არქივი
კურსი
კონვერტორი
USD
1 USD
2.4864
EUR
1 EUR
2.9344
RUB
100 RUB
4.3213
22-10-2017
„ჯორჯიან უოთერ ენდ ფაუერი“ თბილისის სრული მასშტაბით სერვისებს აფართოებს
16:08 21-04-2017
„ჯორჯიან უოთერ ენდ ფაუერი“ თბილისის სრული მასშტაბით სერვისებს აფართოებს “ჯორჯიან უოთერ ენდ ფაუერი” აფართოებს თავის სერვისებს თბილისის სრული მასშტაბით, ამჟამად წყალარინების მიმართულებით, - ამის შესახებ „ინტერპრესნიუსს“ „ჯორჯიან უოთერ ენდ ფაუერიდან“ აცნობეს.

მათივე ინფორმაციით, კომპანიას წყალარინების მაგისტრალური ქსელი თბილისის იმ ახალშემოერთებულ რაიონებში გაყავს, სადაც აქამდე აბონენტები არ ჰყავდა.

„სამგორის რაიონის იმ დასახლებებში, სადაც დღემდე არასოდეს ყოფილა წყალარინების სისტემა, ,,ჯორჯიან უოთერ ენდ ფაუერი“ წყალარინების მაგისტრალურ ქსელს მოაწყობს. სამუშაოების დასრულების შემდეგ კი თბილისის მერია გზის ახალ საფარს დააგებს“, - ნათქვამია ინფორმაციაში.
დღეს, მიმდინარე სამუშაოები თბილისის მერმა დავით ნარმანიამ და სამგორის რაიონის გამგებელმა გიორგი ბაგრატიონმა, ,,ჯორჯიან უოთერ ენდ ფაუერის“ გენერალურ დირექტორ გიორგი ცხადაძესთან და კომპანიის მენეჯმენტის სხვა წარმომადგენლებთან ერთად მოინახულეს.

„პროექტი 4 ეტაპიანია. ჯამში ,,ჯორჯიან უოთერ ენდ ფაუერი“ 12 კილომეტრზე მეტი სიგრძის წყალარინების სისტემას ააშენებს, რომელიც 35 000 აბონენტს მოემსახურება. კომპანია აღნიშნულ პროექტში 11 მლნ ლარის ინვესტიციას ახორციელებს. პროექტის პირველი ეტაპი 2016 წლის ოქტომბერში დაიწყო - იუმაშევის, რუსთაველის, ორახელაშვილის და მიმდებარე ქუჩებზე 3 კმ წყალარინების ქსელის და 55 საკანალიზაციო ჭის მოწყობა 2017 წლის ივნისში დასრულდება. სამუშაოების მეორე ეტაპზე აეროპორტის დასახლებაში 3კმ სიგრძის წყალარინების ქსელის მოწყობაა დაგეგმილი. პროექტის მესამე ეტაპი აეროპორტიდან ლილოს დასახლების მიმართულებით გაგრძელდება და 2 კმ სიგრძის წყალარინების ქსელი მოეწყობა. მეოთხე, საბოლოო ეტაპზე, ნასაგურში, წინუბანში, ლილოს დასახლებაში და ლილოს ბაზრობის ტერიტორიაზე 4.2 კმ სიგრძის ქსელი აშენდება. პროექტი 2018 წლის ბოლოს დასრულდება. სამგორის რაიონში, წყალარინების მაგისტრალური ქსელის მშენებლობა დედაქალაქის ურბანული განვითარებისთვის უმნიშვნელოვანესი პროექტია“, - ნათქვამია ინფორმაციაში.

InterPressNews.Ge
მასალის გამოყენების პირობები
სხვა სიახლეები
პატრიარქი - საქართველო არის ტახტი უფლისა და ჩვენ ვმადლობთ უფალს
საქართველო არის ტახტი უფლისა და ჩვენ ვმადლობთ უფალს, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ
„მრავალეროვანი საქართველო“ 21 ოქტომბრის თვითმმართველობის არჩევნების წინასწარ შეფასებას აქვეყნებს
„მრავალეროვანი საქართველოს“ მოკლევადიან დამკვირვებელთა აბსოლუტურ უმრავლესობას საშუალება მიეცა თავისუფლად განეხორციელებინა
CDD-ს სადამკვირვებლო მისია - არჩევნებმა სერიოზული ხარვეზებისა და დარღვევების გარეშე ჩაიარა
CDD-ს სადამკვირვებლო მისიის შეფასებით, 2017 წლის ადგილობრიივი თვითმმართველობის არჩევნებმა მშვიდ და ორგანიზებულ გარემოში,
თბილისის ცალკეულ უბნებში ავტოტრანსპორტით მოძრაობა აიკრძალება
22 ოქტომბერს, 08:00 საათიდან 14:00 საათამდე, თბილისის ცალკეულ უბნებში ავტოტრანსპორტით მოძრაობა აიკრძალება.
თბილისი მარათონი სტარტს დღეს, 08:30 საათზე თბილისის კლასიკურ გიმნაზიასთან აიღებს
ჰაიდელბერგცემენტის მიერ ორგანიზებული საერთაშორისო გარბენი თბილისი მარათონი 22 ოქტომბერს უკვე მეექვსედ გაიმართება და სტარტს
დიმიტრი ლორთქიფანიძეს სტენოკარდიული შეტევის გამო სასწრაფო დახმარება დასჭირდა
ბლოკ ”დემოკრატიული მოძრაობა - თავისუფალი საქართველოს” წევრ დიმიტრი ლორთქიფანიძეს გუშინ, სტენოკარდიული შეტევის გამო სასწრაფო დახმარება დასჭირდა.