არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
22-10-2017
გიორგი მღებრიშვილმა უნგრეთის მხარესთან თანამშრომლობის დეკლარაციას მოაწერა ხელი
13:57 21-04-2017
გიორგი მღებრიშვილმა უნგრეთის მხარესთან თანამშრომლობის დეკლარაციას მოაწერა ხელი საქართველოს შინაგან საქმეთა მინისტრმა გიორგი მღებრიშვილმა და უნგრეთის შინაგან საქმეთა მინისტრის მოადგილე კაროლი კონტრატმა „ევროპული მისწრაფებების სფეროში თანამშრომლობის შესახებ“ ერთობლივ განცხადებას მოაწერეს ხელი.

როგორც ”ინტერპრესნიუსს” სამინისტროდან აცნობეს, აღნიშნული დეკლარაციის თანახმად, ორი ქვეყნის შინაგან საქმეთა სამინისტროები, ევროკავშირის პოლიტიკის შესაბამისად, საპოლიციო რეფორმების განხორციელებისა და ორგანიზებული დანაშაულის წინააღმდეგ ბრძოლის კუთხით ერთმანეთს გამოცდილებას და საუკეთესო პრაქტიკას გაუზიარებენ.

”დოკუმენტი მიზნად ისახავს მხარეთა შორის თანამშრომლობის გაღრმავებას, ერთობლივი ღონისძიებების დაგეგმვასა და ორგანიზებას, ექსპერტებს შორის შეხვედრებს, კონფერენციებისა და სემინარების მოწყობას.

დეკლარაციის ხელმოწერის შესახებ მხარეები 2016 წლის აპრილში, უნგრეთში, საქართველოს შს მინისტრის, გიორგი მღებრიშვილისა და უნგრეთის შს მინისტრის, შანდორ პინტერის შეხვედრის დროს შეთანხმდნენ. 2016 წლის 6 ივნისს კი უნგრეთის შინაგან საქმეთა მინისტრმა საქართველოს მიმართ უნგრული მხარის ურყევი მხარდაჭერა ევროკავშირთან უვიზო მიმოსვლის თაობაზე ოფიციალური წერილით დაადასტურა”, - აცხადებენ შს სამინისტროში.

InterPressNews.Ge
მასალის გამოყენების პირობები
სხვა სიახლეები
ოჯახში ძალადობის ბრალდებით პირობითი მსჯავრის ქვეშ მყოფი პირი დააკავეს
ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, ამჟამად პირობითი მსჯავრის ქვეშ მყოფი, 1979 წელს