არქივი
«« დეკემბერი 2017 »»
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
კურსი
კონვერტორი
USD
1 USD
2.6673
EUR
1 EUR
3.1466
RUB
100 RUB
4.5043
12-12-2017
კახა კალაძე ენერგეტიკის სამინისტროსთვის "კალატოზას" მიერ თანხის გადარიცხვას "დიდ სიცრუეს" უწოდებს
23:49 08-03-2016
კახა კალაძე ენერგეტიკის სამინისტროსთვის "კალატოზას" მიერ თანხის გადარიცხვას "დიდ სიცრუეს" უწოდებს ვიცე პრემიერი, ენერგეტიკის მინისტრი კახა კალაძე ენერგეტიკის სამინისტროსთვის დავით ქარსელაძის, მეტსახელად "კალატოზას" მიერ თანხის გადმორიცხვის შესახებ გავრცელებულ ინფორმაციას დიდ სიცრუეს უწოდებს, - ამის შესახებ კალაძემ ტელეკომპანია "რუსთავი 2"-ის ეთერში განაცხადა.

როგორც მან აღნიშნა, ენერგეტიკის სამინისტროს საბანკო ანგარიში საერთოდ არ გააჩნია. "მოვისმინე გივი თარგამაძის განცხადება. ეს არის დიდი სიცრუე. მე ამაში არ ვადანაშაულებ "ნაციონალურ მოძრაობას", როგორც მათ განმარტეს, ეს უცნობი პიროვნების მიერ არის მიწოდებული. მე არ მესმის საერთოდ რაზეა საუბარი და რამდენად ღირს ამაზე სერიოზული კომენტარის გაკეთება, რადგან საუბარია ენერგეტიკის სამინისტროს ანგარიშზე გადარიცხვაზე და ამ დროს ენერგეტიკის სამინისტროს საერთოდ საბანკო ანგარიში არ გააჩნია. ერთადერთი ანგარიში არის ხაზინა და არ მგონია, ხაზინაში ვიღაც სამინისტროსთვის თანხებს რიცხავდეს", - განაცხადა კალაძემ.

მისივე თქმით, ბანკი "კალა კაპიტალი", რომელზეც გივი თარგამაძე საუბრობდა, საქართველოში არ არსებობს. "თუ სადმე უცხოეთში არის ასეთი ბანკი, არ ვიცი. ის ბანკი, რომელთანაც მქონდა კავშირი და ვიყავი დამფუძნებელი, იყო "პროგრეს ბანკი", რომელიც რამდენიმე წლის წინ ჩემს მიერ იქნა გასხვისებული. მე არ ვამბობ, რომ "ნაციონალურმა მოძრაობამ" მოიგონა, შეიძლება ვიღაცამ არასწორი ინფორმაცია მიაწოდა, მაგრამ მგონია, რომ ეს არის მიზანმიმართულად წამოწეული თემა, არ ვიცი ვისი მხრიდან. ხვალ პარლამენტში მისვლას ვაპირებ, საუბარი იქნება იმაზე, რა გავაკეთეთ, რას ვაკეთებთ. "ნაციონალური მოძრაობა" ცდილობდა რომ "გაზპრომთან" დაკავშირებით შემოტევები ყოფილიყო, მაგრამ კოვზი ნაცარში ჩაუვარდათ, თემა არ დარჩათ არაფერი და რაღაც ხომ უნდა მოიგონონ და მოიგონეს, რომ ვიღაცამ გადარიცხვის ფურცელი მიუტანა, რომ კახა კალაძეს ენერგეტიკის სამინისტროზე 1 100 000 დოლარი გადმოურიცხეს", - განაცხადა კალაძემ.

რაც შეეხება იმას, იცნობს თუ არა დავით ქარსელაძეს, კახა კალაძემ აღნიშნა, რომ მასთან არანაირი შეხება არ ჰქონია. "სხვათა შორის, ბატონ გივი თარგამაძეს ჰკითხეთ, მას მჭიდრო ურთიერთობები აქვს და ოჯახში უზის ისეთი კრიმინალი, რომელზეც თვითონ საუბრობს ხოლმე, ამიტომ მას ჰკითხეთ და უფრო ვრცლად მოგიყვებათ კრიმინალებსა და იმ ადამიანებზე, რომლებთანაც მას პირდაპირი ურთიერთობა აქვს", - განაცხადა კალაძემ.
"ნაციონალური მოძრაობის" ერთ-ერთი ლიდერის გივი თარგამაძის ინფორმაციით, ერთ-ერთი რუსული ბანკის ფილიალიდან ცნობილმა კრიმინალმა დავით ქარსელაძემ, მეტსახელად "კალატოზამ" ენერგეტიკის სამინისტროს 1 100 000 დოლარი გადმოურიცხა.

გივი თარგამაძემ წარმოადგინა გადარიცხვის დოკუმენტი, რომლის თანახმადაც ერთ-ერთი რუსული ბანკის ფილიალიდან ენერგეტიკის სამინისტროსთვის გადმორიცხულია 1 100 000 დოლარი, მიზანში მითითებულია მშენებლობა, ხოლო ფულს რიცხავს ვინმე დავით ქარსელაძე. თარგამაძის თქმით, ამ შეთანხმების გარანტორად დოკუმენტში მითითებულია ვიცე პრემიერის კახა კალაძის პირადი ბანკი "კალა კაპიტალი".
რაც შეეხება დავით ქარსელაძეს, როგორც გივი თარგამაძემ აღნიშნა, ის არის ცნობილი კრიმინალი მეტსახელად "კალატოზა", რომელიც შევარდნაძის დროს ფლობდა და არეკეტებდა სამარშრუტო ტაქსებს, როგორც თბილისში, ასევე უმეტეს რაიონებში.

იხილეთ ვიდეო: რას პასუხობს კახა კალაძე "ნაციონალების" ბრალდებას, რომლის მიხედვითაც "კალატოზამ" ენერგეტიკის სამინისტროს 1 100 000 დოლარი გადმოურიცხა
PLAYER_GET_VIDEOFLASH
მასალის გამოყენების პირობები
სხვა სიახლეები
ირაკლი კობახიძე - ჩვენი ხელისუფლება არ კმაყოფილდება იმ შედეგით, რომელიც უკვე მიღწეულია ადამიანის უფლებების დაცვის სფეროში
საქართველო, ჩვენი ხელისუფლება არ კმაყოფილდება იმ შედეგით, რომელიც უკვე მიღწეულია ადამიანის უფლებების დაცვის სფეროში,- ამის
იანოშ ჰერმანი - ვაფასებთ იმ პროგრესს, რომელსაც საქართველომ ადამიანის უფლებების მიმართულებით მიაღწია
ვაფასებთ იმ პროგრესს, რომელსაც საქართველომ ადამიანის უფლებების მიმართულებით მიაღწია, - ამის შესახებ ევროკავშირის ელჩმა საქართველოში
ნიკა მელია - რაც დღეს მიხეილ სააკაშვილმა გააკეთა, ეს არის პოროშენკოს ოლიგარქიული რეჟიმისთვის ბოლო აგურის გამოცლა
პოროშენკოს რეჟიმი შეგვიძლია უკვე პრაქტიკულად დამარცხებულად ჩავთვალოთ, - ამის შესახებ „ინტერპრესნიუსს“ „ნაციონალური მოძრაობის“
მიხეილ სააკაშვილი - თუ ხელი წაუცდებათ ექსტრადირებაზე, საქართველოში უფრო სწრაფად მოვაყომარებთ საქმეს, ვიდრე უკრაინაში
თუ ხელი წაუცდებათ ექსტრადირებაზე, საქართველოში უფრო სწრაფად მოვაყომარებთ საქმეს, ვიდრე უკრაინაში, - ამის შესახებ საქართველოს
ირაკლი კობახიძე - მედიას პარლამენტის განვითარების კუთხით ძალიან მნიშვნელოვანი, პოზიტიური როლის შესრულება შეუძლია
მედიას პარლამენტის განვითარების კუთხით ძალიან მნიშვნელოვანი, პოზიტიური როლის შესრულება შეუძლია,- ამის შესახებ საქართველოს
გიორგი მახარაძე - თუ აქციაზე გაჟღერებული მოთხოვნები არ დაკმაყოფილდება, ”თეთრი ხმაურის” მოძრაობა ალტერნატიული პროტესტის ფორმებზე გადავა
იმ შემთხვევაში, თუ გუშინდელ აქციაზე გაჟღერებული მოთხოვნები არ დაკმაყოფილდება, ”თეთრი ხმაურის” მოძრაობა გადავა ალტერნატიული
ირაკლი გოგავა - პოროშენკოსა და სააკაშვილს შორის შედგა შეთანხმება, სააკაშვილს განესაზღვრა მისი ტექნიკური ოპოზიციის როლი ტიმოშენკოს დასასუსტებლად
ოდესის გუბერნატორობიდან გადადგომის თუ გადაყენების შემდეგ, პეტრო პოროშენკოსა და მიხეილ სააკაშვილს შორის შედგა შეთანხმება,
კოტე იოსელიანი - უკრაინაში სააკაშვილისთვის წარდგენილი ბრალდება ისეთივე უსაფუძვლო და აბსურდულია, როგორც საქართველოში, როდესაც 7 პიჯაკს ედავებიან
”ნაციონალური მოძრაობის” წევრი კოტე იოსელიანი მიხეილ სააკაშვილის მიმართ უკრაინაში წარდგენილ ბრალდებას უსაფუძვლოს უწოდებს.
მიხეილ ჯანელიძე ქალთა პოლიტიკური მონაწილეობის საკითხზე კონფერენციაში მიიღებს მონაწილეობას
საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე, ხვალ, ქალთა პოლიტიკური მონაწილეობის საკითხზე მაღალი დონის კონფერენციაში მონაწილეობას მიიღებს.
საფინანსო-საბიუჯეტო კომიტეტის სხდომაზე „საქართველოს 2018 წლის სახელმწიფო ბიუჯეტის შესახებ“ კანონპროექტი განიხილეს
საფინანსო-საბიუჯეტო კომიტეტის სხდომაზე საქართველოს მთავრობის მიერ საკანონმდებლო ინიციატივის წესით წარმოდგენილი „საქართველოს