არქივი
«« დეკემბერი 2017 »»
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
კურსი
კონვერტორი
USD
1 USD
2.6673
EUR
1 EUR
3.1466
RUB
100 RUB
4.5043
12-12-2017
მოკლული ომარ ქაფიაშვილის დედა მკვლელობის ღამის დეტალებს იხსენებს
22:46 02-03-2016
მოკლული ომარ ქაფიაშვილის დედა მკვლელობის ღამის დეტალებს იხსენებს მაგდა პაპიძის მეუღლის, მოკლული ომარ ქაფიაშვილის დედა ლილი მინდიკაური მკვლელობის ღამის დეტალებს იხსენებს. მინდიკაური დეტალურად აღწერს, თუ როგორ გაიგო მისი შვილისა და შვილიშვილის გარდაცვალების შესახებ და რას აკეთებდა თავად მაგდა პაპიძე.
"ჩემი მეზობლები იყვნენ ჩემთან დაახლოებით 9-სკენ. 10-ის ნახევრისთვის შემოვიდა მაგდა და რომ შემოვიდა, ეჭირა იატაკის ჩვარი. ბავშვი რომ არ მოჰყვა, ვკითხე პატარა სად იყო. მან მიპასუხა, რომ ასე მითხრეს – წავიქეიფებთო, ხაჭაპური მოუნდა ბავშვს, სურვილი აუსრულა და წაიყვანაო. ეს ძალიან მშვიდად მიპასუხა. ამ დროს იყო მშვიდი, არ იყო ანერვიულებული. შეიტანა იატაკის ჩვარი, რომლისთვისაც ყურადღება არ მიმიქცევია. მახსოვს კარგად, რომ ის გარეცხა. არავითარი ეჭვი არ დამბადებია, რადგან ყოველთვის, დაწოლის წინ ეს იყო ჩვეულებრივი მოვლენა – გამოწმენდდა იატაკს და ისე წვებოდა. ჩვენთან არის "ვანა"-ტუალეტი და სხვაგან არ ჰქონდა მას საშუალება გარეცხვის. საერთო აბაზანა და საერთო სამზარეულო გვქონდა. ამ ჩვრის შემდეგ შემოიტანა მადუღრაა და გრაფინი და წყალი წაიღო – ესეც ჩვეულებრივად მივიჩნიე, რადგან წყალს აცხელებდა და ბავშვს ბანდა ან ჩაისთვის იყენებდა.
ეს წყალი რომ გაიტანა, კიდევ დავინტერესდი, თუ მოვიდნენ, მაგრამ არ მოსულანო", - ჰყვება მოკლულის დედა.

ომარ ქაფიაშვილის დედა იხსენებს, რომ ამის შემდეგ მაგდა პაპიძემ სარეცხი მანქანაში გასარეცხად დივანის გადასაფარებელი შედო, რომელმაც რეცხვისას ვარდისფერი ქაფი გამოუშვა.

"მეზობლები ისევ აქ იყვნენ, რომ სარეცხის გამოღების შემდეგ დივანის გადასაფარებელი შემოიტანა, რომელიც ექსპერტიზამ წაიღო მეორე დღესვე. შეაგდო მანქანაში. რამდენიმე წუთის მერე მეზობელმა მკითხა სარეცხს რა ფერი აქვსო. რომ შემოვტრიალდი, შუშაზე იყო ვარდისფერი ქაფი. მე თვითონ გავწმინდე ეს ქაფი", - აღნიშნა მინდიკაურმა.

ამის შემდეგ, მინდიკაური უკვე ყვება, რომ მისი შვილისა და შვილიშვილის გარდაცვალება მაგდა პაპიძემ შეატყობინა. მინდიკაური იხსენებს, რომ ქაფიაშვილის გვამი სადარბაზოს შესასვლელში ეგდო, შვილიშვილი კი მანქანის სავარძლებში იყო ჩაკეცილი, რომელიც ჯერ კიდევ თბილი იყო.

"12 საათი როდესაც გახდა, ვუთხარი, გურიკას დაურეკე, იქნებ იქ არიანო. მეურნეობაში ცხოვრობს, ომარის ძმაკაცია და ხშირად ჩაჰყავდა ხოლმე ბავშვი. ვერ დავურეკავო – მითხრა, რადგან როცა ვურეკავ მიბრაზდება, რას მამოწმებო. ამის შემდეგ მე თვითონ გავუშვი ზარები, არ მქონდა დასარეკი. როდესაც ზარს ვუშვებდი, არ არსებობდა მას ჩემთვის არ ეპასუხა. ამის შემდეგ აღარც შემოსულა. ტახტზე ვიჯექი, ველოდებოდი და უკვე 2 საათი იყო. დავურეკე მაგდას და მითხრა ჩამძინებიაო. მითხრა, რომ არაო ცუც, არ მოსულანო. მანქანით ვერ გავალ, პატრულის მეშინიაო, თუმცა მანქანით ჩვეულებრივად დადიოდა, და ისე გავალ, გავხედავო. შევთავაზე მეც გავყვებოდი, მაგრამ გამითიშა. გავაღე კარები და იმ წუთში გამოვიდა მაგდაც, მესიჯი მომწერა უნდა ავიდე "ლუკოილის" ბენზინგასამართ სადგურთანო და ჩამოვიყვანო. დავბრუნდი სახლში, გადავკეტე კარები და ველოდებოდი. არ ვიცი რამდენი ხნის შემდეგ, აზრზე მომიყვანა კარების ბრახუნმა. რა ხდება მეთქი და მიშველეო. კარები როცა გავაღე, სისხლიანი ხელები ჰქონდა მაგდას და მომაძახა ორივე გარეთ ყრია დასისხლიანებულიო. გავვარდი გარეთ და გასასვლელთან ეგდო ომარი. მივედი, ომარი მეთქი ვეძახდი, მაგრამ სულ გაყინული იყო და ის მხარე, რომელიც დარტყმული ჰქონდა მარჯვენა მხარეს, სულ სველი იყო. სისხლი არსად არ ჰქონდა, მხოლოდ სველი იყო. დავიწყე კივილი. ამ დროს მაგდა არ მახსოვს სად იყო. რამდენიმეხნიანი კივილის შემდეგ, გამახსენდა ბავშვი. უკნიდან გავიგე მაგდას ხმა – თოკო მანქანაშიაო. ბავშვი სავარძლებს შუა იყო ჩაკეცილი და სანამ ამოვწიე და ამოვიყვანე ბავშვი, ბავშვი იყო თბილი. ჩავისვი კალთაში. თოკო ისე იყო, თითქოს ეძინა. მეგონა გული ჰქონდა წასული. ამის შემდეგ, სასწრაფომ თქვა ორივე მკვდარიო, მეზობლებმა ოთახში შემიყვანეს. ნახევარი საათის შემდეგ პოლიციელებმა წამიყვანეს განყოფილებაში, დიდ დიღომში", - განაცხადა მინდიკაურმა.

იხილეთ ვიდეო: "მაგდას სისხლიანი ხელები ასე ეჭირა" - მაგდა პაპიძის დედამთილი საზარელი მკვლელობის დეტალებს იხსენებს
PLAYER_GET_VIDEOFLASH
მასალის გამოყენების პირობები
სხვა სიახლეები
სადახლოზე არადეკლარირებული ოქროს ნაკეთობები აღმოაჩინეს
ფინანსთა სამინისტროს შემოსავლების სამსახურის მებაჟე ოფიცრებმა საბაჟო გამშვებ პუნქტში „სადახლო-საავტომობილო“ ეჭვის საფუძველზე სომხეთის
პაატა ბურჭულაძე მის დაკითხვას მოსამართლის თანდასწრებით მოითხოვს
ფონდ ”იავნანას” დამფუძნებელი პაატა ბურჭულაძე მოსამართლის თანდასწრებით დაკითხვას მოითხოვს. როგორც ”ინტერპრესნიუსს” ცნობილი საოპერო ბანის ადვოკატმა
გურამ დონაძე - პოლიციის ყოფილი თანამშრომელი სიმართლეს არ ამბობს
გურამ დონაძის განცხადებით, 2004 წლის 24 ნოემბრის ღამეს, როდესაც ბუტა რობაქიძე და მისი მეგობრები დააკავეს, ადგილზე აღმოჩენილ იარაღებს
ბუტა რობაქიძის საქმის პროკურორი - პროცესზე დაკითხულმა პატრულის ყოფილმა თანამშრომელმა განაცხადა იმ გარემოებებზე, რაც ახსოვდა
ბუტა რობაქიძის საქმის პროკურორი გიორგი ოსაძე არ გამორიცხავს, რომ პროცესზე დაცვის მხარის მიერ წარმოდგენილ ვიდეო მასალაში,
სოსო რობაქიძემ პროტესტის ნიშნად სასამართლო სხდომა დატოვა
სოსო რობაქიძის განცხადებით, მისი შვილის ბუტა რობაქიძის გარდაცვალების საქმის გამოძიება გაყალბებულია. მისივე თქმით, "ყველაფერი თავიდან არის დასაწყები".
მალხაზ ველიჯანაშვილი - პატრულის ყოფილი თანამშრომელი, რომელიც რობაქიძის საქმეზე მოწმეა, სიმართლეს ვერ ამბობს, რადგან ზეწოლის ქვეშ არის
გურამ დონაძის ადვოკატი მალხაზ ველიჯანაშვილი აცხადებს, რომ პატრულის ყოფილი თანამშრომელი ბესიკ კოტორაშვილი, რომელიც დღეს
პაატა ბურჭულაძე მთავარ პროკურატურაში დაიბარეს
ფონდ „იავნანას“ დამფუძნებელი პაატა ბურჭულაძე მთავარ პროკურატურაში დაიბარეს. როგორც „ინტერპრესნიუსს“ პროკურატურის
კახეთში მოქალაქეებმა ცეცხლსასროლი იარაღი და საბრძოლო მასალა ჩააბარეს
კახეთში მოქალაქეებმა სამართალდამცველებს ცეცხლსასროლი იარაღი და საბრძოლო მასალა ჩააბარეს. ამის შესახებ „ინტერპრესნიუსს“ შსს-დან აცნობეს.
სასამართლოში, სადაც ბუტა რობაქიძის საქმეზე პატრულის ყოფილი თანამშრომელი იკითხება, შეკამათება მოხდა
საქალაქო სასამართლოში, სადაც ბუტა რობაქიძის საქმეზე პროკურატურის მოწმე, პატრულის ყოფილი თანამშრომელი ბესიკ კოტორაშვილი იკითხება,
პოლიციის ყოფილი თანამშრომელი რობაქიძის საქმეზე - ადგილზე მისულს ასფალტზე დაწვენილი 5-6 ახალგაზრდა დამხვდა, მათ იარაღი არ ჰქონდათ
საქალაქო სასამართლოში ბუტა რობაქიძის საქმესთან დაკავშირებით საპატრულო პოლიციის ყოფილი თანამშრომელი ბესიკ კოტორაშვილი იკითხება.