არქივი
კურსი
კონვერტორი
USD
1 USD
2.4686
EUR
1 EUR
3.0435
RUB
100 RUB
4.3637
22-02-2018
გიორგი კვირიკაშვილი - საქართველო დღეს აშენებს თავის ევროპულ მომავალს
00:04 14-02-2016
გიორგი კვირიკაშვილი - საქართველო დღეს აშენებს თავის ევროპულ მომავალს თუ მკითხავთ, რაში მდგომარეობს ევროპის სამომავლო პერსპექტივა, გიპასუხებთ, რომ ის მდგომარეობს საერთო მიზნისა და საერთო მომავლის გარშემო კონსოლიდაციაში. ხოლო საქართველო არის ამ საერთო მომავლის ნაწილი, რასაც საფუძვლად უდევს საერთო ისტორიული წარსული და კულტურა,-ამის შესახებ საქართველოს პრემიერ-მინისტრმა მიუნხენის უსაფრთხოების კონფერენციის თემატურ პანელზე "სამომავლო მიმართულება ევროინტეგრაციისაკენ" სიტყვით გამოსვლისას განაცხადა.

გიორგი კვირიკაშვილმა მიუნხენის ფორუმის მნიშვნელობაზე, უსაფრთხოების საკითხებზე და ევროპის მომავალთან დაკავშირებით საერთო მიზნებისა და ამოცანების განსაზღვრის აუცილებლობაზე ისაუბრა.

სიტყვით გამოსვლისას საქართველოს პრემიერ-მინისტრმა მთავარი აქცენტი საქართველოს, როგორც ევროპის ნაწილის მომავალზე გააკეთა. მისი თქმით, სამხრეთ კავკასიაში მდებარე საქართველო ყოველთვის იყო და არის ევროპული ქვეყანა, როგორც ისტორიულად, ისე კულტურულად.

"საქართველო დღეს აშენებს თავის ევროპულ მომავალს. ჩვენ თანმიმდევრულად ვახორციელებთ ასოცირების ხელშეკრულების დღის წესრიგს და გვაქვს სერიოზული ამბიციები ამ მხრივ: პოსტსაბჭოთა ინსტიტუტების ტრანსფორმაცია ევროპულ ინსტიტუტებად, საქართველოს პოლიტიკური სტანდარტების მიახლოება ევროპულ სტანდარტებთან, ევროპასთან თავისუფალი ვაჭრობა, ასევე უვიზო მიმოსვლა, რომელიც ჯერჯერობით არ გვაქვს, მაგრამ, იმედია, მალე გვექნება. საქართველომ უკვე დაასრულა ვიზების ლიბერალიზაციის სამოქმედო გეგმის განხორციელება და, რაც ყველაზე მნიშვნელოვანია, ჩვენ ევროპულ მომავალს ვაშენებთ საერთო ისტორიისა და საერთო ხედვის საფუძველზე",-განაცხადა გიორგი კვირიკაშვილმა.

პრემიერ-მინისტრის განმარტებით, არსებული გამოწვევების მიუხედავად საქართველო თანმიმდევრულია ევროინტეგრაციის პროცესში.
"ჩვენ წინაშე დგას მთელი რიგი გამოწვევები: ტერიტორიებზე კონტროლის დროებითი დაკარგვა, რომლებიც რუსეთმა მიიტაცა; რეგიონში ლტოლვილებთან დაკავშირებული პრობლემები. თუმცა, ჩვენ ძალიან ოპტიმისტურად ვართ განწყობილნი საქართველოს ხვალინდელი დღისადმი, ევროპული სტანდარტების შესაბამისად ქვეყნის სისტემურ და ინსტიტუციურ ტრანსფორმაციასთან დაკავშირებით. ასევე იმედის თვალით შევყურებთ ევროპასთან სატრანსპორტო კავშირის შემდგომ განმტკიცებას, რითაც დავაკავშირებთ ევროპასა და აზიას, ევროპასა და რეგიონის ქვეყნებს, ირანის ჩათვლით, რომელსაც გაუჩნდა მთელ მსოფლიოსთან თანამშრომლობის პერსპექტივა",-აღნიშნა პრემიერმა.

მისივე თქმით, საქართველოს მნიშვნელოვანი წვლილი შეაქვს საერთაშორისო მისიებში, რეგიონის უსაფრთხოებაში და გლობალურ გამოწვევებთან ბრძოლაში.

დისკუსიას, რომლის განსახილველი თემა იყო "სამომავლო მიმართულება ევროინტეგრაციისაკენ", მოდერატორობას უწევდა ავსტრიის საგარეო საქმეთა მინისტრი სებასტიან კურცი. დისკუსიის მომხსენებლები იყვნენ: მაკედონიის პრეზიდენტი გიორგე ივანოვი, სლოვენიის რესპუბლიკის პრეზიდენტი ბორუტ პაჰორი, ხორვატიის რესპუბლიკის პრეზიდენტი კოლინდა გრაბარი, მონტერეგროს პრემიერ- მინისტრი მილო ჯუკანოვიჩი, კოსოვოს რესპუბლიკის პრემიერ-მინისტრი მუსტაფა ისა.
მასალის გამოყენების პირობები
სხვა სიახლეები
“ევროპული საქართველო” ფინანსთა მინისტრს პარლამენტში იბარებს
“ევროპული საქართველო” ფინანსთა მინისტრ მამუკა ბახტაძეს საპენსიო რეფორმასთან დაკავშირებით პარლამენტში იბარებს. როგორც პარტიის ერთ-ერთმა ლიდერმა
მარიკა დათუკიშვილი - საქალაქო სამსახურების ხელმძღვანელ პოსტებზე წარდგენილი კანდიდატებისგან ვერც ერთ კითხვაზე პასუხი ვერ მივიღეთ
მთავრობის წევრების ამ კანდიდატებს ჩვენ, "ნაციონალურმა მოძრაობამ" მხარი არ დავუჭირეთ ბევრი რამის გამო, - ამის შესახებ ფრაქცია "ნაციონალური მოძრაობის" წევრმა
რიმა ბერაძე - სოციალურად დაუცველი სტუდენტების დაფინანსება ჩვენი მმართველობის პირობებში არ შემცირებულა
თბილისის საკრებულოს სარევიზიო კომისიის თავმჯდომარემ, რიმა ბერაძემ საკრებულოს სხდომაზე სოციალურად დაუცველი სტუდენტებისთვის
დიმიტრი ქუმსიშვილმა თურქეთის ვიცე-პრემიერთან ორმხრივი ეკონომიკური ურთიერთობები განიხილა
თურქეთში სამუშაო ვიზიტის ფარგლებში, საქართველოს ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი
ლევან ჟორჟოლიანი - რეორგანიზაციის შედეგად გამართულ და ხარისხიან საქალაქო სამსახურებს მივიღებთ
მერიაში მიმდინარე რეორგანიზაციის შედეგად 22 თებერვლიდან მივიღებთ ისეთ სტრუქტურულ ერთეულებს და იმდენად გამართულ მერიას, რომლის
ფინანსთა სამინისტროს წარმომადგენლები ახალი საგადასახადო ინიციატივის მეწარმეებისთვის გასაცნობად დღეიდან შეხვედრებს იწყებენ
ფინანსთა სამინისტროს წარმომადგენლები ახალი საგადასახადო ინიციატივის მეწარმეებისთვის გაცნობის მიზნით, დღეიდან შეხვედრებს იწყებენ.
სოზარ სუბარი - ყველამ იფიქროს თავის საპრეზიდენტო კანდიდატურაზე და ნუ არიან ჩაჩიჩინებული ჩვენს კანდიდატზე
ყველამ იფიქროს თავის საპრეზიდენტო კანდიდატურაზე და ნუ არიან ჩაჩიჩინებული ჩვენს კანდიდატზე, - ამის შესახებ ”პალიტრანიუსის” გადაცემაში
ფიქრია ჩიხრაძე - პრეზიდენტმა რუსთაველის „ვეფხისტყაოსნიდან“ ციტატაც რომ მოიყვანოს, უმრავლესობა იტყვის, რომ ეს არაა სწორი
პრეზიდენტმა რუსთაველის „ვეფხისტყაოსნიდან“ ციტატაც რომ მოიყვანოს, უმრავლესობა იტყვის, რომ ეს არაა სწორი, - ამის შესახებ საქართველოს პრეზიდენტის
სოზარ სუბარი - როცა პრეზიდენტი ამბობს, რომ „ქართული ოცნება“ არღვევს ინსტიტუტებს, ესაა აბსოლუტურად გამიზნული და შეგნებული ტყუილი
როცა პრეზიდენტი ამბობს, რომ „ქართული ოცნება“ არღვევს ინსტიტუტებს, ესაა აბსოლუტურად გამიზნული და შეგნებული ტყუილი, - ამის შესახებ
ზვიად ქორიძე - პარლამენტის უმრავლესობა პრეზიდენტის ვეტოს კი არ დაუპირისპირდა, მათ დღეს საქართველოს დემოკრატიულ განვითარებაზე გამოთქვეს პროტესტი
საქართველოს პარლამენტის უმრავლესობა პრეზიდენტის ვეტოს კი არ დაუპირისპირდა, მათ დღეს საქართველოს დემოკრატიულ განვითარებაზე გამოთქვეს