არქივი
კურსი
კონვერტორი
USD
1 USD
2.4505
EUR
1 EUR
2.9129
RUB
100 RUB
3.9418
11-05-2018
ირაკლი კობახიძე - თამამად შეგვიძლია ვთქვათ, რომ საქართველოს დროშა გამოხატავს მთლიანად ჩვენი სახელმწიფოს და საზოგადოების ისტორიულ გზას
16:08 14-01-2018
ირაკლი კობახიძე - თამამად შეგვიძლია ვთქვათ, რომ საქართველოს დროშა გამოხატავს მთლიანად ჩვენი სახელმწიფოს და საზოგადოების ისტორიულ გზას საქართველოს სახელმწიფო დროშას იცნობდნენ და იცნობენ მსოფლიოში და ღირს პატივს მიაგებენ მას, - ამის შესახებ სახელმწიფო დროშის დღისადმი მიძღვნილ ღონისძიებაზე პარლამენტის თავმჯდომარემ ირაკლი კობახიძემ განაცხადა.

მისი თქმით, ქვეყანას შეუძლია იამაყოს იმ სიმბოლიკით, რომელიც არის დადგენილი ეროვნულ დონეზე, მუნიციპალიტეტების დონეზე და რომლებიც ღირსეულად წარმოადგენს სახელმწიფოსა და მუნიციპალიტეტებს.

“დამოუკიდებლობის აღდგენის დღიდან დაიწყო მუშაობა ამ სიმბოლოს და სხვა სახელმწიფო სიმბოლოების აღდგენაზე. ძალიან დიდი სამუშაოა გაწეული იმისთვის, რომ საბოლოოდ დადგენილიყო, თუ როგორი დროშა ჰქონდა ქართულ სახელმწიფოს ისტორიული დროიდან, როგორ იცნობდნენ, რა სიმბოლოებით გამოსახავდნენ საქართველოს მსოფლიოში. ამ კვლევის შედეგებზე დაყრდნობით, 1999 წელს საქართველოს პარლამენტმა მიიღო დადგენილება სახელმწიფო ატრიბუტიკის შეცვლის თაობაზე და ამის საფუძველზე, 2004 წლის 14 იანვარს საქართველოს პრეზიდენტმა ხელი მოაწერა უკვე დადგენილებას ხუთჯვრიანი დროშის სახელმწიფო დროშად დადგენის შესახებ და, შესაბამისად, 14 იანვარი გამოცხადდა სახელმწიფო დროშის დღედ. მინდა აღვნიშნო, რომ ელდარ შენგელაიას მიუძღვის ძალიან დიდი წვლილი, საკვანძო როლი შეასრულა მან ამ ყველაფერში და ძალიან მნიშვნელოვანია, რომ დღესაც ის ხელმძღვანელობს ამ ძალიან მნიშვნელოვან საქმეს ჰერალდიკის მიმართულებით. დღეს ჩვენ შეგვიძლია თამამად ვთქვათ, რომ საქართველოს დროშა ერთ-ერთი უძველესი დროშაა მთელს მსოფლიოში და წარმოადგენს არაერთი სახელმწიფო წყობილების, ერთი ხელისუფლების ან ერთი პარტიის თუ პოლიტიკური ჯგუფის სიმბოლოს, არამედ, გამოხატავს მთლიანად ჩვენი სახელმწიფოს და საზოგადოების ისტორიულ გზას, იმ ღირებულებებს, რომლებსაც საუკუნეების განმავლობაში ეფუძნებოდა ჩვენი საზოგადოება და რაც აერთიანებდა მას საერთო ევროპულ ოჯახთან“, - განაცხადა ირაკლი კობახიძემ.

ამასთან, პარლამენტის თავმჯდომარის შეფასებით, ძალიან დიდი გემოვნებით არის შესრულებული თითოეული მუნიციპალიტეტის სიმბოლო, თითოეული მუნიციპალიტეტის სიმბოლიკა. კობახიძის თქმით, დღეს უკვე ყველა მუნიციპალიტეტს, გარდა ოკუპირებული ტერიტორიებისა და ქალაქ თბილისისა, აქვს დამოუკიდებლობის პირობებში თვითმმართველი წარმომადგენლობის მიერ შექმნილი საკუთარი დროშა და გერბი და სახელმწიფო დროშის მსგავსად, ქალაქ ფოთს აქვს მსოფლიოში ერთ-ერთი ყველაზე ძველი დროშა და ეს დროშაც ასევე, აღდგენილი და დადგენილია.

“სახელმწიფო სიმბოლიკა იყო სახელმწიფო საკონსტიტუციო კომისიის მუშაობის ერთ-ერთი მნიშვნელოვანი საგანი და მნიშვნელოვნად ამაღლდა სახელმწიფო სიმბოლოების დაცვის სტანდარტები კონსტიტუციის დონეზე. ჯერ კიდევ მოქმედი კონსტიტუციის თანახმად, შესაძლებელი იყო სახელმწიფო სიმბოლიკის, დროშის, გერბის და ჰიმნის შეცვლა 76 დეპუტატის მხარდაჭერით, ყოველგვარი განსაკუთრებული პროცედურების გარეშე, რაც ბუნებრივია, იყო წინააღმდეგობაში სამართლებრივ ლოგიკასთან და ეს პრინციპი შეიცვალა. დღეისათვის, სახელმწიფო სიმბოლიკის შეცვლას ესაჭიროება უკვე კონსტიტუციური პროცედურა ¾-ის უმრავლესობა და სათანადო გართულებული პროცედურები, რაც ძალიან მნიშვნელოვანია იმისთვის, რომ სათანადოდ იყოს დაცული სახელმწიფო სიმბოლიკა, სახელმწიფო დროშა, გერბი და ჰიმნი. დროშა არის ჩვენი თავისუფლების, დამოუკიდებლობისა და სახელმწიფოებრიობის გამომხატველი და საქართველომ მრავალი საუკუნის განმავლობაში იბრძოლა იმისთვის, რომ ერი სახელმწიფო დროშის ქვეშ გაერთიანებულიყო. სწორედ ამიტომ, დღეს განსაკუთრებული პატივი უნდა მივაგოთ იმ გმირებს, რომლებმაც ჩვენი დროშისთვის იბრძოლეს და ამ ბრძოლაში, საკუთარი სიცოცხლეც დაუნანებლად დათმეს. ჩვენ ვართ ბედნიერი ერი, რადგან ჩვენს შორის ყოველთვის იყვნენ, არიან და იქნებიან ასეთი გმირები. დროშა არის ჩვენი ისტორიის, მრწამსისა და თვითმყოფადობის სიმბოლო, რომლის დაცვისა და ჩვენამდე მოტანისთვის წინაპრებმა ყველაფერი დათმეს. სწორედ ამიტომ, ჩვენ, თანამედროვეებს განსაკუთრებული პასუხისმგებლობა გვეკისრება. ამასთან, სახელმწიფო დროშა ერთდროულად არის ისტორიული წარსულის, აწმყოსა და მომავლის სიმბოლოც. ყოველთვის უნდა გვახსოვდეს, რომ ყველაფერი, რასაც თითოეული ჩვენგანი ქვეყნისთვის აკეთებს და გააკეთებს, ჩვენი უმთავრესი ეროვნული სიმბოლოს ქვეშ გაერთიანდება“, - განაცხადა კობახიძემ.

დღეს, პარლამენტში გამართულ ღონისძიებაზე, რომელსაც პარლამენტის თავმჯდომარემ უმასპინძლა, გამოიფინა საქართველოს ყველა მუნიციპალიტეტის გერბი და დროშა, აგრეთვე თვითმმართველი ქალაქების სიმბოლოები. გარდა ამისა, გამოიფინა მსოფლიოს სხვადასხვა მუზეუმებიდან და ბიბლიოთეკებიდან მოპოვებული პორტოლანები, (საზღვაო რუკები), რომლებზეც საქართველო გამოსახულია ისტორიული ხუთჯვრიანი დროშით.

მასალის გამოყენების პირობები
სხვა სიახლეები
 დავით ბაქრაძე - აშშ დგას საქართველოსა და ქართველი ხალხის გვერდით უსაფრთხოების, ჩვენი კეთილდღეობისა და თავისუფლების დასაცავად
აშშ დგას საქართველოსა და ქართველი ხალხის გვერდით უსაფრთხოების, ჩვენი კეთილდღეობის და თავისუფლების დასაცავად, - აღნიშნული
 მიხეილ ჯანელიძე - მთელი მსოფლიოსთვის იყო გზავნილი, რომ ამერიკა არის ერთგული საქართველოსთან სტრატეგიული პარტნიორობის და ჩვენ ვდგამთ ახალ ნაბიჯებს ამ ურთიერთობებში
ეს იყო გზავნილი მთელი მსოფლიოსთვის, რომ ამერიკა არის ერთგული საქართველოსთან სტრატეგიული პარტნიორობის და ჩვენ ვდგამთ ახალ
 მაიკ პომპეო - აშშ მოუთმენლად ელის ერთ დღეს საქართველოს მიღებას ნატოს რიგებში
ამერიკის შეერთებული შტატების სახელმწიფო მდივნის, მაიკ პომპეოს განცხადებით, აშშ-ს პრეზიდენტი დონალდ ტრამპი მტკიცედ უჭერს მხარს
 მაიკ პომპეო - რუსეთის ძალისმიერი მეთოდებით საქართველოს ტერიტორიაზე შემოჭრა ცალსახად არღვევს საერთაშორისო მშვიდობას და უსაფრთხოებას
ამერიკის შეერთებული შტატები მოუწოდებს რუსეთს, შეასრულოს ცეცხლის შეწყვეტის შესახებ 2008 წლის შეთანხმების ფარგლებში აღებული ყველა
 მაიკ პომპეო - ჩვენ მომავალშიც გავაგრძელებთ თქვენს მხარდაჭერას როგორც პარტნიორები, მეგობრები და ერთ დღეს, როგორც მოკავშირეებიც ნატოს ფარგლებში
ჩვენი გზავნილი დღეს ძალიან ნათელია: ამერიკის მხრიდან საქართველოს მხარდაჭერა დღესაც მტკიცეა და ურყევი და მომავალშიც გაგრძელდება, - ამის შესახებ
 ვეს მიტჩელმა ხაზი გაუსვა გიორგი კვირიკაშვილის პირად წვლილს იმ მნიშვნელოვანი რეფორმების წარმატებით განხორციელებაში, რომლებითაც საქართველო რეგიონში სამაგალითოა
საქართველო-აშშ-ის ურთიერთობები ხარისხობრივად ახალ ეტაპზე გადავიდა და კიდევ უფრო მრავალმხრივი გახდა, - ამის შესახებ საქართველო
 ირაკლი კოვზანაძე - 2018 წლის პირველი კვარტლის მონაცემები ადასტურებს, რომ ჩვენი ეკონომიკური პოლიტიკა სწორი მიმართულებით ხორციელდება
საფინანსო-საბიუჯეტო კომიტეტმა ფინანსთა სამინისტროს მიერ წარმოდგენილი საქართველოს 2018 წლის სახელმწიფო ბიუჯეტის შესრულების 3 თვის მიმოხილვა დაასრულა.
 ესტონეთის, ჩინეთისა და კანადის ცნობილმა გამოცემებმა, საქართველოს პირველი რესპუბლიკის 100 წლისთავის ფარგლებში საქართველოს შესახებ პუბლიკაციები გამოაქვეყნეს
ესტონეთის, ჩინეთისა და კანადის ცნობილმა გამოცემებმა, საქართველოს პირველი რესპუბლიკის 100 წლისთავის ფარგლებში საქართველოს შესახებ
 საქართველოს პარლამენტში მუჰაჯირობისადმი მიძღვნილი ღონისძიება გაიმართა
საქართველოს პარლამენტში მუჰაჯირობისადმი მიძღვნილი ღონისძიება გაიმართა. როგორც „ინტერპრესნიუსს“ აფხაზეთის
 გიორგი კვირიკაშვილი - აშშ-ის დახმარებით, საქართველო მსოფლიოში ინვესტირებისა და ბიზნესის წარმოებისთვის ერთ-ერთ ყველაზე ხელსაყრელ ქვეყანად იქცა
ეკონომიკური ტრანსფორმაცია და განათლება კიდევ ერთი სფეროა, რომელშიც ჩვენ გვაქვს აშშ-ის მნიშვნელოვანი მხარდაჭერა, - ამის შესახებ