არქივი
კურსი
კონვერტორი
USD
1 USD
2.4579
EUR
1 EUR
2.8357
RUB
100 RUB
3.8519
22-06-2018
ილია მეორე - ქართული საეკლესიო კალენდარი ძველ სტილზე დარჩება
13:57 31-01-2016
ილია მეორე - ქართული საეკლესიო კალენდარი ძველ სტილზე დარჩება მსოფლიო მართლმადიდებელთა საეკლესიო კრება ივნისში გაიმართება. როგორც სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ საკვირაო ქადაგებისას ბრძანა, ეს გადაწყვეტილება ჟენევაში, მართლმადიდებელი ეკლესიების მეთაურთა შეხვედრაზე მიიღეს. უწმინდესის თქმით, 15 მართლმადიდებელი ავტოკეფალური ეკლესიიდან ერთს - ამერიკის ეკლესიას - ყველა არ აღიარებს, როგორც ავტოკეფალურს. დარჩენილი 14-დან კი შეკრებას არ ესწრებოდნენ ანტიოქიის პატრიარქი, საბერძნეთის ეკლესიის მეთაური და პოლონეთის მიტროპოლიტი.

"ამ ერთი კვირის განმავლობაში იყო შეხვედრები, კამათი და კიდევ ერთხელ გამოვლინდა, რომ მართლმადიდებლობა არის ერთადერთი გზა სასუფევლისკენ. მართლმადიდებლობა არის ის ეკლესია, რომელიც ატარებს რწმენას და ტრადიციებს განუყოფელი სამოციქულო ეკლესიისა. მათ გადაწყვიტეს, რომ ივნისში ჩატარდება მართლმადიდებელი ეკლესიების საეკლესიო კრება და განიხილება ზოგიერთი საკითხი. ის საკითხები, რომელიც იწვევს განსხვავებულ აზროვნებას, მიდგომას, არ იქნება განხილული, მაგალითად, კალენდარი. ზოგიერთი ეკლესია ძველ სტილზეა, ზოგი - ახალზე, მაგრამ ეს არ არის დოგმატი. ჩვენ როგორც ვიყავით ძველ სტილზე, ისე დავრჩებით. უნდა ითქვას, რომ ყველაზე დიდი სიმტკიცე მართლმადიდებლობის ერთგულებისა ჩვენმა დელეგაციამ გამოიჩინა. მინდა დაგარწმუნოთ, რომ საქართველოს ეკლესია იყო, არის და იქნება მართლმადიდებლობის ერთგული აწ და მარადის. საქართველოს ეკლესია ის ეკლესიაა, რომელმაც გადაარჩინა ჩვენი ერი ნგრევისაგან და მომავალშიც ჩვენი ეკლესია იქნება მართლმადიდებლობის სადარაჯოზე", - განაცხადა უწმინდესმა. პატრიარქმა აღნიშნა, რომ ბედნიერია ის ადამიანი, რომელიც არის მართლმადიდებელი ეკლესიის წევრი.

ქადაგების დასრულების შემდეგ სრულიად საქართველოს კათოლიკოს-პატრიარქმა რამდენიმე გვარი დალოცა და მრევლს თამარობის დღესასწაული მიულოცა.

იხილეთ ვიდეო: "რა ინფორმაცია ჩამოიტანა პატრიარქმა მართლმადიდებელი ეკლესიების მეთაურთა შეხვედრიდან"
PLAYER_GET_VIDEOFLASH
მასალის გამოყენების პირობები
სხვა სიახლეები
წმინდა სინოდმა აჭარელი აღმსარებლის, წმინდა დიაკონ სევერიანეს ხსენების დღე დააწესა
საქართველოს საპატრიარქოს წმინდა სინოდმა აჭარელი აღმსარებლის, წმინდა დიაკონ სევერიანეს ხსენების დღე დააწესა, - ამის შესახებ სინოდის კრების ოქმშია
ილია მეორე - ერთის მხრივ დაცული უნდა იყოს ადამიანის უფლებები, ამასთან, უნდა მოხდეს ტრადიციული ღირებულებების, სულიერ-კულტურული და ინტელექტუალური პოტენციალის განვითარება
ერთის მხრივ დაცული უნდა იყოს ადამიანის უფლებები, ამასთან, თანამედროვე ყოფაში უნდა მოხდეს ტრადიციული ღირებულებების, სულიერ-კულტურული
წმინდა სინოდის აზრით, კანაფის დამზადების ნებართვა ფაქტობრივად, ნარკოვაჭრობის ლეგალიზებაა, რაც ქვეყანას უმძიმეს შედეგებს მოუტანს
კანაფის დამზადების ნებართვა ფაქტობრივად, ნარკოვაჭრობის ლეგალიზებაა, რაც ქვეყანას უმძიმეს შედეგებს მოუტანს, - ამის შესახებ სინოდის კრების ოქმშია
წმინდა სინოდი მიიჩნევს, რომ აბორტის, მათ შორის შერჩევითი აბორტის, შვილთა კვლის, როგორც უმძიმესი ცოდვის საწინააღმდეგო პროპაგანდა უნდა გაძლიერდეს
უნდა გაძლიერდეს აბორტის, მათ შორის შერჩევითი აბორტის, შვილთა კვლის, როგორც უმძიმესი ცოდვის საწინააღმდეგო პროპაგანდა, გატარდეს განსაკუთრებული
სინოდმა მეუფე შიოს სტატუსი დააზუსტა და ის „საპატრიარქო ტახტის მოსაყდრედ“ განისაზღვრა
საქართველოს პატრიარქის, უწმინდესისა და უნეტარესის, ილია მეორის მოსაყდრე, მეუფე შიო საპატრიარქო ტახტის მოსაყდრე გახდა. ამის შესახებ წმინდა სინოდის
 საპატრიარქო წმინდა სინოდის სხდომის ოქმს აქვეყნებს
საქართველოს საპატრიარქო წმინდა სინოდის დღევანდელი სხდომის ოქმს აქვეყნებს. როგორც დოკუმენტშია აღნიშნული, სხდომას თავმჯდომარეობდა სრულიად
მამა ლონგინოზ სუარიშვილი - მეუფე შიოსთან დაკავშირებით პატრიარქის ბრძანებაში ზოგიერთმა საფრთხე დაინახა სიტყვებში - „პატრიარქის მოსაყდრე“ და არა „საპატრიარქოს ტახტის მოსაყდრე“
შემიძლია გითხრათ, რომ აბსოლუტურად დამაკმაყოფილებელი აღმოჩნდა სინოდის ყველა წევრისთვის ის განმარტებები, რომელიც პატრიარქის მოსაყდრის მიმართ
ფრაქცია „ქართული ოცნება - ძლიერი საქართველოსთვის“ წევრები არქიტექტორებს გამაჯანსაღებელი სივრცეების საკითხთან დაკავშირებით შეხვდნენ
საპარლამენტო ფრაქცია ,,ქართული ოცნება - ძლიერი საქართველოსთვის“ წევრები საკანონმდებლო ინიციატივასთან დაკავშირებით, რაც სპორტულ, გამაჯანსაღებელ
ქართველ ოლიმპიელთა ფორუმი 23 ივნისს გაიმართება
შოთა რუსთაველის სახელობის სახელმწიფო თეატრში 23 ივნისს, საქართველოს ეროვნული ოლიმპიური კომიტეტის ორგანიზებით, ქართველ ოლიმპიელთა ფორუმი გაიმართება.
ზაზა გაბუნია - ქალაქის იერსახე უნდა იყოს მოვლილი და დაცული დამახინჯების საფრთხისგან
საქართველოს პარლამენტის რეგიონული პოლიტიკის და თვითმმართველობის კომიტეტის თავმჯდომარე ზაზა გაბუნია, ადმინისტრაციულ სამართალდარღვევათა