არქივი
კურსი
კონვერტორი
USD
1 USD
2.7268
EUR
1 EUR
3.2176
RUB
100 RUB
4.5750
20-11-2017
საქსონია-ანჰალტის ფედერალური მიწის პრემიერის ინფორმაციით, უახლოეს მომავალში, საქართველოში ანგელა მერკელის ვიზიტი იგეგმება
11:49 11-06-2016
საქსონია-ანჰალტის ფედერალური მიწის პრემიერის ინფორმაციით, უახლოეს მომავალში, საქართველოში ანგელა მერკელის ვიზიტი იგეგმება დავით უსუფაშვილთან და საქართველოს პარლამენტის დელეგაციის წევრებთან გამართული შეხვედრის შესახებ საქსონია-ანჰალტის ფედერალური მიწის პრემიერ-მინისტრმა ქართულ მედიასთან ისაუბრა. როგორც “ინტერპრესნიუსს” საქართველოს პარლამენტიდან აცნობეს, რაინერ ჰაზელოფის შეფასებით, ქართულ დელეგაციასთან შეხვედრა გერმანული მხარისთვის მნიშვნელოვანია. მისივე თქმით, შეხვედრაზე განსაკუთრებული ყურადღება განათლებისა და მეცნიერების დარგში თანამშრომლობას დაეთმო და ამ მიმართულებით ორ ქვეყანას შორის მემორანდუმის გაფორმება და დუალური განათლების დანერგვაც იგეგმება.

„ჩვენთვის ძალიან მნიშვნელოვანია ქართული დელეგაციის წევრებთან შეხვედრა. ქართულ მხარესთან სხვადასხვა მიმართულებით მჭიდროდ ვთანამშრომლობთ, მათ შორის, ეკონომიკისა და განათლების სფეროებში. განსაკუთრებით კარგი გამოცდილება გვაქვს სტუდენტების გაცვლითი პროგრამების სფეროში. დღეს პარლამენტის თავმჯდომარესთან შეხვედრაზე განსაკუთრებული ყურადღება დაეთმო საქართველოსა და გერმანიას შორის თანამშრომლობას განათლებისა და მეცნიერების დარგში. ამ მიმართულებით სახელმწიფოებს შორის მემორანდუმის გაფორმებაც იგეგმება, რაც პირველ რიგში, გაცვლითი პროგრამების გაფართოებას გულისხმობს. ვაპირებთ დუალური განათლების დანერგვასაც“, - აღნიშნა საქსონია-ანჰალტის ფედერალური მიწის პრემიერმინისტრმა რაინერ ჰაზელოფიმ.

რაინერ ჰაზელოფის ინფორმაციით, შეხვედრაზე განიხილეს ტურიზმისა და ეკონომიკის მიმართულებით თანამშრომლობაც.

„კიდევ ერთი საკითხი, რაზეც ვიმსჯელეთ, ტურიზმის და ტურიზმის მიმართულებით განათლების მიღებას ეხება, ჩვენ ვთავაზობთ ქართულ მხარეს უნივერსიტეტებს, სადაც კონკრეტულად ტურიზმის მიმართულებით განათლების მიღებაა შესაძლებელი. საქართველოს ტურიზმის განვითარების ძალიან დიდი პოტენციალი აქვს. ვფიქრობთ, ამ მიმართულებით თანამშრომლობა ტურისტების რაოდენობის გაზრდის გარდა, ეკონომიკის განვითარებასაც ხელს შეუწყობს. ასევე, შევთანხმდით, რომ 2017 წელს ბერლინში ჩატარდება მსოფლიოში ერთ-ერთი ყველაზე დიდი გამოფენა, სადაც ქართველ და გერმანელ მეწარმეებს შესაძლებლობა ექნებათ, ერთმანეთი უკეთ გაიცნონ და კონკრეტული ბიზნესგეგმებიც გაცვალონ“, - განაცხადა ფედერალური მიწის პრემიერ-მინისტრმა.

რაინერ ჰაზელოფის ინფორმაციით, უახლოეს მომავალში, საქართველოში გერმანიის კანცლერის, ანგელა მერკელის ვიზიტი იგეგმება.

„რამდენიმე დღეში გერმანიაში საქართველოს პრემიერმინისტრს ველოდებით. უახლოეს მომავალში, კანცლერი ანგელა მერკელი გეგმავს თქვენ ქვეყანაში სტუმრობას. დიდი სურვილი მაქვს, ამ დელეგაციის წევრი მეც ვიყო, რადგანაც მინდა, თქვენი ქვეყნის უფრო ახლოს გაცნობა, სხვადასხვა მიმართულებით. კარგია, რომ ჩვენი პარტნიორობა უფრო ინტენსიური და მჭიდრო ხდება. ეს ორივე ქვეყნისთვის ძალიან დიდი მიღწევაა“, - განაცხადა ჟურნალისტებთან საუბრისას საქსონია-ანჰალტის ფედერალური მიწის პრემიერ-მინისტრმა.

აღნიშნულ ინფორმაციას საქართველოს პარლამენტის პრესსამსახური ავრცელებს.



მასალის გამოყენების პირობები
სხვა სიახლეები
ზუგდიდის მუნიციპალიტეტის ახალარჩეული მერი საკუთარ გუნდს დღეს წარადგენს
ზუგდიდის მუნიციპალიტეტის ახალარჩეული მერი ლაშა გოგია საკუთარ გუნდს დღეს, 12:00 საათზე წარადგენს.
ირაკლი კობახიძე ოფიციალური ვიზიტით ბელარუსის რესპუბლიკას ეწვევა
საქართველოს პარლამენტის თავმჯდომარე ირაკლი კობახიძე, დელეგაციასთან ერთად, 20-22 ნოემბერს, ოფიციალური ვიზიტით ბელარუსის რესპუბლიკას ეწვევა.
ჩინეთის ელჩი - მოხარული ვარ, რომ საქართველოში არსებობს ბატონ კვირიკაშვილისნაირი სტრატეგიული ხედვის მქონე პოლიტიკოსი
ძალიან მოხარული ვარ, რომ საქართველოში არსებობს ბატონი კვირიკაშვილისნაირი სტრატეგიული ხედვის მქონე პოლიტიკოსი, რომელიც დიდ როლს
საქართველოში სიგრძით ყველაზე დიდი გვირაბის გათხრის სამუშაოები დასრულდა
საქართველოში სიგრძით ყველაზე დიდი, თითქმის 8,5 კმ-იანი გვირაბის გათხრის სამუშაოები დასრულდა. ქვიშხეთი-ზვარეს გვირაბის მშენებლობის
საქართველოსთვის 45 მლნ ევროს ოდენობით დახმარების საკითხს ევროპარლამენტის საერთაშორისო ვაჭრობის კომიტეტი განიხილავს
ევროპარლამენტის საერთაშორისო ვაჭრობის კომიტეტი (INTA) 22 ნოემბერს საქართველოსთვის 45 მილიონი ევროს ოდენობით მაკრო-ფინანსური დახმარების საკითხს განიხილავს.
მთავრობის სტრუქტურულ რეორგანიზაციასთან დაკავშირებული საკანონმდებლო პაკეტი პარლამენტს, სავარაუდოდ, ბიუროს დღევანდელ სხდომაზე წარედგინება
მთავრობაში დაგეგმილ სტრუქტურულ რეორგანიზაციასთან დაკავშირებული საკანონმდებლო პაკეტი, სავარაუდოდ, პარლამენტის ბიუროს დღევანდელ
კიევიდან დეპორტირებული ოპერატორი - სპეცრაზმელებმა სახეში ჩამარტყეს პისტოლეტი, ფეხებს მირტყამდნენ, თვალები ამიკრეს და ასე წამიყვანეს გაურკვეველი მიმართულებით
"რუსთავი 2”-ის კიევის ბიუროს ოპერატორმა თამაზ შავშიშვილმა ფოთის პორტში მყოფი ბორანი, სახელწოდებით “ვილნიუსი” წუხელ, გვიან ღამით დატოვა.
მიხეილ სააკაშვილი - როგორც ჩანს, ბინაში შეტაკება მოხდა, რადგან ბინა სისხლის შხეფებშია
საქართველოს ყოფილი პრეზიდენტის, ოდესის ოლქის ყოფილი გუბერნატორის მიხეილ სააკაშვილის ინფორმაციით, უკრაინიდან დეპორტირებული
მიხეილ სააკაშვილი - უკრაინიდან საქართველოს მოქალაქეების დეპორტაცია საქართველოსა და უკრაინის უსაფრთხოების სამსახურების ერთობლივი ოპერაციაა
საქართველოს ყოფილი პრეზიდენტის მიხეილ სააკაშვილის განცხადებით, უკრაინიდან საქართველოს მოქალაქეების დეპორტაცია საქართველოსა და უკრაინის
უკრაინიდან საქართველოს 8 მოქალაქის დეპორტაციის საკითხზე საელჩო განცხადებას ავრცელებს
უკრაინიდან საქართველოს 8 მოქალაქის დეპორტაციის საკითხზე უკრაინაში საქართველოს საელჩო განცხადებას ავრცელებს, რომელსაც უვლელად გთავაზობთ: