არქივი
კურსი
კონვერტორი
USD
1 USD
2.7062
EUR
1 EUR
3.2112
RUB
100 RUB
4.6278
25-11-2017
გიორგი ტყემალაძე - ოთარ ფარცხალაძისთვის გადაცემულ გამწვანებულ მიწის ნაკვეთზე მშენებლობა არ განხორციელდება
17:55 19-05-2017
გიორგი ტყემალაძე - ოთარ ფარცხალაძისთვის გადაცემულ გამწვანებულ მიწის ნაკვეთზე მშენებლობა არ განხორციელდება ყოფილი მთავარი პროკურორის, ოთარ ფარცხალაძისთვის გადაცემულ გამწვანებულ მიწის ნაკვეთზე მშენებლობა არ განხორციელდება, - ამის შესახებ დღეს თბილისის საკრებულოს სხდომაზე საკრებულოს თავმჯდომარის მოადგილემ გიორგი ტყემალაძემ განაცხადა, რომელიც ამ განცხადებით საკრებულოს ოპოზიციონერი დეპუტატის, მარიკა დათუკიშვილის მიერ სხდომაზე დაყენებულ საკითხს გამოეხმაურა.

ამავე საკითხზე ოპოზიციონერ დეპუტატს ასევე ვრცლად უპასუხა საკრებულოს საფინანსო-საბიუჯეტო კომისიის თავმჯდომარე ჯაბა სამუშიამ. სამუშიას თქმით, ყოფილი პროკურორის, ოთარ ფარცხალაძისთვის მიწის მონაცვლეობის საკითხი საკრებულოში არა 2016 წელს, არამედ უფრო ადრე დაისვა. როგორც ჯაბა სამუშიამ განმარტა, ეს პროცესი 2014 წელს დაიწყო.

“რატომღაც ჩემი კოლეგები მედიით საუბრობენ, რომ მიწის ნაკვეთის გადაცვლა 2016 წელს მოხდა. ეს ტყუილია. ამ მიწის ნაკვეთთან დაკავშირებით მუშაობა 2014 წლის დეკემბერში დაიწყო და საკრებულომ აღნიშნულთან დაკავშირებით გადაწყვეტილება 2015 წლის 28 აპრილს მიიღო. შემდგომ ეს მიწის ნაკვეთი გადაეცა ეკონომიკის სამინისტროს. მინდა შეგახსენოთ, რომ იმ დროს თვითმმართველობას კანონით არ ჰქონდა უფლება, მსგავსი გათვლა განეხორციელებინა. კანონში ჩანაწერი ამის შესახებ რამდენიმე თვის შემდეგ განხორციელდა. მინდა მოგახსენოთ, რომ თუ 2015 წლის საკრებულოს გადაწყვეტილებით ჩვენ შპს “ბიესარ-სიდიჯი დეველოპმენტ”-ს გადავეცით თითქმის 9 ათასი კვადრატული მეტრი, 2015 წელს ეს ფართობი შემცირდა და დამატებით კომპანიამ თანხა გადაიხადა”, - განაცხადა ჯაბა სამუშიამ.

საკრებულოს უმრავლესობის წევრმა მიმართა კოლეგებს, კარგად წაიკითხონ დოკუმენტაცია. მისივე თქმით, ამ გადაწყვეტილებას საკრებულოში მხარს უჭერდნენ “ნაციონალური მოძრაობის” წევრებიც.

ჯაბა სამუშიას განმარტებით, “ბიესარ-სიდიჯი დეველოპმენტ”-ს “ნაციონალური მოძრაობის” პერიოდში წაართვეს ტერიტორია და ნაკვეთზე გზა გაიყვანეს.

ამ საკითხს სხდომაზე თბილისის საკრებულოს თავმჯდომარის მოადგილე გიორგი ტყემალაძეც გამოეხმაურა და ფრაქცია “ნაციონალური მოძრაობის” წევრ მარიკა დათუკიშვილის საპასუხოდ აღნიშნა, რომ აღნიშნულ გამწვანებულ ტერიტორიაზე მშენებლობა არ განხორციელდება. ტყემალაძის თქმით, საბოლოო გადაწყვეტილება მიღებული არ არის და ეს მოსახლეობის ინტერესების გათვალისწინებით მოხდება. დათუკიშვილს კი ტყემალაძემ მოუწოდა, დაინტერესდეს, რა ეტაპზეა ამ საკითხის განხილვა.

მასალის გამოყენების პირობები
სხვა სიახლეები
კახა კალაძე სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს
თბილისის მერი კახა კალაძე ბათუმში, სასტუმრო „ლეო გრანდში“ ხანძრის შედეგად დაღუპულთა ოჯახებს სამძიმარს უცხადებს.
გიორგი მარგველაშვილი - შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა
შეძრწუნებული ვარ ბათუმში დატრიალებული ტრაგედიის გამო, რომელსაც ადამიანების სიცოცხლე შეეწირა, - ამის შესახებ ნათქვამია საქართველოს პრეზიდენტის განცხადებაში ბათუმში, სასტუმრო
 ირაკლი კობახიძე ბათუმში ხანძრის შედეგად გარდაცვლილთა ოჯახებს უსამძიმრებს
საქართველოს პარლამენტის თავმჯდომარე ირაკლი კობახიძე ბათუმში, ხანძრის შედეგად გარდაცვლილთა ოჯახებს უსამძმრებს.
დედაქალაქის ანძა ნარინჯისფრად განათდა
გაერო-ს ქალთა ორგანიზაციის საქართველოს ოფისის ინიციატივითა და თბილისის მერიის მხარდაჭერით, დედაქალაქის ანძა ნარინჯისფრად განათდა.
ლორიკ მარშანიას დაბადებიდან 85 წლისადმი მიძღვნილი ხსოვნის საღამო გაიმართა
აფხაზეთის ავტონომიური რესპუბლიკის მთავრობის ორგანიზებით, ვალერი არქანიას სახელობის არტ-გალერეაში პოლიტიკოსის, მეცნიერისა და საზოგადო მოღვაწის, ვახტანგ გორგასლის I ხარისხის
უჩა ნანუაშვილი - სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი
სახელმწიფოს ჯერ კიდევ არ აქვს შემუშავებული ფემიციდის წინააღმდეგ ბრძოლის ერთიანი მექანიზმი, - ამის შესახებ საქართველოს სახალხო დამცველმა, უჩა ნანუაშვილმა,
თბილისის აბრეშუმის გზის ფორუმზე პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი ი ხიოჟუნი ი სიაოჭუნი იქნება
თბილისის აბრეშუმის გზის ფორუმზე, 28 ნოემბერს, პანელის „ვაჭრობის ხელშეწყობა სარტყელი და გზის ინიციატივები” ერთ-ერთი წევრი, მსოფლიო სავაჭრო ორგანიზაციის გენერალური დირექტორის
გია ჟორჟოლიანის ვარაუდით, უმრავლესობა ომბუდსმენის პოსტზე არასამთავრობოების მიერ წარდგენილი 4 კანდიდატის გარდა, სხვა კანდიდატურებსაც განიხილავს
დეპუტატ გია ჟორჟოლიანის ვარაუდით, საპარლამენტო უმრავლესობა სახალხო დამცველის პოსტზე არასამთავრობო ორგანიზაციების მიერ წარდგენილი
თოიძის სახელობის სამხატვრო სასწავლებლის ყოფილი შენობა იყიდება
პროექტის „50 ქონება შენი სასტუმროსთვის“ ფარგლებში, საქართველოს ეკონომიკისა და მდგრადი განვითარების სამინისტროს სახელმწიფო ქონების სააგენტომ,
ქართულ სტარტაპს „Forbes Startup 2017“- ის წოდება მიენიჭა
საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს სტარტაპს WiFisher-ს Forbes Startup 2017-ის წოდება მიენიჭა.