არქივი
კურსი
კონვერტორი
USD
1 USD
2.6890
EUR
1 EUR
3.1717
RUB
100 RUB
4.5384
21-11-2017
ილიას სახელმწიფო უნივერსიტეტსა და ”საქართველოს ინდუსტრიულ ჯგუფს” შორის ურთიერთთანამშრომლობის მემორანდუმი გაფორმდა
13:17 27-07-2017
ილიას სახელმწიფო უნივერსიტეტსა და ”საქართველოს ინდუსტრიულ ჯგუფს” შორის ურთიერთთანამშრომლობის მემორანდუმი გაფორმდა ილიას სახელმწიფო უნივერსიტეტსა და ”საქართველოს ინდუსტრიულ ჯგუფს” (”ჯი-აი-ჯი”) შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში, ”საქართველოს ინდუსტრიული ჯგუფი” ილიას სახელმწიფო უნივერსიტეტის სამაგისტრო პროგრამის ”ენერგეტიკის და მინერალური რესურსების მართვა და მდგრადი განვითარება” წარმატებულ სტუდენტებს შესაძლებლობას მისცემს, სწავლების მე-4 სემესტრის დასასრულს პრაქტიკა GIG-სთან აფილირებულ კომპანიებში გაიარონ. ასევე, GIG ილიას უნივერსიტეტის ენერგეტიკისა და მდგრადი განვითარების სივრცის მოწყობაში დაეხმარება (ვიზუალიზაცია, დემო მაკეტები), სადაც შესაბამისი ლექციები და შეხვედრები გაიმართება.

მემორანდუმს ხელი მოაწერეს შპს ”საქართველოს ინდუსტრიული ჯგუფის”გენერალურმა დირექტორმა ზურაბ გელენიძემ და ილიაუნის რექტორის მოადგილე ნინო დვალიძემ.

როგორც ილიაუნში განმარტავენ, აღნიშნული თანამშრომლობა მნიშვნელოვანი საწინდარია კვალიფიციური და წარმატებული სპეციალისტების მომზადებისთვის.

”საქართველოს ინდუსტრიული ჯგუფი” ერთ-ერთი ყველაზე მსხვილი ინდუსტრიული ჰოლდინგია საქართველოში. მისი ბიზნესპორტფელი მოიცავს ნახშირის მოპოვებას, ელექტროენერგიის გამომუშავებას (ჰიდრო, ბუნებრივ აირსა და ნახშირზე მომუშავე სადგურები), ბუნებრივი აირით ვაჭრობასა და უძრავი ქონების მართვას. ”საქართველოს ინდუსტრიული ჯგუფის” დამფუძნებელია დავით ბეჟუაშვილი.

როგორც ”საქართველოს ინდუსტრიული ჯგუფის” გენერალურმა დირექტორმა, ზურაბ გელენიძემ განაცხადა წარმატებულ სტუდენტებს ექნებათ საშუალება, რომ კომპანიის სპეციფიკურ ჯგუფებში, საწარმოებში დასაქმდნენ.

”ზოგადად, განათლების სექტორი საქართველოს ინდუსტრიული ჯგუფისთვის არის პრიორიტეტული მიმართულება და საკმაოდ აქტიურ ინვესტირებას ვახორციელებთ ამ დარგში. კონკრეტულად ილიას სახელმწიფო უნივერსიტეტთან თანამშრომლობა მოიცავს სამაგისტრო პროგრამის მეოთხე სემესტრის სტუდენტებისთვის საწარმოო პრაქტიკის გავლას კომპანიის სხვადასხვა საწარმოებში, მიმართულებების მიხედვით. ეს საშუალებას მისცემს სტუდენტებს მათი პროფესიული ცოდნა, განათლება და უნარ-ჩვევები გაიღრმაონ რეალურ საწარმო სივრცეში. ეს პროცესი სასარგებლო იქნება თავად კომპანიისთვის, ვინაიდან, დღესდღეობით დარგი სექტორის პროფესიონალების სერიოზულ დეფიციტს განიცდის. შესაბამისად, წარმატებულ სტუდენტებს ექნებათ საშუალება, რომ კომპანიის სპეციფიურ ჯგუფებში, საწარმოებში დასაქმდნენ”, - განაცხადა გელენიძემ.

ილიას სახელმწიფო უნივერსიტეტის რექტორის მოადგილის განვითარებისა და საგარეო ურთიერთობების მიმართულებით ნინო დვალიძის განცხადებით, ”ენერგეტიკისა და მინერალური რესურსების მართვის და მდგრადი განვითარების” პროგრამა იქნება პრაქტიკაზე ორიენტირებული.
”ენერგეტიკისა და მინერალური რესურსების მართვის და მდგრადი განვითარების” პროგრამა არის უნიკალური ქართულ საგანმანათლებლო სივრცეში, რომელიც მოამზადებს შესაბამისი დარგის სპეციალისტებს. ენერგეტიკისა და მინერალური რესურსების მართვა ქვეყნის მდგრადი განვითარების მნიშვნელოვანი ღერძია, ამიტომ ვფიქრობთ ძალიან მნიშვნელოვანია ამ კუთხით სპეციალისტების მომზადება, რომლებიც ითანამშრომლებენ როგორც კერძო სექტორთან, ისე არასამთავრობო და სახელმწიფო სექტორებთან. პროგრამა იქნება პრაქტიკაზე ორიენტირებული. დღეს გაფორმებული მემორანდუმი საშუალებას მოგვცემს ჩვენს სტუდენტებს მივცეთ შესაძლებლობა კერძო სექტორში, ”საქართველოს ინდუსტრიული ჯგუფის” შვილობილ კომპანიებში გაიარონ პრაქტიკა”, - განაცხადა ნინო დვალიძემ.

ახალი სამაგისტრო პროგრამა ანალიტიკური ცენტრის ”მსოფლიო გამოცდილება საქართველოსთვის და ენერგეტიკის და მდგრადი განვითარების ინსტიტუტის მხარდაჭერით შეიქმნა ილიას სახელმწიფო უნივერსიტეტში.

პროგრამის მხადამჭერები ”საქართველოს ინდუსტრიულ ჯგუფთან” ერთად არიან: საქართველოს ენერგეტიკის სამინისტრო, გარემოსა და ბუნებრივი რესურსების დაცვის სამინისტრო, ნავთობისა და გაზის კორპორაცია, საქართველოს მეცნიერებათა ეროვნული აკადემია, ენერგოეფექტურობის ცენტრი, საქართველოს ენერგეტიკისა და წყალმომარაგების მარეგულირებელი ეროვნული კომისია, კავკასიის სამთო ჯგუფი, საქართველოს ინდუსტრიული ჯგუფი.

მასალის გამოყენების პირობები
სხვა სიახლეები
სახალხო დამცველი რელიგიათა საბჭოს მიერ „ტოლერანტობის ქომაგის“ ჯილდოს გადაცემის საკითხზე დამატებით განმარტებას აკეთებს
საზოგადოების მაღალი ინტერესიდან გამომდინარე, სახალხო დამცველი უჩა ნანუაშვილი რელიგიათა საბჭოს მიერ 2017 წლის 16 ნოემბერს „ტოლერანტობის ქომაგის“ ჯილდოს გადაცემის საკითხზე
კლევერინგას ლექციების ფარგლებში საჯარო ლექციას თსუ-მ უმასპინძლა
კლევერინგას ლექციების ფარგლებში საჯარო ლექციას ივანე ჯავახიშვილის სახელობის თბილისის სახელმწიფო უნივერსიტეტმა უმასპინძლა. ლექციას თსუ რექტორი გიორგი შარვაშიძე, იუნისეფის
დედაქალაქის მერია და „ყაზტრანსგაზ-თბილისი“ ერთობლივ, მასშტაბურ სოციალურ კამპანიას - „მეტი უსაფრთხოებისთვის“ იწყებს
დედაქალაქის მერია და კომპანია „ყაზტრანსგაზ-თბილისი“ ზამთრის სეზონთან დაკავშირებით, ერთობლივ, მასშტაბურ სოციალურ კამპანიას - „მეტი უსაფრთხოებისთვის“ იწყებს.
მინისტრმა პარასპორტსმენებთან ერთად მიმდინარე სეზონი შეაჯამა
სპორტისა და ახალგაზრდობის საქმეთა მინისტრი ტარიელ ხეჩიკაშვილი, საქართველოს პარალიმპიური კომიტეტის პრეზიდენტთან, შალვა მაისურაძესთან და თბილისის საკრებულოს წევრ რატი იონათამიშვილთან ერთად,
კოსტავას ქუჩაზე პარკინგისთვის „ჯიბის“ მოწყობა მიმდინარეობს
კოსტავას ქუჩაზე, ტექნიკური უნივერსიტეტის მეორე კორპუსისა და „მაკდონალდსის“ მიმდებარე ტერიტორიაზე, პარკინგისთვის „ჯიბის“ მოწყობა მიმდინარეობს. აღნიშნულის შესახებ თბილისის
ლონდონში გალაკტიონ ტაბიძის დაბადებიდან 125 წლის იუბილე აღინიშნა
ლონდონში საქართველოს საელჩოს ინიციატივითა და თანაორგანიზებით, აზიის სახლმა გალაკტიონ ტაბიძის დაბადებიდან 125 წლის იუბილეს უმასპინძლა. ამის შესახებ „ინტერპრესნიუსს“ საგარეო საქმეთა
საქართველოს ეროვნულ მუზეუმსა და დავით ბეჟუაშვილის განათლების ფონდს შორის თანამშრომლობის მემორანდუმი გაფორმდება
საქართველოს ეროვნული მუზეუმის გენერალური დირექტორი დავით ლორთქიფანიძე და დავით ბეჟუაშვილის განათლების ფონდის მმართველი
პეკინისა და დოლიძის ქუჩებზე სკვერები მოეწყო
საბურთალოს რაიონში, პეკინის №2-სა და დოლიძის №10-ში სკვერები მოეწყო, - ამის შესახებ „ინტერპრესნიუსს“ თბილისის მერიიდან აცნობეს.
დეპუტატი კობა კობალაძე მოსახლეობას შეხვდა
კობა კობალაძე ავჭალაში ლიბანის N1-ში იმყოფებოდა, სადაც ავარიული კორპუსის აღდგენა-გამაგრების სამუშაობი დაათვალიერა.
სიმონ ჯანაშიას სახელობის მუზეუმში ცნობილი ლიტველი ფოტოგრაფის ნამუშევრების გამოფენა გაიხსნება
სიმონ ჯანაშიას სახელობის საქართველოს ეროვნულ მუზეუმში ცნობილი ლიტველი ფოტოგრაფისა და ფოტოგრაფიაში ლიტვური სკოლის ერთ-ერთი დამფუძნებლის,