არქივი
«« ოქტომბერი 2017 »»
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
კურსი
კონვერტორი
USD
1 USD
2.4826
EUR
1 EUR
2.9305
RUB
100 RUB
4.3371
17-10-2017
ილია მეორე – ერთ-ერთი ყველაზე დიდი საქმე, რაც კი შეიძლება აღასრულოს ადამიანმა, არის ლოცვა
08:46 07-01-2016
ილია მეორე – ერთ-ერთი ყველაზე დიდი საქმე, რაც კი შეიძლება აღასრულოს ადამიანმა, არის ლოცვა ერთ-ერთი ყველაზე დიდი საქმე, რაც კი შეიძლება ამქვეყნად აღასრულოს ადამიანმა, არის ლოცვა, - ამის შესახებ სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე საშობაო ეპისტოლეში ბრძანებს. პატრიარქი განმარტავს, რომ ლოცვა სინანული, ღმერთთან საუბარი და მის წინაშე სულისა და გულის განფენაა.
"ეკლესიის და სასულიერო პირებისათვის ლოცვა პირდაპირი მოვალეობაა, მაგრამ იგი ასევე მოვალეობაა საერო პირთათვის. აი, როგორ გვარიგებს მოციქული: ,,უჭირს რომელიმე თქვენგანს? ილოცოს; ხარობს ვინმე? რწმენის ლოცვა იხსნის სნეულს... და თუ ცოდვები აქვს ჩადენილი, მიეტევება; ილოცეთ ერთმანეთის გამო...ბევრი რამ ძალუძს მართლის ლოცვას". მართალში კი მაცხოვრის მცნებებით მცხოვრები პიროვნება იგულისხმება, რომელიც, უპირველეს ყოვლისა, სიყვარულით იქნება შემოსილი, რადგან ,,სიყვარულია სიმტკიცე სრულქმნილებისა". ასეთი ადამიანი სხვათაგან დიდად განირჩევა. იგი ,,სულგრძელია და ტკბილი. სიყვარულს არ შურს, სიყვარული არ ქედმაღლობს, არ ზვაობს, არ უკეთურობს, არ ეძებს თავისას, არ მრისხანებს, არ განიზრახავს ბოროტს, არ შეჰხარის უსამართლობას, ყველაფერს იფარავს, ყველაფერი სწამს, ყველაფრის იმედი აქვს, ყველაფერს ითმენს. სიყვარულის გარეშე კი, ღვთის წინაშე, ნებისმიერი სათნოება აზრს კარგავს და უქმდება", - აღნიშნავს უწმინდესი.
ილია მეორის თქმით, ყველაფერი უნდა გავაკეთოთ, რომ ღვთაებრივი სიყვარული მოვიპოვოთ.
"ეს უნდა იყოს კაცთა მოდგმის ცხოვრების მიზანი. ამიტომაც ბრძანებს წმინდა წერილი: ,,გიყვარდეს უფალი ღმერთი შენი მთელი შენი გულით და მთელი შენი სულით და მთელი შენი გონებით და მთელი შენი ძალით, _ აი, უპირველესი მცნება და მეორე, ამისი მსგავსი: გიყვარდეს მოყვასი შენი, ვითარცა თავი შენი". როგორც წმინდა იოანე ოქროპირი წერს: ,,ღმერთმა მრავალი გზა დასახა მასთან მისასვლელად. ზოგნი ქალწულებით ბრწყინავენ, სხვანი ქორწინებით განდიდნენ, კიდევ სხვანი ქვრივობაში უბიწოების დაცვით შეიმკვნენ, ვიღაცამ მიწიერი სიკეთენი სრულად უარყო, ზოგმა, _ სანახევროდ; ცოდვამ გძლია? სინანულით, აღსარებითა და ზიარებით განიწმინდე. მდიდარი ხარ? _ მოწყალება უხვად გაეცი. თუ გიჭირს და სხვას მატერიალურად ვერ შეეწევი, ავადმყოფს მიხედე, პატიმარი მოინახულე, ჭიქა წყალი მწყურვალს მიაწოდე, მწირი შეიფარე, მტირალთან იტირე, ვინმე სიტყვით ანუგეშე... თუ ისეთი ღატაკი ხარ და დავრდომილი, რომ ვერავის დაეხმარები, უდვრტვინველად გადაიტანე ეს ყველაფერი და მართალი იობივით უდიდეს ჯილდოს მიიღებ. ამგვარი იყო სახარებისეული ლაზარეს სათნოება. მას თავისთვის საზრდოც არ ჰქონდა, ვერც ავადმყოფს შეეწეოდა და ვერც საპყრობილეში მყოფს, რადგან უძლურების გამო, წამოდგომის უნარიც არ ჰქონდა, ამასთან ხედავდა სასტიკთა და უსჯულოთა პატივსა და განცხრომას და ერთი სიტყვაც არ დასცდენია გულისწყრომისა, არამედ მხოლოდ მადლობდა ღმერთს ყველაფრისათვის. აი, ასეთი ცხოვრების გამო დაიმკვიდრა მან აბრაამის წიაღი." რა თქმა უნდა, ძალიან ძნელია ხორცისა და სულის ტკივილს გაუძლო ისე, რომ განკითხვაში არ ჩავარდე; ეს მოწამეობის ტოლფასია და სათნოებათა მწვერვალი. ჩვენს დროში ბევრი გაჭირვებულია და დავრდომილიც და თუ ვინმე შეძლებს წმინდა ლაზარესავით უდრტვინველად, მადლობით მიიღოს განსაცდელი, დიდების გვირგვინს მოიპოვებს", - ბრძანებს ილია მეორე.

იხილეთ ვიდეო: პატრიარქის 2016 წლის საშობაო ეპისტოლეს სრული ჩანაწერი


იხილეთ: "პატრიარქის საშობაო ეპისტოლე"
PLAYER_GET_VIDEOFLASH
მასალის გამოყენების პირობები
სხვა სიახლეები
გურჯაანში „საქართველოს ფოსტის“ სერვისცენტრი გაიხსნა
გურჯაანის მუნიციპალიტეტში ეკონომიკისა და მდგრადი განვითარების სამინისტროს შპს „საქართველოს ფოსტამ“ თანამედროვე კონსტრუქციის ცალკე მდგომი ახალი სერვისცენტრი გახსნა, სადაც ადგილობრივი
თამარ ჩუგოშვილმა და ირინე ფრუიძემ განმარტებითი ბარათის შინაარსობრივი მხარის გაუმჯობესების სამუშაო ჯგუფის შეხვედრა გამართეს
საქართველოს პარლამენტის თავმჯდომარის პირველმა მოადგილემ, თამარ ჩუგოშვილმა და ღია და გამჭვირვალე მმართველობის მუდმივმოქმედი საპარლამენტო საბჭოს თავმჯდომარემ, ევროპასთან ინტეგრაციის
ვახტანგ ყოლბაია და ელგუჯა (გია) გვაზავა აფხაზეთიდან გადმოსვენებული გმირების დაკრძალვას დაესწრნენ
აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა
აკაკი ზოიძე აღმოსავლეთ პარტნიორობის ქვეყნების ახალგაზრდა ლიდერებს ჯანდაცვის სფეროს რეფორმებზე ესაუბრა
ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე დღეს აღმოსავლეთ პარტნიორობის ექვსი ქვეყნის ახალგაზრდა ლიდერებს შეხვდა, რომელიც ფრიდრიხ ებერტის
ტექნიკური სამუშაოების გამო ხვალ გლდანის ნაწილს გაზის მიწოდება შეუწყდება
ტექნიკური სამუშაოების ჩატარების მიზნით, ხვალ გლდანის რაიონის გარკვეულ ნაწილს გაზის მიწოდება შეუწყდება. როგორც „ინტერპრესნიუსს“ შპს "ყაზტრანსგაზ-თბილისიდან“ აცნობეს,
Golder Associates -ის ექსპერტები RMG-ის გარემოსდაცვითი პროგრამის ფარგლებში სამოქმედო გეგმაზე მუშაობენ
RMG-ის მოწვევით, საქართვლოში ოთხდღიანი სამუშაო ვიზიტით საერთაშორისო საკონსულტაციო კომპანია Golder Associates-ის წარმომადგენლები საიმონ ოლდრიჩი (სამთომომპოვებელი დარგის გარემოსდაცვითი ექსპერტი)
თსსუ-ის გივი ჟვანიას სახელობის პედიატრიის აკადემიურ კლინიკას ჰაიფას საუნივერსიტეტო კლინიკის პროფესორები სტუმრობენ
თბილისის სახელმწიფო სამედიცინო უნივერსიტეტის გივი ჟვანიას სახელობის პედიატრიის აკადემიურ კლინიკას ჰაიფას (ისრაელი) საუნივერსიტეტო
გივი ჟვანიას სახელობის პედიატრიის აკადემიურ კლინიკაში ისრაელიდან ჩამოსული პროფესორები ოპერაციებს ჩაატარებენ
გივი ჟვანიას სახელობის პედიატრიის აკადემიურ კლინიკაში, ხვალ, ისრაელიდან ჩამოსული პროფესორების მიერ უნიკალური ოპერაციები ჩატარდება.
ბილანა მილოშევიჩი - საქართველოში მომხდარი სამი კონფლიქტის შედეგად, უგზო-უკვლოდ გაუჩინარებულად 2400-ზე მეტი ადამიანი ითვლება
საქართველოში მომხდარი სამი კონფლიქტის შედეგად, უგზო-უკვლოდ გაუჩინარებულად 2400-ზე მეტი ადამიანი ითვლება, - ამის შესახებ წთელი ჯვრის
1 აშშ დოლარის ოფიციალური ღირებულება 2.4839 ლარი გახდა
1 აშშ დოლარის ოფიციალური ღირებულება 2.4839 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.4839 ლარი შეადგინა.