არქივი
«« იანვარი 2018 »»
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
კურსი
კონვერტორი
USD
1 USD
2.5463
EUR
1 EUR
3.1154
RUB
100 RUB
4.4951
18-01-2018
პარტიათა ქცევის წესების დეკლარაციაზე დისკუსია გაიმართა
18:10 25-07-2012
პარტიათა ქცევის წესების დეკლარაციაზე დისკუსია გაიმართა ბათუმში, დემოკრატიული ჩართულობის ცენტრის ორგანიზებით, პარტიათა საარჩევნო კამპანიის დროს ძირითადი ქცევის წესების დეკლარაციაზე დისკუსია გაიმართა. ოპოზიციური პარტიების, არასამთავრობო ორგანიზაციებისა და მმართველი პარტიის წარმომადგენლებმა განიხილეს "ერთიანი ნაციონალური მოძრაობის" მიერ წარმოდგენილი 4-პუნქტიანი დეკლარაცია, რომლის თანახმადაც, პარტიები ამომრჩევლებთან შეხვედრისა და კომუნიკაციისას უარს ამბობენ აგრესიის გამოხატვაზე, ძალადობისკენ მოწოდებასა და უმცირესობების მიმართ სიძულვილის ენის გამოყენებაზე.
პოლიტიკური პარტიების ერთი ნაწილი მიესალმება სამთავრობო ინიციატივას და მზადაა, ხელი მოაწეროს დეკლარაციას. კოალიცია "ეს შენ გეხებას" წევრები კი მიიჩნევენ, რომ ეს დოკუმენტი არ უნდა იყოს ნაკარნახევი მხოლოდ ერთი პოლიტიკური ძალის მხრიდან და ხელისუფლებასა და ოპოზიციურ პარტიებს შორის დიალოგის გზით შეთანხმების საგანი უნდა გახდეს.
ამასთან, როგორც "ქართული ოცნების" წევრმა, პოლიტოლოგმა ასლან ლორთქიფანიძემ აღნიშნა, კოალიცია მუშა პროცესშია, თუმცა უპირობოდ დეკლარაციაზე ხელის მოწერას არ აპირებენ.
"ხელისუფლება ცდილობს, არჩევნებამდე ორი თვით ადრე პოლიტიკურ ოპოზიციას ააღებინოს პასუხისმგებლობა არჩევნების ლეგიტიმურობაზე. ეს არის მთავარი მიზანი, დანარჩენი ყველაფერი - შეფუთულია. პოლიტიკური ოპოზიციის ერთი ნაწილი, რომელიც დაკავშირებულია ხელისუფლებასთან და ცდილობს, ხელისუფლების ქოლგის ქვეშ საქართველოს პარლამენტში ცალკეული სადეპუტატო მანდატების მოპოვებას, ბუნებრივია, უპირობოდ თანხმდებიან ამ დეკლარაციას. კოალიცია "ქართული ოცნებისათვის" მიუღებელია, უპირობოდ აიღოს ვალდებულება არჩევნების ლეგიტიმურობაზე, მაშინ, როცა არ ვიცით, ჩატარდება თუ არა არჩევნები დემოკრატიულად", - აღნიშნა ასლან ლორთქიფანიძემ.
აჭარის ავტონომიური რესპუბლიკის უმაღლესი საბჭოს დეპუტატი, საკონსტიტუციო, იურიდიულ და საპროცედურო საკითხთა კომისიის თავმჯდომარე პეტრე ზამბახიძემ აღნიშნა, რომ დეკლარაციას ყველა პოლიტიკურმა პარტიამ უნდა მოაწეროს ხელი.
"ვფიქრობ, დეკლარაციას ყველა პარტიამ უნდა მოაწეროს ხელი, აქ არის უმნიშვნელოვანესი პრინციპები, რომელიც ჩვენი საზოგადოებისთვის არის მისაღები. რაც შეეხება მეოთხე პუნქტს, სადაც საუბარია სანდო რეპუტაციის მქონე სადამკვირვებლო ორგანიზაციების მიერ არჩევნების აღიარებაზე, საუბარია ისეთ ორგანიზაციებზე, რომლებიც საერთაშორისო მასშტაბით მუშაობენ. ვფიქრობ, მათი დასკვნები და შედეგები იქნება გათვალისწინებული და მიღებული. ამაზე ხელი პოლიტიკურმა პარტიებმა წინასწარ უნდა მოაწერონ", - აღნიშნა პეტრე ზამბახიძემ.
არასამთავრობო ორგანიზაცია "საერთაშორისო გამჭირვალობა - საქართველოს" იურისტი ირინე ურუშაძის თქმით, არასამთავრობო ორგანიზაციები პარტიებს შორის მედიატორის როლს შეითავსებენ:
"არასამთავრობო ორგანიზაციები ვიქნებით მედიატორები ამ პროცესში და ვეცდებით, პარტიები შევათანხმოთ ერთიან დეკლარაციაზე პარტიების ქცევის კოდექსთან დაკავშირებით, რომელიც წინ გადადგმული ნაბიჯი იქნება უკეთესი საარჩევნო გარემოსთვის. მაქსიმალურად ვეცდებით, პარტიებს შორის შეთანხმებას მივაღწიოთ", - აღნიშნა ირინე ურუშაძემ.
დისკუსია შეეხო ასევე, "მასთ ქერის" პრინციპს. დისკუსიის მონაწილეების თქმით, სასურველია, "მასთ ქერი" არჩევნების შემდგომ პერიოდშიც მოქმედებდეს. ასევე, კოალიცია "ქართული ოცნების" წარმომადგენელმა სააჩევნო სიების დაზუსტების დროს აღმოჩენილ ხარვეზებზეც გაამახვილა ყურადღება.

მასალის გამოყენების პირობები
სხვა სიახლეები
ხარაგაულში გაფიცვა შეწყდა
ხარაგაულში გაფიცულებსა და კომპანია "ჩინეთის რკინიგზის 23- ე ბიუროს" შორის მოლაპარაკება წარმატებით დასრულდა. კომპანიამ გაფიცულების
ცოტნე ანანიძე სასჯელაღსრულების ბათუმის N3 დაწესებულებაში პატიმრებს შეხვდა
აჭარის ავტონომიური რესპუბლიკის უმაღლესი საბჭოს ადამიანის უფლებათა დაცვის საკითხთა კომისიის თავმჯდომარე ცოტნე ანანიძე
დავით გაბაიძემ მიშელ იანოვსკის უმასპინძლა
აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ და საკანონმდებლო ორგანოს აგრარულ და გარემოს დაცვის
ხარაგაულში, ბეჟათუბნის სარკინიგზო გვირაბში გაფიცულ დასაქმებულებს შრომის ინსპექციის წარმომადგენლები შეხვდნენ
ხარაგაულში, ბეჟათუბნის სარკინიგზო გვირაბში გაფიცულ დასაქმებულებს შრომის ინსპექციის წარმომადგენლები შეხვდნენ.
გონიოში, ჭოროხის შესართავთან, მაშველები, სავარაუდოდ, მამაკაცის ცხედარს ეძებენ
გონიოში, ჭოროხის შესართავთან, საგანგებო სიტუაციების მართვის სამსახურის თანამშრომლები, სავარაუდოდ, მამაკაცის ცხედარს ეძებენ.
ზუგდიდის მერიის ინფორმაციით, „თაუნ პარკმა“, რომელიც პარკირებას აწყობს, ბიუჯეტის მიმართ არსებული დავალიანება სრულად გადაიხადა
ზუგდიდის მუნიციპალიტეტის მერიის ინფორმაციით, კომპანია „თაუნ პარკმა“, რომელიც ზუგდიდში პარკირებას აწყობს, ბიუჯეტის მიმართ არსებული
ხარაგაულში, სოფელ ბეჟათუბანში სარკინიგზო გვირაბის მშენებლობაზე დასაქმებულების საპროტესტო აქცია გრძელდება
ხარაგაულში, სოფელ ბეჟათუბანში სარკინიგზო გვირაბის მშენებლობაზე დასაქმებულების ნაწილი მეორე დღეა სამუშაოებს პროტესტის ნიშნად არ აწარმოებენ.
გალში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრა მიმდინარეობს
ინციდენტების პრევენციისა და მათზე რეაგირების მექანიზმის ფარგლებში, გალში მორიგი შეხვედრა მიმდინარეობს. სუს-ის ანალიტიკური დეპარტამენტის
ზესტაფონი-ბაღდათის საავტომობილო გზაზე მოძრაობის სპეციალური რეჟიმი ამოქმედდება
საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ზესტაფონი-ბაღდათის საავტომობილო გზის მე-4 კმ-ზე მეწყრული
გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება
ქსელის გეგმური სარეაბილიტაციო სამუშაოების გამო, 17 იანვარს, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.