არქივი
კურსი
კონვერტორი
USD
1 USD
2.4641
EUR
1 EUR
3.0782
RUB
100 RUB
4.3669
19-02-2018
პრეზიდენტის ადმინისტრაციამ ის წერილი გაასაჯაროვა, რომლითაც კახა კოჟორიძემ პროკურატურას მიმართა
19:38 13-01-2016
პრეზიდენტის ადმინისტრაციამ ის წერილი გაასაჯაროვა, რომლითაც კახა კოჟორიძემ პროკურატურას მიმართა საქართველოს პრეზიდენტის ადმინისტრაციამ ის წერილი გაასაჯაროვა, რომლითაც პრეზიდენტის მრჩევლმა კახა კოჟორიძემ საქართველოს პროკურატურას მიმართა.
როგორც "ინტერპრესნიუსს" პრეზიდენტის ადმინისტრაციის პრესსამსახურიდან აცნობეს, წერილში კახა კოჟორიძის მხრიდან მთავარი პროკურორის სახელზე 6 კითხვაა დასმული, მათ შორის, წამებისა და არაადამიანური მოპყრობის მუხლებით რამდენი პირის მიმართ დადგა გამამტყუნებელი განაჩენი; აღნიშნული გამამტყუნებელი განაჩენებიდან რამდენ პირს გაუფორმდა საპროცესო შეთანხმება; თითოეულ შემთხვევაში რა სასჯელზე მოხდა შეთანხმება და რამდენი პირის მიმართ დადგა გამამტყუნებელი განაჩენი ათასობით აღმოჩენილ უკანონო, ფარულ ჩანაწერებთან დაკავშირებით.
"ინტერპრესნიუსი" კახა კოჟორიძის წერილს უცვლელად გთავაზობთ.
"საქართველოს პრეზიდენტის საჯარო განცხადებებში არაერთხელ გაკეთდა მოწოდება, სამართალდამცავი ორგანოების და, მათ შორის, საქართველოს მთავარი პროკურატურის მისამართით, რათა, არსებული მაღალი ინტერესის გათვალისწინებით, მომხდარიყო საზოგადოების სრულად ინფორმირება სისტემური დანაშაულის - წამების, არაადამიანური მოპყრობისა და სხვა ძალადობრივი ქმედებების გამოძიების შედეგების შესახებ.
პრეზიდენტის მიერ საჯაროდ დასმულ კითხვებზე პასუხები არ გაცემულა.
2016 წლის 13 იანვარს, გაკეთებული განცხადებით თქვენ გამოთქვით მზადყოფნა, რომ აღნიშნულ კითხვებს გასცეთ პასუხები, იმ შემთხვევაში თუ ოფიციალურად მოგმართავთ განცხადებით.
ზემოაღნიშნულიდან გამომდინარე, წერილობით განგიმარტავთ პრეზიდენტის მიერ დასმული კითხვების შინაარსს და მაღალი საზოგადოებრივი ინტერესის გათვალისწინებით, გთხოვთ, საზოგადოებას საჯაროდ აცნობოთ 2012 წლის ნოემბრიდან დღემდე:
1. წამებისა და არაადამიანური მოპყრობის მუხლებით რამდენი პირის მიმართ დადგა გამამტყუნებელი განაჩენი?
2. აღნიშნული გამამტყუნებელი განაჩენებიდან რამდენ პირს გაუფორმდა საპროცესო შეთანხმება? თითოეულ შემთხვევაში რა სასჯელზე მოხდა შეთანხმება?
3. აღნიშნული მუხლებით რამდენი პირის მიმართ მიმდინარეობს სისხლის სამართლის საქმის განხილვა სასამართლოში?
4. იმავე მუხლებით რამდენი პირია ბრალდებულად ცნობილი? (ვგულისხმობთ საქმეებს, სადაც პირი ცნობილია ბრალდებულად, მაგრამ სასამართლოში არ არის საქმე გადაგზავნილი, ასეთის არსებობის შემთხვევაში.)
5. იმავე მუხლებით რამდენ საქმეზე მიმდინარეობს და რა ეტაპზეა გამოძიება?
6. რამდენი პირის მიმართ დადგა გამამტყუნებელი განაჩენი ათასობით აღმოჩენილ უკანონო, ფარულ ჩანაწერებთან დაკავშირებით? რამდენი პირის მიმართ არის დაწყებული დევნა?"- ნათქვამია საქართველოს პრეზიდენტის მრჩეველის ადამიანის უფლებებისა და მართლმსაჯულების საკითხებში კახა კოჟორიძის წერილში.
მთავარი პროკურორი ირაკლი შოთაძე მზადაა, კონკრეტულ საქმეებთან დაკავშირებით პრეზიდენტის კითხვებს პასუხი გასცეს, თუ ის პროკურატურას ოფიციალური წერილით მიმართავს. ამის შესახებ შოთაძემ ჟურნალისტებს დღეს განუცხადა, რითაც საქართველოს პრეზიდენტის მიერ, 26 დეკემბერს, ტელეკომპანია "იმედის" ეთერში გაკეთებულ განცხადებას გამოეხმაურა, რომელშიც ქვეყნის პირველმა პირმა უწყებას მიმართა, საზოგადოებას მიაწოდოს ინფორმაცია, რა სტადიაზეა სისტემურ დანაშაულებთან დაკავშირებული საქმეების გამოძიება. "მე მგონი უკვე მეხუთედ პირდაპირ ეთერში მინდა მოვკითხო საქართველოს პროკურატურას ის საქმეები, სადაც სისტემური დანაშაულებებია, სადაც წამება და ის კატასტროფაა ასახული, რაც ხდებოდა, ამ საქმეებზე რამდენი ადამიანი ჩასმული ციხეში, რამდენის მიმართ მიმდინარეობს ძიება და რამდენი ადამიანი არის სავარაუდოდ, ამ საქმეებში ეჭვმიტანილი? საქართველოს პროკურატურას მინდა მოვკითხო, ეს საქმეები, რომ მერე არ იყოს საუბარი იმაზე, რომ მე რამე არ მოვიკითხე. ამ დონის საქმეები რომ გაჩერებულია სამი წელი და მეტი, რომელი "მესიჯების საქმე" უნდა მომეკითხა? იმიტომ არ მოვიკითხე "მესიჯების საქმე", რომ გაუპატიურებების საქმეზე ღია ეთერში მეხუთედ ვკითხულობ, რა რეალობაა დამდგარი და პასუხს ვერ ვიღებ", - განაცხადა მარგველაშვილმა.


მასალის გამოყენების პირობები
სხვა სიახლეები
გიორგი მიქაუტაძე - პარლამენტმა უნდა იმსჯელოს, რომ დისციპლინური კუთხით გარკვეული შეზღუდვები არამოსამართლე წევრებისთვისაც არსებობდეს
იუსტიციის უმაღლესი საბჭოს მდივანი გიორგი მიქაუტაძე არ გამორიცხავს, რომ არამოსამართლე წევრებისთვისაც ამოქმედდეს ისეთი რეგულაციები
ირაკლი კობახიძე ჩაბუქზე - ჩვენ პატივს ვცემთ სასამართლოს გადაწყვეტილებას - თურქეთი სტრატეგიული პარტნიორია და მეგობრული ურთიერთობები გაგრძელდება
თურქეთი არის ჩვენი სტრატეგიული პარტნიორი და ვფიქრობ, მეგობრული ურთიერთობები აუცილებლად გაგრძელდება. მე ამაში დარწმუნებული ვარ,
მუსტაფა ემრე ჩაბუქი - თამამად შემიძლია გითხრათ, რომ პოლიტიკური პატიმარი ვიყავი - მე ვარ მასწავლებელი და შეყვარებული განათლებაზე
დემირელის კოლეჯის მენეჯერი მუსტაფა ემრე ჩაბუქი პატიმრობიდან გათავისუფლების შემდეგ პირველ კომენტარს აკეთებს და ამბობს,
ადვოკატები - ექსტრადირების საკითხზე სასამართლო პროცესები გაგრძელდება, თუმცა ჩაბუქი საპატიმრო დაწესებულების გარეთ იქნება
ადვოკატების განცხადებით, ექსტრადირების საკითხზე გადაწყვეტილება მიღებული არ არის, სასამართლოში პროცესები კვლავ გაგრძელდება,
ანა დოლიძე - იუსტიციის უმაღლესი საბჭოს წევრების მხრიდან შეურაცხყოფას, ჯგუფურ ჩაგვრას, ამხანაგურ სასამართლოს, ცილისწამებას და ორღობის ჭორაობას აქვს ადგილი
მე გამოვიყენებ ყველა სამართლებრივ საშუალებას, რომ დადგინდეს რეალობა და ბატონ გვრიტიშვილს თავისი მონაჭორისთვის მიეთითოს,
მუსტაფა ემრე ჩაბუქი 1000-ლარიანი გირაოს სანაცვლოდ გაათავისუფლეს
მუსტაფა ემრე ჩაბუქი 1000-ლარიანი გირაოს სანაცვლოდ გაათავისუფლეს. აღნიშნული გადაწყვეტილება მოსამართლე არსენ კალატოზიშვილმა რამდენიმე წუთის წინ მიიღო.
პროკურატურა ჩაბუქის 10 000-ლარიანი გირაოს საფუძველზე გათავისუფლებას მოითხოვს
პროკურატურა თბილისის საქალაქო სასამართლოში შუამდგომლობით წარდგა და მოითხოვა, დემირელის სახელობის კერძო კოლეჯის მენეჯერი მუსტაფა ემრე ჩაბუქი 24 თებერვლამდე,
მუსტაფა ემრე ჩაბუქის სასამართლო პროცესს ამერიკელი კონგრესმენები და არასამთავრობო ორგანიზაციების წარმომადგენლები ესწრებიან
საქალაქო სასამართლოში მუსტაფა ემრე ჩაბუქის ექსტრადირების საკითხის განხილვა განახლდა. სასამართლო პროცესს მუსტაფა ემრე ჩაბუქის მეუღლე,
ქობულეთში ცოლმა ქმარი დაჭრა
ქობულეთში ცოლმა ქმარი დაჭრა. შემთხვევა გვიან ღამით მოხდა. როგორც საქართველოს შინაგან საქმეთა სამინისტროში "ინტერპრესნიუსს" განუცხადეს,
პროკურატურა ბუტა რობაქიძის საქმეზე კრიმინალური პოლიციის ყოფილი უფროსის  განცხადების მტკიცებულებად დართვას მოითხოვს
პროკურორ დავით ნეფარიძის განცხადებით, შემდეგ პროცესზე ამირან (ბუტა) რობაქიძის საქმეზე ბრალდება თბილისის კრიმინალური პოლიციის