არქივი
კურსი
კონვერტორი
USD
1 USD
2.5429
EUR
1 EUR
3.1082
RUB
100 RUB
4.4825
22-01-2018
ეროვნული სატყეო სააგენტო ბორჯომში სანიტარულ ჭრებთან დაკავშირებით განცხადებას ავრცელებს
17:46 17-06-2016
ეროვნული სატყეო სააგენტო ბორჯომში სანიტარულ ჭრებთან დაკავშირებით განცხადებას ავრცელებს ბორჯომში განსახორციელებელ სანიტარულ ჭრებთან დაკავშირებით, სსიპ ეროვნული სატყეო სააგენტო განცხადებას ავრცელებს.
ეროვნული სატყეო სააგენტო ბორჯომში, ე.წ „პლატოს“ ტერიტორიაზე დაფიქსირებულ, გზის გასწვრივ დასაწყობებულ მორებზე აკეთებს განმარტებას, რომლის ამსახველი ვიდეოკადრები სოციალურ ქსელში გავრცელდა.

განცხადების ტექსტს „ინტერპრესნიუსს“ უცვლელად გთავაზობთ.

„სოციალურ ქსელში ვრცელდება ვიდეოჩანაწერი, რომელიც გადაღებულია ბორჯომში, ე.წ „პლატოს“ ტერიტორიაზე და სადაც დაფიქსირებულია გზის გასწვრივ დასაწყობებული მორები.

მიუხედავად იმისა, რომ სსიპ ეროვნული სატყეო სააგენტოს მიერ ჯერ კიდევ გასული წლიდან ვრცელდებოდა ინფორმაცია, სამცხე-ჯავახეთში და პირველ რიგში, ბორჯომში განსახორციელებელ სანიტარულ ჭრებთან დაკავშირებით, საზოგადოების მაღალი ინტერესის გამო კიდევ ერთხელ ვრცლად განვმარტავთ ვიდეო ჩანაწერში ასახულ სიტუაციას.

წიწვოვანი კორომების მასიური ხმობა სამცხე-ჯავახეთში 2011 წლისთვის გამოვლინდა. 2011 წელს განხორციელებული სატყეო-პათოლოგიური შესწავლის საფუძველზე 2012 წლიდან სამცხე-ჯავახეთის რეგიონში ადიგენის, ასპინძა-ახალქალაქის, ახალცხისა და ბორჯომ-ბაკურიანის სატყეო უბნების ტერიტორიაზე სააგენტო ახორციელებდა გამოვლენილი მავნებლის (მბეჭდავი ქერქიჭამია - Ips typographus) წინააღმდეგ ბრძოლის ღონისძიებს ფერომონიანი მწერსაჭერებით (ტერიტორიაზე განთავსებული 5000 ცალი მწერსაჭერის მონიტორინგი სპეციალისტების მიერ პერმანენტულად ხორციელდება), მიუხედვად ბრძოლის ღონისძიებების შედეგად ხმობის ინტენსივობის კლებისა, საუკეთესო შედეგის მიღებისა და მავნებლის სრულად ლიკვიდიციისათვის აუცილებელია ბრძოლის ღონისძიებების გაგრძელება, მათ შორის სანიტარული ჭრების განხორციელება, რაც რეკომენდირებულია სატყეო-პათოლოგიური შესწავლითა და 2015 წელს ბრძოლის ღონისძიების შეფასების დოკუმენტით.

შესწავლის შედეგებზე დაყრდნობით ხმობის ყველაზე მაღალი ინტენსივობა დაფიქსირებულია ბორჯომ-ბაკურიანის სატყეო უბნის, ჩარხისწყლის სატყეოს (ე.წ ბორჯომის პლატო) ტერიტორიაზე.

მდგომარეობას ამძაფრებს ისიც, რომ აღნიშნული ტერიტორია, მისი დასახლებულ პუნქტთან სიახლოვის გამო წარმოადგენს ძირითად სარეკრეაციო ზონას და მნიშვნელოვანია მისი შენარჩუნება როგორც ეკოლოგიური მდგომარეობის შენარჩუნებისთვის, ასევე, რეგიონის ინფრასტრუქტურისა და ტურისტული პოტენციალის გაუმჯობესების ხელშეწყობის მიზნით. შესაბამისად, პირველ ეტაპზე სანიტარული ჭრები დაიგეგმა და ხორცილდება ზემოაღნიშნულ ტერიტორიაზე.

სანიტარულ ჭრები ხორციელდება ორგანიზებულად, სააგენტოსთან გაფორმებული ხელშეკრულების საფუძველზე. განმახორციელებელი კომპანია ვალდებულია, მავნებლით ძლიერ დაზიანებული ხმელი და ხმობადი ხეების მოჭრის გარდა განახორციელოს მოჭრილი ხის გაქერქვა, ჭრის ადგილების დასუფთავება, ჭრის ნარჩენისა და განაქერქის განადგურება (დაწვა) უსაფრთხოების წესების დაცვით.

პროცესს ზედამხედველობას სამცხე-ჯავახეთის სატყეო სამსახური უწევს.

მნიშვნელოვანია ისიც, რომ ჭრის დასრულების შემდეგ დაგეგმილია შესაბამისი ტყის აღდგენის ღონისძიებების განხორციელებაც.

ტყის ბუნებრივი განახლების ხელშეწყობის ღონისძიება აქ გასულ წელს დაიწყო 4 ჰა-ზე მეტი ტერიტორია გაიწმინდა და შეიღობა ძოვებისგან დაცვის მიზნით, ხოლო, სამომავლოდ დაგეგმილია 269 ჰექტარზე განხორციელდეს ტყის აღდგენის ღონისძიებების დაპროექტება/განხორციელება. ტყის აღდგენის სამუშაოების შეუფერხებლად წარმოებისა და ადგილობრივი სარგავი მასალით უზრუნველყოფის მიზნით, სააგენტოს მიერ ტყის დროებითი სანერგეების მოწყობა რეგიონში გასულ წელს დაიწყო.

მბეჭდავი ქერქიჭამია (Ips typographus) საქართველოში პირველად 1952 წელს გამოჩნდა. მავნე მწერი ჩრდილოეთის რეგიონებიდან იპორტირებულ გაუქერქავ ხე-ტყეს შემოჰყვა. ყველაზე დიდი ზიანი მავნებელმა სამცხე-ჯავახეთის რეგიონს, ბორჯომის ხეობას მიაყენა და იმ პერიოდისთვის მის შესაჩერებლად რიგ ადგილებში პირწმინდა ჭრების ჩატარებაც კი გახდა აუცილებელი.

ბორჯომში, ე.წ „პლატოს“ ტერიტორია ეროვნული სატყეო სააგნეტოსთვის ერთ-ერთი პრიორიტეტული და მნიშვნელოვანი ფართობია. აღნიშნულ ტერიტორიაზე სანიტარული ჭრების მუდმივ მონიტორინგს ანხორციელებს სამცხე-ჯავახეთის სატყეო სამსახური“, - ნათქვამია განცხადებაში.

InterPressNews.Ge
მასალის გამოყენების პირობები
სხვა სიახლეები
ილია მეორე - ქრისტიანობა არის ძალა, რომელიც გადაარჩენს კაცობრიობას და შეიყვანს სასუფეველში
სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში საკუთარი
კომპანია "აგარის შაქრის" პირველადი პროფკავშირული ორგანიზაცია დღეს ქარხნის წინ აქციას გამართავს
კომპანია "აგარის შაქრის" პირველადი პროფკავშირული ორგანიზაცია დღეს ქარხნის წინ აქციას გამართავს. აქციის მონაწილეეები ქარხნის მუშაობის
ნავენახევის მღვიმე პირველ ვიზიტორებს გაზაფხულზე მიიღებს
გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაცული ტერიტორიების სააგენტოს თავმჯდომარე, დავით
21 იანვარს საქართველოს ოთხივე სამთო კურორტზე „თოვლის მსოფლიო დღე“ აღინიშნება
საერთაშორისო სათხილამურო ფედერაციის (FIS) ინიციატივით უკვე მეშვიდე წელია ,,თოვლის მსოფლიო დღე“ აღინიშნება.
სამების საკათედრო ტაძარში დღეს ჩვილთა 52-ე საყოველთაო ნათლობა გაიმართება
დღეს, სამების საკათედრო ტაძარში ჩვილთა 52-ე საყოველთაო ნათლობა გაიმართება. როგორც "ინტერპრესნიუსს" პატრიარქის საყოველთაო ნათლობის
„აჭარის ავტონომიური რესპუბლიკის კონსტიტუციაში“ ცვლილებების შეტანის შესახებ პროექტის საჯარო განხილვა ხულოდან იწყება
“აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ავტონომიური რესპუბლიკის კონსტიტუციური კანონის
ნინო გვენეტაძე - თბილისის საქალაქო სასამართლოს ახალი შენობის მშენებლობის დასრულება 2021 წლისთვის იგეგმება
იუსტიციის უმაღლესი საბჭოსა და უზენაესი სასამართლოს თავმჯდომარის ნინო გვენეტაძის განცხადებით, სასამართლო პროცესების ეფექტურად
არასამთავრობო ორგანიზაციები - „ბასიანის“ ინციდენტი მართლმსაჯულების სისტემის ხარვეზებს წარმოაჩენს
არასამთავრობო ორგანიზაციები მიიჩნევენ, რომ „ბასიანის“ ინციდენტი მართლმსაჯულების სისტემის ხარვეზებს წარმოაჩენს. როგორც რამდენიმე
ამირან გამყრელიძე - ძალიან გთხოვთ, ნუ აიცრუებთ გულს ვაქცინაციაზე
დაავადებათა კონტროლის ცენტრის დირექტორი, ამირან გამყრელიძე მოსახლეობას მოუწოდებს, რომ ვაქცინაციაზე გული არ აიცრუოს.