არქივი
კურსი
კონვერტორი
USD
1 USD
2.4686
EUR
1 EUR
3.0435
RUB
100 RUB
4.3637
22-02-2018
უზენაეს სასამართლოში სისხლის სამართლის სტატისტიკის ანგარიშის გამოცემის საკითხზე სამუშაო შეხვედრა გაიმართა
17:56 13-02-2018
უზენაეს სასამართლოში სისხლის სამართლის სტატისტიკის ანგარიშის გამოცემის საკითხზე სამუშაო შეხვედრა გაიმართა საქართველოს უზენაეს სასამართლოში, სისხლის სამართლის სტატისტიკის ანგარიშის გამოცემის შესახებ თანამშრომლობის მემორანდუმთან დაკავშირებით სამუშაო შეხვედრა გაიმართა.

შეხვედრაში მონაწილეობდნენ მემორანდუმში მონაწილე უწყებები: საქართველოს უზენაესი სასამართლო, საქართველოს შინაგან საქმეთა სამინისტრო, საქართველოს იუსტიციის სამინისტრო, საქართველოს მთავარი პროკურატურა, საქართველოს სასჯელაღსრულებისა და პრობაციის სამინისტრო, საქართველოს სტატისტიკის ეროვნული სამსახური.

სასამართოს ინფორმაციით, შეხვედრას უძღვებოდა საქართველოს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე. მან ხაზი გაუსვა მემორანდუმით გათვალისწინებული საკითხის მნიშვნელობასა და აქტუალობას, წინამდებარე მემორანდუმის დახვეწის საჭიროებას და აღნიშნა, რომ თანამშრომლობის მემორანდუმის საბოლოო სახით მიღება სწორედ ამ პროცესში მონაწილე უწყებების წარმომადგენელთა მიერ გამოთქმული და გაზიარებული მოსაზრებებით იქნება შესაძლებელი.

შეხვედრა წარიმართა აქტიური დისკუსიისა და კითხვა-პასუხის რეჟიმში. შეხვედრის დასასრულს, მონაწილე უწყებების წარმომადგენლებმა გამოთქვეს მზაობა მომდევნო შეხვედრის ერთი თვის ვადაში გამართვის თაობაზე, სადაც თანამშრომლობის მემორანდუმი საბოლოო სახით იქნება წარმოდგენილი.

უწყებათა წარმომადგენლებმა ყურადღება გაამახვილეს სისხლის სამართლის საქმისწარმოების ინტეგრირებული, ერთიანი სისტემის შექმნასა და მის შემდგომ დახვეწაზე, პროცესში მონაწილე სხვადასხვა პასუხისმგებელი უწყებების ჩართვით. ისაუბრეს აგრეთვე სხვადასხვა უწყებების მხრიდან თანამშრომლობის მემორანდუმის პროექტით გათვალისწინებული სტატისტიკური ინფორმაციების ჩასწორებასა და დაზუსტებაზე, რათა საბოლოო სახით მიღებული მემორანდუმის ტექსტი შეესაბამებოდეს საერთაშორისო სტანდარტებს, მათ შორის მართლმსაჯულების ეფექტიანობის ევროპული კომისიის (CEPEJ) მოთხოვნებსა და სახელმძღვანელო მითითებებს. წამოჭრილ იქნა საკითხი იმის შესახებ, რომ თანამშრომლობის მემორანდუმში მონაწილე უწყებებმა სტატისტიკის ეროვნულ სამსახურს მიაწოდონ მონაცემები სისხლის სამართლის სტატისტიკის შესახებ ორ ენაზე, კერძოდ, ქართულად და ინგლისურად, რათა შემდგომში თავიდან იქნას აცილებული ის ხარვეზები, რომელიც თარგმნის პროცესში სხვადასხვა უწყების კომპენტენციის ფარგლებში არსებული ინფორმაციის დამუშავებისას შეიძლება წარმოიშვას.



InterPressNews.Ge
მასალის გამოყენების პირობები
სხვა სიახლეები
საკონსტიტუციო სასამართლო პარლამენტის წინააღმდეგ საქართველოსა და კანადის მოქალაქის სარჩელს არსებითად განიხილავს
საქართველოს საკონსტიტუციო სასამართლოში მეორე კოლეგია არსებითად განიხილავს საქართველოსა და კანადის მოქალაქის გიორგი-სპარტაკ ნიკოლაძის
მეზობლები თემქაზე ახალგაზრდა გოგონას მკვლელობის შესახებ გარკვეულ დეტალებზე საუბრობენ
თემქაზე ნაპოვნ ახალგაზრდა გოგონას ცივი იარაღით ჭრილობები სხეულის სხვადასხვა ადგილზე, მათ შორის სავარაუდოდ, ყელის არეში აქვს მიყენებული.
შსს-ს ინფორმაციით, თემქაზე მოკლულ 21 წლის გოგოს სხეულზე ცივი იარაღით მიყენებული ჭრილობები აღენიშნება
შინაგან საქმეთა სამინისტრო თემქის დასახლებაში ახალგაზრდა ქალის ცხედრის აღმოჩენის საქმეზე ინფორმაციას ავრცელებს. შსს-ს ცნობით, 21 წლის გოგონას სხეულში
თემქაზე ახალგაზრდა გოგონა მოკლეს
თემქაზე მკვლელობა მოხდა. არსებული ინფორმაციით, ნაპოვნია ახალგაზრდა გოგონას ცხედარი, რომელიც დაუდგენელმა პირმა მოკლა.
სასამართლომ ოჯახში ძალადობისთვის ბრალდებულს 6 თვით თავისუფლების აღკვეთა შეუფარდა
თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და ოჯახში ძალადობისთვის ბრალდებული მ.გ. დამნაშავედ სცნო
Amnesty International - მიუხედავად იმისა, რომ თურქეთში დაბრუნების შემთხვევაში, ჩაბუქს წამების საფრთხე ემუქრებოდა, მისი განაცხადი საქართველოში ლტოლვილის სტატუსზე არ დაკმაყოფილდა
მიუხედავად იმისა, რომ თურქეთში დაბრუნების შემთხვევაში, მუსტაფა ჩაბუქს წამებისა და არასათანადო მოპყრობის რეალური
Amnesty International - მუხთარლის ბრალდებების შესწავლის მიზნით გამოძიება დაიწყო, გამოძიების მიერ რაიმე არსებითი შედეგის მიღწევის შესახებ ცნობილი არ არის
აფგან მუხთარლის ბრალდებების შესწავლის მიზნით გამოძიება დაიწყო, გამოძიების მიერ რაიმე არსებითი შედეგის მიღწევის შესახებ ცნობილი არ არის,
 იუსტიციის უმაღლეს საბჭოში უვადო მოსამართლეობის მსურველი კანდიდატების კენჭისყრა გაიმართება
იუსტიციის უმაღლეს საბჭოში უვადო მოსამართლეობის მსურველი კანდიდატების კენჭისყრა გაიმართება. კენჭისყრის პროცესი 15:00 საათზეა ჩანიშნული.