არქივი
კურსი
კონვერტორი
USD
1 USD
2.4738
EUR
1 EUR
2.9661
RUB
100 RUB
4.2619
20-09-2017
სახელმწიფო აუდიტის სამსახურის ანგარიშების განმხილველი სამუშაო ჯგუფის სხდომა გაიმართა
20:28 20-03-2017
სახელმწიფო აუდიტის სამსახურის ანგარიშების განმხილველი სამუშაო ჯგუფის სხდომა გაიმართა სახელმწიფო აუდიტის სამსახურის ანგარიშების განმხილველი სამუშაო ჯგუფის სხდომა გაიმართა. როგორც ”ინტერპრესნიუსს” საქართველო პარლამენტიდან აცნობეს, სახელმწიფო აუდიტის სამსახურის ანგარიშების განმხილველი სამუშაო ჯგუფის პირველ სხდომაზე ჯგუფის წევრებმა, სამუშაო ჯგუფის ხელმძღვანელად, საფინანსო-საბიუჯეტო კომიტეტის თავმჯდომარის პირველი მოადგილე, პაატა კვიჟინაძე აირჩიეს.

მათივე ინფორმაციით, დღევანდელ სხდომაზე სახელმწიფო აუდიტის სამსახურის ეფექტიანობის აუდიტის დეპარტამენტის უფროსმა, ირაკლი წიწილაშვილმა ჯგუფის წევრებს აუდიტის ანგარიში „უმაღლესი განათლების ხარისხის უზრუნველყოფის გარე მექანიზმები“ წარუდგინა.
ირაკლი წიწილაშვილის განმარტებით, ამ დრომდე უმაღლესი განათების სფეროში ეფექტიანობის აუდიტი არ ჩატარებულა და სახელმწიფო აუდიტის სამსახურმა გადაწყვიტა პირველ ეტაპზე უმაღლესი განათლების ხარისხის უზრუნველყოფის გარე მექანიზმები შეესწავლა. ანგარიში განათლების ხარისხის ეროვნული ცენტრის მიერ განხორციელებულ ღონისძიებებს ეხება და მასში უმაღლესი განათლების ხარისხის უზრუნველყოფის გარე მექანიზმების ნაკლოვანებებია ასახული.

აუდიტის სამსახურმა ჩატარებული ანალიზისა და გამოტანილი დასკვნების საფუძველზე სამუშაო ჯგუფს სარეკომენდაციო ნაწილთან ერთად, შესაბამისი რეკომენდაციები წარუდგინა, რომელთა შესრულების შემთხვევაში უმაღლესი საგანმანათლებლო პროგრამების ხარისხის მნიშვნელოვანი ზრდაა შესაძლებელი.

სახელმწიფო აუდიტის სამსახურის ანგარიშების განმხილველი სამუშაო ჯგუფის სხდომაზე, აუდიტის სამსახურის მიერ წარმოდგენილი ანგარიშის დეტალური განხილვისას, აუდიტის სამსახურისა და განათლების ხარისხის განვითარების ეროვნული ცენტრის წარმომადგენლებმა დეპუტატების შეკითხვებს გასცეს პასუხები და შესაბამისი განმარტებები გააკეთეს.

განათლების ხარისხის უზრუნველყოფის სამსახურის უფროსის, ლაშა მარგიშვილის თქმით, ცენტრი სრულად იზიარებს აუდიტის სამსახურის ანგარიშში წარმოდგენილ რეკომენდაციებს და შესაბამისად, მათი მხრიდან გარკვეული ნაბიჯები უკვე გადადგმულია დასკვნაში ასახული მითითებების გაუმჯობესების მიმართულებით.

„დღეს გვქონდა პირველი შეხვედრა რაც ჩვენთვის ძალიან მნიშვნელოვანია. მსოფლიოს ძალიან ბევრ ქვეყანაში აუდიტის სამსახური არის პარლამენტის პარტნიორი, რომელმაც პარლამენტის მიერ გამოყოფილი თანხების ეფექტურობა და მიზნობრიობა უნდა შეისწავლოს. პირველმა სხდომამ კონსტრუქციულ და საქმიან ვითარებაში ჩაიარა და იმედი გვაქვს, რომ კომისია ასევე გააგრძელებს მუშაობას. ჩვენი სურვილია, რომ პროცესი, რომელიც წინა მოწვევის პარლამენტში დაიწყო, ახალ სიმაღლეზე ავიყვანოთ,“-განაცხადა სახელმწიფო აუდიტის სამსახურის ანგარიშების განმხილველი სამუშაო ჯგუფის ხელმძღვანელმა, პაატა კვიჟინაძემ.

სამუშაო ჯგუფის წევრებმა აუდიტის სამსახურის მიერ წარმოდგენილი რეკომენდაციები გაიზიარეს. სხდომაზე გამოთქმული მოსაზრებებისა და წინადადებების გათვალისწინებით, სახელმწიფო აუდიტის სამსახურის ანგარიშების განმხილველი პარლამენტის სამუშაო ჯგუფი რეკომენდაციებს შეიმუშავებს და შესაბამის კომიტეტს წარუდგენს.

პაატა კვიჟინაძის განმარტებით, სამუშაო ჯგუფში აუდიტის სამსახურის მიერ განსახილველად წარმოდგენილია დასკვნები გასულ, 2016 წელს შემოწმებული 86 ობიექტის თაობაზე. ჯგუფი ამ ფორმატში მუშაობას მომავალშიც გააგრძელებს.


InterPressNews.Ge
მასალის გამოყენების პირობები
სხვა სიახლეები
თბილისის სახელმწიფო სამედიცინო უნივერსიტეტის დიპლომირებული მედიკოსის ამერიკული პროგრამა „თეთრი ხალათების ცერემონიას“ გამართავს
თბილისის სახელმწიფო სამედიცინო უნივერსიტეტის დიპლომირებული მედიკოსის ამერიკული პროგრამა ხვალ „თეთრი ხალათების ცერემონია 2017“-ს გამართავს.
ხელბურთის ეროვნული ფედერაციის მიერ გაწეული საქმიანობის ანგარიში და სამომავლო გეგმები სპორტის კომიტეტში მოისმინეს
საქართველოს ხელბურთის ეროვნული ფედერაციის მიერ გაწეული საქმიანობის ანგარიში და სამომავლო გეგმები დღეს სპორტისა და ახალგაზრდულ
 თსუ ყოველწლიურ საერთაშორისო კონფერენციას “ჰუმბოლდტ-კოლეგ” უმასპინძლებს
თბილისის სახელმწიფო უნივერსიტეტი ყოველწლიურ საერთაშორისო კონფერენციას “ჰუმბოლდტ-კოლეგ” უმასპინძლებს.
„ბანკმა ქართუმ“, შესაძლოა, მის წინააღმდეგ გაკეთებული საქმიანი რეპუტაციის შემლახველი ცილისმწამებლური განცხადებების გამო, სასამართლოს სარჩელით მიმართოს
„ბანკმა ქართუმ“, შესაძლოა, მის წინააღმდეგ გაკეთებული საქმიანი რეპუტაციის შემლახველი ცილისმწამებლური განცხადებების გამო, სასამართლოს სარჩელით მიმართოს.
პეტრე კანკავამ საერთაშორისო ბანაკის გახსნაში მიიღო მონაწილეობა
შერიგებისა და სამოქალაქო თანასწორობის საკითხებში სახელმწიფო მინისტრის პირველმა მოადგილემ, პეტრე კანკავამ ბაზალეთში, საერთაშორისო
საერთო-სამოქალაქო მოძრაობა „მრავალეროვანი საქართველო“ საინფორმაციო ბიულეტენს ავრცელებს
საერთო - სამოქალაქო მოძრაობა „მრავალეროვანი საქართველო“ საინფორმაციო ბიულეტენს ავრცელებს. საინფორმაციო ბიულეტენში აღწერილია
 გეგმური სამუშაოების გამო თბილისის ნაწილს ელექტრომომარაგება შეეზღუდება
გეგმური სარემონტო-პროფილაქტიკური სამუშაოების გამო თბილისის ნაწილს ხვალ ელექტრომომარაგება შეეზღუდება.
იმერეთში, აზიური ფაროსანას საწინააღმდეგო ღონისძიებების ფარგლებში, 7000 ჰექტარზე მეტი ფართობი დამუშავდა
აზიური ფაროსანას საწინააღმდეგო ღონისძიებების ფარგლებში, იმერეთის რეგიონში 7000 ჰექტარზე მეტი ფართობი დამუშავდა.
„თედექს თბილისის“ მეხუთე, საიუბილეო ღონისძიება 15 ოქტომბერს გაიმართება
”საქართველოს ბანკის” სათავო ოფისში #TEDxTbilisi 2017-ის შესახებ პრესკონფერენცია გაიმართა. ”საქართველოს ბანკი” უკვე მეხუთე წელია ღონისძიების
საქველმოქმედო საფეხბურთო მატჩში მსოფლიო ვარსკვლავებთან ერთად კახა კალაძეც ითამაშებს
საქველმოქმედო საფეხბურთო მატჩში მსოფლიო ვარსკვლავებთან ერთად ”ქართული ოცნების” თბილისის მერობის კანდიდატი კახა კალაძეც ითამაშებს.