არქივი
კურსი
კონვერტორი
USD
1 USD
2.4505
EUR
1 EUR
2.9129
RUB
100 RUB
3.9418
11-05-2018
იური ლუცენკო ქართველ მოსამართლეს - თქვენ უფრო გეშინიათ ვანოსი, ვიდრე ვანოს თქვენი
08:42 15-07-2014
იური ლუცენკო ქართველ მოსამართლეს - თქვენ უფრო გეშინიათ ვანოსი, ვიდრე ვანოს თქვენი მეჩვენება, რომ მოსამართლეს ვანო მერაბიშვილის უფრო ეშინია, ვიდრე ვანოს მოსამართლის გადაწყვეტილების, - ამის შესახებ ჟურნალისტებს საქართველოში მყოფმა უკრაინის ყოფილმა შს მინისტრმა იური ლუცენკომ განუცხადა, რომელიც ვანო მერაბიშვილის გუშინდელ სასამართლო პროცესს ესწრებოდა.
პროცესიდან გამოსულმა ლუცენკომ ჟურნალისტებთან საუბარში აღნიშნა, რომ ვანო მერაბიშვილი იყო მისი უახლოესი მეგობარი მაშინ, როდესაც ის იყო უკრაინის შს მინისტრი. ლუცენკოს განცხადებით, ამ პოსტზე ოთხი წელი იმუშავა და მას ძალიან ხშირად ჰქონდა კონტაქტი ვანო მერაბიშვილთან.
"მისი გამოცდილება რეფორმების კუთხით ჩვენთვის ძალიან მნიშვნელოვანი იყო. სამწუხაროდ ჩვენ ვერ შევძელით რეფორმების გატარება უკრაინაში. ჩვენ არა მხოლოდ საქმე გვაკავშირებდა, არამედ მეგობრული ურთიერთობაც. დღეს აქ ვარ ორი მიზეზის გამო, მე მინდა მხარი დავუჭირო ჩემს კოლეგას, რეფორმატორს, არაკორუფციული ქართული პოლიციის შექმნელს, ასევე ჩემს მეგობარს ვანოს", - განაცხადა ლუცენკომ.
მისი თქმით, ის აქ არის, რადგან თვლის, რომ ვანო მერაბიშვილი ქართველ ხალხს სჭირდება თავისუფლებაზე მყოფი, შემდგომ განმათავისუფლებელ ბრძოლებში. "აქ ვარ, რომ ვაჩვენო ციხე დროებითი მოვლენაა. მე ვიყავი ციხეში ორწელიწადნახევარი. ციხე პატიოსანი პოლიტიკოსისთვის დროებითი მოვლენაა. მე ვხედავ, როგორ მტკიცედ დგას ვანო, როგორ უჭერენ მხარს მეგობრები, ხალხი. როდესაც გამოვედი ციხიდან, ვთქვი, ნახევარ წელში იქნება რევოლუცია და ეს მოხდა უკრაინაში ცოტა ადრეც, 5 თვეში. საქართველოში იქნება ასე, ვანო გამოვა მაშინ, როდესაც ქვეყანა მზად იქნება ცვლილებისთვის, როდესაც ქართველები აღარ იქნებიან ჩუმად თავის მინისტრთან მიმართებაში, რომელიც ხალხისა და ქვეყნისთვის მუშაობდა. დარწმუნებული ვარ, როდესაც ქართველები დუმილს შეწყვეტენ, ვანო გამოვა ციხიდან და ნახევარ წელში შეიცვლება მთავრობა", - განაცხადა ლუცენკომ.
მან ისაუბრა მის მიერ სასამართლო დარბაზში გაკეთებულ რეპლიკაზეც.
"მე მეჩვენება ამ მოსამართლეს ვანო მერაბიშვილის უფრო ეშინია, ვიდრე ვანოს მოსამართლის გადაწყვეტილების. ამაში იყო ჩემი რეპლიკის აზრი. მოსამართლეს უნდა ახსოვდეს, რომ ცხოვრება მანტიის ქვეშ არ მთავრდება, ადრე თუ გვიან მანტიას გაიხდის და მას მერე ან სინდისი შეაწუხებს ან კანონი ან ორივე ერთად", - განაცხადა ლუცენკომ.
ლუცენკომ დარბაზიდან გასვლისას მოსამართლეს რეპლიკით მიმართა - "თქვენ უფრო გეშინიათ, ვიდრე ვანოს" და აქვე აღნიშნა, რომ მისი პატიმრობის გადაწყვეტილების მიმღებმა მოსამართლემ 4-წლიანი სასჯელი მიიღო.
მასალის გამოყენების პირობები
სხვა სიახლეები
 გურიაში აშშ-ს მოქალაქეზე ყაჩაღურ თავდასხმაში ბრალდებული დააკავეს
შინაგან საქმეთა სამინისტროს გურიის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების
ბიზნესმენ ბესარიონ ხარძიანის მკვლელობისთვის მსჯავრდებულს უვადო თავისუფლების აღკვეთა მიესაჯა
თბილისის სააპელაციო სასამართლომ სრულად გაიზიარა ბრალდების მხარის საჩივარში მოყვანილი არგუმენტები ბესარიონ ხარძიანის მკვლელობის
გოჩა ლორთქიფანიძე - რუსული მხარისგან მოვისმინეთ გაშარჟებულ-გაყალბებული ნარატივი ისტორიის შესახებ, რაც მიუთითებს, რომ რუსეთს არგუმენტი საერთოდ არ ჰქონდა
რუსული მხარისგან მოვისმინეთ გაშარჟებულ-გაყალბებული ნარატივი ისტორიის შესახებ, რაც მიუთითებს, რომ რუსეთის ფედერაციას არგუმენტი საერთოდ არ ჰქონდა,
ქეთევან ციხელაშვილი - სტრასბურგის სასამართლოში წარდგენილი გვაქვს მყარი მტკიცებულებები, რომ ევროპული კონვენციის არაერთი მუხლი დარღვეულია
ქართულ მხარეს სტრასბურგის სასამართლოში წარდგენილი აქვს მყარი მტკიცებულებები იმის თაობაზე, რომ ევროპული კონვენციის არაერთი მუხლია
ადამიანის უფლებათა ევროპულ სასამართლოში საქმეზე „საქართველო რუსეთის წინააღმდეგ (II)” ბოლო ზეპირი მოსმენა დასრულდა
ადამიანის უფლებათა ევროპულ სასამართლოში საქმეზე „საქართველო რუსეთის წინააღმდეგ (II)” ბოლო ზეპირი მოსმენა დასრულდა.
ადამიანის უფლებათა ცენტრი - მოვუწოდებთ პროკურატურას, ხორავას ქუჩაზე მოკლული ახალგაზრდების საქმეზე ახალი ფაქტები შეისწავლოს
არასამთავრობო ორგანიზაცია „ადამიანის უფლებათა ცენტრი“ 19 მაისს „რუსთავი 2“-ის გადაცემა „შაბათის კურიერში“ გასულ სიუჟეტს ეხმაურება,
ქართული მხარის ადვოკატი ადამიანის უფლებათა ევროპულ სასამართლოში - რუსეთმა, ევროსაბჭოს წევრმა ქვეყანამ, სამარცხვინო ქმედება ჩაიდინა
რუსეთმა, ევროსაბჭოს წევრმა ქვეყანამ, სამარცხვინო ქმედება ჩაიდინა, - ამის შესახებ საქართველოს სახელმწიფოს ადვოკატმა ბენ ემერსონმა
სოფიო კილაძე - სტრასბურგის სასამართლოს აქვს ძალიან მაღალი ნდობა და დიდი იმედი მაქვს, რომ სასამართლო ობიექტურ გადაწყვეტილებას მიიღებს
სტრასბურგის სასამართლოს აქვს ძალიან მაღალი ნდობა და დიდი იმედი მაქვს, რომ სასამართლო მიიღებს ობიექტურ გადაწყვეტილებას,
ზაზა სარალიძე - პროკურატურა ცდილობს ჩემ დისკრედიტაციას, იქიდან გამომდინარე, რომ დიდ წინააღმდეგობას ვუწევ
პროკურატურა პირდაპირ ცდილობს ჩემ დისკრედიტაციას იქიდან გამომდინარე, რომ ძალიან დიდ წინააღმდეგობას ვუწევ, - ამის შესახებ ხორავას ქუჩაზე