არქივი
კურსი
კონვერტორი
USD
1 USD
2.4638
EUR
1 EUR
3.0595
RUB
100 RUB
4.3690
20-02-2018
თბილისის მერი მოსახლეობას დაჰპირდა, რომ გლდანის I მიკრორაიონში სტადიონის ნაცვლად საცხოვრებელი კორპუსი არ აშენდება
14:35 10-01-2016
თბილისის მერი მოსახლეობას დაჰპირდა, რომ გლდანის I მიკრორაიონში სტადიონის ნაცვლად საცხოვრებელი კორპუსი არ აშენდება თბილისის მერი დავით ნარმანია, საქართველოს ფეხბურთის ფედერაციის პრეზიდენტ ლევან კობიაშვილთან ერთად, გლდანის I მიკრორაიონში არსებული სარეკრეაციო-სპორტული სივრცის შენარჩუნებასთან დაკავშირებით ადგილობრივ მოსახლეობას შეხვდა.
როგორც "ინტერპრესნიუსს" თბილისის მერიიდან აცნობეს, გლდანის I მ/რ-ში, #13 და #14 კორპუსების მიმდებარედ არსებულ მიწის ნაკვეთზე, სადაც ამ დროისთვის სპორტული მოედანი ფუნქციონირებს, მრავალბინიანი საცხოვრებელი სახლის მშენებლობის ნებართვის გაცემასთან დაკავშირებით კერძო მესაკუთრემ თბილისის მერიის არქიტექტურის სამსახურს მიმართა, რაც ადგილობრივმა მოსახლეობამ გააპროტესტა. დავით ნარმანიას განცხადებით, თბილისის მერიის არქიტექტურის სამსახურის ზონალური საბჭოს გადაწყვეტილებით, მოსახლეობის თხოვნის გათვალისწინებით და სარეკრეაციო-სპორტული სივრცის შენარჩუნების მიზნით, აღნიშნულ ტერიტორიაზე კერძო მესაკუთრის მოთხოვნაზე - მრავალბინიანი საცხოვრებელი სახლის მშენებლობის ნებართვის გაცემასთან დაკავშირებით, უარყოფითი რეკომედაცია გაიცა.
"დედაქალაქის მერიამ განიხილა საკითხი საბჭოზე და კომისიის ყველა წევრმა უარყოფითი გადაწყვეტილება მიიღო. შესაბამისად, აქ არ აშენდება კორპუსი, არ გაიზრდება ქალაქთმშენებლობითი პარამეტრები. რაც შეეხება იმას, რომ ინვესტორი არ დაზარალდეს, მასთან მოლაპარაკებებს ვგეგმავთ, ვიმსჯელებთ ადგილმონაცვლეობის თაობაზე. ეს გახლავთ ტერიტორია, სადაც დაუშვებელია მაღალსართულიანი კორპუსის მშენებლობა, გარდა ამისა, მიმდებარედ არსად არის სათამაშო მოედანი. სწორედ, ამ ფაქტორების გათვალისწინებით მიიღო საბჭომ უარყოფითი გადაწყვეტილება და აქ არსებული სტადიონი არ დაინგრევა", - განაცხადა თბილისის მერმა დავით ნარმანიამ.
დედაქალაქის მერიის ინფორმაციით, გლდანის I მ/რ-ში, #13 და #14 კორპუსების მიმდებარედ არსებულ მიწის ნაკვეთზე მრავალბინიანი საცხოვრებელი სახლის ასაშენებლად ქალაქთმშენებლობითი პარამეტრის მომატებაზე, კერძოდ, მიწის ნაკვეთის განაშენიანების ინტენსივობის კოეფიციენტის გაზრდასთან დაკავშირებით მესაკუთრე პაატა ნუცუბიძემ თბილისის მერიას 2015 წლის 21 დეკემბერს მიმართა, რასთან დაკავშირებითაც, თბილისის მერიის არქიტექტურის სამსახურის ზონალურმა საბჭომ უარყოფითი პასუხი გასცა. საბჭოს წევრთა რეკომენდაციების საფუძველზე, დაუშვებელია სტადიონის ტერიტორიის სამშენებლოდ განვითარება და სასურველია გამოიძებნოს სამართლებრივი საშუალება, რათა ტერიტორიას საზოგადოებრივ-სარეკრეაციო ზონის სტატუსი შეუნარჩუნდეს. ამასთან, ზონალური საბჭოს გადაწყვეტილებაში მითითებულია, რომ აღნიშნული მიწის ნაკვეთი, დღეის მდგომარეობით, წარმოადგენს მრავალბინიანი საცხოვრებელი სახლებით გარემოცულ, კეთილმოწყობილ, მოქმედ სტადიონს, ტერიტორიაზე არსებულ ერთადერთ სარეკრეაციო-სპორტულ სივრცეს, რომელიც ქმნის მაღალი ინტენსივობის საცხოვრებელი ზონის ფუნქციონირებისთვის აუცილებელ ინფრასტრუქტურას და მისი დემონტაჟი დაუშვებელია.
მოსახლეობასთან შეხვედრას გლდანის რაიონის გამგებელი ბესიკ ქარცივაძე, თბილისის მერიის განათლების, სპორტისა და ახალგაზრდულ საქმეთა სამსახურის უფროსი ირაკლი გვილავა, ზედამხედველობის საქალაქო სამსახურის უფროსი გიორგი ბაგრატიონი, საკრებულოს დეპუტატები და საპარლამენტო უმრავლესობის წევრები ესწრებოდნენ.

მასალის გამოყენების პირობები
სხვა სიახლეები
2018 წლის მსოფლიო თასის გათამაშების პირველი ეტაპი ქართველი ეტლით მოფარიკავეებისათვის წარმატებული აღმოჩნდა
უნგრეთში, ეტლით ფარიკაობაში მსოფლიო თასის გათამაშების პირველ ეტაპზე ირმა ხეცურიანი ხმალში ოქროს მედლის, ხოლო რაპირაში ვერცხლის მფლობელი გახდა.
თბილისი ევროპის საავიაციო ფორუმს უმასპინძლებს
თბილისი 20-22 თებერვალს მასშტაბურ ღონისძიებას - ევროპის საავიაციო ფორუმს, CONNECT 2018-ს უმასპინძლებს. ფორუმზე დამსწრე დელეგატები განიხილავენ საჰაერო ტრანსპორტის
სამშენებლო ობიექტებზე უსაფრთხოების წესების დარღვევაზე ჯარიმის დეტალები ცნობილია
სამშენებლო ობიექტებზე უსაფრთხოების წესების დარღვევაზე საჯარიმო თანხა 3000 ლარიდან 30 000 ლარამდე იზრდება. შესაბამისი ცვლილებები პროდუქტის უსაფრთხოებისა და თავისუფალი
ტურიზმის ეროვნულმა ადმინისტრაციამ სტამბოლის საერთაშორისო ტურისტულ გამოფენაში მიიღო მონაწილეობა
ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ თურქეთში, სტამბოლის საერთაშორისო ტურისტულ
გია ვოლსკი „მაუწყებლობის შესახებ“ კანონპროექტთან დაკავშირებით - არ ვფიქრობთ, რომ 2 მილიონი თუ მილიონ ნახევარი სარეკლამო ბაზარს დააზიანებს
რაც შეეხება 2 მილიონს, თუ მილიონ ნახევარს, ჩვენ არ ვფიქრობთ, რომ ეს სარეკლამო ბაზარს დააზიანებს, - ამის შესახებ საპარლამენტო უმრავლესობის
ტექნიკური სამუშაოების გამო, ჩარგლის ქუჩის მოსახლეობის ნაწილს ხვალ გაზმომარაგება შეუწყდება
ტექნიკური სამუშაოების ჩატარების მიზნით, 20 თებერვალს 12:00 საათიდან, გაზმომარაგება შეუწყდება სანზონაში, ჩარგლის ქუჩის № 73, № 75, № 77, № 79 ნომრებში მდებარე
გიორგი ბირბიჩაძის ინიციატივით, სკოლის მოსწავლეებს პირველადი გადაუდებელი დახმარების ტრენინგი ჩაუტარდათ
ავჭალის რაიონის სკოლის მოსწავლეებს პირველადი გადაუდებელი დახმარების საკითხზე ტრენინგი ჩაუტარდათ. როგორც „ინტერპრესნიუსს“ თბილისის
სტუდენტებისთვის გამოფენა - „დაგეგმე კარიერა ტურიზმის სფეროში” მოეწყობა
ტურიზმის სფეროში კარიერის დასაგეგმად სტუდენტებისთვის 27 თებერვალს გამოფენა მოეწყობა. ეკონომიკისა და მდგრადი განვითარების სამინისტროს
ქსელზე ახალი აბონენტების მიერთების მიზნით, თბილისის ნაწილს ელექტრომომარაგება დროებით შეეზღუდება
ქსელზე ახალი აბონენტების მიერთების მიზნით, თბილისის ნაწილს ხვალ ელექტრომომარაგება დროებით შეეზღუდება.
„თიბისის“ ბანკომატებიდან თანხის გამოტანა უკვე ბარათის წამკითხველზე ბარათის ან სტიკერის ერთი შეხებით არის შესაძლებელი
„თიბისი ბანკის“ ბანკომატებს ახალი ფუნქციონალი დაემატა. როგორც „ინტერპრესნიუსს“ „თიბისი ბანკიდან“ აცნობეს, „თიბისის“ ბანკომატებიდან თანხის