არქივი
«« ოქტომბერი 2017 »»
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
კურსი
კონვერტორი
USD
1 USD
2.4839
EUR
1 EUR
2.9223
RUB
100 RUB
4.3318
18-10-2017
პრეზიდენტი გიორგი ქადაგიძის შემცვლელს იანვრის ბოლომდე დაასახელებს
12:39 06-01-2016
პრეზიდენტი გიორგი ქადაგიძის შემცვლელს იანვრის ბოლომდე დაასახელებს პრეზიდენტი ეროვნული ბანკის საბჭოს წევრობის კანდიდატს სავარაუდოდ, იანვრის ბოლომდე დაასახელებს, - ამის შესახებ ჟურნალისტებს საქართველოს პრეზიდენტის ადმინისტრაციის უფროსმა, გიორგი აბაშიშვილმა განუცხადა.
მისივე განმარტებით, იქამდე დარგის ექსპერტებთან კონსულტაციების ფარგლებში კანდიდატურების განხილვა გაგრძელდება.
რაც შეეხება იმას, რამდენად სავარაუდოა, რომ პრეზიდენტის მიერ წარდგენილ კანდიდატს პარლამენტმა მხარი არ დაუჭიროს, აბაშიშვილის თქმით, "ვერ იქნება გამართლებული ღია პროცესით შერჩეული კანდიდატის არდამტკიცება".
"ცხადია, საქართველოს პარლამენტი იმსჯელებს პრეზიდენტის მიერ წარდგენილ კანდიდატურაზე. მივასალმებით ამ თვალსაზრისით პროფესიულ დისკუსიას, მაგრამ არც პოლიტიკური მიზანშეწონილობიდან გამომდინარე და არც მაკროეკონომიკური სტაბილურობის თვალსაზრისით, არ იქნება და ვერ იქნება გამართლებული ღია პროცესით შერჩეული კანდიდატის არდამტკიცება.
კანდიდატურები წარმოდგენილია, შერჩევის პროცესი მიმდინარეობს და ვფიქრობ, პრეზიდენტი იანვრის ბოლომდე დაასახელებს ეროვნული ბანკის საბჭოს წევრობის კანდიდატს", - განაცხადა გიორგი აბაშიშვილმა.
როგორც ცნობილია, ეროვნული ბანკის თავმჯდომარესა და შესაბამისად, ეროვნული ბანკის საბჭოს წევრ გიორგი ქადაგიძეს მიმდინარე წლის თებერვალში უფლებამოსილების ვადა ეწურება. "საქართველოს ეროვნული ბანკის შესახებ" ორგანული კანონის მიხედვით კი, ეროვნული ბანკის საბჭოს წევრების შერჩევის კომპეტენცია საქართველოს პრეზიდენტს აქვს და მათ პარლამენტი სწორედ ქვეყნის პირველი პირის წარდგინებით, სიითი შემადგენლობის უმრავლესობით და 7-წლიანი ვადით ირჩევს. საქართველოს პრეზიდენტი ნიშნავს და ათავისუფლებს უშუალოდ ეროვნული ბანკის პრეზიდენტსაც, თუმცა, კანონმდებლობის მიხედვით, ეს ხდება ეროვნული ბანკის საბჭოს წარდგინებით უშუალოდ საბჭოს შემადგენლობიდან.
ეროვნული ბანკის საბჭოს მოქმედ წევრებს უფლებამოსილების 7 წლიანი ვადა სხვადასხვა დროს ეწურებათ, შესაბამისად გიორგი ქადაგიძის წასვლის შემდეგ საბჭოში მხოლოდ ერთი ვაკანტური ადგილი გაჩნდება და საბჭო დანარჩენი - 6 კაციანი შემადგენლობით კვლავ უფლებამოსილი იქნება მუშაობა გააგრძელოს. წლის ბოლოს ეწურება უფლებამოსილების ვადა საბჭოს კიდევ სამ წევრს: არჩილ მესტვირიშვილს, ოთარ ნადარაიასა და ლაშა ჯუღელს. აღნიშნულის გათვალისწინებით, როგორც არასამთავრობო სექტორის ერთი ნაწილი, ისე მმართველი გუნდის ზოგიერთი წევრი არ გამორიცხავს, რომ ეროვნული ბანკის პრეზიდენტის დამტკიცების საკითხი 2016 წლის ბოლომდე გაჭიანურდეს.
შეგახსენებთ იმასაც, რომ პრეზიდენტის ადმინისტრაცია გიორგი ქადაგიძის შემცვლელის შერჩევას კონსულტაციების გზით აპირებს. როგორც პრეზიდენტის ყოფილმა ეკონომიკურმა მრჩეველმა, ადმინისტრაციის უფროსმა გიორგი აბაშიშვილმა ჯერ კიდევ ზაფხულში განაცხადა, კონსულტაციები საერთაშორისო საფინანსო ინსტიტუტებთან, არასამთავრობო ორგანიზაციებთან, დარგის ექსპერტებთან, ბიზნესასოციაციებთან, საბანკო სექტორთან, ეკონომიკური პროფილის სამინისტროებსა და თავად საქართველოს ეროვნულ ბანკთან გაიმართება. კონსულტაციების ფარგლებში აბაშიშვილმა რამდენიმე შეხვედრა უკვე გამართა.

იხილეთ ვიდეო: პრეზიდენტი ქადაგიძის შემცვლელს იანვრის ბოლომდე დაასახელებს - მარგველაშვილის ინიციატივას ექსპერტები აფასებენ
PLAYER_GET_VIDEOFLASH
მასალის გამოყენების პირობები
სხვა სიახლეები
თსუ-სა და საქართველოს ეროვნულ არქივს შორის მემორანდუმი გაფორმდა
საქართველოს დემოკრატიული რესპუბლიკის 100 წლის იუბილესთან დაკავშირებით ივანე ჯავახიშვილის სახელობის თბილისის სახელმწიფო
„პალიტრა მედიის“ ორგანიზებით, „სილიკონ ველი თბილისის“ სამუშაო სივრცეში ვორქშოფი გაიმართა
„პალიტრა მედიის“ ორგანიზებით, „სილიკონ ველი თბილისის“ სამუშაო სივრცეში ვორქშოფი გაიმართა, სადაც ციფრულ მარკეტინგზე, მათ შორის
ხვალ ბიოდაცვისა და ბიოუსაფრთხოების სიმპოზიუმი გაიმართება
სასტუმრო „Holiday Inn“-ში ხვალ ბიოდაცვისა და ბიოუსაფრთხოების სიმპოზიუმი გაიმართება. როგორც „ინტერპრესნიუსს“ შრომის, ჯანმრთელობისა და
ეკონომიკის სამინისტრო ამერიკის სავაჭრო-საინვესტიციო მისიას უმასპინძლებს
ქართულ-ამერიკული ბიზნესსაბჭო ხვალ, "ფუნიკულიორში" აშშ-ს სავაჭრო და საინვესტიციო მისიის წარმომადგენლებთან შეხვედრას გამართავს
„საზოგადოებრივი დამცველის“ თავმჯდომარე პოლონეთის ელჩს შეხვდა
არასამთავრობო ორგანიზაცია „საზოგადოებრივი დამცველის“ თავმჯდომარე ირინა ფუტკარაძე პოლონეთის ელჩს მარიუმ მაშკიევიჩს შეხვდა.
ჭიათურაში მანგანუმის მადნის ახალი გამამდიდრებელი ქარხნის მშენებლობა იწყება
შპს „ჯორჯიან მანგანეზი“ ჭიათურაში მანგანუმის მადნის ახალი გამამდიდრებელი ქარხნის მშენებლობას იწყებს.
GIPA-ში ელენე ხოშტარიასთან შეხვედრა გაიმართა
GIPA-ში მმართველობის სკოლის სტუდენტების მიერ რეიტინგით შერჩეული თბილისის მერობის კანდიდატებთან შეხვედრის ციკლი გრძელდება.
თემაზე „საქართველოს ეთნიკური მრავალფეროვნება“ მედიისთვის კონკურსი გამოცხადდა
თემაზე, „საქართველოს ეთნიკური მრავალფეროვნება“ მედიისთვის კონკურსი გამოცხადდა. როგორც „ინტერპრესნიუსს“ შერიგებისა და სამოქალაქო
არასამთავრობო ორგანიზაციამ „საზოგადოებრივი დამცველი“ 21 ოქტომბრის არჩევნების მონიტორინგის შუალედური ანგარიში გამოაქვეყნა
არასამთავრობო ორგანიზაცია „საზოგადოებრივი დამცველმა“ 21 ოქტომბრის არჩევნების მონიტორინგის შუალედური ანგარიში გამოაქვეყნა.
ცესკო ამომრჩევლებს შეახსენებს, რომ არჩევნების დღე - 21 ოქტომბერი უქმე დღეა
ცენტრალური საარჩევნო კომისია ყველას შეახსენებს, რომ 21 ოქტომბერი უქმე დღეა. ”2017 წლის 21 ოქტომბერს მუნიციპალიტეტის წარმომადგენლობითი ორგანოს