არქივი
«« აგვისტო 2017 »»
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
კურსი
კონვერტორი
USD
1 USD
2.3895
EUR
1 EUR
2.8067
RUB
100 RUB
4.0213
19-08-2017
გიორგი გახარია ირანის ისლამური რესპუბლიკის საგარეო საქმეთა მინისტრის მოადგილეს შეხვდა
19:54 20-03-2017
გიორგი გახარია ირანის ისლამური რესპუბლიკის საგარეო საქმეთა მინისტრის მოადგილეს შეხვდა ეკონომიკისა და მდგრადი განვითარების მინისტრი გიორგი გახარია ირანის ისლამური რესპუბლიკის საგარეო საქმეთა მინისტრის მოადგილეს იბრაჰიმ რაჰიმფურს შეხვდა.

როგორც „ინტერპრესნიუსს“ ეკონომიკისა და მდგრადი განვითარების სამინსიტროდან აცნობეს, ეკონომიკის სამინისტროში გამართულ შეხვედრაზე ორ ქვეყანას შორის სავაჭრო-ეკონომიკური ურთიერთობების საკითხები განიხილეს.

უწყების ინფორმაციით, შეხვედრას ირანის ელჩი საქართველოში სეიდ ჯავად ყავამშაჰიდი, ეკონომიკის მინისტრის მოადგილე გენადი არველაძე, ასევე საქართველოს საგარეო საქმეთა სამინისტროსა და ირანის საელჩოს წარმომადგენლები ესწრებოდნენ.

როგორც შეხვედრაზე ითქვა, ირანსა და საქართველოს შორის აქტიური თანამშრომლობა მიმდინარეობს სავაჭრო-ეკონომიკურ, საინვესტიციო, სოფლის მეურნეობის და ტურიზმის სფეროებში.

„2016 წლის მონაცემებით, საქართველოდან ირანში პროდუქციის ექსპორტი 30%-ით არის გაზრდილი. ძირითად საექსპორტო პროდუქციას წარმოადგენს ფეროშენადნობები, მსუბუქი ავტომობილები, სამკურნალო საშუალებები, ცხვრის ხორცი და სხვა. შეხვედრაზე აღინიშნა, რომ საქართველოს გააჩნია პოტენციალი ირანში ასევე განახორციელოს მინერალური და მტკნარი წყლების, ხილ-ბოსტნეულის წვენებისა და კონსერვების, ჩაის და შაქრის შემცველი გაზიანი სასმელების ექსპორტი.

გიორგი გახარიამ და იბრაჰიმ რაჰიმფურმა ტურიზმის სფეროში აქტიური ურთიეთთანამშრომლობის შესახებაც ისაუბრეს. შეხვედრაზე ითქვა, რომ ირანი, საქართველოში შემოსული ვიზიტორების რაოდენობის მიხედვით, მე-6 ადგილს იკავებს 15 ტოპ-ქვეყანას შორის. სტატისტიკური მონაცემების თანახმად, 2016 წელს, საქართველოში ირანიდან 147 915 ტურისტი შემოვიდა, რაც 2015 წლის მაჩვენებელს 5-ჯერ აღემატება“, - ნათქვამია ინფორმაციაში.

InterPressNews.Ge
მასალის გამოყენების პირობები