არქივი
კურსი
კონვერტორი
USD
1 USD
2.5429
EUR
1 EUR
3.1082
RUB
100 RUB
4.4825
22-01-2018
გიორგი ერმაკოვი - ტურისტული სეზონის დაწყებამდე განხორციელებულმა ამ ვანდალურმა აქტმა ნეგატიური ასახვა ჰპოვა ტურისტულ სეგმენტზე
23:01 20-03-2017
გიორგი ერმაკოვი - ტურისტული სეზონის დაწყებამდე განხორციელებულმა ამ ვანდალურმა აქტმა ნეგატიური ასახვა ჰპოვა ტურისტულ სეგმენტზე ბათუმის მერი გიორგი ერმაკოვი 11-12 მარტს აჭარაში მომხდარ მოვლენებთან დაკავშირებით განცხადებას ავრცელებს. "მიმდინარე წლის 11-12 მარტს ბათუმში განხორციელებული ვანდალური აქტის შედეგები ქალაქისთვის საკმაოდ მძიმე აღმოჩნდა. დამწვარი და დაზიანებულია აქციის მიმდებარე ქუჩის ინფრასტრუქტურა, დაიწვა როგორც საპატრულო სამსახურის, ასევე მოქალაქეების ავტომობილებიც, სხვადასხვა კატეგორიის დაზიანებები მიიღეს როგორც შსს-ს თანამშრომლებმა, ასევე მოქალაქეებმა. მხოლოდ ქალაქის ინფრასტრუქტურისთვის მიყენებულმა ზიანმა დაახლოებით 150 ათასი ლარი შეადგინა. ამ ეტაპზე მიმდინარეობს მოქალაქეების საკუთრებაზე მიყენებული ზარალის ოდენობის დადგენა. აღსანიშნავია ისიც, რომ ტურისტული სეზონის დაწყებამდე განხორციელებულმა ამ ვანდალურმა აქტმა ნეგატიური ასახვა ჰპოვა ტურისტულ სეგმენტზე - აქციის მეორე დღესვე ასობით ჯავშანი გაუქმდა რეგიონის სასტუმროებში. მომხდარ ფაქტთან დაკავშირებით მიმდინარეობს როგორც ადმინისტრაციული, ასევე სისხლის სამართლის საქმის წარმოება. გამოძიების შედეგად დაკავებული მოქალაქეების ნაწილი ადმინისტრაციული სამართალდარღვევის ფაქტზე ჯარიმის გადახდის შემდეგ გათავისუფლებულია, სისხლის სამართლის საქმეზე დაკავებულ პირთა ნაწილს კი უკვე შეეფარდათ წინასწარი პატიმრობა. საზოგადოების გარკვეული ნაწილი (ძირითადად დაკავებული მოქალაქეების ოჯახის წევრები და ნათსავები) აპროტესტებს ბრალდებულთა წინასწარ პატიმრობაში დატოვების ფაქტს და ფართომასშტაბიანი აქციებით იმუქრება. ჩემთვის, როგორც ქალაქ ბათუმის მერისთვის, აბსოლუტურად მიუღებელია მათი ამგვარი დამოკიდებულება. მთელი ქართული საზოგადოება ერთხმად თანხმდება, რომ 11-12 მარტს განვითარებული მოვლენები მთლიანად სცდება გამოხატვის თავისუფლების ფარგლებს და ჩვენ საქმე გვქონდა ვანდალურ აქტთან, რომელმაც არა მხოლოდ ინფრასტრუქტურა, არამედ მთლიანად ქვეყნის იმიჯი დააზარალა. ეს იყო სახელმწიფოს საძირკვლების შერყევის მცდელობა, გალაშქრება სახელმწიფო ინსტიტუციებზე. თუმცა ამ ვანდალიზმს სახელმწიფომ სრულიად ადეკვატურად და დემოკრატიულად უპასუხა. სამართალდამრღვევების წინააღმდეგ გამოყენებული იქნა პროპორციული ძალა. ეჭვმიტანილებიც, მათი ადვოკატებიცა და სახალხო დამცველის წარმომადგენელიც ერთხმად აცხადებენ, რომ დაკავებისას ან წინასწარ პატიმრობაში ყოფნისას მათ წინააღმდეგ არ ყოფილა გამოყენებული ძალა. ეს კიდევ ერთხელ უსვამს ხაზს ჩვენი ხელისუფლების მთავარ ფასეულობას - ადამიანებსა და მათ უფლებებზე ზრუნვას. სამართალდამცავები მოქმედებენ ფაქტებზე დაყრდნობით და ყველა, ვისაც ბრალი მიუძღვის აღნიშნული ვანდალური აქტის ორგანიზებასა და მის განხორციელებაში, დაისჯება კანონის სრული სიმკაცრით. ჩვენ ვცხოვრობთ დემოკრატიულ სახელმწიფოში, სადაც ყველა ადამიანის გამოხატვის თავისუფლება დაცულია, თუმცა კანონი უზენაესია და ქვეყნის, მისი ინსტიტუტების წინააღმდეგ ჩადენილი ამგვარი დანაშაულებრივი ქმედებები აუცილებლად დაისჯება. ქალაქის მერია ითვალისწინებს მოქალაქეთა გამოხატვის თავისუფლების კონსტიტუციურ უფლებას და ყველაფერს გააკეთებს იმისათვის, რომ მოქალაქეთა ეს უფლება არ დაირღვეს. თუმცა ყველაფერს აქვს თავისი წესი და ფორმა, რომელიც ყველამ უნდა დავიცვათ", - აცხადებს ერმაკოვი.


მასალის გამოყენების პირობები
სხვა სიახლეები
ახმეტაში, სარწყავ არხში 41 წლის მამაკაცს ეძებენ
ახმეტაში, სარწყავ არხში 41 წლის მამაკაცს ეძებენ. ადგილზე მობილიზებული არიან საპატრულო და სამაშველო ჯგუფები. "ინტერპრესნიუსის"
ქუთაისი-გელათის გზაზე ავტომანქანა კლდეს შეეჯახა, დაშავებულია ორი ადამიანი
ქუთაისი-გელათის გზაზე ავტოსაგზაო შემთხვევა მოხდა. ავარიის შედეგად ორი ადამიანი დაშავდა. ამ დროისთვის ახალგაზრდა მამაკაცის მდგომარეობა
ლიფტის შახტაში ჩავარდნილი ქალის მდგომარეობა მძიმეა
ბათუმში ლიფტის შახტაში დაშავებული ქალის მდგომარეობა მძიმეა. როგორც "ინტერპრესნიუსს" კლინიკა "მედინაში" განუცხადეს, ქალბატონი
ლიფტის შახტაში 40-წლამდე ასაკის ქალბატონი ჩავარდა
ბათუმში, ლიფტის შახტაში 40-წლამდე ასაკის ქალბატონი ჩავარდა. შემთხვევა რამდენიმე წუთის წინ საზღვაო ჰოსპიტალში მოხდა.
სოფელ ოდიშის მოსახლეობა გზების სარეაბილოტაციო სამუშაოების დაწყებასა და წყლის საწრეტი არხების გაყვანას ითხოვს
ზუგდიდის მუნიციპალიტეტის სოფელ ოდიშის მოსახლეობა სოფლის შიდა გზების სარეაბილოტაციო სამუშაოების დაწყებასა და წყლის
ხელვაჩაურში, ყოფილი 25-ე ბატალიონის ტერიტორიაზე მცხოვრებლები საპროტესტო აქციას მართავენ
ხელვაჩაურში, ე.წ ოცნების ქალაქში, ყოფილი 25-ე ბატალიონის ტერიტორიაზე მცხოვრებლები ელექტროენერგიის მოთხოვნით საპროტესტო აქციას მართავენ.
სოფელ ნოსირის მოსახლეობა ქალაქთან დამაკავშირებელი გზის რეაბილიტაციას ითხოვს
სენაკის მუნიციპალიტეტის სოფელ ნოსირის მცხოვრებლები ქალაქთან დამაკავშირებელი გზის რეაბილიტაციას ითხოვენ.
”აგარის შაქრის” თანამშრომლებმა საპროტესტო აქცია გამართეს
ქარელის რაიონის სოფელ აგარაში ”აგარის შაქრის” ქარხნის თანამშრომლებმა საპროტესტო აქცია გამართეს.
ზურაბ ჭანტურია რუსთავის ცენტრალური საავადმყოფოდან ცოტა ხნის წინ გაწერეს
გენერალ სამსონ ქუთათელაძის მკვლელობის გამოძიების ფარგლებში დაკავებული და შემდეგ ბრალის წარდგენის გარეშე გათავისუფლებული გიორგი
ლევან კობიაშვილი - ასეთი მასშტაბური ობიექტი და სტადიონი ვერ ვიხსენებ, როდის აშენედა
ეს არის ისტორიული დღე, რომელზეც თითოეული ბათუმელი ოცნებობდა, - ამის შესახებ საქართველოს ფეხბურთის ფედერაციის პრეზიდენტმა