არქივი
კურსი
კონვერტორი
USD
1 USD
2.4488
EUR
1 EUR
2.9944
RUB
100 RUB
3.9406
24-04-2018
თეა წულუკიანი იმედოვნებს, რომ ალექსი პეტრიაშვილი და სხვა მოწმეები გამოძიებასთან ითანამშრომლებენ
19:13 28-02-2016
 თეა წულუკიანი იმედოვნებს, რომ ალექსი პეტრიაშვილი და სხვა მოწმეები გამოძიებასთან ითანამშრომლებენ იუსტიციის მინისტრი, "თავისუფალი დემოკრატების" ყოფილი წევრი თეა წულუკიანი იმედოვნებს, რომ ალექსი პეტრიაშვილი და მასზე განხორციელებული თავდასხმის მოწმეები გამოძიებასთან აქტიურად ითანამშრომლებენ.

როგორც წულუკიანმა ჟურნალისტებს განუცხადა, შს მინისტრი და სამინისტრო ყველაფერს აკეთებს იმისთვის, რომ დამნაშავის კვალს მიაკვლიონ.

"პირველ რიგში მინდა ბატონ ალექსის რაც შეიძლება სწრაფად გამოჯანმრთელება ვუსურვო. ვიზიარებ იმ ტრავმას რაც მის ოჯახს მიადგა და ამ წუხილში მეც მათთან ვარ. რაც შეეხება სამართლებრივ კომპონენტს, რამდენადაც ჩემთვის ცნობილია, გამოძიება ძალიან აქტიურად მიდის და შს მინისტრი, სამინისტრო ყველაფერს აკეთებს, რომ მიაკვლიონ დამნაშავის კვალს. იმედს გამოვთქვამ, რომ არა მხოლოდ დაზარალებული, არამედ მასთან ერთად სასფლაოზე მყოფი პირები, სხვა მოწმეები ყველაფერს გააკეთებენ, რათა გამოძიებასთან ითანამშრომლონ. გამოძიებას, როგორც დაზარალებულის დახმარება და თანამშრომლობა, ასევე მოწმეების დახმარება და თანამშრომლბა აუცილებლად სჭირდება", - განაცხადა თეა წულუკიანმა.
მასალის გამოყენების პირობები