არქივი
კურსი
კონვერტორი
USD
1 USD
2.7062
EUR
1 EUR
3.2112
RUB
100 RUB
4.6278
25-11-2017
თბილისში EaPeReg ქსელის ექსპერტთა სამუშაო ჯგუფების სამუშაო შეხვედრა იმართება
18:52 17-02-2017
თბილისში EaPeReg ქსელის ექსპერტთა სამუშაო ჯგუფების სამუშაო შეხვედრა იმართება თბილისში, სასტუმრო „თბილისი მარიოტში“, 20 თებერვალს, ევროკავშირისა და აღმოსავლეთ პარტნიორობის ქვეყნების ელექტრონული კომუნიკაციების მარეგულირებელი ორგანოების დამოუკიდებელი პლატფორმის, EaPeReg ქსელის ექსპერტთა სამუშაო ჯგუფების შეხვედრა გაიხსნება.

როგორც ”ინტერპრესნიუსს” საქართველოს კომუნიკაციების ეროვნული კომისიიდან აცნობეს, შეხვედრას საქართველოს კომუნიკაციების ეროვნული კომისიის თავმჯდომარე, ვახტანგ აბაშიძე და ექსპერტთა ჯგუფების თანათავმჯდომარეები გახსნიან. ექსპერტთა სამუშაო ჯგუფებში გაერთიანებულები არიან აღმოსავლეთ პარტნიორობის, (აზერბაიჯანი, ბელორუსი, მოლდოვა, საქართველო, სომხეთი, უკრაინა), ევროკავშირისა (გერმანია, ლატვია, ლიტვა, პოლონეთი, პორტუგალია, რუმინეთი) და მაკედონიის ქვეყნების ელექტრონული კომუნიკაციების მარეგულირებელი ორგანოების წარმომადგენლები.
მათივე ინფორმაციით, შეხვედრის მიზანია ჯგუფების 2017 წლის სამუშაო გეგმისა და ფორმატის შემუშავება და დამტკიცება, ევროპის ექსპერტთა ჯგუფების გამოცდილების გაზიარება, შესაბამისი საერთაშორისო ორგანიზაციების საქმიანობის განხილვა. კონფერენცია სამი დღის განმავლობაში: 20, 21 და 22 თებერვალს გაგრძელდება.

სიხშირული სპექტრისა და ბენჩმარკინგის (შედარებითი ანალიზის) ექსპერტთა სამუშაო ჯგუფები 2015 წლის 5 ნოემბერს EaPeReg ქსელის პლენარულ სესიაზე, საქართველოს კომუნიკაციების ეროვნული კომისიის ინიციატივით, შეიქმნა.

სიხშირული სპექტრის ექსპერტთა სამუშაო ჯგუფის (SEWG) თავმჯდომარეა გერმანიის მარეგულირებელი ორგანო, ელმარ ცილესის (მაუწყებლობის დეპარტამენტის უფროსი) წარმომადგენლობით; ხოლო თანათავმჯდომარე - საქართველოს კომუნიკაციების ეროვნული კომისია, რომან ქურდაძის (რადიოსიხშირეთა მართვის დეპარტამენტის წამყვანი სპეციალისტი) წარმომადგენლობით. ჯგუფის წევრები კომისიის აპარატიდან, ასევე, არიან: სერგო შავგულიძე (რადიოსიხშირეთა მართვის დეპარტამენტის უფროსი) და ნოდარ ასპანიძე (რადიოსიხშირეთა მართვის დეპარტამენტის მთავარი სპეციალისტი).
ბენჩმარკინგის ექსპერტთა სამუშაო ჯგუფის (BEWG) თავმჯდომარეა მოლდოვას ეროვნული მარეგულირებელი სააგენტო, რომან ბაჰნარუს (მარეგულირებელი დეპარტამენტის უფროსის მოადგილე) წარმომადგენლობით; ხოლო თანათავმჯდომარე - რუმინეთის მარეგულირებელი ორგანო, ბოგდან ვასილესკუს (ეკონომიკური რეგულირების დეპარტამენტის სტატისტიკური მონაცემების განყოფილების უფროსი) წარმომადგენლობით. ჯგუფის წევრები კომისიის აპარატიდან, ასევე, არიან: დავით გოგიჩაიშვილი (კონკურენციის ხელშეწყობის დეპარტამენტის უფროსი) და რატი სხირტლაძე (სტრატეგიული განვითარებისა და ბაზრის კვლევის დეპარტამენტის უფროსი), რომელიც გააკეთებს მოხსენებას მონაცემთა შეგროვების საკითხზე.

პასუხისმგებელი ჯგუფების მუშაობის ორგანიზაციულ საკითხებზე, შესაბამის ევროპულ ჯგუფებს შორის ურთიერთთანამშრომლობის კოორდინაციის ჩათვლით, არის მზია გოგილაშვილი (საერთაშორისო ურთიერთობების სამსახურის მთავარი სპეციალისტი).

ევროკავშირისა და აღმოსავლეთ პარტნიორობის ქვეყნების ელექტრონული კომუნიკაციების მარეგულირებელი ორგანოების დამოუკიდებელი პლატფორმა, EaPeReg ქსელი, შეიქმნა 2012 წლის 11 სექტემბერს, მოლდოვაში გამართულ პლენარულ სესიაზე, ავსტრიის ელექტრონული კომუნიკაციების მარეგულირებელი ორგანოს ინიციატივითა და ევროკომისიის ხელშეწყობითა და დაფინანსებით.

ქსელის საქმიანობის მიზანია პარტნიორი ქვეყნების ეკონომიკურ-სოციალური განვითარების ხელშეწყობა მათი ელექტრონული საკომუნიკაციო ბაზრების განვითარების კუთხით, ევროკავშირისა და აღმოსავლეთ პარტნიორობის ქვეყნების მტკიცე და ხანგრძლივი თანამშრომლობის გზით.

დეტალური ინფორმაციის ნახვა ქსელისა და მისი საქმიანობის შესახებ შესაძლებელია ქსელის ვებ-გვერდზე:www.eapereg.org ან დაუკავშირდეთ ქალბატონ მზია გოგილაშვილს: mgogilashvili@gncc.ge.



InterPressNews.Ge
მასალის გამოყენების პირობები
სხვა სიახლეები
კახა კალაძე სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს
თბილისის მერი კახა კალაძე ბათუმში, სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს.
გიორგი მარგველაშვილი - შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა
შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა, - ამის შესახებ ნათქვამია საქართველოს პრეზიდენტის განცხადებაში ბათუმში, სასტუმრო
 ირაკლი კობახიძე ბათუმში ხანძრის შედეგად გარდაცვლილთა ოჯახებს უსამძიმრებს
საქართველოს პარლამენტის თავმჯდომარე ირაკლი კობახიძე ბათუმში, ხანძრის შედეგად გარდაცვლილთა ოჯახებს უსამძმრებს.
დედაქალაქის ანძა ნარინჯისფრად განათდა
გაერო-ს ქალთა ორგანიზაციის საქართველოს ოფისის ინიციატივითა და თბილისის მერიის მხარდაჭერით, დედაქალაქის ანძა ნარინჯისფრად განათდა.
ლორიკ მარშანიას დაბადებიდან 85 წლისადმი მიძღვნილი ხსოვნის საღამო გაიმართა
აფხაზეთის ავტონომიური რესპუბლიკის მთავრობის ორგანიზებით, ვალერი არქანიას სახელობის არტ-გალერეაში პოლიტიკოსის, მეცნიერისა და საზოგადო მოღვაწის, ვახტანგ გორგასლის I ხარისხის
უჩა ნანუაშვილი - სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი
სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი, - ამის შესახებ საქართველოს სახალხო დამცველმა, უჩა ნანუაშვილმა,
თბილისის აბრეშუმის გზის ფორუმზე პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი ი ხიოჟუნი ი სიაოჭუნი იქნება
თბილისის აბრეშუმის გზის ფორუმზე, 28 ნოემბერს, პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი, მსოფლიო სავაჭრო ორგანიზაციის გენერალური დირექტორის
გია ჟორჟოლიანის ვარაუდით, უმრავლესობა ომბუდსმენის პოსტზე არასამთავრობოების მიერ წარდგენილი 4 კანდიდატის გარდა, სხვა კანდიდატურებსაც განიხილავს
დეპუტატ გია ჟორჟოლიანის ვარაუდით, საპარლამენტო უმრავლესობა სახალხო დამცველის პოსტზე არასამთავრობო ორგანიზაციების მიერ წარდგენილი
თოიძის სახელობის სამხატვრო სასწავლებლის ყოფილი შენობა იყიდება
პროექტის „50 ქონება შენი სასტუმროსთვის“ ფარგლებში, საქართველოს ეკონომიკისა და მდგრადი განვითარების სამინისტროს სახელმწიფო ქონების სააგენტომ,
ქართულ სტარტაპს „Forbes Startup 2017“- ის წოდება მიენიჭა
საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს სტარტაპს WiFisher-ს Forbes Startup 2017-ის წოდება მიენიჭა.