არქივი
კურსი
კონვერტორი
USD
1 USD
2.4578
EUR
1 EUR
2.8597
RUB
100 RUB
3.8955
24-06-2018
ნინო გვენეტაძე - მამუკა ახვლედიანის პოზიციას საქალაქო სასამართლოს მოსამართლეთა უდიდესი ნაწილი არ იზიარებს
21:07 04-01-2016
ნინო გვენეტაძე - მამუკა ახვლედიანის პოზიციას საქალაქო სასამართლოს მოსამართლეთა უდიდესი ნაწილი არ იზიარებს უზენაესი სასამართლოს თავმჯდომარის ნინო გვენეტაძის განცხადებით, დღევანდელ შეხვედრაზე გამოიკვეთა პოზიცია, რომ მამუკა ახვლედიანის მიერ გაკეთებული განცხადებები, არის მისი პირადი პოზიცია და მას საქალაქო სასამართლოს მოსამართლეთა უდიდესი ნაწილი არ იზიარებს.
როგორც გვენეტაძემ საქალაქო სასამართლოში მოსამართლეთა და იუსტიციის უმაღლესი საბჭოს წევრების შეხვედრის დასრულების შემდეგ ჟურნალისტებთან საუბრისას განაცხადა, მათ შეხვედრაზე მოისმინეს მამუკა ახვლედიანის განმარტებები.
"ჩვენ მის მიერ გაკეთებულ განცხადებებზე ვისაუბრეთ. მოვისმინეთ როგორც საბჭოს წევრების პოზიციები, ასევე სასამართლო კორპუსის პოზიციები და მოვუსმინეთ ბატონ მამუკა ახვლედიანს. მან მრავალ საკითხზე საკუთარი პოზიცია დააფიქსირა. მიანიშნა გარკვეულ საკითხებზე, რომ არის ინტერპრეტაცია განსხვავებულად გაკეთებული, თუმცა, რიგ საკითხებზე გააკეთა კომენტარები, რომ ის არის უკმაყოფილო საერთო სასამართლოების შესახებ ორგანული კანონში არსებული ბევრი ჩანაწერით, რომელიც მოსამართლეთა დანიშვნის კრიტერიუმებს უკავშირდება. ასევე სამწლიან საგამოცდო ვადაზე დასვა მან პრობლემები და ისურვა, რომ საბჭოს ჰქონდეს უფრო გამჭვირვალე კრიტერიუმები.
მან აღნიშნა, რომ მომავალშიც გააკეთებს განცხადებებს ამ საკითხებთან დაკავშირებით. თუმცა გამოიკვეთა ერთი პოზიცია, რომ მისი განცხადებები არის მხოლოდ მისი შეხედულებები და არ არის თბილისის საქალაქო სასამართლოს მოსამართლეთა პოზიცია", - განაცხადა ნინო გვენეტაძემ.
რაც შეეხება ჟურნალისტების მიერ დასმულ შეკითხვას სასამართლოში არსებულ "კლანებთან" დაკავშირებით, თუ დაასახელა ახვლედიანმა კონკრეტული გვარები, უზენაესი სასამართლოს თავმჯდომარემ აღნიშნა, რომ კონკრეტულ გვარებზე საუბარი არ ყოფილა. "კლანებთან დაკავშირებით არ გაკეთებულა განცხადებები. გვარებთან დაკავშირებით მამუკამ აღნიშნა, რომ ეს არის მისი პირადი შეხედულებები. თუ იქნება ფაქტები, ფაქტების გადამოწემება იქნება სავალდებულო. ფაქტების გარეშე ეს განცხადებები არ გადამოწმდება", - განაცხადა ნინო გვენეტაძემ.
საქალაქო სასამართლოში იუსტიციის უმაღლესი საბჭოს წევრებისა და საქალაქო სასამართლოს მოსამართლეთა შეხვედრა თითქმის 3 საათს მიმდინარეობდა. შეხვედრა ჟურნალისტებისთვის დახურული იყო. სხდომაზე საქალაქო სასამართლოს თავმჯდომარის მიერ 29 დეკემბერს და დღეს გაკეთებული განცხადებები განიხილეს.
მასალის გამოყენების პირობები
სხვა სიახლეები
 შსს-მ შრი-ლანკის რვა მოქალაქე დააკავა
შინაგან საქმეთა სამინიტროს სასაზღვრო პოლიციის და სახელმწიფო უსაფრთხოების სამსახურის სახელმწიფო უსაფრთხოების დეპარტამენტის თანამშრომლებმა, N1 სამმართველოს
 კანონს, რომლის საფუძველზეც მიწის ნაკვეთებზე საკუთრების უფლების რეგისტრაცია ხორციელდება, ვადა 2019 წლის 1-ელ იანვრამდე უგრძელდება
კანონს, რომლის საფუძველზეც მიწის ნაკვეთებზე საკუთრების რეგისტრაცია ხორციელდება, ვადა 2019 წლის 1-ელ იანვრამდე უგრძელდება.
 შსს-ს გამომძიებლებმა არასრულწლოვანთა მართლმსაჯულების საკითხებზე დამატებითი გადამზადების კურსი გაიარეს
შინაგან საქმეთა სამინისტროს ადამიანის უფლებათა დაცვის დეპარტამენტის ინიციატივით და გაერო-ს ბავშვთა ფონდის ფინანსური მხარდაჭერით, სამინისტროს
 შსს-მ კახეთში ქურდობის ბრალდებით ოთხი პირი დააკავა
შსს-მ ქურდობის ბრალდებით, კახეთში 1995 წელს დაბადებული ლ.შ., 1998 წელს დაბადებული გ.კ., 1982 წელს დაბადებული ზ.გ. და 1988 წელს დაბადებული ლ. მ. დააკავა.
დიმიტრი გვრიტიშვილი იმ ინიციატივას განმარტავს, რომლითაც იუსტიციის საბჭოს არამოსამართლე წევრებზე დისციპლინური დევნა უნდა გავრცელდეს
იუსტიციის უმაღლესი საბჭოს მოსამართლე წევრი დიმიტრი გვრიტიშვილი იმ ინიციატივას განმარტავს, რომელიც იუსტიციის უმაღლესი საბჭოს წევრთა ნაწილს
ნაზი ჯანეზაშვილი - ინიციატივა, რომ იუსტიციის საბჭოს არამოსამართლე წევრებზე დისციპლინური პასუხისმგებლობა გავრცელდეს, დრაკონულია
იუსტიციის უმაღლესი საბჭოს არამოსამართლე წევრი ნაზი ჯანეზაშვილი მიიჩნევს, რომ საბჭოს ყველა წევრზე დისციპლინური პასუხისმგებლობის გავრცელება,
შსს-ს ინფორმაციით, პანკისელმა ბესლან წუწაშვილმა, რომელსაც ოჯახი 16 დღე ეძებდა, საქართველოს საზღვარი გადმოკვეთა
პანკისელმა ბესლან წუწაშვილმა, რომელსაც ოჯახი 16 დღე ეძებდა, საქართველოს საზღვარი გადმოკვეთა, - ამის შესახებ "ინტერპრესნიუსს" ინფორმაცია შინაგან საქმეთა
 6 თვის ტყუპებზე მოძალადე ძიძა - ვაღიარებ, რომ არასწორად მოვიქეცი
ვაღიარებ, რომ ცუდად მოვიქეცი. არ უნდა გამეკეთებინა ნამდვილად, – ამის შესახებ 47 წლის ძიძამ, რომელიც 6 თვის ტყუპებს სისტემატურად სცემდა, სასამართლო
თბილისის ცენტრალურ ქუჩებზე ავტოტრანსპორტის მოძრაობა შეზღუდულია
შსს დედაქალაქის ცენტრალურ ქუჩებზე ავტოტრანსპორტის მოძრაობის შეზღუდვასთან დაკავშირებით განცხადებას ავრცელებს.