არქივი
კურსი
კონვერტორი
USD
1 USD
2.4671
EUR
1 EUR
3.0375
RUB
100 RUB
4.3763
25-02-2018
ბათუმში მცხოვრებმა მუსლიმებმა რამაზან ბაირამის ლოცვა ღია ცის ქვეშ, წვიმაში შეასრულეს
09:05 05-07-2016
 ბათუმში მცხოვრებმა მუსლიმებმა რამაზან ბაირამის ლოცვა ღია ცის ქვეშ, წვიმაში შეასრულეს ბათუმში მცხოვრებმა მუსლიმებმა რამაზან ბაირამის ლოცვა ღია ცის ქვეშ, წვიმაში შეასრულეს. ბათუმის ორთა ჯამემ მორწმუნეები ამჯერადაც ვერ დაიტია.
მუსლიმებმა მეჩეთის მიმდებარე ქუჩაზე ხალიჩები გაფინეს და ლოცვა ღია ცის ქვეშ, წვიმაში შეასრულეს.

მუსლიმებისთვის რამაზან ბაირამის მისალოცად მეჩეთში ტრადიციულად აჭარის მთავრობის თავმჯდომარე არჩილ ხაბაძე აჭარის მინისტრთა კაბინეტის წევრებთან ერთად მივიდა. მთავრობის თავმჯდომარემ მუსლიმებს წარმატებები უსურვა და ახალი მეჩეთის მშენებლობასთან დაკავშირებით ჟურნალისტების კითხვას უპასუხა.

როგორც არჩილ ხაბაძემ განაცხადა, წვიმამ მორწმუნეებს ხელი შეუშალა ლოცვაში და უახლოეს პერიოდში მეჩეთის მშენებლობის საკითხზე კომპრომისული გადაწყვეტილება იქნება მიღებული.

„განცხადებები, რომლებიც შემოვიდა ჩვენთან დამუშავების სტადიაშია. მაქსიმალურად ვცდილობთ, რომ მუსლიმი მრევლის ინტერესები დაცული იყოს, ლოცვის პროცესში განსაკუთრებულად. დღესაც ვნახეთ, რომ წვიმამ ხელი შეუშალა მორწმუნეების კომფორტულად ლოცვას. კომპრომისული გადაწყვეტილება იქნება მიღებული ხალხის სასიკეთოდ“, - აღნიშნა არჩილ ხაბაძემ.
რამაზან ბაირამის ლოცვას დასავლეთ საქართველოს მუფთი ბეგლარ ქამაშიძე უძღვებოდა. ბეგლარ ქამაშიძემ იმედი გამოთქვა, რომ ახალი მეჩეთის მშენებლობის საკითხი დადებითად გადაწყდება. მისივე თქმით, პრობლემა, რომელიც ბათუმში ლოცვის შესაბამის გარემოში შესრულებას უკავშირდება, 15 წელია დგას.
„მივულოცავ მსოფლიოში მცხოვრებ ყველა მუსლიმს და ასევე საქართველოში მცხოვრებ მუსლიმებს დღევანდელ დღეს, მარხვის დასრულების დღესასწაულს - ბაირამს, რომელიც არის ურთიერთსიყვარულის, ურთიერთთანადგომის დღესასწაული. დღეს არის ყველა ჩვენთაგანის განწმენდის დღე. იმედი მაქვს ჩვენ ყოველთვის ვიცხოვრებთ ისეთ მშვიდ გარემოში, რომელიც იქნება წარმატებული მომავალში ჩვენი ქვეყნისთვის და ჩვენი სამშობლოსთვის. იმედი მაქვს, უახლოეს დროში, როგორც ბატონმა არჩილმა აღნიშნა, მეჩეთის შესახებ გადაწყვეტილებაც იქნება დადებითად მიღებული, რომელიც საზოგადოებას ხელს შეუწყობს, ნორმალურ გარემოში ილოცოს“, - აღნიშნა ბეგლარ ქამაშიძემ.

მუსლიმანური სამყარო დღეს რამაზან ბაირამის დღესასწაულს აღნიშნავს. წელს რამაზანი 6 ივნისს დაიწყო და 29 დღიანი მარხვის შემდეგ დღეს, რამაზან ბაირამის დღესასწაულით დასრულდება. ბათუმში მცხოვრები მუსლიმები რამაზან-ბაირამის ლოცვის შესასრულებლად მეჩეთში 06:00 საათიდან შეიკრიბნენ.

რამაზანი ისლამური მთვარისეული კალენდრის მეცხრე თვის სახელწოდებაა. ამ თვეში განთიადიდან მზის ჩასვლამდე ყველა მუსლიმი მარხულობს. მარხვის საათებში მუსლიმები საჭმელზე, სასმელსა და სქესობრივ კავშირზე უარს ამბობენ. მოხუცებს, ავადმყოფებს, მოგზაურობაში მყოფ ადამიანებსა და ფეხმძიმეებს უფლება აქვთ მარხვა დაარღვიონ და წელიწადის სხვა დროს აანაზღაურონ. ბაირამი სამ დღეს გრძელდება.


მასალის გამოყენების პირობები
სხვა სიახლეები
ბროწლიანის სათნოების სახლში სასმელი წყლისა და სახურავის პრობლემა 13 წლის მოზარდის ინიციატივით მოგვარდა
წნორის ბროწლიანის სათნოების სახლში სასმელი წყლისა და სახურავის პრობლემა საზღვარგარეთ მცხოვრები მოზარდის ინიციატივით მოგვარდა.
თელავის უნივერსიტეტმა ორი მიმართულებით დოქტორანტურაში აკრედიტაცია ვერ გაიარა
თელავის იაკობ გოგებაშვილის სახელობის სახელმწიფო უნივერსიტეტმა ორი მიმართულებით დოქტორანტურაში აკრედიტაცია ვერ გაიარა.
"ნაციონალურმა მოძრაობამ" საქართველოს ოკუპაცია ენგურის ხიდთან გააპროტესტა
"ერთიანი ნაციონალური მოძრაობის" ზუგდიდის ახალგაზრდული ორგანიზაციის წევრებმა საქართველოს ოკუპაცია ენგურის ხიდთან გააპროტესტეს.
ზურაბ ალავიძემ სამეგრელოს სოფლებში შიდა გზების რეაბილიტაცია დაათვალიერა
რეგიონული განვითარებისა და ინფრასტრუქტურის მინისტრი ზურაბ ალავიძე ზუგდიდს მუნიციპალიტეტში იმყოფებოდა, სადაც ადგილობრივ ხელისუფლებასთან ერთად, ორსანტია-დარჩელის
ქობულეთში ფერმერებს კოოპერატივების ხელშეწყობის პროგრამები წარუდგინეს
სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე აჭარის სოფლის მეურნეობის მინისტრ ავთანდილ მესხიძესთან ერთად ქობულეთის მუნიციპალიტეტში ადგილობრივ
რუსეთის დროშის ქვეშ მცურავმა გემმა ფოთის ნავმისადგომთან სამეურნეო-ფეკალური წყლებით ზღვა დააბინძურა
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის
პარლამენტის არჩევნებში აჭარის ხუთივე მაჟორიტარულ ოლქში „ქართული ოცნების“ კანდიდატებმა გაიმარჯვეს
ცესკო-ს წინასწარი მონაცემებით, პარლამენტის არჩევნებში, აჭარის ხუთივე მაჟორიტარულ ოლქში „ქართული ოცნების“ კანდიდატებმა გაიმარჯვეს.
მარნეულის საოლქო კომისიის თავმჯდომარე - ამ უბანზე ხმა სულ 382 ამომრჩეველმა მისცა და 400 ბიულეტენი როგორ ჩაყარეს
მარნეულის საოლქო საარჩევნო კომისიის თავმჯდომარის იაკობ ასანიძის განცხადებით, ”ნაციონალური მოძრაობის” ინფორმაცია, რომ 86-ე უბანზე 400 ბიულეტენი
ხაშურში 61,55 %-ით „თოფაძე - მრეწველების“ კანდიდატმა სიმონ ნოზაძემ გაიმარჯვა, 38,45% მიიღო „ქართული ოცნებიდან“ ვალერი გელაშვილმა
ხაშურის 43-ე მაჟორიტარულ ოლქში „თოფაძე - მრეწველები, ჩვენი სამშობლოს“ კანდიდატმა სიმონ ნოზაძემ გაიმარჯვა.
ზუგდიდში, ხარაგაულსა და ბოლნისში გამგებლის რიგგარეშე არჩევნების მეორე ტურში „ქართული ოცნების“ კანდიდატები ლიდერობენ
ზუგდიდში, ხარაგაულსა და ბოლნისში გამგებლის რიგგარეშე არჩევნების მეორე ტურში „ქართული ოცნების“ კანდიდატები ლიდერობენ.