არქივი
კურსი
კონვერტორი
USD
1 USD
2.4578
EUR
1 EUR
2.8597
RUB
100 RUB
3.8955
25-06-2018
ადამიანის უფლებათა ცენტრი პოლიციელის მიერ უფლებამოსილების შესაძლო გადამეტების გამო შეშფოთებას გამოხატავს
16:49 26-09-2017
ადამიანის უფლებათა ცენტრი პოლიციელის მიერ უფლებამოსილების შესაძლო გადამეტების გამო შეშფოთებას გამოხატავს პოლიციის თანამშრომლებმა აღიარებითი ჩვენების მიღების მიზნით მოქალაქე აწამეს, - ამის შესახებ „ინტერპრესნიუსს“ ადამიანის უფლებათა ცენტრიდან აცნობეს.

ადამიანის უფლებათა ცენტრი რამდენიმე დღის წინ შინაგან საქმეთა სამინისტროს ვაკე-საბურთალოს პოლიციის სამმართველოს მე-6 განყოფილების თანამშრომელთა მიერ მოქალაქე ს.მ.-ს შესაძლო ცემის, წამებისა და არაადამიანური მოპყრობის ფაქტზე შეშფოთებას გამოხატავს.

„მოქალაქე ს.მ., რომელსაც ადამიანის უფლებათა ცენტრი იცავს, პოლიციის თანამშრომლებმა 22 სექტემბერს დააკავეს და სოფელ დიღომში ვაკე-საბურთალოს პოლიციის სამმართველოს მე-6 განყოფილებაში გადაიყვანეს. როგორც მოქალაქე აცხადებს, მასზე პოლიციაში მიყვანისთანავე დაიწყო ზეწოლა, რათა ეღიარებინა დანაშაული, რომელიც მას არ ჩაუდენია. კერძოდ, პოლიციელები სიტყვიერი და ფიზიკური შეურაცხყოფით, აიძულებდნენ ხელი მოეწერა მათ მიერვე წინასწარ შედგენილ აღიარებით ჩვენებაზე. დაკავებულმა აღიარებაზე უარი განაცხადა და მოითხოვა ადვოკატი, რაც არ დაკმაყოფილდა. მას, ასევე, არ მიეცა დარეკვის უფლება.

ადამიანის უფლებათა ცენტრის იურისტმა ს.მ. გლდანის მე-8 პენიტენციურ დაწესებულებაში ინახულა. ბრალდებულს თვალნათლივ აღენიშნება ცემისა და ძალადობის კვალი სახეზე, ტანსა და კიდურებზე. მისი გადმოცემით, პოლიციის განყოფილების ერთ ოთახში, სადაც არ იყო ვიდეოსათვალთვალო კამერები, ერთ საათზე მეტხანს სასტიკად და გამეტებით ურტყამდნენ. ერთ-ერთმა ფეხსაცმლით მიაყენა მრავლობითი დაზიანება თავის არეში. ემუქრებოდნენ არასრულწლოვანი შვილის „გამწარებით“. ამის შემდეგ სხვა ოთახში გადაიყვანეს, სადაც რამდენიმე ცელოფნის პარკი ჩამოაცვეს თავზე და გუდავდნენ. სასტიკად ნაცემი და ნაწამები მოქალაქე ს.მ. იძულებული გახდა, დათანხმებოდა და ხელი მოეწერა წინასწარ შედგენილ აღიარებით ჩვენებაზე. პოლიციელებმა ამის შემდეგ შეადგინეს ამოცნობის, დათვალიერებისა და სხვა ოქმები. ნაცემმა და დაშინებულმა დაკავებულმა ყველა დოკუმენტზე მოაწერა ხელი. ამ ფორმით მიღებული „მტკიცებულებების“ საფუძველზე, ს.მ.-ს წარუდგინეს ბრალი 179-ე მუხლის მე-2 ნაწილის „ბ“ პუნქტით, რაც გულისხმობს ყაჩაღობას ჯგუფის მიერ.

24 სექტემბერს ბრალდებულ ს.მ.-ს პროკურატურის შუამდგომლობის საფუძველზე თბილისის საქალაქო სასამართლომ ორთვიანი პატიმრობა შეუფარდა. სასამართლო სხდომაზე პროკურორმა ნახა ნაცემი და ნაწამები ბრალდებული, რომელსაც ვიზუალურად მკვეთრად ჰქონდა გამოხატული დაზიანების ნიშნები. ამის მიუხედავად, პროკურატურას ექსპერტიზა არ დაუნიშნავს და დღემდე ბრალდებულს სასამართლო-სამედიცინო ექსპერტიზა არ ჩატარებია“, - ნათქვამია განცხადებაში.

ადამიანის უფლებათა ცენტრი მიმართავს საქართველოს მთავარ პროკურატურას, დაუყოვნებლივ დაიწყოს გამოძიება ბრალდებულ ს.მ.-ს სავარაუდო ცემის, წამებისა და არაადამიანური მოპყრობის ფაქტზე; გამოძიების ეფექტურად წარმართვისთვის სასწრაფოდ დაინიშნოს სასამართლო-სამედიცინო ექსპერტიზა და ჩატარდეს ყველა საჭირო და აუცილებელი საგამოძიებო მოქმედება.

ასევე ადამიანის უფლებათა ცენტრი მიმართავს საქართველოს შინაგან საქმეთა სამინისტროს, განიხილოს შსს-ს ვაკე-საბურთალოს პოლიციის სამმართველოს VI განყოფილების ხელმძღვანელთა ადმინისტრაციული პასუხისმგებლობის საკითხი, ხოლო თანამშრომლებს, ვინც შესაძლოა, მონაწილეობდა ადამიანის წამებაში, კანონით დადგენილ ფარგლებში და დადგენილი წესით, დაეკისროთ ადეკვატური პასუხისმგებლობა.

InterPressNews.Ge
მასალის გამოყენების პირობები
სხვა სიახლეები
 ხვალ პარლამენტის საგამოძიებო კომისია შსს-ს წარმომადგენელს და ხორავას ქუჩის საქმის პროკურორს გამოკითხავს
ხორავას ქუჩის საქმესთან დაკავშირებით შექმნილი პარლამენტის საგამოძოებო კომისიის სხდომა ხვალ განახლდება, სადაც შინაგან საქმეთა სამინისტროს
 შსს-მ მწერალ ზურაბ აბაშიძის მიმართ დისკრიმინაციის მოტივით განხორციელებული ძალადობის ფაქტი გახსნა
შინაგან საქმეთა სამინისტრომ მწერალ ზურაბ აბაშიძის მიმართ დისკრიმინაციის მოტივით განხორციელებული ძალადობის ფაქტი გახსნა. ამის შესახებ
 მოტოციკლის ქურდობის ფაქტზე წარსულში ნასამართლევი პირი დააკავეს
შინაგან საქმეთა სამინისტრომ ერთ-ერთ ღამის კლუბში მყოფი სტუმრის კუთვნილი მოტოციკლის ქურდობის ფაქტზე წარსულში ნასამართლევი პირი დააკავა.
 შსს-მ შრი-ლანკის რვა მოქალაქე დააკავა
შინაგან საქმეთა სამინიტროს სასაზღვრო პოლიციის და სახელმწიფო უსაფრთხოების სამსახურის სახელმწიფო უსაფრთხოების დეპარტამენტის თანამშრომლებმა, N1 სამმართველოს
 კანონს, რომლის საფუძველზეც მიწის ნაკვეთებზე საკუთრების უფლების რეგისტრაცია ხორციელდება, ვადა 2019 წლის 1-ელ იანვრამდე უგრძელდება
კანონს, რომლის საფუძველზეც მიწის ნაკვეთებზე საკუთრების რეგისტრაცია ხორციელდება, ვადა 2019 წლის 1-ელ იანვრამდე უგრძელდება.
 შსს-ს გამომძიებლებმა არასრულწლოვანთა მართლმსაჯულების საკითხებზე დამატებითი გადამზადების კურსი გაიარეს
შინაგან საქმეთა სამინისტროს ადამიანის უფლებათა დაცვის დეპარტამენტის ინიციატივით და გაერო-ს ბავშვთა ფონდის ფინანსური მხარდაჭერით, სამინისტროს
 შსს-მ კახეთში ქურდობის ბრალდებით ოთხი პირი დააკავა
შსს-მ ქურდობის ბრალდებით, კახეთში 1995 წელს დაბადებული ლ.შ., 1998 წელს დაბადებული გ.კ., 1982 წელს დაბადებული ზ.გ. და 1988 წელს დაბადებული ლ. მ. დააკავა.
დიმიტრი გვრიტიშვილი იმ ინიციატივას განმარტავს, რომლითაც იუსტიციის საბჭოს არამოსამართლე წევრებზე დისციპლინური დევნა უნდა გავრცელდეს
იუსტიციის უმაღლესი საბჭოს მოსამართლე წევრი დიმიტრი გვრიტიშვილი იმ ინიციატივას განმარტავს, რომელიც იუსტიციის უმაღლესი საბჭოს წევრთა ნაწილს
ნაზი ჯანეზაშვილი - ინიციატივა, რომ იუსტიციის საბჭოს არამოსამართლე წევრებზე დისციპლინური პასუხისმგებლობა გავრცელდეს, დრაკონულია
იუსტიციის უმაღლესი საბჭოს არამოსამართლე წევრი ნაზი ჯანეზაშვილი მიიჩნევს, რომ საბჭოს ყველა წევრზე დისციპლინური პასუხისმგებლობის გავრცელება,
შსს-ს ინფორმაციით, პანკისელმა ბესლან წუწაშვილმა, რომელსაც ოჯახი 16 დღე ეძებდა, საქართველოს საზღვარი გადმოკვეთა
პანკისელმა ბესლან წუწაშვილმა, რომელსაც ოჯახი 16 დღე ეძებდა, საქართველოს საზღვარი გადმოკვეთა, - ამის შესახებ "ინტერპრესნიუსს" ინფორმაცია შინაგან საქმეთა