არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
22-10-2017
პატრიარქი კავკასიის მუსლიმთა სამმართველოს სულიერ ლიდერს - საქართველოში 400-მდე მეჩეთი, ჯამე, სკოლები და გამომცემლობებია, იმედი გვაქვს, რომ ქართული დაწესებულებებიც თავისუფალი იქნება აზერბაიჯანში
14:21 21-04-2017
პატრიარქი კავკასიის მუსლიმთა სამმართველოს სულიერ ლიდერს - საქართველოში 400-მდე მეჩეთი, ჯამე, სკოლები და გამომცემლობებია, იმედი გვაქვს, რომ ქართული დაწესებულებებიც თავისუფალი იქნება აზერბაიჯანში საქართველოში 400-მდე მეჩეთი და ჯამე, სკოლები და გამომცემლობებია. ჩვენ იმედი გვაქვს, რომ ქართული კულტურული დაწესებულებები ასევე თავისუფალი არის და იქნება აზერბაიჯანში, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღეს საპატრიარქოში, კავკასიის მუსლიმთა სამმართველოს სულიერ ლიდერთან შეხვედრაზე განაცხადა.

პატრიარქი ამ წუთებში შეიხ ულ ისლამ ალაჰ შუქურ ფაშა-ზადეს დელეგაციის წევრებთან ერთად ხვდება.

შეხვედრაზე ასევე იმყოფება თბილისის მერი დავით ნარმანია, საკრებულოს თავმჯდომარე გიორგი ალიბეგაშვილი, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და სხვა პირები, მღვდელმთავრები. თავის მხრივ, კავკასიის მუსლიმთა სამმართველოს სულიერ ლიდერთან ერთად დელეგაციაში ასევე იმყოფება მოსკოვის საპატრიარქოს წარმომადგენელი, მთავარეპისკოპოსი ალექსანდრე.

უწმინდესის თქმით, მისი აღმატებულების, ფაშა-ზადეს ვიზიტი საქართველოში დიდი სიხარულია.

“ეს არ არის ჩვენი პირველი შეხვედრა, მრავალი წლის მანძილზე ჩვენ ვიცნობთ ერთმანეთს. ერთმანეთს მხარში ვედექით იმ დროს, როდესაც კომუპისტური რეჟიმი სუფევდა ჩვენს ქვეყნებში, იმ დროს, როდესაც რთული სიტუაცია იყო. ჩვენ მუდამ მხარში ვედექით ერთმანეთს”, - განაცხადა პატრიარქმა.

უწმინდესის თქმით, იგი მოხარულია, რომ ურთიერთობა, რომელიც წლების მანძილზე ორ ქვეყანას შორის არსებობდა, დღეს ვითარდება და ძლიერდება.

“მე მინდა ვთქვა, რომ აზერბაიჯანელ ხალხს სრული თავისუფლება აქვთ საქართველოში. 400-მდე მეჩეთი და ჯამეა საქართველოში, სკოლები, გამომცემლობები, ასევე იმართება მრავალი კულტურული ღონისძიება. ჩვენ იმედი გვაქვს, რომ ქართული კულტურული დაწესებულებები ასევე თავისუფალია და იქნება აზერბაიჯანში. ჩვენ მოხარული ვართ, რომ თქვენს დელეგაციაში იმყოფება მთავარეპისკოპოსი ალექსანდრე, მოსკოვის საპატრიარქოს წარმომადგენელი. მე კიდევ ერთხელ მოგესალმებით და გისურვებთ, რომ კეთილი იყოს თქვენი ჩამობრძანება საქართველოში. ეს უნდა გახდეს ახალი ხიდი ჩვენი ურთიერთობის”, - ბრძანა უწმინდესმა.

მასალის გამოყენების პირობები
სხვა სიახლეები
პატრიარქი - საქართველო არის ტახტი უფლისა და ჩვენ ვმადლობთ უფალს
საქართველო არის ტახტი უფლისა და ჩვენ ვმადლობთ უფალს, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ
„მრავალეროვანი საქართველო“ 21 ოქტომბრის თვითმმართველობის არჩევნების წინასწარ შეფასებას აქვეყნებს
„მრავალეროვანი საქართველოს“ მოკლევადიან დამკვირვებელთა აბსოლუტურ უმრავლესობას საშუალება მიეცა თავისუფლად განეხორციელებინა
CDD-ს სადამკვირვებლო მისია - არჩევნებმა სერიოზული ხარვეზებისა და დარღვევების გარეშე ჩაიარა
CDD-ს სადამკვირვებლო მისიის შეფასებით, 2017 წლის ადგილობრიივი თვითმმართველობის არჩევნებმა მშვიდ და ორგანიზებულ გარემოში,
თბილისის ცალკეულ უბნებში ავტოტრანსპორტით მოძრაობა აიკრძალება
22 ოქტომბერს, 08:00 საათიდან 14:00 საათამდე, თბილისის ცალკეულ უბნებში ავტოტრანსპორტით მოძრაობა აიკრძალება.
თბილისი მარათონი სტარტს დღეს, 08:30 საათზე თბილისის კლასიკურ გიმნაზიასთან აიღებს
ჰაიდელბერგცემენტის მიერ ორგანიზებული საერთაშორისო გარბენი თბილისი მარათონი 22 ოქტომბერს უკვე მეექვსედ გაიმართება და სტარტს
დიმიტრი ლორთქიფანიძეს სტენოკარდიული შეტევის გამო სასწრაფო დახმარება დასჭირდა
ბლოკ ”დემოკრატიული მოძრაობა - თავისუფალი საქართველოს” წევრ დიმიტრი ლორთქიფანიძეს გუშინ, სტენოკარდიული შეტევის გამო სასწრაფო დახმარება დასჭირდა.