არქივი
კურსი
კონვერტორი
USD
1 USD
2.4808
EUR
1 EUR
2.9546
RUB
100 RUB
4.2708
22-09-2017
თბილისის მერია მახათას მთაზე მოქალაქეების მიერ მიწის ნაკვეთების მითვისებასთან დაკავშირებით განცხადებას ავრცელებს
19:38 23-01-2016
თბილისის მერია მახათას მთაზე მოქალაქეების მიერ მიწის ნაკვეთების მითვისებასთან დაკავშირებით განცხადებას ავრცელებს მახათას მთაზე მოქალაქეების მიერ, მიწის ნაკვეთების მითვისების მიზნით, თვითნებურად შემოსაზღვრული ტერიტორიები მერიის ზედამხედველობის საქალაქო სამსახურს პირვანდელ მდგომარეობაში მოჰყავს , - ამის შესახებ "ინტერპრესნიუსს" დედაქალაქის მერიის პრესსამსახურიდან აცნობეს.

მერიაში განმარტავენ, რომ აღნიშნული ტერიტორიები მოქალაქეებმა მას შემდეგ შემოსაზღვრეს, რაც გავრცელდა მცდარი ინფორმაცია იმის შესახებ, თითქოს, თბილისის მერია და საპატრიარქო მახათას მთის მიმდებარე ტერიტორიებზე მიწის ნაკვეთებს უსასყიდლოდ ან მიზერულ ფასად ასხვისებდა.

თბილისის მერია კატეგორიულად უარყოფს მოქალაქეებისთვის მიწის ნაკვეთების, როგორც საკუთრებაში, ასევე, სარგებლობაში უსასყიდლოდ გადაცემის ფაქტს. ამასთან, მერიაში განმარტავენ, რომ აღნიშნული ტერიტორია მოიცავს, როგორც კერძო, ასევე სახელმწიფო და მუნიციპალურ ნაკვეთებს, შესაბამისად, ჩნდება საფუძვლიანი ეჭვი, რომ კონკრეტული პირები მოქალაქეების შეცდომაში შეყვანას მიზანმიმართულად ცდილობენ.

სიტუაციის გასარკვევად ადგილზე იმყოფებოდა თბილისის მერიის ქონების მართვის სააგენტოს უფროსი კარლო ლაფერაძე.
"აქ მიმდინარეობდა ტერიტორიების თვითნებური დაკავება. მე მინდა გითხრათ, რომ მოსახლეობა შეცდომაშია შეყვანილი და მათ არასწორი ინფორმაცია მიაწოდეს, თითქოს, აღნიშნულ ტერიტორიებზე რიგდებოდა ქონება. ამ ტერიტორიის უმეტესი ნაწილი კერძო საკუთრებაა, ასევე, რაღაც ნაწილი ეკუთვნის სახელმწიფოს და მუნიციპალიტეტს. შესაბამისად, არსებობს კანონი, თუ როგორ უნდა გასხვისდეს ქონება და მათი ქმედებები კანონის ფარგლებს სცდება. ვფიქრობ, უნდა გაირკვეს, თუ ვინ და რატომ შეიყვანა მოსახლეობა შეცდომაში", - განაცხადა ქონების მართვის სააგენტოს უფროსმა.

მერიის ინფორმაციით, არასწორად გავრცელებულ ინფორმაციას საპატრიარქოც გამოეხმაურა.

"ეს ინფორმაცია არ არის სწორი, მახათას მთის მიმდებარედ, მართლაც აქვს საპატრიარქოს რამდენიმე მიწის ნაკვეთი, მაგრამ იქ, ან უკვე მოქმედებს მონასტერი, ან მიმდინარეობს სამშენებლო სამუშაოები, შესაბამისად, აღნიშნულ ტერიტორიაზე ვერანაირ მიწას საპატრიარქო ვერ გასცემს. რაც შეეხება მეორე საკითხს, მოქმედი კანონმდებლობის შესაბამისად, მიწის ნაკვეთი, რომელსაც საპატრიარქო ფლობს და სახელმწიფოსგან აქვს მიღებული, არ სხვისდება, არათუ იყიდება. მე მოვისმინე ისიც, რომ რაღაც სიმბოლურ თანხებსაც კი ასახელებენ, თითქოს ამ თანხებად იყიდება, რაც სიმართლეს არ შეესაბამება. სრული პასუხისმგებლობით ვაცხადებთ, რომ არანაირი მიწის ნაკვეთი ჩვენ გასაცემი არ გვაქვს და კიდევ ერთხელ ვაზუსტებთ, რომ არც გვაქვს ამის უფლება. მე მინდა, მოვუწოდო შეცდომაში შეყვანილ საზოგადოებას, რომ მოქმედი კანონმდებლობა მათ ამის გამო პასუხს მოჰკითხავს", - აცხადებს მამა მიქაელ ბოტკოველი.

თბილისის მერია შეახსენებს იმ მოქალაქეებს, რომლებიც მიწის ნაკვეთების თვითნებურად მითვისებას ცდილობენ, რომ უძრავ ნივთებზე საკუთრების უფლების გადაცემა ხდება მხოლოდ კანონმდებლობით დადგენილი წესით, შესაბამისად, გავრცელებული ინფორმაცია მიწის ნაკვეთების გასხვისების შესახებ სიმართლეს არ შეესაბამება და რეალურ საფუძვლებს მოკლებულია.

"დედაქალაქის მთავრობა მოგიწოდებთ, რომ თავი შეიკავოთ აღნიშნული ტერიტორიების რაიმე სახის შემოღობვა/შემოსაზღვრისგან, რადგანაც საკუთრების უფლებას იცავს, როგორც ქვეყნის უზენაესი კანონი - კონსტიტუცია, ასევე, სხვა საკანონმდებლო აქტები და მათი დარღვევა წარმოადგენს დასჯად ქმედებას", - აცხადებენ მერიაში.


მასალის გამოყენების პირობები
სხვა სიახლეები
ილიაუნში გრაცის კარლ-ფრანცენის უნივერსიტეტის პროფესორ არნოლდ ჰანსლმაიერის საჯარო ლექცია მიმდინარეობს
ილიას სახელმწიფო უნივერსიტეტში გრაცის კარლ-ფრანცენის უნივერსიტეტის პროფესორ არნოლდ ჰანსლმაიერის საჯარო ლექცია მიმდინარეობს.
გეგმური სამუშაოების გამო თბილისის ნაწილს ელექტრომომარაგება შეეზღუდება
გეგმური სარემონტო-პროფილაქტიკური სამუშაოების გამო თბილისის ნაწილს 25 სექტემბერს ელექტრომომარაგება შეეზღუდება.
"ფაბრიკას" საკონფერენციო დარბაზში "ლურჯი ოკეანის კლუბის" პრეზენტაცია და ბიზნეს ღონისძიება გაიმართება
"ფაბრიკას" საკონფერენციო დარბაზში 4 ოქტომბერს "ლურჯი ოკეანის კლუბის" პრეზენტაცია და ბიზნეს ღონისძიება გაიმართება, თემაზე - "რეკლამა
ხელვაჩაურის მუნიციპალიტეტში „მაჭახლობა 2017“ გაიმართება
ხელვაჩაურის მუნიციპალიტეტის სოფელ სინდიეთში, ადგილობრივი თვითმმართველობის ორგანიზებით 24 სექტემბერს მაჭახელის ხეობის
„საზოგადოებრივი დამცველის“ თავმჯდომარის ინიციატივით, არასამთავრობოები ეუთო-ს სადამკვირვებლო მისიის ხელმძღვანელს შეხვდნენ
არასამთავრობო ორგანიზაციების „საზოგადოებრივი დამცველის“ თავმჯდომარე ირინა ფუტკარაძე, საერთო სამოქალაქო მოძრაობა
1 აშშ დოლარის ოფიციალური ღირებულება 2.4804 ლარი გახდა
1 აშშ დოლარის ოფიციალური ღირებულება 2.4804 ლარი გახდა. ეროვნული ბანკის მიერ გამოქვეყნებული მონაცემების თანახმად,
ბათუმში „ბიზნეს სამართლის დღეები“ გაიმართება, სადაც საქართველოს ადვოკატთა ასოციაციის თავმჯდომარეობის კანდიდატი დავით ლანჩავა მიიღებს მონაწილეობას
USAID-ის პროექტის G4G-ისა და გრიგოლ რობაქიძის უნივერსიტეტის მხარდაჭერით ბათუმში „ბიზნეს სამართლის დღეები“ გაიმართება,
24 სექტემბერს აჭარაში ფრინველებზე დაკვირვების ფესტივალი გაიხსნება
24-30 სექტემბერს, აჭარის ტურიზმის დეპარტამენტი აჭარაში ფრინველებზე დაკვირვების საერთაშორისო ფესტივალს უმასპინძლებს.
საქართველოს ვეტერანების საქმეთა სახელმწიფო სამსახური 20 წლისაა
საქართველოს ვეტერანების საქმეთა სახელმწიფო სამსახურის დირექტორმა ვლადიმერ იმნაძემ სამსახურის სახელმწიფო უწყებად
PKTV-ის და „საფერავი ტვ“-ის მაუწყებლობის ავტორიზაციების მოდიფიცირება განხორციელდა
საქართველოს კომუნიკაციების ეროვნულმა კომისიამ დააკმაყოფილა ააიპ „ჟურნალისტები და იურისტები დემოკრატიისა და ადამიანის უფლებებისათვის“,