არქივი
კურსი
კონვერტორი
USD
1 USD
2.4804
EUR
1 EUR
2.9708
RUB
100 RUB
4.3075
23-09-2017
საფინანსო სექტორის ზედამხედველობის ფუნქცია ისევ ეროვნულ ბანკს დაუბრუნდება
11:53 21-02-2017
საფინანსო სექტორის ზედამხედველობის ფუნქცია ისევ ეროვნულ ბანკს დაუბრუნდება მთავრობის სხდომაზე ჩვენ წარვადგინეთ ჯამში 17 კანონისგან შემდგარი პროექტი, რომელიც ითვალისწინებს საფინანსო სექტორის ზედამხედველობის ეროვნულ ბანკში დაბრუნებას, - ამის შესახებ პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მთავრობის სხდომის შემდეგ გამართულ პრესკონფერენციაზე განაცხადა.

„როგორც ცნობილია, 2015 წელს პარლამენტმა მიიღო კანონპროექტებში ცვლილება, რომლის მიხედვით, საფინანსო სექტორის ზედამხედველობა უნდა გადასულიყო დამოუკიდებელი საჯარო სამართლის იურიდიულ პირთან, საქართველოს საფინანსო ზედამხედველობის სააგენტოსთან. ამის შემდეგ საკონსტიტიუციო სასამართლოში მოხდა აღნიშნული კანონპროექტების გასაჩივრება. ჩვენ რამოდენიმეჯერ განვაცხადეთ რომ, ბოლო პერიოდში მომხდარი ცვლილებების შედეგად ვთვლიდით, რომ საფინანსო სექტორის ზედამხედველობა უნდა დაბრუნებულიყო ეროვნულ ბანკში. აქედან გამომდინარე, ჩვენ აღარ ველოდებით საკონსტიტუციო სასამართლოს მსჯელობას ამ საკითხზე და შესაბამისად, საქართველოს პარლამენტს წარვუდგენთ პირვანდელი სახით იმ კანონპროექტებს, რომელიც საფინანსო სექტორის ზედამხედველობას ეხება.
ამევე დროს მინდა განვაცხადო, რომ ვართ ძალიან აქტიურ პროცესში საერთაშორისო სავალუტო ფონდთან მოლაპარაკებებში, რომელთათვისაც ასევე ძალიან მნიშვნელოვანი და დადებითი მოვლენაა აღნიშნული გადაწყვეტილება “, - განაცხადა ქუმსიშვილმა.

ეროვნულ ბანკს საფინანსო ზედამხედველობის სამსახური წინა მოწვევის პარლამენტის დეპუტატების, თამაზ მეჭიაურისა და ნოდარ ებანოიძის მიერ ინიცირებული კანონპროექტის შედეგად გამოეყო, რომელსაც საპარლამენტო უმრავლესობამ მხარი დაუჭირა. კანონპროექტის თანახმად, საფინანსო ზედამხედველობის სამსახური ეროვნული ბანკისგან გამოიყო ის ცალკე სააგენტოდ ჩამოყალიბდა. პარლამენტმა ასევე მთავრობის მიერ შეთავაზებული სააგენტოს საბჭოს ოთხი წევრი დაამტკიცა. იმჟამინდელმა მმართველმა უმრავლესობამ მხარი დაუჭირა საბჭოს წევრად 5 წლის ვადით წარდგენილ ეფრემ ურუმაშვილის კანდიდატურას, ხოლო 7 წლის ვადით - ეკატერინე გალდავას, ირაკლი კოვზანაძისა და საშა ტერნესის კანდიდატურებს. საბჭომ მისი შემადგენლობიდან ხელმძღვანელად ირაკლი კოვზანაძე აირჩია. ფინანსური ზედამხედველობის სააგენტოს უფროსად კი 7 წლის ვადით პარლამენტმა კოტე სულამანიძე დაამტკიცა.

კანონპროექტი დამტკიცებამდე პარლამენტში ხმაურისა და კრიტიკის ფონზე განიხილებოდა. ფინანსური ზედამხედველობის სამსახურის ეროვნული ბანკის შემადგენლობიდან გასვლას ეწინააღმდეგებოდა საქართველოს პრეზიდენტი. მან პარლამენტის მიერ მიღებულ კანონპროექტს ვეტო დაადო, თუმცა საკანომდებლო ორგანომ გიორგი მარგველაშვილის შენიშვნები არ გაითვალისწინა.

საბოლოოდ, ეროვნული ბანკიდან საფინანსო ზედამხედველობის სამსახურის გამოყოფა საკონსტიტუციო სასამართლოში გასაჩივრდა. საკონსტიტუციო სასამართლომ საქმეზე საბოლოო გადაწყვეტილების მიღებამდე, ახალი ნორმის მოქმედება შეაჩერა, რის გამოც ეროვნულ ბანკს გამოყოფილმა ფინანსური ზედამხედველობის სააგენტომ ფუნქციონირება ვერ დაიწყო.





მასალის გამოყენების პირობები
სხვა სიახლეები
ნინო ბურჯანაძე - ზურაბ სოტკილავასთვის ორი რამ იყო ყველაზე მთავარი - სიმღერა და სამშობლო
ზურაბ სოტკილავასთვის ორი რამ იყო ამ ქვეყანაზე ყველაზე მთავარი - სიმღერა და მისი სამშობლო საქართველო,
დავით ნარმანია - ზურაბ სოტკილავა იყო ადამიანი, რომელმაც უდიდესი წვლილი შეიტანა ქართული კულტურის განვითარებაში
ზურაბ სოტკილავა იყო ადამიანი, რომელმაც უდიდესი წვლილი შეიტანა ქართული კულტურის განვითარებაში, - ამის შესახებ თბილისის მერმა
კავკასიის საერთაშორისო უნივერსიტეტში ეუთო-ს მხარდამჭერი საერთაშორისო ახალგაზრდული ქსელის მე-3 კონფერენცია გაიმართა
ჰელსინკის მოქალაქეთა ასამბლეის საქართველოს ეროვნული კომიტეტის 25 წლისთავისა და მშვიდობის საერთაშორისო დღისადმი მიძღვნილი ეუთო-ს
პატრიარქი თბილისის აეროპორტში ქეთევან დედოფლის წმინდა ნაწილის ჩამობრძანებას დაესწრება
კათოლიკოს-პატრიარქი ილია მეორე დღეს თბილისის საერთაშორისო აეროპორტში წმინდა დიდმოწამის, დედოფალ ქეთევანის წმინდა ნაწილის
გიორგი ბირბიჩაძე - კახა კალაძის პროგრამული ხედვა ქალაქის საჭიროებებს პასუხობს
”ქართული ოცნება – დემოკრატიული საქართველოს“ ვაკის მაჟორიტარობის კანდიდატი გიორგი ბირბიჩაძე მოსახლეობასთან შეხვედრებს განაგრძობს.
ოპერისა და ბალეტის სახელმწიფო თეატრში ზურაბ სოტკილავას სამოქალაქო პანაშვიდი მიმდინარეობს
ოპერისა და ბალეტის სახელმწიფო თეატრში ცნობილი საოპერო მომღერლის ზურაბ სოტკილავას სამოქალაქო პანაშვიდი მიმდინარეობს.
გიორგი გახარია - მე არ მაქვს არანაირი ბიზნესინტერესები არა მხოლოდ რუსეთის, არამედ არც ერთი სხვა რომელიმე ქვეყნის კომპანიებში
უკვე დიდი ხანია, მე არ მაქვს არანაირი ბიზნესინტერესები არა მხოლოდ რუსეთის, არამედ არც ერთი სხვა რომელიმე ქვეყნის კომპანიებში,
პროგრამის „დანერგე მომავალი“ ფარგლებში გაშენებულ ბაღებში მოსავლის აღება გრძელდება
გორის რაიონში, სოფელ ძევერაში პროექტის „დანერგე მომავალი“ ფარგლებში, შპს „ნილ ედვაიზორი გრუპმა“ ახალი ხეხილის ბაღი 2015 წელს გააშენა.
ჩინეთის საგარეო საქმეთა სამინისტროს წარმომადგენელი - საქართველოს ვუყურებთ, როგორც მნიშვნელოვან პარტნიორს სამხრეთ კავკასიის რეგიონში
ჩვენ საქართველოს ვუყურებთ, როგორც მნიშვნელოვან პარტნიორს სამხრეთ კავკასიის რეგიონში, - ამის შესახებ ჩინეთის საგარეო საქმეთა სამინისტროს
დავით საგანელიძე - ჩინური მხარე საქართველოში 10 000-12 000 ჰექტარზე ჩაის პლანტაციების აღდგენისთვის ინვესტიციების განხორციელებას გეგმავს
ჩინური მხარე საქართველოში დაახლოებით, 10 000-12 000 ჰექტარზე ჩაის პლანტაციების აღდგენისთვის ინვესტიციების განხორციელებას გეგმავს,