეჭმული და უნდათ ანგარიში ჩააბარონ, რომ ტყუილად ფული არ შეუჭამიათ და ეს საგანი უნდა მიაღებინონ. ეს არის დაკვეთა მათი პარტონების. მე ამაში დარწმუნებული ვარ. სახელმწიფოს საქმე ბავშვების აღზრდა არ არის, ბავშვების აღზრდა ოჯახისა და ტრადიციული რელიგიების მორალის საქმეა. სკოლა ბავშვს უნდა აძლევდეს განათლებას. სკოლაში ბავშვს უნდა ასწავლიდნენ მათემატიკას, ბუნებას, ისტორიას. სახელმწიფოს საქმე არის შეაგროვოს გადასახადები, დააგოს ასფალტი და რაც შეიძლება ნაკლები მოიპაროს", - განაცხადა ვასაძემ.

პეტიციას - "განგაშის ზარები" ხელს აწერენ საზოგადოების ცნობილი წევრები, მათ შორის, ლევან ვასაძე და ითხოვენ, სკოლებში ახალი საგნები - "მე და საზოგადოება" და "ჩემი საქართველოა" არ შეიტანონ. პეტიციაში აღნიშნულია, რომ "განათლების სამინისტრო ევროკავშირის დავალებით სექტემბრიდან ჩვენ შვილებზე მასირებული შეტევის განხორციელებას აპირებს, ახალი სავალდებულო საგნების "მე და საზოგადოება" და "ჩემი საქართველოა" მიზანი იქნება დაწყებით კლასებში, 7-13 წლამდე ბავშვების, ერთი მხრივ, ბილწი და უსაშინლესი ცნობიერებით მოწამვლა, გარყვნა და, მეორე მხრივ, მათი სარწმუნოებრივ-ეროვნული ცნობიერების გადაგვარება და აღრევა".
მასალის გამოყენების პირობები
სხვა სიახლეები
უკრაინის პრეზიდენტმა საქართველოს შესთავაზა, რუსეთის წინააღმდეგ სანქციების მექანიზმში ჩაერთოს
უკრაინის პრეზიდენტმა პეტრო პოროშენკომ საქართველოს შესთავაზა, რუსეთის წინააღმდეგ სანქციების მექანიზმში ჩაერთოს, - ამის შესახებ ნათქვამია
ზურაბ ბატიაშვილი - აფრინის სამხედრო ოპერაცია კიდევ უფრო დაძაბავს აშშ-ისა და თურქეთის ურთიერთობას, რაც შესაძლოა საქართველოს უსაფრთხოებაზეც ნეგატიურად აისახოს
აფრინის სამხედრო ოპერაცია კიდევ უფრო დაძაბავს აშშ-ისა და თურქეთის ურთიერთობას, რაც შესაძლოა ნეგატიურად აისახოს საქართველოს
ზაზა ხუციშვილი - მეორე ტურებში მმართველი ძალის გამარჯვება პროგნოზირებადი იყო
ის პოზიცია, რომ არავინ არ მინდა და არჩევნებზე სახლში ვრჩები, არ არის სახელმწიფოებრივი აზროვნება, - ამის შესახებ ვაკის ოლქში "ქართული ოცნების" გამარჯვებულმა
„საერთაშორისო გამჭვირვალობა“ არჩევნებთან დაკავშირებით რამდენიმე რეკომენდაციას აქვეყნებს
„საერთაშორისო გამჭვირვალობა - საქართველო“ არჩევნებთან დაკავშირებით რამდენიმე რეკომენდაციას აქვეყნებს.
„სამართლიანი არჩევნები“ ხმების პარალელური დათვლის შედეგებს აქვეყნებს
„სამართლიანი არჩევნებისა და დემოკრატიის საერთაშორისო საზოგადოება“ ხმების პარალელური დათვლის (PVT) შედეგებს აქვეყნებს.
უჩა ნანუაშვილი - არჩევნებმა მშვიდ გარემოში ჩაიარა, თუმცა იყო გარკვეული ხარვეზები
არჩევნებმა მშვიდ გარემოში ჩაიარა, თუმცა იყო გარკვეული ხარვეზები, - ამის შესახებ „ინტერპრესნიუსს“ სახალხო დამცველმა უჩა ნანუაშვილმა
თამარ ჟვანია - მარნეულის ერთ-ერთ საარჩევნო უბანზე ბიულეტენების ჩაყრის ფაქტი ჯერჯერობით არ დასტურდება
მარნეულის ერთ-ერთ საარჩევნო უბანზე ბიულეტენების ჩაყრის ფაქტი ჯერჯერობით არ დასტურდება. „ჩვენ ამაზე მოვისმინეთ ზეპირი განცხადება და ამ განცხადების უარყოფა.
თამარ ჟვანია - გუშინ არც ერთი ისეთი სერიოზული ფაქტი არ დაფიქსირებულა, რომელსაც არჩევნების შედეგებზე გავლენის მოხდენა შეუძლია
გუშინ მთელი დღის განმავლობაში არც ერთი ისეთი სერიოზული ფაქტი არ დაფიქსირებულა, რომელსაც არჩევნების შედეგებზე გავლენის მოხდენა შეუძლია,
“ქართულმა ოცნებამ“ აჭარის უმაღლეს საბჭოშიც უმრავლესობა მოიპოვა
აჭარის უმაღლეს საბჭოში „ქართულმა ოცნებამ“ უმრავლესობა მოიპოვა. უსკო-ს მონაცემებით, აჭარის ექვსივე მაჟორიტარულ ოლქში „ქართული ოცნების“ კანდიდატებმა გაიმარჯვეს.
თამარ ჟვანია - ცალკეული შემთხვევების მიუხედავად, ამომრჩევლებმა თავისუფალ გარემოში, შეფერხების გარეშე შეძლეს კენჭისყრაში მონაწილეობა
არჩევნებმა მშვიდ გარემოში ჩაიარა და ამომრჩევლებს მიეცათ საშუალება გამოეხატათ საკუთარი ნება, - ამის შესახებ ცენტრალური საარჩევნო კომისიის თავმჯდომარე