არქივი
კურსი
კონვერტორი
USD
1 USD
2.4671
EUR
1 EUR
3.0375
RUB
100 RUB
4.3763
25-02-2018
საქართველოში ორი ოპერატიული სარდლობა იქნება - დასავლეთის და აღმოსავლეთის
18:42 27-02-2016
საქართველოში ორი ოპერატიული სარდლობა იქნება - დასავლეთის და აღმოსავლეთის საქართველოს ორი ოპერატიული სარდლობა ექნება დასავლეთის და აღმოსავლეთის, - აღნიშნული გადაწყვეტილება თავდაცვის მინისტრის განცხადებით უშიშროების საბჭოს დღევანდელ სხდომაზე იქნა მიღებული.

როგორც თინა ხიდაშელმა ჟურნალისტებს განუცხადა თავდაცვის სამინისტროსა და შეიარაღებულ ძალებში ფუნდამენტური რეფორმა მიმდინარეობს.

"ჩვენი მიზანია უფრო მობილური, ბრძოლისუნარიანი და ნატო-ს სისტემასთან თავსებადი იყოს საქართველოს შეიარაღებული ძალები. პრეზიდენტი გადაწყვეტილებას ხვალ მოაწერს ხელს, რომლის მიხედვითაც საქართველოში იქნება ორი ოპერატიული სარდლობა, დასავლეთის და აღმოსავლეთის", - განაცხადა თინა ხიდაშელმა.

მინისტრის თქმით, აღნიშნული გადაწყვეტილება შესაძლებლობას იძლევა, რომ სარდლობის შიდა სტრუქტურები თავდაცვის მინისტრის ბრძანებით განისაზღვროს.

თინა ხიდაშელს რეფორმის დასასრულებლად ერთი თვე აქვს.

"თვის ბოლომდე მაქვს ვადა და მთავარი ამოცანაა, რომ ქართული შეიარაღებული ძალები იყოს ადვილად ოპერირებადი, არ არსებოდებს აბსოლუტური ცენტრალიზაცია და კონცენტრირება მოხდეს ყველანაირი რესურსის იმისათვის, რომ საფრთხის შემთხვევაში საქართველოს ერთი ნაწილი არ აღმოჩნდეს დაუცველი, როგორც აგვისტოს ომმა გვაჩვენა, რომ პრაქტიკულად შუაზე გაწყდა საქართველო. დიდი მადლობა ყველას ამ გადაწყვეტილებისთვის", - განაცხადა თინა ხიდაშელმა.
მასალის გამოყენების პირობები
სხვა სიახლეები
თავდაცვის სამინისტრომ სახელმწიფო დროშები დაუშვა
საბჭოთა ოკუპაციის დღესთან დაკავშირებით, დღეს, 25 თებერვალს, საქართველოს თავდაცვის სამინისტროს ადმინისტრაციულ შენობაზე და გენერალური შტაბის ტერიტორიაზე სახელმწიფო დროშები დაუშვეს.