არქივი
კურსი
კონვერტორი
USD
1 USD
2.7062
EUR
1 EUR
3.2112
RUB
100 RUB
4.6278
25-11-2017
ია ანთაძე - საზოგადოებრივი მაუწყებლის 10 გადაცემას „ზურგში ჰქონდა მოკიდებული“ 20 გადაცემა
17:02 17-02-2017
ია ანთაძე - საზოგადოებრივი მაუწყებლის 10 გადაცემას „ზურგში ჰქონდა მოკიდებული“ 20 გადაცემა საზოგადოებრივი მაუწყებლის 10 გადაცემა თავის მხრებზე ეწეოდა 20 გადაცემას, უფრო სწორად, ვერ ეწეოდა და ამის გამო მაყურებლების რაოდენობა მუდმივად იკლებდა, - ამის შესახებ საზოგადოებრივი მაუწყებლის დირექტორის მრჩეველმა ია ანთაძემ ახალ გეგმაზე კომენტირების დროს განაცხადა, რომელიც ე.წ. წითელ ზოლში მყოფი დაბალრეიტინგული გადაცემების დახურვას ითვალისწინებს.

ია ანთაძის განცხადებით, ხარისხობრივი და ზეგავლენის კვლევები მოითხოვს როგორც ფინანსებს, ასევე დროს, ამიტომაც არხის მენეჯმენტმა მიზანშეწონილად მიიჩნია, რეფორმა განხორციელდეს ობიექტურ კრიტერიუმებზე დაყრდნობით. მისივე განცხადებით, „ფიფლმეტრებით“ გაიზომა არხის რეიტინგი და აღმოჩნდა, რომ „ზოგი გადაცემა არის არხის საშუალო რეიტინგზე მაღალი, ზოგი ინარჩუნებს სტატუს-კვოს, ზოგი კი იწვევს „მაყურებლის მიგრაციას“ ანუ მაყურებელი იღებს პულტს და სხვა არხზე რთავს“.

ია ანათაძის განცხადებით, მსჯელობის შედეგად უნდა გადაწყდეს, ბორდს სურს თუ არა რეალური რეფორმა.

„რა გადაცემებიც დაგვხვდა ეთერში, მათთან დაკავშირებით არანაირი ეჭვი არ არსებობდა არასდროს, იმიტომ, რომ ეს იყო ტელევიზია, რომელიც ქმნიდა გადაცემებს იმ ნიშნით, რომ ისინი უნდა ყოფილიყო ხარისხიანი, ღირებულებებზე ორიენტირებული. ერთადერთი რასაც არ ითვალისწინებდნენ, იყო ის, - ჰყავს თუ არა მაყურებელი გადაცემებს. ამბობდნენ, რომ ეს არის უმნიშვნელო, შედეგად მივიღეთ ის, რომ წლიდან წლამდე ეცემოდა არხის რეიტინგი და ამას ადასტურებს „ფიფლმეტრებიც“ და სხვა კვლევებიც.

იმის გათვალისწინებით, რომ ხარისხობრივი კვლევა და ზეგავლენის კვლევა არის ძალიან გრძელვადიანი კვლევები, რომლებიც მოითხოვს როგორც დროს, ასევე დიდ ფინანსებს, ჩვენ მივიჩნიეთ, რომ თუ რეფორმა გვინდა, აუცილებელია გადაწყვეტილების მიღება რაც შეიძლება ობიექტურ კრიტერიუმზე დაყრდნობით. ეს არის ის კრიტერიუმი, რომლის მიუკერძოებლობასთან დაკავშირებით არ შეიძლება კითხვა გაჩნდეს, ეს არის შეწონილი რეიტინგი ყველა გადაცემის 12 სექტემბრიდან 12 თებრვლამდე 6 თვის განმავლობაში, რომლის მიხედვითაც ზოგი გადაცემა არის არხის საშუალო რეიტინგზე მაღალი, ზოგი ინარჩუნებს სტატუს-კვოს, ზოგი კი იწვევს „მაყურებლის მიგრაციას“ ანუ მაყურებელი იღებს პულტს და სხვა არხზე რთავს.

მარტივად რომ ვთქვათ, არხის 10 გადაცემას ზურგში ჰქონდა მოკიდებული ე.წ ყვითელ ზოლში მყოფი ხუთი გადაცემის და ე.წ წითელ ზოლში მყოფი 15 გადაცემის ტვირთი“, - განაცხადა ია ანთაძემ.

საზოგადოებრივი მაუწყებლის მენეჯმენტის წევრმა, გიორგი გვიმრაძემ არხის მენეჯმენტსა და სამეურვეო საბჭოს საზოგადოებრივი მაუწყებლის გადაცემების ნაწილის დახურვისა და ნაწილის სამაუწყებლო ბადეში დატოვების სავარაუდო გეგმა წარუდგინა.

გეგმის მიხედვით, სამაუწყებლო ბადეში რჩება ე.წ მწვანე ზოლში არსებული გადაცემები, რომლებიც იზიდავს მაყურებელს და რეიტინგი მაღალია. მათ შორისაა გადაცემები: "გამომძიებელი რეპორტიორი", "გურმანი", "ფერმა", "ჰოპლა! ჩვენ ვცოცხლობთ", "შაბათს საღამოს ლიზასთან", "წიგნების თარო", "ტელებლოგი", "პირადი ექიმი", "სიტყვების თამაში", "გააგრძელე საქართველოს ისტორია".

ასევე, სამაუწყებლო ბადეში რჩება მეორე კატეგორია, ე.წ ყვითელ ზოლში მყოფი გადაცემები, რომლებიც საშუალო რეიტინგისაა, მათ შორისაა, "დოკუმენტური ფილმების სტუდია", "ეპოქა", "დღე მუზეუმში", "რადიო თავისუფლება - ინტერview".

გიორგი გვიმრაძის გეგმის მიხედვით, სამაუწყებლო ბადიდან ამოღებული უნდა იქნეს ე.წ წითელ ზოლში მყოფი გადაცემები, რომლებიც დაბალი რეიტინგისაა და "მაყურებლის მიგრაციას" იწვევს, მათ შორისაა გადაცემები: "ხანმოკლე XX საუკუნე", "ეკონომეტრი", "ვაშინგტონი დღეს", "სპორტი 360 გრაუსი", მთავარი", "რეალური სივრცე", "ვექტორი", "სპორტის დაფა", "რადიო თავისუფლება - წითელი ზონა", "ტელემანი", "კაცების დრო", "C სტუდია", "უცნობი მუსიკა".

არხის მენეჯმენტი აცხადებს, რომ ეს საბოლოო ვარიანტი არ არის და საკითხზე მუშაობას სამშაბათს, 21 თებერვალს გააგრძელებენ.
მასალის გამოყენების პირობები
სხვა სიახლეები
კახა კალაძე სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს
თბილისის მერი კახა კალაძე ბათუმში, სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს.
გიორგი მარგველაშვილი - შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა
შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა, - ამის შესახებ ნათქვამია საქართველოს პრეზიდენტის განცხადებაში ბათუმში, სასტუმრო
 ირაკლი კობახიძე ბათუმში ხანძრის შედეგად გარდაცვლილთა ოჯახებს უსამძიმრებს
საქართველოს პარლამენტის თავმჯდომარე ირაკლი კობახიძე ბათუმში, ხანძრის შედეგად გარდაცვლილთა ოჯახებს უსამძმრებს.
დედაქალაქის ანძა ნარინჯისფრად განათდა
გაერო-ს ქალთა ორგანიზაციის საქართველოს ოფისის ინიციატივითა და თბილისის მერიის მხარდაჭერით, დედაქალაქის ანძა ნარინჯისფრად განათდა.
ლორიკ მარშანიას დაბადებიდან 85 წლისადმი მიძღვნილი ხსოვნის საღამო გაიმართა
აფხაზეთის ავტონომიური რესპუბლიკის მთავრობის ორგანიზებით, ვალერი არქანიას სახელობის არტ-გალერეაში პოლიტიკოსის, მეცნიერისა და საზოგადო მოღვაწის, ვახტანგ გორგასლის I ხარისხის
უჩა ნანუაშვილი - სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი
სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი, - ამის შესახებ საქართველოს სახალხო დამცველმა, უჩა ნანუაშვილმა,
თბილისის აბრეშუმის გზის ფორუმზე პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი ი ხიოჟუნი ი სიაოჭუნი იქნება
თბილისის აბრეშუმის გზის ფორუმზე, 28 ნოემბერს, პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი, მსოფლიო სავაჭრო ორგანიზაციის გენერალური დირექტორის
გია ჟორჟოლიანის ვარაუდით, უმრავლესობა ომბუდსმენის პოსტზე არასამთავრობოების მიერ წარდგენილი 4 კანდიდატის გარდა, სხვა კანდიდატურებსაც განიხილავს
დეპუტატ გია ჟორჟოლიანის ვარაუდით, საპარლამენტო უმრავლესობა სახალხო დამცველის პოსტზე არასამთავრობო ორგანიზაციების მიერ წარდგენილი
თოიძის სახელობის სამხატვრო სასწავლებლის ყოფილი შენობა იყიდება
პროექტის „50 ქონება შენი სასტუმროსთვის“ ფარგლებში, საქართველოს ეკონომიკისა და მდგრადი განვითარების სამინისტროს სახელმწიფო ქონების სააგენტომ,
ქართულ სტარტაპს „Forbes Startup 2017“- ის წოდება მიენიჭა
საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს სტარტაპს WiFisher-ს Forbes Startup 2017-ის წოდება მიენიჭა.