არქივი
კურსი
კონვერტორი
USD
1 USD
2.4791
EUR
1 EUR
3.0282
RUB
100 RUB
4.0254
25-04-2018
უამინდობის გამო საავტომობილო გზებზე შეზღუდვებია
23:56 07-12-2017
უამინდობის გამო საავტომობილო გზებზე შეზღუდვებია უამინდობის გამო გზების გარკვეულ მონაკვეთებზე შეზღუდვები დაწესდა. როგორც „ინტერპრესნიუსს“ საავტომობილო გზების დეპარტამენტიდან აცნობეს, რთული მეტეოროლოგიური პირობების გამო საქართველოს მასშტაბით საავტომობილო გზებზე სხვადასხვა სახის შეზღუდვებია დაწესებული.

ინტენსიური თოვისა და ლიპყინულის გამო, საერთაშორისო მნიშვნელობის თბილისი–სენაკი–ლესელიძის(რუსეთის ფედერაციის საზღვარი) საავტომობილო გზის კმ138–კმ158 (ჩუმათელეთი-ხუნევი) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გზის დანარჩენ მონაკვეთებზე ავტოტრანსპორტის მოძრაობა თავისუფალია.

ინტენსიური თოვის გამო, შიდასახელმწიფოებრივი მნიშვნელობის ქუთაისი-წყალტუბო-ცაგერი-ლენტეხი-ლასდილის საავტომობილო გზის კმ15-კმ88 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. ამავე გზის კმ1-კმ15 და კმ88-კმ142 მონაკვეთებზე ავტოტრანსპორტის მოძრაობა თავისუფალია.

ინტენსიური თოვის გამო, შიდასახელმწიფოებრივი მნიშვნელობის ალპანა-ცაგერის საავტომობილო გზის კმ1-კმ22 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.

ლიპყინულის გამო, საერთაშორისო მნიშვნელობის ახალციხე-ნინოწმინდა (სომხეთის რესპუბლიკის საზღვარი) საავტომობილო გზის კმ90-კმ112 (ნინოწმინდა - სომხეთის საზღვარი) მონაკვეთზე და საერთაშორისო მნიშვნელობის ახალქალაქი-კარწახი(თურქეთის რესპუბლიკის საზღვარი) საავტომობილო გზის კმ1-კმ36 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გზის დანარჩენ მონაკვეთებზე ავტოტრანსპორტის მოძრაობა თავისუფალია.

ინტენსიური თოვის გამო, საერთაშორისო მნიშვნელობის ხაშური-ახალციხე-ვალე (თურქეთის რესპუბლიკის საზღვარი) საავტომობილო გზის კმ80-კმ97 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გზის დანარჩენ მონაკვეთზე ავტოტრანსპორტის მოძრაობა თავისუფალია.

ინტენსიური თოვის გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ40 მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გზის დანარჩენ მონაკვეთზე ავტოტრანსპორტის მოძრაობა თავისუფალია.

„შექმნილი ვითარებიდან გამომდინარე, საავტომობილო გზების დეპარტამენტი მოგიწოდებთ, იმოძრაოთ ზამთრის პერიოდისათვის შესაბამისი საბურავებით, გამართული ავტოტრანსპორტითა და დაემორჩილოთ საავტომობილო გზებზე დაწესებულ რეჟიმებს“, – აცხადებენ დეპარტამენტში.

InterPressNews.Ge
მასალის გამოყენების პირობები
სხვა სიახლეები
სასწრაფო დახმარების მანქანას ავტომობილი დაეჯახა, დაშავებულია მედპერსონალი
ახმეტის მუნიციპალიტეტში სასწრაფო დახმარების მანქანას მსუბუქი ავტომობილი დაეჯახა. შემთხვევა ზემო ალვანში იმ დროს მოხდა, როდესაც სასწრაფოს მანქანა გამოძახებიდან ბრუნდებოდა.
„ევროპული საქართველოს“ ბრალდებას ქუთაისის მერიაში აბსურდულს და არაკომპეტენტურს უწოდებენ
ქუთაისის საკრებულოს წევრის „ევროპული საქართველოდან“, დავით გოგისვანიძის განცხადებით, ქუთაისის მერიამ ხელშეკრულება გააფორმა ფირმასთან, რომელიც
თეთრიწყაროს სასწრაფო სამედიცინო დახმარების სამსახურს „ჯიპის“ ტიპის სპეცმანქანა გადაეცა
საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ, თეთრიწყაროს მაჟორიტარ დეპუტატთან გოდერძი ჩანქსელიანთან და თეთრიწყაროს
ფოთის თეატრის დირექტორი - მიუხედავად იმისა, რომ შენობა ავარიულია, ქალაქი წელსაც უმასპინძლბს რეგიონული თეატრების მე-4 საერთაშორისო ფესტივალს
მიუხედავად იმისა, რომ ფოთის ვალერიან გუნიას სახელობის სახელმწიფო თეატრის შენობა ავარიულ მდგომარეობაშია, ქალაქი წელსაც უმასპინძლებს
აბასთუმანში ხანძარი ლიკვიდირებულია
აბასთუმანში ხანძარი ლიკვიდირებულია. საგანგებო სიტუაციების მართვის სამსახურის ინფორმაციით, ადგილზე მობილიზებული იყო
ბათუმში სამანქანო ხიდი ნაწილობრივ ჩაინგრა
ბათუმში, ფრიდონ ხალვაშის მეორე ჩიხში სამანქანო ხიდი ნაწილობრივ ჩაინგრა. ხიდის დაზიანების გამო, იქვე მცხოვრებლები
ბათუმის სახელმწიფო უნივერსიტეტის დამხმარე კორპუსის მშენებლობა 2018 წლის დეკემბერში დასრულდება
აჭარის უმაღლესი საბჭოსა და მთავრობის თავმჯდომარეები დავით გაბაიძე, ზურაბ პატარაძე, საქართველოს განათლებისა და მეცნიერების მინისტრ
ონის მოსახლეობას გაუმჯობესებული წყალმომარაგება ექნება
რეგიონული განვითარებისა და ინფრასტრუქტურის სამინისტროს ინფორმაციით, ქალაქ ონში, ჟიჟორეთის სათავე ნაგებობასთან წყალმომარაგების
„ევროპული საქართველოს“ წევრი - ხელისუფლება ხონის ამომრჩევლის მოსყიდვას ცდილობდა
ხელისუფლება ხონის ამომრჩევლის მოსყიდვას ცდილობდა, რისთვისაც ქუთაისის მერია ხონის მუნიციპალიტეტისთვის სანათების გადაცემას აპირებდა,
რუსთავის მერი საქართველოში მიუნჰენისა და ზემო ბავარიის სავაჭრო-სამრეწველო პალატის წარმომადგენლებს შეხვდა
რუსთავის მერი ირაკლი ტაბაღუა, საქართველოში მიუნჰენისა და ზემო ბავარიის სავაჭრო-სამრეწველო პალატისა და ბიზნეს საკონსულტაციო კომპანია