არქივი
კურსი
კონვერტორი
USD
1 USD
2.5429
EUR
1 EUR
3.1082
RUB
100 RUB
4.4825
21-01-2018
არასამთავრობოები - მთავრობა ვალდებულია, უზრუნველყოს 2008 წლის აგვისტოს ომით დაზარალებულების ხელმისაწვდომობა მართლმსაჯულებაზე
13:02 11-01-2017
არასამთავრობოები - მთავრობა ვალდებულია, უზრუნველყოს 2008 წლის აგვისტოს ომით დაზარალებულების ხელმისაწვდომობა მართლმსაჯულებაზე ადამიანის უფლებათა ცენტრი (HRIDC), ნორვეგიის ჰელსინკის კომიტეტი (NHC) და ადამიანის უფლებათა საერთაშორისო ფედერაცია (FIDH) საქართველოს ხელისუფლებას მოუწოდებენ, გადადგას კონკრეტული ნაბიჯები 2008 წლის აგვისტოს ომის დროს ჩადენილ დანაშაულებზე პასუხისმგებლობის გამოსავლენად. ამის შესახებ არასამთავრობო ორგანიზაციების მიერ გავრცელებულ ერთობლივ განცხადებაშია აღნიშნული. არასამთავრობოები მოუწოდებენ ხელისუფლებას, განაახლოს საგამოძიებო მოქმედებები, უზრუნველყოს დაზარალებულთა ხელმისაწვდომობა საქმის მასალებზე და ინფორმაცია მიაწოდოს დაზარალებულებს, ეროვნულ სამართალწარმოებაში მათი ეფექტური მონაწილეობის უფლების უზრუნველყოფის მიზნით.

”2016 წლის 21 დეკემბერს ადამიანის უფლებათა ცენტრის წარმომადგენლები იმყოფებოდნენ წეროვნის დევნილთა დასახლებაში, სადაც გაესაუბრნენ 2008 წლის აგვისტოს ომით დაზარალებულებს. მათ შორის იყვნენ ის პირები, რომელთა სახელითაც ადამიანის უფლებათა ცენტრმა 2015 წელს განცხადებით მიმართა სისხლის სამართლის საერთაშორისო სასამართლოს ჰააგაში, ომის დანაშაულების გამოძიების მოთხოვნით.

აღნიშნულმა ვიზიტმა ნათლად წარმოაჩინა, რომ ომის დანაშაულების გამოძიების კუთხით სახელმწიფოს მხრიდან მხოლოდ საწყისი, უმნიშვნელო სამუშაოებია ჩატარებული. წეროვანში მცხოვრებ დევნილებთან გასაუბრების შედეგად გამოიკვეთა, რომ საქართველოს ხელისუფლების საგამოძიებო ორგანოები არანაირ კომუნიკაციაში არ იმყოფებიან ომის შედეგად დაზარალებულებთან. მათთან საგამოძიებო ორგანოებს ურთიერთობა, სავარაუდოდ, ჰქონდათ მხოლოდ ერთხელ - 2008-2009 წლებში, როდესაც მოქალაქეებმა შეადგინეს პირველადი განცხადებები პროკურატურის ან პოლიციის სახელზე. ამის შემდეგ საგამოძიებო ორგანოებს დაზარალებულთათვის, არასოდეს მიუწოდებიათ ინფორმაცია, თუ რა სტადიაზეა გამოძიება და რა კონკრეტული მოქმედებები მიმდინარეობის ომის დანაშაულების გამოსაძიებლად. დაზარალებულის სტატუსის მქონე პირებმა არც კი იციან, აქვთ თუ არა მინიჭებული ეს სტატუსი პროკურატურის მიერ. ამის შესახებ მათ პირველად ადამიანის უფლებათა ცენტრისგან შეიტყვეს. ადამიანის უფლებათა ცენტრის ინტერესების დაცვის ქვეშ მყოფი 193 მოსარჩელიდან, დაზარალებულის სტატუსი მხოლოდ 32 ადამიანს აქვს. თუმცა, აღნიშნულ პირებსაც კი არ აქვთ საქმის მასალებზე ხელმისაწვდომობა”, - ნათქვამია განცხადებაში.

როგორც არასამთავრობო ორგანიზაციებში აღნიშნავენ, დაზარალებულთა დიდ ნაწილს საერთოდ არ სმენია სისხლის სამართლის საერთაშორისო სასამართლოს შესახებ და არც ის იციან, რომ სასამართლოს დაწყებული აქვს 2008 წლის აგვისტოს ომის გამოძიება.

”ადამიანის უფლებათა ცენტრი, ნორვეგიის ჰელსინკის კომიტეტი და ადამიანის უფლებათა საერთაშორისო ფედერაცია შეახსენებს საქართველოს ხელისუფლებას, რომ სისხლის სამართლის საერთაშორისო სასამართლოს მიერ გამოძიების დაწყება არ ნიშნავს, რომ საქართველოს ხელისუფლება გათავისუფლებულია ვალდებულებისაგან, გამოიძიოს 2008 წელს საქართველოს ტერიტორიაზე ჩადენილი დანაშაულები.

რომის სტატუტიდან გამომდინარე, სისხლის სამართლის საერთაშორისო სასამართლოს იურისდიქციას მიეკუთვნება „საერთაშორისო სამართლის ყველაზე სერიოზული დანაშაულები“, როგორიცაა - გენოციდი, კაცობრიობის წინააღმდეგ მიმართული დანაშაულები და ომის დანაშაულები. 2008 წლის აგვისტოს ომის დროს დაზარალებულთა ნაწილი კი, შესაძლოა, არ პასუხობდეს აღნიშნულ კრიტერიუმებს, მაგრამ მათ უმძიმესი ზარალი განიცადეს ომის შედეგად - დაუზიანდათ ჯანმრთელობა, დაკარგეს უძრავ-მოძრავი ქონება, საკუთრება და ა.შ.

საერთაშორისო სისხლის სამართლის კომპლემენტარულობის პრინციპიდან გამომდინარე, საქართველოს ხელისუფლება ვალდებულია, შესაბამისი შესაძლებლობების ფარგლებში აწარმოოს გამოძიება. საქართველოს ხელისუფლების უმოქმედობა ომის დანაშაულების გამოძიების კუთხით არღვევს აღნიშნულ პრინციპს და მრავალი დაზარალებულის უფლებას. მოვუწოდებთ საქართველოს მთავარ პროკურატურას, გადადგას კონკრეტული ნაბიჯები 2008 წლის აგვისტოს ომის დანაშაულების გამოძიების მიმართულებით:

• დაიწყოს ან განაახლოს კომუნიკაცია დაზარალებულებთან, მიაწოდოს მათ ინფორმაცია გამოძიების მიმდინარეობისა და სტადიის შესახებ;
• უზრუნველყოს დაზარალებულების ხელმისაწვდომობა საქმის მასალებზე, შესაბამისი უფლებამოსილების ფარგლებში;
• მსხვერპლებს, რომლებიც დღემდე არ არიან ცნობილი დაზარალებულებად, მიანიჭოს შესაბამისი სტატუსი;
• შეაგროვოს და გააანალიზოს დანაშაულის ამსახველი მტკიცებულებები;
• მოიძიოს ინფორმაცია სავარაუდო დამნაშავეთა დასადგენად და მათი ამჟამინდელი ადგილსამყოფელის შესახებ.

აღნიშნული სამუშაო მნიშვნელოვანი იქნება ასევე სისხლის სამართლის საერთაშორისო სასამართლოს გამოძიებისთვისაც, რომელიც თავის მხრივ, გეგმავს აქტიურ თანამშრომლობას საქართველოს მთავრობასთან და საგამოძიებო ორგანოებთან”, - ადამიანის უფლებათა ცენტრის, ნორვეგიის ჰელსინკის კომიტეტისა და ადამიანის უფლებათა საერთაშორისო ფედერაციის ერთობლივ განცხადებაში.

InterPressNews.Ge
მასალის გამოყენების პირობები
სხვა სიახლეები
რუსთავში, მდინარე მტკვარზე საგამოძიებო მოქმედებები მიმდინარეობს
გენერალ სამსონ ქუთათელაძის მკვლელობის საქმესთან დაკავშირებით, რუსთავში, მდინარე მტკვარში და მტკვრის სანაპიროზე ინტენსიური
პროკურატურა ,,ენმ“-ის პოლიტსაბჭოს წევრის მიმართ განხორციელებული ფიზიკური ძალადობისთვის დაკავებული პირისთვის პატიმრობის შეფარდებას ითხოვს
"ერთიანი ნაციონალური მოძრაობის“ პოლიტიკური საბჭოს წევრის ალეკო კვახაძის მიმართ განხორციელებული ფიზიკური ძალადობის ფაქტზე
პირი, რომელიც გლდანში პოლიციელებს გაექცათ, დაკავებულია
სამართალდამცველებმა ის პირი დააკავეს, რომელმაც 15 იანვარს გლდანში, პოლიციის მიმართულებით ცეცხლსასროლი იარაღიდან რამდენიმე
სააპელაციო სასამართლოში ხვალ მუსტაფა ემრე ჩაბუქის ადვოკატების სარჩელი განიხილება
თბილისის სააპელაციო სასამართლოში ხვალ დემირელის კერძო კოლეჯის ხარისხის მართვის მენეჯერის, მუსტაფა ემრე ჩაბუქის ადვოკატების სარჩელი განიხილება.
მოსამართლე ”ბასიანის” საქმეზე - ბრალდებული აღიარებდა დანაშაულს, ინანიებდა, არ იყო ნასამართლევი - საზოგადოების განწყობა და სასამართლოს გადაწყვეტილება შეიძლება ერთმანეთს არ დაემთხვეს
კლუბ "ბასიანში" მომხდარი ინციდენტის საქმის მოსამართლე პირველ ინსტანციაში, ბადრი შონია უარყოფს გავრცელებულ ინფორმაციას იმის
პროკურატურის ინფორმაციით, საბა სამუშიამ რესტორანში ოთხი ადამიანი დაჭრა
საქართველოს მთავარი პროკურატურის ინფორმაციით, საბა სამუშიამ რესტორანში ოთხი ადამიანი დაჭრა.
ნათია სონღულაშვილი სააკაშვილის ექსტრადირებაზე- მოლოდინის რეჟიმში ვართ, რათა უკრაინის მხარემ შესაბამისი სამართლებრივი რეგულაციები გაატაროს
პროკურატურამ ყველა შესაძლო მტკიცებულება გადააგზავნა უკრაინაში, - ამის შესახებ საპროკურორო საბჭოს წევრმა ნათია სონღულაშვილმა
ადვოკატი არ გამორიცხავს, რომ გიორგი ჭანტურია გამოკითხვაზე კვლავ დაიბარონ
გიორგი ჭანტურიას ადვოკატი ალექსანდრე კობაიძე არ გამორიცხავს, რომ მისი დაცვის ქვეშ მყოფი გამოკითხვაზე კვლავ დაიბარონ. როგორც ქვემო
7-საათიანი გამოკითხვის შემდეგ , გიორგი ჭანტურიამ ქვემო ქართლის სამხარეო პოლიციის სამმართველო დატოვა
7-საათიანი გამოკითხვის შემდეგ , გიორგი ჭანტურიამ ქვემო ქართლის სამხარეო პოლიციის სამმართველო დატოვა. სამხარეო პოლიციის