არქივი
კურსი
კონვერტორი
USD
1 USD
2.4402
EUR
1 EUR
3.0017
RUB
100 RUB
3.9729
21-04-2018
ლადო პაპავა - მივესალმები მთავრობის სამშვიდობო ინიციატივას, მაგრამ არც ისეთი პრიმიტიულები და რომანტიკოსები უნდა ვიყოთ, რომ დავიჯეროთ, თითქოს მას დადებითი რეაქცია მოჰყვება
08:50 05-04-2018
ლადო პაპავა - მივესალმები მთავრობის სამშვიდობო ინიციატივას, მაგრამ არც ისეთი პრიმიტიულები და რომანტიკოსები უნდა ვიყოთ, რომ დავიჯეროთ, თითქოს მას დადებითი რეაქცია მოჰყვება მივესალმები მთავრობის სამშვიდობო ინიციატივას, მაგრამ არც ისეთი პრიმიტიულები უნდა ვიყოთ და არც ისეთი რომანტიკოსები, რომ დავიჯეროთ, ახლა ამას დადებითი რეაქცია მოჰყვება. უფრო მეტიც, ღრმად ვარ დარწმუნებული, მოსკოვი ამის უფლებას არც ცხინვალს მისცემს და არც სოხუმს, - ამის შესახებ „პალიტრანიუსის“ გადაცემა „360 გრადუსში“ ექსპერტმა, აკადემიკოსმა ლადო პაპავამ განაცხადა, რომელმაც კომენტარი გააკეთა მთავრობის მიერ დამტკიცებულ ახალ სამშვიდობო ინიციატივაზე „ნაბიჯი უკეთესი მომავლისკენ“.

მისივე თქმით, მიესალმება ამ ინიციატივას, რადგან დღეს ქვეყანას არც ცხინვალთან და არც აფხაზეთთან არანაირი კომუნიკაცია არ აქვს. „ჩვენ არანაირი კომუნიკაცია არც ცხინვალისა და არც აფხაზეთის მიმართულებით არ გვაქვს. პირველი ნაბიჯები, რომ არაფორმალური ეკონომიკური ურთიერთობები და განათლების მიღების საშუალება იყოს, თუნდაც ის, რომ პასპორტის აღების გამარტივებული წესი არსებობდეს, ეს მხოლოდ და მხოლოდ მისასალმებელია“, - აღნიშნა პაპავამ.

მისივე თქმით, ქართული მხარის მხრიდან ამ ყველაფერს ფორმალური სახე ექნება. „ჩვენი მხრიდან ეს იმისთვის უნდა გაკეთდეს, რომ ყველამ დაინახოს, არა მარტო ცხინვალსა და სოხუმში, არამედ დაინახოს მთელმა მსოფლიო თანამეგობრობამ, რომ ჩვენ გვინდა მშვიდობიანი გზებით გარკვეული კომუნიკაციის დამყარება“, – აღნიშნა პაპავამ.

საუბრისას ექსპერტმა ერგნეთის ბაზრობა გაიხსენა, რომელიც „იყო ძალიან მნიშვნელოვანი ინსტრუმენტი ეკონომიკური თანამშრომლობის მთელს ცხინვალის რეგიონთან“. მისივე თქმით, მეორე მხრივ კი ეს ბაზრობა საფრთხეს წარმოადგენდა, რადგან ქვეყანაში დიდძალი განუბაჟებელი ტვირთი, კონტრაბანდა შემოდიოდა. ამიტომ, კონტრაბანდის წინააღმდეგ ბრძოლის გამკაცრების შედეგად ეს ეკონომიკური კომუნიკაცია დაიკარგა.

„ის შედეგი, რომ ხვალვე დაიწყოს ვაჭრობა, ხვალვე გამოიქცნენ აქ სასწავლებლად, ხვალვე აიღონ პასპორტები, ამის იმედი მე ნამდვილად არ მაქვს, მაგრამ ჩვენი მხრიდან, რომ მზაობა და კეთილი ნებაა, ამან შეიძლება ნელ–ნელა თავისი შედეგი მოიტანოს. უფრო მეტიც, შედეგი იქნება თუნდაც ის, რომ საერთაშორისო თანამეგობრობა როგორ შეხედავს თბილისის ინიციატივას და როგორი იქნება მათი მხარდაჭერა, ამას აქვს მნიშვნელობა“, – განაცხადა ლადო პაპავამ

მთავრობამ 4 აპრილს დაამტკიცა ახალი სამშვიდობო ინიციატივა - „ნაბიჯი უკეთესი მომავლისკენ“, რომელიც სამ ძირითად მიმართულებას გულისხმობს. ესენია: გამყოფი ხაზების გასწვრივ ვაჭრობის წახალისება, გაფართოება და გამარტივება ახალი შესაძლებლობების შექმნის გზით; ხარისხიანი განათლების მიღების დამატებითი შესაძლებლობების შექმნა და წვდომის გამარტივება განათლების ყველა საფეხურზე, როგორც ქვეყნის შიგნით, ისე საზღვარგარეთ; აფხაზეთსა და ცხინვალის რეგიონში მცხოვრები მოქალაქეებისათვის სხვადასხვა სიკეთეებსა და სარგებელზე ხელმისაწვდომობის გამარტივება, მათ შორის, ამ რეგიონის მცხოვრებთათვის იდენტიფიცირების ახალი ნეიტრალური შესაძლებლობის შექმნით, რაც გულისხმობს პირადი ნომრით რეგისტრაციას და არ არის დაკავშირებული მოქალაქეობის დადგენასთან. ასევე, დაინტერესებულ პირთათვის საქართველოს მოქალაქის პასპორტისა და სამოქალაქო აქტების გაცემის და ცალკეული სამოქალაქო ფაქტების დადგენის გამარტივება.

სამშვიდობო „ნაბიჯი უკეთესი მომავლისაკენ“ სულ 9 საკანონმდებლო აქტში ცვლილებებს ითვალისწინებს.
PLAYER_GET_VIDEOFLASH
მასალის გამოყენების პირობები
სხვა სიახლეები
 „საქართველოს მოქალაქეობის შესახებ“ ორგანული კანონის ცვლილებების სამუშაო ჯგუფმა შეხვედრა გამართა
იურიდიულ საკითხთა კომიტეტში „საქართველოს მოქალაქეობის შესახებ“ საქართველოს ორგანულ კანონში განსახორციელებელი ცვლილებების თაობაზე
 მიხეილ სააკაშვილი - საქართველოში ეკონომიკის წურბელების - მევახშეების პარპაში უნდა დასრულდეს და დასრულდება კიდეც, გაძლევთ მყარ სიტყვას
საქართველოს ყოფილი პრეზიდენტი მიხეილ სააკაშვილი „საქართველოს ბანკისა“ და „თიბისი ბანკის“ დირექტორებს გასულ წელს აღებული ხელფასის გამო აკრიტიკებს.
 ირაკლი კობახიძე - მდგომარეობა მუდმივად უმჯობესდება, თუმცა ჩვენი მთავარი ამოცანა საქართველოში სიღარიბის სრულად აღმოფხვრაა
მდგომარეობა მუდმივად უმჯობესდება, თუმცა ჩვენი მთავარი ამოცანა საქართველოში სიღარიბის სრულად აღმოფხვრაა, - ამის შესახებ
 ირაკლი კობახიძე - დარწმუნებული ვარ, საპრეზიდენტო არჩევნებში ძალიან დიდ წარმატებას მივაღწევთ
საქართველოს პარლამენტის თავმჯდომარის, ირაკლი კობახიძის განცხადებით, საპრეზიდენტო არჩევნების შემდგომ იქნება დაახლოებით ორწლიანი
 ირაკლი კობახიძე - ძალიან მნიშვნელოვანია, რომ მმართველი გუნდი ქვეყანაში სტაბილურობის მაღალ ხარისხს ინარჩუნებს
ნამდვილად შეიძლება ითქვას, რომ 2012 წლის შემდეგ ჩვენი ქვეყანა სულ სხვა, სწორი მიმართულებით ვითარდება, ქვეყანა აგრძელებს წინსვლას
 რომან კაკულია - მნიშვნელოვანია, სახელმწიფო უწყებების საქმიანობა იყოს კოორდინირებული და ქვეყნის ეკონომიკის გამოწვევებს პასუხობდეს
საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ და კომიტეტის წევრებმა გასვლითი შეხვედრა გამართეს.
 გიორგი კვირიკაშვილის შეფასებით, ამბროლაურის აეროპორტის არსებობა მნიშვნელოვანია არა მარტო ადგილობრივი მოსახლეობისთვის, არამედ მთელი ქვეყნისთვის
საქართველოს პრემიერ-მინისტრის, გიორგი კვირიკაშვილის განცხადებით, ამბროლაურის აეროპორტის არსებობა ძალიან მნიშვნელოვანია არა მარტო
 არჩილ თალაკვაძე პარლამენტში ახალგაზრდა მენეჯერების სკოლის მონაწილეებს შეხვდა
საპარლამენტო უმრავლესობის ლიდერი არჩილ თალაკვაძე საქართველოს პარლამენტში ბელარუსიის საჯარო სამსახურის მენეჯერთა სკოლის (SYMPA)
 გიორგი კვირიკაშვილი - რაჭა-ლეჩხუმი ნამდვილად იმსახურებს იმას, რომ აქ სიცოცხლე ჩქეფდეს და დუღდეს
ძალიან ბევრი პრობლემა კვლავაც გადასაჭრელია, მაგრამ მთავარია, რომ სწორ გზას ვადგავართ, - ამის შესახებ საქართველოს პრემიერ-მინისტრმა,
 გიორგი კვირიკაშვილი ნოვრუზ მამედოვს აზერბაიჯანის პრემიერ-მინისტრის თანამდებობაზე დანიშვნას ულოცავს
საქართველოს პრემიერ-მინისტრი გიორგი კვირიკაშვილი აზერბაიჯანის ახლად დანიშნულ პრემიერ-მინისტრს ნოვრუზ მამედოვს თანამდებობაზე დანიშვნას ულოცავს.