არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
22-10-2017
აჭარაში ოფიციალური ვიზიტით ქვემო სილეზიის სავოევოდის მარშლის ოფისისა და სამედიცინო დაწესებულების წარმომადგენლები იმყოფებიან
14:17 21-04-2017
აჭარაში ოფიციალური ვიზიტით ქვემო სილეზიის სავოევოდის მარშლის ოფისისა და სამედიცინო დაწესებულების წარმომადგენლები იმყოფებიან აჭარის მთავრობის თავმჯდომარე ზურაბ პატარაძე ქვემო სილეზიის სავოევოდოს ვიცე-მარშალს, ეჟი მიხალაკს, ქვემო სილეზიის ჯანმრთელობისა და სოციალური პოლიტიკის კომიტეტის თავმჯდომარეს, იადვიგა შელონგსა და ვროცლავის წამყვანი კლინიკების სამედიცინო სფეროს წარმომადგენლებს შეხვდა.

აჭარის მთავრობის პრესსამსახურის ინფორმაციით, გაცნობითი ხასიათის შეხვედრაზე მხარეებმა იმსჯელეს აჭარასა და ქვემო სილეზიის სავოევოდოს შორის რეგიონთაშორისი თანამშრომლობის გაძლიერებაზე; განიხილეს უკვე განხორციელებული, ერთობლივი პროექტები და სამომავლო თანამშრომლობა.

ზურაბ პატარაძემ ხაზი გაუსვა პოლონეთის მთავრობის მხარდაჭერას ევროინტეგრაციისა და ვიზალიბერალიზაციის პროცესში და შეტანილი წვლილისათვის მადლობა გადაუხადა.

შეხვედრაზე განსაკუთრებული ყურადრება დაეთმო ჯანდაცვის სფეროში პოლონურ მხარესთან უკვე არსებული თანამშრომლობის გაფართოებას. ზურაბ პატარაძემ მათთან საუბრისას ხაზი გაუსვა მსგავსი ინიციატივების მნიშვნელობას, ევროპული ქვეყნების სამედიცინო სფეროში არსებული ტენდენციებისა და გამოცდილების გაზიარების აუცილებლობას. ზურაბ პატარაძის თქმით, სამედიცინო სფეროში გაცვლითი პროგრამები გარდა გამოცდილებისა და კვალიფიკაციის ამაღლებისა, სამედიცინო ტურიზმის განვითარების თვალსაზრისითაც მნიშვნელოვანია.

მთავრობის თავმჯდომარემ ყურადღება გაამახვილა პოლონეთისა და აჭარის რეგიონის თანამშრომლობაზე ტურიზმისა და საგანმანათლებლო სფეროშიც. პოლონეთი აჭარის რეგიონისათვის ერთ-ერთი პირველი და მსხვილი ტურისტული ბაზარია ევროპაში, სადაც აჭარის ტურისტული პოპულარიზაციის მიზნით სარეკლამო კამპანიები სხვადასხვა ქალაქებში ყოველწლიურად ხორციელდება. 2016 წელს კი რეგიონის ცნობადობის გაზრდის მიზნით „აჭარის დღეებიც“ გაიმართა.

შეხვედრაზე ასევე აღინიშნა აჭარის ა/რ განათლების, კულტურისა და სპორტის სამინისტროსა და ქვემო სილეზიის სავოევოდოსა შორის არსებული თანამშრომლობა. საგანმანათლებლო გაცვლითი პროგრამების კუთხით პარტნიორული ურთიერთობის გაღრმავება.

,,ძალიან საინტერესო შეხვედრა იყო. ჩვენს რეგიონებს შორის თანამშრომლობის დიდი პერსპექტივებია. ჩვენი დელეგაცია იმყოფებოდა პოლონეთში. ასევე, ჩვენი საკანონმდებლო ორგანოს წარმომადგენლები იმყოფებოდნენ სავოევოდოში, ქვედა სილეზიაში. მომავალში ეს ურთიერთობა კიდევ უფრო გაღრმავდება და გაძლიერდება. დაიგეგმა კონკრეტული გეგმები. განვიხილეთ პირდაპირი რეისების დანიშვნის თემა. ასევე, ბიზნეს ფორუმების ჩატარების პერსპექტივები.მაღალმთიანი აჭარის განვითარების კუთხით რიგი საინტერესო ღონისძიებები დავგეგმეთ. ვისაუბრეთ აგრარული მიმართულებით გამოცდილების გაზიარებაზე და ჯანდაცვის მიმართულებით არსებული ურთიერთობების გაღრმავებაზე", - აღნიშნა ზურაბ პატარაძემ.

შეხვედრას აჭარის მთავრობის მხრიდან აჭარის ჯანმრთელობისა და სოციალური დაცვის მინისტრი ზაალ მიქელაძე და აჭარის ა/რ განათლების, კულტურისა და სპორტის მინისტრი ინგა შამილიშვილიც ესწრებოდნენ.



InterPressNews.Ge
მასალის გამოყენების პირობები
სხვა სიახლეები
ფოთში, 70-ე საოლქო სააჩევნო კომისიასთან, ოთხმა ოპოზიციურმა პარტიამ საპროტესტო აქცია გამართა
ფოთში, 70-ე საოლქო სააჩევნო კომისიასთან, ოთხმა ოპოზიციურმა პარტიამ საპროტესტო აქცია გამართა. აქციის მონაწილეებმა ადგილობრივი
ზუგდიდის მერობის კანდიდატებმა ადგილობრივი თვითმმართველობის არჩევნები შეაფასეს
ზუგდიდის მერობის კანდიდატებმა ადგილობრივი თვითმმართველობის არჩევნები შეაფასეს. „ევროპული საქართველოს“ მერობის კანდიდატის,
გიორგი ჭიღვარია - ჯერ არ არის ცნობილი იქნება თუ არა მეორე ტური, ძალიან ცოტა ხმა გვაკლია გამარჯვებისთვის
ვერ ვიტყვი რომ მეორე ტურს ველოდით, ჩვენ არჩევნები დემოკრატიულად ჩავატარეთ, - განაცხადა "ქართული ოცნების" ქუთაისის მერობის
ზურაბ პატარაძე - აჭარის რეგიონში „ქართული ოცნება“ უპირობო ლიდერია
ზურაბ პატარაძე აჭარის ავტონომიური რესპუბლიკის მოსახლეობას მადლობას უხდის არჩევნებში მხარდაჭერისა და ნდობისათვის. აჭარის
გიორგი ბოტკოველი - მმართველმა გუნდმა ადმინისტრაციული რესურსი სრულად გამოიყენა
„ნაციონალური მოძრაობის“ თელავის მერობის კანდიდატი შედეგებით უკმაყოფილოა. გიორგი ბოტკოველის განცხადებით, როგორც წინასაარჩევნო გარემო
თელავში „ქართული ოცნების“ საარჩევნო შტაბის ხელმძღვანელი - პირველივე ტურში გამარჯვებას ველოდით
თელავში „ქართული ოცნების“ საარჩევნო შტაბის ხელმძღვანელის, ბენო გეგეჭკორის განცხადებით, პირველივე ტურში გამარჯვებას ელოდნენ.
„ნაცმოძრაობა“ - არჩევნების დროს დაფიქსირებულ დარღვევებს ვიდეო მასალის სახით მოსახლეობას მივაწვდით
„ერთიანი ნაციონალური მოძრაობის“ აჭარის ორგანიზაციის წევრების განცხადებით, ადგილობრივი თვითმმართველობის არჩევნების პერიოდში
ბათუმში „ქართული ოცნების“ მერობის კანდიდატი ამომრჩევლებს ნდობისთვის მადლობას უხდის
ბათუმში „ქართული ოცნების“ მერობის კანდიდატი ლაშა კომახიძე ამომრჩევლებს ნდობისთვის მადლობას უხდის.
გოგი წულაია პოლიტიკური ტაიმაუტის აღებას აპირებს
ქუთაისის მერობის კანდიდატმა გოგი წულაიამ საოლქო კომისიის წინ თვითმმართველობის არჩევნების შედეგები შეაფასა. მისივე განცხადებით,
წინასწარი შედეგების თანახმად, კახეთის არც ერთ მუნიციპალიტეტში არჩევნების მეორე ტური მოსალოდნელი არ არის
წინასწარი შედეგების თანახმად, კახეთის არც ერთ მუნიციპალიტეტში არჩევნების მეორე ტური მოსალოდნელი არ არის. რვავე რაიონში ხმათა