არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
22-10-2017
მიხეილ ჯანელიძე - საქართველო ევროპული წესრიგის და ევროპული უსაფრთხოების სისტემის განუყოფელი ნაწილია
14:34 21-04-2017
მიხეილ ჯანელიძე - საქართველო ევროპული წესრიგის და ევროპული უსაფრთხოების სისტემის განუყოფელი ნაწილია საქართველო ევროპული წესრიგის და ევროპული უსაფრთხოების სისტემის განუყოფელი ნაწილია და მზადაა თავისი წვლილი შეიტანოს ამ სისტემის გაძლიერებაში, - ამის შესახებ საქართველოს საგარეო საქმეთა მინისტრმა მიხეილ ჯანელიძემ სამხრეთ კავკასიის უსაფრთხოების ფორუმზე სიტყვით გამოსვლისას განაცხადა.

ჯანელიძემ ვრცლად ისაუბრა საქართველოს უსაფრთხოების საკითხებზე, ევროპულ და ევროატლანტიკურ სტრუქტურებში ინტეგრაციაზე, რუსეთის ფედერაციის პოლიტიკიდან მომდინარე საფრთხეებსა და შავი ზღვის რეგიონის უსაფრთხოებაზე.

მინისტრმა ყურადღება გაამახვილა საქართველოს ოკუპირებულ ტერიტორიებზე ადამიანის უფლებების კუთხით არსებულ მძიმე მდგომარეობასა და რეგიონების მილიტარიზაციის პროცესზე, რაც მისი შეფასებით, საფრთხეს წარმოადგენს არამხოლოდ საქართველოსთვის, არამედ რეგიონისთვის და ხელს უწყობს არასტაბილურობას.

მინისტრის თქმით, საქართველოს ოკუპირებულ ტერიტორიებზე განვითარებული მოვლენების მიუხედავად, საქართველოს მთავრობას გააჩნია კონსტრუქციული პოლიტიკა რუსეთის ფედერაციის მიმართ და საქართველოს მთავრობის მიზანია კონფლიქტის მშვიდობიანი მოგვარება.

მან მადლობა გადაუხადა საერთაშორისო თანამეგობრობას, საერთაშორისო ორგანიზაციებსა და პარტნიორ ქვეყნებს ამ გამოწვევების წინაშე მდგარი საქართველოს მხარდაჭერისთვის. ამ კონტექსტში მინისტრმა განსაკუთრებით აღნიშნა ევროპის საბჭოში გენერალური მდივნის ტორბიორნ იაგლანდის მე-15 კონსოლიდირებული ანგარიში - „კონფლიქტი საქართველოში“, რომელმაც უპრეცედენტო მხარდაჭერა მიიღო.

”საქართველოს მთავრობის ერთ-ერთი ძირითადი ამოცანაა ეფექტურად აღუდგეს წინ არსებულ საფრთხეებს და შექმნას უსაფრთხო, დემოკრატიული და ეკონომიკურად პერსპექტიული გარემო ყველა მოქალაქისათვის. უსაფრთხოება არ არის მხოლოდ გარე აგრესიისა და სხვა უსაფრთხოების რისკებისგან ქვეყნის დაცვა, არამედ დემოკრატიული ინსტიტუტების გაძლიერება, პოლიტიკური და პირადი თავისუფლებისა და ეკონომიკური შესაძლებლობების უზრუნველყოფა“, - განაცხადა მიხეილ ჯანელიძემ.

მინისტრის განცხადებით, ევროპული ინტეგრაციის გზაზე მნიშვნელოვანი შედეგები ცხადყოფს საქართველოს მისწრაფებებს ევროპისკენ, რასაც საქართველოს მოსახლეობის უმრავლესობა უჭერს მხარს.

მინისტრმა ასევე ხაზი გაუსვა აღმოსავლეთ პარტნიორობის ფარგლებში ევროკავშირისა და ნატო-ს უფრო აქტიური ჩართულობის მნიშვნელობას შავი ზღვის რეგიონის უსაფრთხოების პროცესში, რაც გადამწყვეტი ფაქტორია რეგიონის სტაბილური და მშვიდობიანი განვითარებისთვის.
”საერთო ძალისხმევით, ჩვენ შეგვიძლია დავძლიოთ ის პრობლემები, რომელთა წინაშე ვდგავართ. საქართველო მზად არის ნატო-სა და ევროკავშირისთვის კვლავ დარჩეს სანდო პარტნიორად რეგიონში, მაგრამ არა მხოლოდ პარტნიორად, არამედ ჩვენ მზად ვართ გავაკეთოთ ყველაფერი იმისათვის, რომ გავხდეთ ორივე ორგანიზაციის სრულფასოვანი წევრი - ეს არის საქართველოს მომავალი“, - განაცხადა მიხეილ ჯანელიძემ.


მასალის გამოყენების პირობები
სხვა სიახლეები
სილვიო ბერლუსკონიმ კახა კალაძეს არჩევნებში გამარჯვება მიულოცა
იტალიის ყოფილმა პრემიერ-მინისტრმა სილვიო ბერლუსკონიმ პარტია “ქართული ოცნება-დემოკრატიული საქართველოს” თბილისის მერობის
გიორგი ვაშაძე - ვისაც გაერთიანებისკენ მოვუწოდებდი, ყველა ამბობდა, მეორე ტურში რომ გადავა არჩევნები, მერე გავერთიანდეთო, სად არის ეს მეორე ტური?”
”ახალი საქართველოს” ლიდერის, გიორგი ვაშაძის განცხადებით, გაერთიანების შემთხვევაში ოპოზიციას არჩევნებში გამარჯვების გაცილებით დიდი
ცესკოს წინასწარი შედეგებით, პროპორციულ არჩევნებში ქვეყნის მასშტაბით „ქართული ოცნება“ ლიდერობს
ცესკოს წინასწარი შედეგებით, პროპორციულ არჩევნებში საქართველოს მასშტაბით „ქართულ ოცნებას“ 55,73 %–იანი მხარდაჭერა აქვს, რითაც პარტიებს შორის პირველ ადგილზეა.
დავით უსუფაშვილი - ამ არჩევნებში დამაჯერებელი გამარჯვება ფულმა და ძალაუფლებამ მოიპოვა, დამარცხდა თავისუფლება და თვითმმართველობა
„შენების მოძრაობის“ ლიდერის, დავით უსუფაშვილის განცხადებით, მომავალი წლის გაზაფხულზე მოძრაობა პარტიად ჩამოყალიბდება, ხოლო 2018 წლის
ცესკოს წინასწარი მონაცემებით, ქუთაისში მერის არჩევნების მეორე ტური გაიმართება
ცენტრალური საარჩევნო კომისიის წინასწარი მონაცემებით, 5 თვითმმართველი ქალაქიდან 4-ში „ქართული ოცნების“ მერობის კანდიდატი
ცესკო - ს წინასწარი მონაცემებით, 59 თვითმმართველი თემიდან 5-ში მერის არჩევნების მეორე ტური გაიმართება
ცენტრალური საარჩევნო კომისიის წინასწარი მონაცემებით, 59 თვითმმართველი თემიდან 5-ში, კერძოდ, ყაზბეგში, ხაშურში, ბორჯომში,
ნინო ბურჯანაძე - OSCE/ODIHR-ის დასკვნა უკვე ასახავს, როგორი არჩევნებიც ჩატარდა
OSCE/ODIHR-ის დასკვნა უკვე ასახავს, როგორი არჩევნებიც ჩატარდა, - ამის შესახებ „დემოკრატიული მოძრაობის“ ლიდერმა, ნინო ბურჯანაძემ განაცხადა.
ნინო ბურჯანაძე - ბიძინა ივანიშვილმა და გიგა ბოკერიამ საჩხერე გაინაწილეს
„დემოკრატიული მოძრაობის“ ლიდერის, ნინო ბურჯანაძის განცხადებით, ”ივანიშვილმა ბრძანება გასცა, რომ სხვადასხვა მანიპულაციების შედეგად
ცესკო - თიანეთში მერობის კანდიდატებს შორის სხვაობა ის ხუთი ხმაა, რომელიც ბათილად იყო ცნობილი და საოლქო კომისიის გადაწყვეტილებით აღდგა
ცესკოს განმარტებით, თიანეთის საოლქო საარჩევნო კომისიის გადაწყვეტილებით ბათილად ცნობილი ხუთი ბიულეტენი აღდგა და მერობის
ცესკო ამ დროისთვის არსებულ მონაცემებს აქვეყნებს
ცენტრალური საარჩევნო კომისია ამ დროისთვის არსებულ მონაცემებს აქვეყნებს. როგორც ცენტრალური საარჩევნო კომისიის სპიკერმა ანა მიქელაძემ