არქივი
კურსი
კონვერტორი
USD
1 USD
2.7062
EUR
1 EUR
3.2112
RUB
100 RUB
4.6278
25-11-2017
ხათუნა გოგორიშვილი საპროცედურო საკითხთა და წესების კომიტეტის თავმჯდომარის მოადგილედ აირჩიეს
19:23 17-02-2017
ხათუნა გოგორიშვილი საპროცედურო საკითხთა და წესების კომიტეტის თავმჯდომარის მოადგილედ აირჩიეს საპროცედურო საკითხთა და წესების კომიტეტის დღევანდელ სხდომაზე კომიტეტის თავმჯდომარის მოადგილედ უმცირესობის კვოტით ხათუნა გოგორიშვილი აირჩიეს.
როგორც ”ინტერპრესნიუსს” საქართველოს პარლამენტიდან აცნობეს, კომიტეტის სხდომაზე განიხილეს საპარლამენტო ფრაქციების - „ევროპული საქართველო“ და „ევროპული საქართველო უკეთესი მომავლისათვის“ მიერ საკანონმდებლო ინიციატივის წესით წარმოდგენილი საქართველოს პარლამენტის რეგლამენტის პროექტი „საქართველოს პარლამენტის რეგლამენტში ცვლილების შეტანის შესახებ“. სერგო რატიანმა, რომელმაც პროექტი წარმოადგინა, ცვლილების შეტანის მიზეზად სახელმწიფოში მაღალი საზოგადოებრივი ინტერესების მქონე კომერციულ გარიგებებთან დაკავშირებით საიდუმლო ინფორმაციის მოძიება და აღნიშნული ინფორმაციის დეტალებზე წვდომა დაასახელა.

მათივე ინფორმაციით, პროექტით საქართველოს პარლამენტის რეგლამენტს ემატება 1031 მუხლი, რომლის მიხედვითაც მაღალი საზოგადოებრივი ინტერესის, ქვეყნისათვის სტრატეგიულ ობიექტებთან ან სტრატეგიულ მიმართულებებთან არსებულ კომერციულ გარიგებებთან დაკავშირებით, ფაქტების გამოკვლევისა (მათ შორის კომერციული საიდუმლოების) და შესაბამისი რეაგირების მიზნით, პარლამენტში იქმნება ინტერფრაქციული ნდობის ჯგუფი. ჯგუფი იქმნება საპარლამენტო უმცირესობაში შემავალი ფრაქციის წერილობითი მოთხოვნის საფუძველზე. შექმნის თაობაზე გადაწყვეტილება მიიღება პლენარულ სხდომაზე, პარლამენტის შემადგენლობის არანაკლებ ერთ მეხუთედის მიერ. ინტერფრაქციული ნდობის ჯგუფი შედგება საპარლამენტო ფრაქციების მიერ წარდგენილი თითო წევრისაგან. ჯგუფი განსახილველ საკითხთან დაკავშირებით შეიმუშავებს დასკვნებს, იღებს გადაწყვეტილებებს, რეკომენდაციებსა და წარდგინებებს. კომიტეტმა წარმოდგენილ კანონპროექტს მხარი არ დაუჭირა.

კომიტეტის სხდომაზე განიხილეს პარლამენტის წევრის, ეკა ბესელიას მიერ საკანონმდებლო ინიციატივის წესით წარმოდგენილი საქართველოს პარლამენტის რეგლამენტის პროექტი, რომლის მომზადება „საერთო სასამართლოების შესახებ“ ორგანულ კანონში ე.წ. მართლმსაჯულების მესამე ტალღის ფარგლებში განხორციელებულმა ცვლილებამ განაპირობა.

„საერთო სასამართლოების შესახებ“ ორგანულ კანონში შევიდა ცვლილება, რომლითაც გარკვეულწილად შეიცვალა იუსტიციის უმაღლესი საბჭოს არამოსამართლე წევრების არჩევის წესი. მეტი მოქნილობისა და პროცესის გაჭიანურების თავიდან აცილების მიზნით, არამოსამართლე წევრები საქართველოს პარლამენტის მიერ მოქმედი ნორმით გათვალისწინებული სრული შემადგენლობის 2/3-ის ნაცვლად, არჩეულად ჩაითვლებიან სრული შემადგენლობის უმრავლესობის მხარდაჭერის შემთხვევაში. კომიტეტმა მხარი დაუჭირა კანონპროექტის პლენარულ სხდომაზე გატანას.

დღესვე, სხდომაზე კომიტეტებში, ტერიტორიული მთლიანობის აღდგენის საკითხთა დროებით კომისიაში, ასევე მუდმივმოქმედ საპარლამენტო დელეგაციებში პროპორციული წარმომადგენლობის კვოტები განისაზღვრა. აღნიშნული საკითხის დღის წესრიგში დაყენება პარლამენტში ახალი ფრაქციის დარეგისტრირებამ გამოიწვია.

როგორც სხდომაზე აღინიშნა, შემოთავაზებული კვოტები განსაზღვრულია შემდეგნაირად:ფრაქცია „ ქართულ ოცნება“ – 8; ფრაქცია „ქართული ოცნება - მრეწველები“ – 1;

ფრაქცია „ქართული ოცნება - კონსერვატორები“ – 1; ფრაქცია „ქართული ოცნება - სოციალ-დემოკრატები“ – 1; ფრაქცია „ქართული ოცნება - რეგიონების განვითარებისთვის“ – 1;

ფრაქცია „ქართული ოცნება - მწვანეები“ – 1; ფრაქცია „ევროპული საქართველო“ – 1;

ფრაქცია „მოძრაობა თავისუფლებისთვის - ევროპული საქართველო“ – 1; ფრაქცია „მოძრაობა თავისუფლებისთვის - რეგიონები“ –1; ფრაქცია „ნაციონალური მოძრაობა“ – 1; ფრაქცია „საქართველოს პატრიოტები“ – 1.

პარლამენტის წევრები, რომლებიც არ არიან გაერთიანებული არცერთ ფრაქციაში - 1.

რაც შეეხება, ტერიტორიული მთლიანობის აღდგენის საკითხთა დროებით კომისიას, მასში სულ 14 წევრია და კვოტები შემდეგნაირად განისაზღვრა: ფრაქცია „ ქართულ ოცნება“ – 2;

ფრაქცია „ქართული ოცნება - მრეწველები“ – 1; ფრაქცია „ქართული ოცნება - კონსერვატორები“ – 1; ფრაქცია „ქართული ოცნება - სოციალ-დემოკრატები“ – 1; ფრაქცია „ქართული ოცნება - რეგიონების განვითარებისთვის“ – 1; ფრაქცია „ქართული ოცნება - მწვანეები“ – 1;

ფრაქცია „ევროპული საქართველო“ – 2; ფრაქცია „მოძრაობა თავისუფლებისთვის - ევროპული საქართველო“ – 1; ფრაქცია „მოძრაობა თავისუფლებისთვის - რეგიონები“ – 1; ფრაქცია „ნაციონალური მოძრაობა“ – 1; ფრაქცია „საქართველოს პატრიოტები“ – 1; პარლამენტის წევრები, რომლებიც არ არიან გაერთიანებული არცერთ ფრაქციაში - 1.

კომიტეტმა მხარი დაუჭირა განხილულ საკითხებს. კომიტეტმა განიხილა არანაკლებ 30 000 ამომრჩევლის ინიციატივით „საერთო სასამართლოების შესახებ“ საქართველოს ორგანული კანონის, „საქართველოს სახალხო დამცველის შესახებ“ საქართველოს ორგანული კანონისა და „ადვოკატთა შესახებ“ საქართველოს კანონის პროექტების წარდგენის უფლების განხორციელების მიზნით მოქალაქეთა საინიციატივო ჯგუფის (დავით ჯანდიერის, ირაკლი მოდებაძის, ქრისტინე ჩაფიძის, დიმიტრი ბლუაშვილის და სესილი ბარბაქაძის შემადგენლობით) მიერ შეგროვებული ხელმოწერების ნამდვილობის გადამოწმების საკითხი. როგორც კომიტეტის თავმჯდომარემ, გიორგი კახიანმა აღნიშნა, საპროცედურო საკითხთა და წესების კომიტეტის აპარატის მიერ გადამოწმდა ყველა ხელმოწერა. ხელმოწერების 2486 ფურცლიდან, რომელიც კომიტეტშია წარმოდგენილი, 868 ფურცელი ხელმოწერის სისწორეზე პასუხისმგებელი პირის მიერ დადასტურებულია ფაქსიმილეთი, რაც პარლამენტის რეგლამენტის დარღვევაა. არის სხვა სახის დარღვევებიც. კომიტეტმა ნამდვილად არ მიიჩნია წარმოდგენილი ხელმოწერები.

ასეთივე დარღვევებია არანაკლებ 30 000 ამომრჩევლის ინიციატივით „საქართველოს საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ“ საქართველოს კანონის და „საერთო სასამართლოების შესახებ“ საქართველოს ორგანული კანონის პროექტების წარდგენის უფლების განხორციელების მიზნით მოქალაქეთა საინიციატივო ჯგუფის მიერ შეგროვებულ ხელმოწერებთან დაკავშირებით. კომიტეტმა არ მიიჩნია ნამდვილად წარმოდგენილი ხელმოწერები.

სხდომაზე განიხილეს, ასევე, საზოგადოებრივ და პოლიტიკურ ორგანიზაციათა გაერთიანების „ზვიადის გზა უფლის სახელით“ მიერ წარმოდგენილი საკანონმდებლო წინადადება - საქართველოს პარლამენტის რეგლამენტში ცვლილების შეტანის შესახებ. ცვლილება იმ მუხლს ეხება, რომელიც ფრაქციათა შექმნის საკითხს არეგულირებს. კომიტეტმა მხარი არ დაუჭირა აღნიშნულ საკანონმდებლო წინადადებას.

InterPressNews.Ge
მასალის გამოყენების პირობები
სხვა სიახლეები
 გიორგი კვირიკაშვილი აჭარის მთავრობის მეთაურთან ერთად აჭარის მთავრობის ადმინისტრაციაში იმყოფება
ამ წუთებში საქართველოს პრემიერ-მინისტრი გიორგი კვირიკაშვილი აჭარის მთავრობის მეთაურ ზურაბ პატარაძესთან და მთავრობის წევრებთან ერთად აჭარის ავტონომიური რესპუბლიკის მთავრობის
მიხეილ ჯანელიძე - ჩვენ გვაქვს ძალიან ამბიციური ასოცირების დღის წესრიგი და ვაპირებთ იმაზე მეტის გაკეთებას, ვიდრე ამას ასოცირების შეთანხმება მოითხოვს
ჩვენ გვაქვს ძალიან ამბიციური ასოცირების დღის წესრიგი და ვაპირებთ იმაზე მეტის გაკეთებას, ვიდრე ამას ასოცირების შეთანხმება მოითხოვს, - ამის შესახებ საქართველოს ვიცე პრემიერმა,
ბეატა რუდოლფი - თავდასხმები დამოუკიდებელ სახელმწიფო ინსტიტუტზე, რომელიც იცავს ადამიანის უფლებებს, ჩვენს ორგანიზაციაში დიდ შეშფოთებას იწვევს
თავდასხმები დამოუკიდებელ სახელმწიფო ინსტიტუტზე, რომელიც ასრულებს კანონით განსაზღვრულ მოვალეობებს და იცავს ადამიანის უფლებებს, ჩვენს ორგანიზაციაში დიდ შეშფოთებას იწვევს,
დავით ჯალაღანიამ ყაზახეთის დამოუკიდებლობის 26-ე წლის იუბილისადმი მიძღვნილ ღონისძიებაში მიიღო მონაწილეობა
საქართველოს საგარეო საქმეთა მინისტრის მოადგილემ დავით ჯალაღანიამ მონაწილეობა მიიღო ყაზახეთის რესპუბლიკის დამოუკიდებლობის 26-ე წლის იუბილისადმი მიძღვნილ ღონისძიებაში და დამსწრე
სომხეთსა და ევროკავშირს შორის ყოვლისმომცველი და გაფართოებული პარტნიორობის შესახებ შეთანხმება გაფორმდა
აღმოსავლეთ პარტნიორობის სამიტის ფარგლებში სომხეთსა და ევროკავშირს შორის ყოვლისმომცველი და გაფართოებული პარტნიორობის შესახებ შეთანხმებას მოეწერა ხელი. შესაბამის დოკუმენტს
ნინო ლომჯარია სახალხო დამცველის პოსტზე მისი კანდიდატურის მხარდაჭერისთვის მმართველ გუნდს მადლობას უხდის
ნინო ლომჯარია სახალხო დამცველის პოსტზე მისი კანდიდატურის მხარდაჭერისთვის მმართველ გუნდს მადლობას უხდის და ამავდროულად, საპარლამენტო ოპოზიციასთან შეხვედრის მზადყოფნას გამოთქვამს.
იმედა ქარქაშაძე - სურხო დუდაევი ჩემი დაცვის ქვეშ მყოფი არ არის
ბერი გაბრიელ სალოსის ქუჩაზე სპეცოპერაციის დროს დაკავებული პირის ადვოკატი იმედა ქარქაშაძე არ ადასტურებს გავრცელებულ ინფორმაცის, რომ
საქართველოს პარლამენტში ოსურ-ქართული ურთიერთობებისადმი მიძღვნილი საღამო გაიმართა
ჩვენი ამოცანაა, რაც შეიძლება მეტი გზა მოვძებნოთ ერთმანეთთან მისასვლელად და დასაახლოებლად. ჩვენთვის სიახლოვე არის არა მარტო პოლიტიკური მიზანი, არამედ ჩვენი ხალხების ბუნებრივი სურვილი
იური რატასი - ჩვენი მეზობლები უახლოვდებიან ევროპულ ოჯახს და ჩვენ მათ ამაში ხელი უნდა შევუწყოთ
ჩვენი მეზობლები უახლოვდებიან ევროპულ ოჯახს და ჩვენ მათ ამაში ხელი უნდა შევუწყოთ, - ამის შესახებ ესტონეთის პრემიერ-მინისტრმა, იური რატასმა დღეს გამართულ პრესკონფერენციაზე განაცხადა.
საპარლამენტო უმრავლესობა ომბუდსმენის პოსტზე ნინო ლომჯარიას კანდიდატურას ასახელებს
საპარლამენტო უმრავლესობა სახალხო დამცველის პოსტზე ნინო ლომჯარიას კანდიდატურას ასახელებს, - ამის შესახებ ჟურნალისტებს პარლამენტის თავმჯდომარემ ირაკლი კობახიძემ "ქართული ოცნების"