არქივი
კურსი
კონვერტორი
USD
1 USD
2.4505
EUR
1 EUR
2.9129
RUB
100 RUB
3.9418
11-05-2018
გიორგი მარგველაშვილი - ქართული დროშა საქართველოს ოკუპირებულ ტერიტორიაზე მაინც ფრიალებს, რადგან არც გიორგი ანწუხელიძის და არც გურამ გაბესკირიას სული არ გატყდა
13:36 14-01-2018
გიორგი მარგველაშვილი - ქართული დროშა საქართველოს ოკუპირებულ ტერიტორიაზე მაინც ფრიალებს, რადგან არც გიორგი ანწუხელიძის და არც გურამ გაბესკირიას სული არ გატყდა დროშა არ არის აბსტრაქტული სიმბოლო, დროშა არის სიმბოლო, რომ ჩვენ ვერ გაგვტეხენ, - ამის შესახებ საქართველოს პრეზიდენტმა გიორგი მარგველაშვილმა გორში, ეროვნულ თავდაცვის აკადემიაში, სახელმწიფო დროშის დღესთან დაკავშირებულ ღონისძიებაზე განაცხადა. მისი თქმით, ქართული დროშა საქართველოს ოკუპირებულ ტერიტორიაზე მაინც ფრიალებს, რადგან არ გატყდა სული ქართველი ეროვნული გმირების - არც გიორგი ანწუხელიძის და არც გურამ გაბესკირიასი.

”დროშა არ არის აბსტრაქტული სიმბოლო, დროშა არის სიმბოლო, რომ ჩვენ ვერ გაგვტეხენ. ურთულეს პირობებშიც კი ჩვენი სული იზეიმებს თავისუფლებას. მაშინაც კი, როდესაც მტრებით გარშემორტყმული სიკვდილს უყურებდნენ თვალებში ჩვენი ეროვნული გმირები, ქართული დროშა არ დაწეულა. ქართული დროშა დღეს იმ ნაწილზე ჩვენი სამშობლოსი, რომელზეც დგას მტრის ჯარი, მაინც ფრიალებს, რადგან არ გატყდა სული არც ანწუხელიძის და არც გაბესკირიასი. მათი გმირობა ისეთივე აღმაფრთოვანებელია დღეს, როგორც ჩვენი წინაპრების გმირობა, რომლებმაც ჩვენი სამშობლო საუკუნეების განმავლობაში დღევანდელ დღემდე მოიყვანა. სანამ არსებობენ ადამიანები, რომლებისთვისაც გმირობა არის მიზანი იმისა, რომ ასე იცხოვრონ თავიანთი სიცოცხლე, მანამდე ქართული დროშა მუდამ იფრიალებს ძალიან ამაყად და მაღლა. გილოცავთ ქართული დროშის დღეს, რომელიც არის საქართველოს თითოეული მოქალაქის დღე და იმ დიდი გამარჯვებების დღის საწინდარი, რომელსაც თითოეული ჩვენგანი, როგორც ამ ქვეყნის შვილები, მომავალშიც მივაღწევთ”, - განაცხადა მარგველაშვილმა.

მისივე თქმით, დღევანდელ დღეს, სახელმწიფო ზეიმობს სიწმინდის, ღირსების, თავმოყვარეობის სიმბოლოს - საქართველოს ეროვნული დროშის დღეს. ”ამ დღეს ჩვენ ავწიეთ დროშა იმ ადგილას, რომელიც ყველაზე მნიშვნელოვანი და სათუთია ჩვენთვის, იმ ადგილას, საიდანაც სულ რამდენიმე ხნის წინ მოხდა ისეთი რამ, რაც თავიდან ბოლომდე აღწერს რას ნიშნავს ქვეყნისთვის და ერისთვის დროშა. 2008 წელს თქვენი და ჩვენი თანამებრძოლი სულ რამდენიმე კილომეტრში აწამეს იმისთვის, რომ გაეტეხათ მისი სული, მაგრამ ვერ გატეხეს. ვერ გატეხეს გიორგი ანწუხელიძე, ადამიანი, რომელმაც ბოლომდე შეინარჩუნა სიძლიერე, თავმოყვარეობა და სამშობლოს სიყვარული. მაშინ, ოკუპანტმა დაიპყრო ტერიტორია, ნაწილი ჩვენი სამშობლოს გულისა, გაავლო ჩვენს სხეულზე ეს იარა, მაგრამ ვერ გაიმარჯვა, რადგან ვერ გატეხა ქართველი ჯარისკაცი. მანამდე, 1993 წელს, სოხუმში, მეორე ეროვნული გმირი გურამ გაბისკირია, ასევე აწამეს იმისთვის, რომ გაეტეხათ მისი სული და ისიც არ გატყდა. მიუხედავად იმისა, რომ მტერმა აიღო ჩვენი სოფლები და ქალაქები, მან ვერ გატეხა ქართველი მებრძოლი. ჩემთვის ეს ორი ამბავი არის სიმბოლო იმისა, თუ რას ნიშნავს დროშა”, - განაცხადა პრეზიდენტმა.

სახელმწიფო დროშა ეროვნული თავდაცვის აკადემიაში, იუნკრებმა საქართველოს შეიარაღებული ძალების სამხედრო ორკესტრის მიერ შესრულებული ჰიმნის თანხლებით აღმართეს. ცერემონიის მონაწილეებსა და იუნკრებს საქართველოს პრეზიდენტმა სიტყვით მიმართა და სახელმწიფო დროშის დღე მიულოცა.


მასალის გამოყენების პირობები
სხვა სიახლეები
 დავით ბაქრაძე - აშშ დგას საქართველოსა და ქართველი ხალხის გვერდით უსაფრთხოების, ჩვენი კეთილდღეობისა და თავისუფლების დასაცავად
აშშ დგას საქართველოსა და ქართველი ხალხის გვერდით უსაფრთხოების, ჩვენი კეთილდღეობის და თავისუფლების დასაცავად, - აღნიშნული
 მიხეილ ჯანელიძე - მთელი მსოფლიოსთვის იყო გზავნილი, რომ ამერიკა არის ერთგული საქართველოსთან სტრატეგიული პარტნიორობის და ჩვენ ვდგამთ ახალ ნაბიჯებს ამ ურთიერთობებში
ეს იყო გზავნილი მთელი მსოფლიოსთვის, რომ ამერიკა არის ერთგული საქართველოსთან სტრატეგიული პარტნიორობის და ჩვენ ვდგამთ ახალ
 მაიკ პომპეო - აშშ მოუთმენლად ელის ერთ დღეს საქართველოს მიღებას ნატოს რიგებში
ამერიკის შეერთებული შტატების სახელმწიფო მდივნის, მაიკ პომპეოს განცხადებით, აშშ-ს პრეზიდენტი დონალდ ტრამპი მტკიცედ უჭერს მხარს
 მაიკ პომპეო - რუსეთის ძალისმიერი მეთოდებით საქართველოს ტერიტორიაზე შემოჭრა ცალსახად არღვევს საერთაშორისო მშვიდობას და უსაფრთხოებას
ამერიკის შეერთებული შტატები მოუწოდებს რუსეთს, შეასრულოს ცეცხლის შეწყვეტის შესახებ 2008 წლის შეთანხმების ფარგლებში აღებული ყველა
 მაიკ პომპეო - ჩვენ მომავალშიც გავაგრძელებთ თქვენს მხარდაჭერას როგორც პარტნიორები, მეგობრები და ერთ დღეს, როგორც მოკავშირეებიც ნატოს ფარგლებში
ჩვენი გზავნილი დღეს ძალიან ნათელია: ამერიკის მხრიდან საქართველოს მხარდაჭერა დღესაც მტკიცეა და ურყევი და მომავალშიც გაგრძელდება, - ამის შესახებ
 ვეს მიტჩელმა ხაზი გაუსვა გიორგი კვირიკაშვილის პირად წვლილს იმ მნიშვნელოვანი რეფორმების წარმატებით განხორციელებაში, რომლებითაც საქართველო რეგიონში სამაგალითოა
საქართველო-აშშ-ის ურთიერთობები ხარისხობრივად ახალ ეტაპზე გადავიდა და კიდევ უფრო მრავალმხრივი გახდა, - ამის შესახებ საქართველო
 ირაკლი კოვზანაძე - 2018 წლის პირველი კვარტლის მონაცემები ადასტურებს, რომ ჩვენი ეკონომიკური პოლიტიკა სწორი მიმართულებით ხორციელდება
საფინანსო-საბიუჯეტო კომიტეტმა ფინანსთა სამინისტროს მიერ წარმოდგენილი საქართველოს 2018 წლის სახელმწიფო ბიუჯეტის შესრულების 3 თვის მიმოხილვა დაასრულა.
 ესტონეთის, ჩინეთისა და კანადის ცნობილმა გამოცემებმა, საქართველოს პირველი რესპუბლიკის 100 წლისთავის ფარგლებში საქართველოს შესახებ პუბლიკაციები გამოაქვეყნეს
ესტონეთის, ჩინეთისა და კანადის ცნობილმა გამოცემებმა, საქართველოს პირველი რესპუბლიკის 100 წლისთავის ფარგლებში საქართველოს შესახებ
 საქართველოს პარლამენტში მუჰაჯირობისადმი მიძღვნილი ღონისძიება გაიმართა
საქართველოს პარლამენტში მუჰაჯირობისადმი მიძღვნილი ღონისძიება გაიმართა. როგორც „ინტერპრესნიუსს“ აფხაზეთის
 გიორგი კვირიკაშვილი - აშშ-ის დახმარებით, საქართველო მსოფლიოში ინვესტირებისა და ბიზნესის წარმოებისთვის ერთ-ერთ ყველაზე ხელსაყრელ ქვეყანად იქცა
ეკონომიკური ტრანსფორმაცია და განათლება კიდევ ერთი სფეროა, რომელშიც ჩვენ გვაქვს აშშ-ის მნიშვნელოვანი მხარდაჭერა, - ამის შესახებ