არქივი
კურსი
კონვერტორი
USD
1 USD
2.4578
EUR
1 EUR
2.8597
RUB
100 RUB
3.8955
25-06-2018
გიორგი აბაშიშვილი - მმართველი გუნდი მაჟორიტარების შანტაჟს დამორჩილებულ კონსტიტუციას იღებს
22:56 13-09-2017
 გიორგი აბაშიშვილი - მმართველი გუნდი მაჟორიტარების შანტაჟს დამორჩილებულ კონსტიტუციას იღებს პრეზიდენტის ადმინისტრაციის ხელმძღვანელის გიორგი აბაშიშვილის შეფასებით, მმართველი გუნდი მაჟორიტარების შანტაჟს დამორჩილებულ კონსტიტუციას იღებს. ამის შესახებ აბაშიშვილმა „პალიტრანიუსის“ გადაცემა „360 გრადუსში“ განაცხადა. მისი თქმით, მმართველი პოლიტიკური ძალა შანტაჟითა და ხელის გადაგრეხვით მოქმედებს და ამით დგამს იმ ნაბიჯებს, რასაც თავის დროზე წინა ხელისუფლება დგამდა.

„მმართველი პოლიტიკური გუნდი, მე ვფიქრობ ძალიან დიდ შეცდომას უშვებს, როცა საერთაშორისო საზოგადოებას ქართულ დემოკრატიას აცნობს ასე - მას შეუძლია ყველაფრის კეთება, როცა ის ხელისუფლებაშია, მას აქვს ამის დისკრეცია და საქართველოში დანარჩენი საზოგადოება ვერასოდეს ვერაფერზე თანხმდება. ეს წინა მმართველი პოლიტიკური ძალის მთავარი ხაზი იყო. როდესაც დღევანდელი მმართველი გუნდის ძირითად ბირთვს, წინა ხელისუფლების წარმომადგენლები წარმოადგენენ, მე მესმის, რომ პოლიტიკური ხაზიც იგივე ტარდება. საკონსტიტუციო უმრავლესობა, სამწუხაროდ, შანტაჟითა და ხელის გადაგრეხვით მოქმედებს. მათი პოლიტიკა არის ის, რომ ახლა ჩვენ ვართ უმრავლესობაში და რასაც გვინდა იმას ვიზამთ. ეს ფრაზები და მათი ავტორები, წინა ხელისუფლების დროს ძალიან კარგად მახსოვს და ამ ფრაზების ავტორების შთამომავლები და გამგრძელებლები არიან დღევანდელ ხელისუფლებაში. მათ მიაჩნიათ, რომ წინა ხელისუფლება მაგარი და ძლიერი იყო, როცა ხალხს არ ელაპარაკებოდა. როგორ დაამთავრა წინა ხელისუფლებამ, არავის ახსოვს, მაგრამ სჯობს, ესეც გავიხსენოთ ხოლმე. ერთპარტიული კონსტიტუცია არაა?! ერთი პარტიის მიერაა მიღებუილი და სხვათა შორის მაჟორიტარების შანტაჟს დამორჩილებული კონსტიტუციაა“, - განაცხადა აბაშიშვილმა.

მისივე თქმით, პრეზიდენტ გიორგი მარგველაშვილის ინიციატივა, კონსტიტუციის მთავარ საკითხებზე თანხმობის მიღწევასთან დაკავშირებით, ბოლო შანსია მმართველი გუნდისთვის, რათა საქართველოს დემოკრატიულობა კითხვის ნიშნის ქვეშ არ დადგეს და ქვეყნის საერთაშორისო იმიჯი არ შეირყეს.

მასალის გამოყენების პირობები
სხვა სიახლეები
პარლამენტის საგამოძიებო კომისია დღეს შსს-ს წარმომადგენელს და ხორავას ქუჩის საქმის პროკურორს გამოკითხავს
ხორავას ქუჩის საქმესთან დაკავშირებით შექმნილი პარლამენტის საგამოძიებო კომისიის სხდომა დღეს განახლდება, სადაც შინაგან საქმეთა სამინისტროს წარმომადგენელს
ბრიუსელში ევრონესტის საპარლამენტო ასამბლეის პლენარული სხდომა იმართება
25-27 ივნისს ბრიუსელში, ევროპარლამენტში, აღმოსავლეთ პარტნიორობის (ევრონესტის) საპარლამენტო ასამბლეის მეშვიდე პლენარული სხდომა გაიმართება.
არჩილ თალაკვაძე - ჩვენ გვჭირდება მცირე, ძალიან ოპერატიული მთავრობა, რომელიც სწრაფ გადაწყვეტილებებს იღებს
რაზეც ყველანი ვთანხმდებით არის ის, რომ ჩვენ გვჭირდება მცირე, ძალიან ოპერატიული მთავრობა, - ამის შესახებ საპარლამენტო უმრავლესობის ლიდერმა
ირაკლი კობახიძე - ახალ სახეებზე გუნდში მსჯელობა გრძელდება
ახალ სახეებზე გუნდში გრძელდება მსჯელობა, - ამის შესახებ პარლამენტის თავმჯდომარემ ირაკლი კობახიძემ მინისტრთა კაბინეტის ფორმირებასა და სამთავრობო გუნდში
ალექსანდრე ბარამიძემ იუსტიციის მინისტრის პირველი მოადგილის თანამდებობა დატოვა
ალექსანდრე ბარამიძე, რომელიც იუსტიციის მინისტრის პირველი მოადგილის თანამდებობას იკავებდა, სამინისტროდან წავიდა. მინისტრთა კაბინეტის დამტკიცების შემდეგ,